אבזערוואציע: צען טויזנט מענטשן ביי א חתונה?!

[זאג א גוטס]

אבזערוואציע: צען טויזנט מענטשן ביי א חתונה?!

צווישן די אומצאליגע קאמענטארן אין די אלגעמיינע סאציאלע מידיע איבער די סאטמאר'ע חתונה, האט מערערע מאל ארויסגעשטארט די געהויבענע ברעמען און אומגלויבליכקייט איבער אזא ציפער משתתפים בלע"ה, באגלייט מיט אזוינע פראזן ווי "צען טויזנט מענטשן?! קוים וואס איך קען הונדערט מענטשן!" וכדומה.

דאס האט געברענגט צו אריינטראכטן, אבזערווירן, קומען צום אנערקענונג און זען די מציאות, אז די אידישע לעבן, און מ'קען זאגן אז נאכמער די חסיד'ישע לעבן, איז די געשמאקסטע 'סאשעל לייף'!


לאמיר רעדן גראדע ציפערן:

אין חדר האבן מיר געלערנט מיט בערך 25 קינדער אין א כתה.
מיר קענען לכה"פ 50 קינדער פון די אנדערע כתות, עלטער און יונגער.
ס"ה = 75 מענטשן.

אין ישיבה האבן מיר זיך באקענט מיט צווישן 50-250 נייע מענטשן. לאמיר אננעמען 100.
ס"ה האלטן מיר שוין ביי = 175

אונזער נאנטע משפחה, עלטערן, זיידעס/באבעס, געשוויסטער פון 2 צדדים, נעפיוס/ניסעס, איז א חשבון פון לכה"פ 40 מענטשן בלע"ה.
ס"ה = 215

קאזינס פון 4 צדדים, איז א חשבון פון לכה"פ אכציג מענטשן בלע"ה.
ס"ה = 295

אין בית המדרש קענען מיר לכה"פ 50 מענטשן, און ביי מנחה/מעריב אין א צווייטע שול קען מען נאך 50
ס"ה = 395

מענטשן פון די זעלבע קהלה, בערך 50
ס"ה = 445

לכה"פ בערך 20 שכנים
ס"ה = 465

מענטשן וועם מ'קען 'סתם אזוי', צב"ש מ'גריסט זיך לשנה טובה אויב מ'טרעפט זיך ליל ראש השנה, לכה"פ 50
ס"ה = 515

כולל/ארבעט באקענט מען זיך מיט לכה"פ 20 נייע מענטשן
ס"ה = 535 בליעה"ר

און די נאמבערס זענען גאר אונטערגעשאצט און נידריג, + איינער וואס דאוונט שבת אין א באזונדערע ביהמ"ד ווי אינדערוואכן און באקענט זיך מיט נאך מענטשן; אפגערעדט אויב יעדע תפלה איז ערגעץ אנדערש; געלערנט אין גרעסערע חדרים און ישיבות; קומט אויס אין די ארבעט זיך צו באקענען מיט צענדליגער צו הונדערטער מענטשן; האט א גרעסערע משפחה; גרעסערע קהלה וואו מ'קען זיך על כל פנים אויף צו שאקל-גריסן; וכהנה וכהנה רבות בלי עין הרע...

און די אלע מענטשן קענען מיר נישט בלויז 'אנאנים' פון א וועבזייטל (וואס פארדעם קען עקסטער צוקומען די צענדליגע חשוב'ע חברים דא אויפן וועלטל...), נאר מיט די אלע מענטשן טרעפן מיר זיך פנים אל פנים, און מיר האבן א געמיינזאמע שפראך צו שמועסן געשמאק און פארברענגן היימיש.

אויף די אנפראגע צו עטליכע שוועסטער-קינדער בעפאר א חגא וואס זיי גייען טון אין די עטליכע ליידיגע טעג? האבן רוב געענטפערט 'זיצן אינדערהיים און קוקן טי.ווי.', ממש געציילטע האבן געהאט א גרופע מיט וועם זיי גייען שפילן באל אדער ארויסגיין עסן וכדומה, און אפילו די איז עס מיט די זעלבע קליינע סירקל נאכאמאל און נאכאמאל.

וויפיל מאל זיצן מיר געשמאק נאכן דאווענען שבת אינדערפרי ביי א קידוש און פארברענגן געשמאק, ניטאמאל כאפנדיג וואסערע 'סאשעל לייף' מיר האבן יעצט?

וויפיל מאל גריסט מען אויפן וועג אהיים פון ביהמ"ד? אין אנדערע ווערטער, וויפיל 'באקאנטע' האסטו אלס באגעגנט אין דעם קורצן וועג?

אפגערעדט פון די באוואוסטע משל ווען מ'קומט אן אין עירפארט צו אין א פרעמדע מדינה און מ'פארשטייט זיך מיטן איד פון אנדערן עק וועלט.


לאמיר אלע זינגען צוזאמען:
אוי ווי גוט צו זיין א איד!!

[גרויסע עם הארץ]

זייער שיין ארויסגעברענגט די שיינקייט פון כלל ישראל.

איין קשיא: ווען דו קעסט א ניק, און דערנאך שטעלסטו צוזאם אז דו קענסט אים פון בית המדרש גייט אראפ די נאמבער?

[זאג א גוטס]

זייער שיין ארויסגעברענגט די שיינקייט פון כלל ישראל.

איין קשיא: ווען דו קעסט א ניק, און דערנאך שטעלסטו צוזאם אז דו קענסט אים פון בית המדרש גייט אראפ די נאמבער?

ווי צוגעענדיגט, די ציפערן זענען מלכתחלה אן מער צו די נידריגע זייט, אז מ'ברויך נישט אראפציפן אויב קומט אונטער אזא סינעריא

[שטומפיג]

זייער שיין און א אמת'ע נקודה!
דאס איז א חלק פון די סיבה פארוואס מיר האבן א הארד-טיים צו פאלאוען די סאושעל דיסטענסינג רעגולעישנס און פארוואס פאר די גוים און אינסטאנצן איז אומעגליך געווען עס צו פארשטיין.

[להודיע]

זייער ריכטיג.

אין ארץ ישראל איז שוין עטליכע מאל ארויסגעקומען מחקרים אז די חרדים זענען די מערסטע מאושרים, די גליקליכסטע, מערסט אפטעמיסטיש און צופרידנסטע געזעלשאפט אין לאנד. איינס פון די סיבות איז טאקע דאס "חיים קהילתיים".

[קרייסלער]

א גוי האט מיר אמאל געפרעגט וויפיל געשוויסטער(סיבלינגס בלע"ז) איך האב, נאכן הערן מיין אנטווארט פרעגט ער מיך מיט נייגער: ביסט אין גוטע טערמינען מיט זיי אלע???

כהאב געעפענט א פאר אויגן ווי צו פרעגן פארוואס נישט, זאגט ער מיר אז פון זיינע פינעף געשוויסטער (שוין היבש אסאך) איז ער צעקריגט מיט האלב פון זיי

[מים חיים]

זאגסט א גוטס

[פעיק ניוז]

פיין פיין

[קעדילעק]

שיינער געדאנק..

[הרבטייטעלבוים]

א גוי האט מיר אמאל געפרעגט וויפיל געשוויסטער(סיבלינגס בלע"ז) איך האב, נאכן הערן מיין אנטווארט פרעגט ער מיך מיט נייגער: ביסט אין גוטע טערמינען מיט זיי אלע???

כהאב געעפענט א פאר אויגן ווי צו פרעגן פארוואס נישט, זאגט ער מיר אז פון זיינע פינעף געשוויסטער (שוין היבש אסאך) איז ער צעקריגט מיט האלב פון זיי

מיט איינע איז ער נאר צוקריגט א האלבע.

[יש בו]

ער אליין איז די פיפטער, דאס מיינט אז ער איז צוקריגט מיט צוויי

[בשבילי נברא]

הערליכע געדאנק!

[אוראייניקל]

13642.gif (64.06 KiB) געזען 1335 מאל

[Programming]

די שכנים דאווענען געווענליך אינעם זעלבן ביהמ"ד

[טראכט נאר אביסל]

די שכנים דאווענען געווענליך אינעם זעלבן ביהמ"ד

דאס איז נאר אין די אפסטעיט שטעטלעך...

[KEWL]

זייער ריכטיגע דיבורים.

אשרינו אשרינו

[sky]

WOW

[זאג א גוטס]

די שכנים דאווענען געווענליך אינעם זעלבן ביהמ"ד

דאס איז נאר אין די אפסטעיט שטעטלעך...

פון די אנדערע זייט, די אפסטעיט שטעטלעך קען זיך די גאנצע שטאט איינער דעם צווייטן.

[זאג א גוטס]

ארויפגעברענגט לאור די לעצטע אנטוויקלונגען, ולאור דערבארומדיגער'ס עדיטאריעל "אשרינו מה טוב חלקינו!"