וואו איז באב טורנער אנטרינען???

אנאליזן און דעבאטעס

די אחראים: יאנאש,אחראי,געלעגער

והיתם נקיים
שר האלף
תגובות: 1476
זיך איינגעשריבן אום: מיטוואך אוגוסט 01, 2018 9:57 pm

וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך והיתם נקיים »

ווער געדענקט דען נישט די מאסיווע זיג וואס די רעפובליקען פארטיי האבן אפגעהאלטן אינעם טיף דעמאקראטישן ניו יארק סיטי מיט בלויז ניין יאר צוריק???

א מערהייט פונעם ציבור דא געדענקען אודאי, ווען א רעפובליקאנער ביזנעסמאן מיט'ן נאמען באב טורנער - אן קיין שום פאליטישע ערפארונג פון פריער - האט באזיגט דעם דעמאקראטישע אסעמבלימאן דעוויד וועפרין אין די ספעציעלע וואל פארמעסט פאר'ן אפענעם קאנגרעס זיץ פון וועלכן ענטאני ווינער האט רעזיגנירט נאך פרעזענליכע סקאנדאלן.

דער ניינטער קאנגרעס זיץ אין ניו יארק - א זיץ וועלכער איז לאקירט אין סאמע צענטער פונעם דעמאקראטישן פעסטונג "ניו יארק סיטי", און א זיץ וואס איז געווען אין דעמאקראטישע הענט פאר באלד ניינציג יאר אן איבעררייס - איז פון איין מינוט אויפ'ן צווייטן אריבער אין רעפובליקאנער הענט!

וויאזוי דאס איז געשען איז נישט קיין סוד. ארטאדאקסישע און אנדערע גרופעס פון אידן וועלכע זענען שטארק גענויגט צו שטיצן רעפובליקאנער איבער דעמאקראטן האבן אויסגעמאכט א ריזיגע טייל פון יענע דיסטריקט, און אין א ספעציעלע וואל פארמעסט - וואס ברענגט געווענליך ארויס פיל ווייניגער וויילער - זענען זיי געווען גענוג שטארק איבערצודרייען דעם דיסטריקט.

דער דיסטריקט וואס איר אמטירנדער דעמאקראטישער קאנגרעסמאן האט ניטאמאל געהאט קיין קעגנער פון די רעפובליקאנען פארטיי אין 2008, און באראק אבאמא האט דארט באזיגט דזשאן מעקעין מיט אזויפיל ווי 69% (%84 צו %15), האט שוין אין די 2010 פארמעסט יא געהאט באב טורנער וועלכער איז געלאפן אויפ'ן רעפובליקאנער טיקעט באקומענדיג איבער 39%, און זיבן חדשים שפעטער ווען ווינער האט געמאלדן אז ער רעזיגנירט פון דעם זיץ איז ער נאכאמאל געלאפן פאר דעם אפענעם זיץ, און דאסמאל האט ער שוין באקומען דארט באלד 52% באזיגנדיג דעם דעמאקראטישן אסעמבלימאן וועפרין מיט איבער 5%.

אלזא שטעלט זיך די ברענעדיגע פראגע: וואו איז דער באב טורנער אנטרינען געווארן פון די פאליטישע מאפע? האבן דען די דעמאקראטן געקענט ארויסשליידערן אן אינקאמבענט קאנגרעסמאן וואס האט געהאט גענוג שטיצע אינעם דיסטריקט צו געווינען דעם זיץ אינעם ערשטן פלאץ?

די תירוץ איז איין ווארט: רעדיסטריקטינג!

ממש אין יענע תקופה נאך דעם געוואונס זענען די שטאטישע טאטעס געזיצן און מטכס עצה געווען וויאזוי צו שניידן פרישע קאנגרעסיאנאלע דיסטריקטן נאכ'ן צענזוס פון 2010, און אזויווי ניו יארק האט פארדעם געהאט 29 קאנגרעס זיצן, און לויט די נייע ציילונג איז זיך איר געקומען בלויז 27 זיצן, האט מען געדארפט באשליסן וועלכע זיצן ס'זאלן ווערן אוועקגעשניטן צו ווערן אריינגעשמאלצן אין אנדערע דיסטריקטן.

די פראצעדור איז פארשטייט זיך א פאליטישע, ווייל געוואנדן אין וויאזוי מ'שניידט די דעסטריקטן קענען פארטייען אויסשטיין צו פארדינען אדער פארלירן.

אריינצושמעלצן א דיסטריקט וואס איז ביים קעגנערישן פארטיי אין עטליכע שכינות'דיגע דיסטריקטן וואס זענען פארזיכערט צו בלייבן ביי די אייגענע פארטיי איז די חלום פון יעדע פארטיי, ווייל דאס איז א זיכערע וועג גלייך אוועקצונעמען א זיץ פונעם קעגנערישן פארטיי אנדעם וואס מ'זאל אפילו אדורכגיין די קאפוויי פון א וואל פארמעסט.

אזויווי ניו יארק איז דאן נישט געווען אינגאנצן קאנטראלירט ביי די דעמאקראטן, האבן זיי נישט געקענט טוהן מה שלבם חפץ, נאר זיי האבן זיך געדארפט אדורכקומען מיט די רעפובליקאנער, און אזויווי די צאל פון זיצן וואס מ'האט געדארפט אוועקשניידן זענען געווען צוויי, זענען זיך די צוויי זייטן אויסגעקומען אז מ'וועט געבן פאר יעדע פארטיי איין זיץ צו קענען אוועקשניידן.

און וואס מיינט איר? די דעמאקראטישע פארטיי האט באשלאסן אז די בעסטע וועט זיין פאר זיי אוועקצושניידן דעם ניינטן קאנגרעסיאנאלע דיסטריקט און אריינשמעלצן אירע איינוואוינער אין עטליכע שטארק-טונקל-בלויע דיסטריקטן אין איר שכינות, אזוי אז די רעפובליקאנער וועלן מער נישט קענען טראכטן אפילו פון אריינוועלן א קאנגרעס מיטגליד אין יענעם ראיאן.

איז לאמיר טראכטן א מינוט: די דעמאקראטן האבן געהאט א געלעגנהייט צו אפשוואכן די כח פון זייערע פאליטישע קעגנער, און ווי יעדע פאליטישע פארטיי מיט אזא געלעגנהייט האבן זיי עס נישט ארויסגעלאזט פון זייערע הענט.

אבער ווען מ'קוקט נישט פון א פאליטישן פערספעקטיוו, נאר פון א קאמיוניטי פערספעקטיוו, וועמנ'ס כח איז געווארן אפגעשוואכט מיט דעם וואס די איינוואוינער פון יענעם דיסטריקט זענען געווארן צישפליטערט צו עטליכע דיסטרקיטן? די כח פון די איינוואוינער אין יענעם (געוועזענעם) דיסטריקט וועלכע האבן געמיינזאמע אינטערעסן!

יעצט אז זייערע שאנסן אויסצומאכן עפעס אין א קאנגרעס פארמעסט איז ממש נול, איז ממש נישטא דער קאנגרעס קאנדידאט וואס דארף אפילו קוקן אויף זייער זייט, ווייל די איינציגסטע שפראך וואס פאליטיקאנטן פארשטייען איז די שרעק פון פארלירן וואלן.

און פארוואס האט בארא פארק פארלוירן איר כח צו האבן סיי וועלכע איינפלוס אויף סיי וועלכע פארטיי אין ניו יארק? ווייל זי האט געוויזן פאר די דעמאקראטן וואס זיי קענען, און די דעמאקראטן האבן זיך טאקע דערשראקן!

דערפאר האבן נישט דזשערי נאדלער אדער פרוי קלארק מורא אז זיי וועלן פארלירן זייערע אויב דער חרדי'שער ציבור וועט שטימען קעגן זיי, און די רעפובליקאנער ווייסן אויך אז חרדי'שע אידן קענען זיי נישט ברענגען קיין שום זיץ אינעם קאנגרעס אין ניו יארק סיטי.

---

די אויבנדערמאנטע איז בעצם נאר איין געשיכטע וואס מיר האבן געברענגט אלס משל, אבער יעצט קומט שוין נאכאמאל די תקופה ווען מ'גייט פון פריש שניידן דיסטריקטן צו רעפלעקטירן די 2020 צענזוס ציילונג.

די דיסטריקטן וואס מ'שניידט זענען נישט נאר פאר קאנגרעס זיצן, נאר זיי זענען אויך פאר סטעיט סענאט זיצן, סטעיט אסעמבלי זיצן, און אין ניו יארק סיטי זענען זיי אויך פאר סיטי קאונסיל זיצן.

אלזא, לאמיר זיך אפשטעלן א מינוט צו טראכטן וואסערע שאדן מיר מאכן פאר זיך זעלבסט ווען מיר גייען שיקן א "מעסעדזש" צו ניו יארקער דעמאקראטן, א מעסעדזש אז וואס? אז מיר זענען זייערע פאליטישע שונאים וועמענ'ס כח זיי זאלן וועלן אפשוואכן?

מיט צען יאר צוריק האבן נאך די רעפובליקאנער געהאט א כח אין דעם פראצעס, אבער יעצט זענען די דעמאקראטן אינגאנצן ביי די מאכט! זיי גייען קענען טוהן ממש כאות לבם אין דעם פעלד, אין די איינציגסטע השתדלות וואס מער קענען טוהן בדרך הטבע איז, צו שיקן א מעסעדזש פאר ניו יארקער דעמאקראטן אז מיר זענען נישט דוקא פאליטיש אפיליאירט מיט די רעפובליקען פארטיי, און אז זיי דארפן נישט מורא האבן אז האלטן אונזערע קאמיוניטיס אינאיינעם וועט געבן געווינסן פאר רעפובליקאנער.

---

אויב וויליאמסבורג - למשל - וועט שטימען שטארק רויט אינעם פרעזידענטליכן פארמעסט, און נאך אויך זיך אפהאלטן פון שטימען פאר'ן זיכערן געווינער אינעם אסעמבלי פארמעסט בלויז ווייל זי איז א דעמאקראט, דאן פארוואס זאלן די שטאטישע טאטעס נישט צושניידן ווליאמסבורג אין עטליכע דיסטריקטן זיכער צו מאכן אז אונזערע שטימען זאלן גיין אין מיסט???

אויסער דעם וואס דאס וועט מיינען אז אונזערע שאנסן אריינצוברענגען א "הייליגע רעפובליקאנער" וועט זיין אינגאנצן נול (ואם כן מה העילו חכמים בתקנתם?) - נאך ערגער ווי יעצט, ווען ס'איז כמעט נול - וועט עס דאך מאכן אז קיין איין פאליטיקאנט - פון סיי וועלכע פארטיי - וועט נישט זיין אנגעוויזן אויף אונזערע שטימען, און וועט זיך דערפאר בכלל נישט קימערן מיט אונזערע גאר אייגנארטיגע אינטערעסן מיט וואס קיינער זוכט זיך נישט צו קימערן דערמיט סתם צו שטופן די צייט.

איך בין בעצם זייער א שטארקע אדוואקאט פאר די וויכטיגקייט פון גיין שטימען, אבער בכגון דא קען גאר זיין אז נישט ארויסגיין שטימען איז אפילו בעסער ווי שטימען פאר א רעפובליקאנער, ווייל א קאמיוניטי וואס שטימט נישט פעלט נישט אויס צו צושניידן אין עטליכע דיסטריקטן, ווייל זיי ברענגען זיך שוין אליינס אונטער...

איך שלאג בשום אופן נישט פאר אז דער וואס וויל נישט שטימען פאר א דעמאקראט זאל נישט גיין שטימען, ווייל מ'קען אייביג אריינשרייבן סיי וועלכע נאמען אויפ'ן בעלאט, און דער רייט-אין איז געווענליך אויך ערליכער ווי דער רעפובליקאנער קאנדידאט... (און יענץ איז אייגענטליך נאך די שטערקסטע מעסעדזש אז מיר זענען נישט צופרידן מיט די סטאטוס קווא פון ביידע פארטייען).

---

איך גלייב אז די פשוט'ע חשבון ליגט אויפ'ן געוויסן פון יעדע פארשטענדליכע עסקן, אבער פון די אנדערע בין איך חושד אז גארנישט גייט נישט געטוהן ווערן אין יענע וויכטיגע דירעקציע, ווייל די עסקנים שפייען דאך בלוט יעדע מאל וואס זיי הייסן שטימען פאר'ן דעמאקראט, און נאכדערצו ביי א פרעזידענטליכע פארמעסט ווען דער ציבור איז אזוי אנגעהיצט.

און לכבוד דעם וועלן נאך זיין דא אויף אייוועלט צענדליגער בלעטער מיט שווערע הונדערטער תגובות מיט אויפברויז קעגן די רשעות'דיגע רעגירונג וואס רודפ'ט אונז נאר ווייל "די לינקע האבן פיינט ערליכע אידן"...

אבער פארשטייט זיך אז יעדער פאר זיך קען אליינס מאכן דעם חשבון און "שטימען מיט מחשבה" צו כאטש עטוואס קלענער מאכן די "רויטע כוואליע" אין די היימישע געגנטער (אין בלויע סטעיטס), בכדי נישט צו גורם זיין שלעכטס פאר זיך אליינס דורכ'ן ארויסרופן דעם אייזל פון וואלד אונז צו פארטיליגן ח"ו.
פאר אונזער קיום אין גלות איז וויכטיג אז דער גוי זאל דולדן שמוץ, צוליב וואס ביים גוי זענען מיר 'שמוציגע יודן'.

און אויב איר האלט אז קדושת הגוי קומט פאר אונזער קיום אין גלות, דאן קענט איר נישט זיין אקעי מיט די הפקרות'דיגע צוגאנג פון 'רעליגיעזע פרייהייט'.
אוועטאר
זיסע פיש
שר האלף
תגובות: 1323
זיך איינגעשריבן אום: מיטוואך מאי 06, 2020 11:36 pm

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך זיסע פיש »

אויב דענק איך גיט דארף מען האבן מער ווי רוב אין די סטעיט סענאט אין די דעמעקראטן דארפן ציקימען צי איין ריפאפליקאנער אין אויך די שטיצע פין די דעמיקראט ר שמחה פעלדער
וידגו לרב בקרב הארץ.
אוועטאר
סטאוו יא פיטא
שר עשרת אלפים
תגובות: 19773
זיך איינגעשריבן אום: דאנערשטאג מאי 07, 2020 9:24 am

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך סטאוו יא פיטא »

די טענה קען זיין ריכטיג, די שאלה איז אויב איז דאס טאקע אלעס וואס דיסייד רידיסטריקטינג?

לעצם הענין דארף מען וויסן אפילו לו יהא די טענה איז ריכטיג, און וואס איז מיט הכרת הטוב, האי מיני׳ עדיף?
הנה אנכי שולח מלאך. זאגט רש"י כאן נתבשרו שעתידין לחטוא. די בשורה איז געווען אז אעפ"י שיחטאו לא תסתלק שכינה מביניהם, אזוי ווי די תרגום טייטשט כי לא אעלה בקרבך; לא אסלק שכינתי מבינך!
א פיין שמועס
שר חמש מאות
תגובות: 506
זיך איינגעשריבן אום: מיטוואך דעצעמבער 11, 2019 4:47 pm

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך א פיין שמועס »

והיתם נקיים האט געשריבן:

אין אנדערע ווערטער, מען זאל נישט ארויססיין שטימען ווייל אויב יא, וועט מען רידיסטריקטן און אונזער שטימע וועט נישט געהערט ווערן. קען מיר איינער ביטע מסביר זיין די לאגיק?!
לעצט פארראכטן דורך א פיין שמועס אום דינסטאג אקטאבער 27, 2020 1:45 pm, פארראכטן געווארן 1 מאל.
ר' יום טוב
שר שלשת אלפים
תגובות: 3540
זיך איינגעשריבן אום: זונטאג סעפטעמבער 20, 2015 12:58 pm

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך ר' יום טוב »

איר האט נישט קיין אנונג וויאזוי רעדיסטריקינג ארבעט.

לויטן סטעיט געזעץ אדורכגעפירט אין 2012, גייט זיין א זעלבסטשענדיגע קאמיסיע, און עס גייט נישט זיין אין קאנטראל פון פאליטישאן'ס.
אוועטאר
נקודהלע
שר ששת אלפים
תגובות: 6503
זיך איינגעשריבן אום: דאנערשטאג נאוועמבער 07, 2019 10:58 pm

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך נקודהלע »

סטאוו יא פיטא האט געשריבן:די טענה קען זיין ריכטיג, די שאלה איז אויב איז דאס טאקע אלעס וואס דיסייד רידיסטריקטינג?

לעצם הענין דארף מען וויסן אפילו לו יהא די טענה איז ריכטיג, און וואס איז מיט הכרת הטוב, האי מיני׳ עדיף?

לפע"ד דארף מען גיין מיט די רבנים און עסקנים. און וואויטן פאר טראמפ און אין לאנג איילענד פארן דעמעקראט. אבער כלל ישראל איז שוין צוגעוואוינט פון די מיעוט וואס מאכט נויז און גייט נישט מיט מיטן דעת תורה...
ימים ידברו האט זיך קיינמאל געזאגט אזוי ריכטיג ווי היינט
אוועטאר
מים חיים
שר ארבעת האלפים
תגובות: 4973
זיך איינגעשריבן אום: דאנערשטאג יולי 14, 2016 12:08 pm

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך מים חיים »

נקודהלע האט געשריבן:
סטאוו יא פיטא האט געשריבן:די טענה קען זיין ריכטיג, די שאלה איז אויב איז דאס טאקע אלעס וואס דיסייד רידיסטריקטינג?

לעצם הענין דארף מען וויסן אפילו לו יהא די טענה איז ריכטיג, און וואס איז מיט הכרת הטוב, האי מיני׳ עדיף?

לפע"ד דארף מען גיין מיט די רבנים און עסקנים. און וואויטן פאר טראמפ און אין לאנג איילענד פארן דעמעקראט. אבער כלל ישראל איז שוין צוגעוואוינט פון די מיעוט וואס מאכט נויז און גייט נישט מיט מיטן דעת תורה...

ליידער
אוועטאר
סטאוו יא פיטא
שר עשרת אלפים
תגובות: 19773
זיך איינגעשריבן אום: דאנערשטאג מאי 07, 2020 9:24 am

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך סטאוו יא פיטא »

איז דא א עמטליכע הוראה פון מנהיגי העדה צי ארויסגיין שטימען פאר טראמפ?
הנה אנכי שולח מלאך. זאגט רש"י כאן נתבשרו שעתידין לחטוא. די בשורה איז געווען אז אעפ"י שיחטאו לא תסתלק שכינה מביניהם, אזוי ווי די תרגום טייטשט כי לא אעלה בקרבך; לא אסלק שכינתי מבינך!
עכט היימיש
שר ארבעת האלפים
תגובות: 4289
זיך איינגעשריבן אום: זונטאג מארטש 04, 2018 2:40 pm

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך עכט היימיש »

נקודהלע האט געשריבן:
סטאוו יא פיטא האט געשריבן:די טענה קען זיין ריכטיג, די שאלה איז אויב איז דאס טאקע אלעס וואס דיסייד רידיסטריקטינג?

לעצם הענין דארף מען וויסן אפילו לו יהא די טענה איז ריכטיג, און וואס איז מיט הכרת הטוב, האי מיני׳ עדיף?

לפע"ד דארף מען גיין מיט די רבנים און עסקנים. און וואויטן פאר טראמפ און אין לאנג איילענד פארן דעמעקראט. אבער כלל ישראל איז שוין צוגעוואוינט פון די מיעוט וואס מאכט נויז און גייט נישט מיט מיטן דעת תורה...

דיין רבי/רב האט געהייסן שטימען פאר טראמפ? דיין קהילה כאטש? מיינס נאכנישט.
איך האב מיט דעם קיין שיכות, נישט ווייל איך האב עפעס אקעגן דעם, און נישט ווייל עס איז אקעגן מיין שיטה, נאר פשוט וויל עס איז נישט "היימיש".

וואס מיינט היימיש? היימיש!
אוועטאר
נקודהלע
שר ששת אלפים
תגובות: 6503
זיך איינגעשריבן אום: דאנערשטאג נאוועמבער 07, 2019 10:58 pm

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך נקודהלע »

סטאוו יא פיטא האט געשריבן:איז דא א עמטליכע הוראה פון מנהיגי העדה צי ארויסגיין שטימען פאר טראמפ?

אויך אלס א תשובה פאר די קומענדיגע.
ר' שמואל האט קלאר אזוי געזאגט.
קיין איין עסקן האב איך נאך נישט געהערט זאגן צו וואויטן פאר ביידען.
איינער האט מיר געזאגט אז ס'איז אויך געווען א בריוו דערוועגן פון נאך ראשי ישיבות. כ'בין נישט זיכער דערמיט (לויט ווי ער האט געזאגט איז עס געווען ר' שמואל מיט די לעקוואדע ראשי ישובות, אבער ווי געזאגט האב איך עס נישט געזען)
מיין קהילה האט נאכנישט געזאגט - אבער זיי גייען כמעט זיכער זאגן נענטער צו די אלעקשאנס. (פאריגע מאל האבן זיי געזאגט קלינטאן)
כ'גלייב אז ס'גייט נאך זיין אפציעלע בריוון, ימים ידברו.
ימים ידברו האט זיך קיינמאל געזאגט אזוי ריכטיג ווי היינט
אוועטאר
סטאוו יא פיטא
שר עשרת אלפים
תגובות: 19773
זיך איינגעשריבן אום: דאנערשטאג מאי 07, 2020 9:24 am

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך סטאוו יא פיטא »

נקודהלע האט געשריבן:
סטאוו יא פיטא האט געשריבן:איז דא א עמטליכע הוראה פון מנהיגי העדה צי ארויסגיין שטימען פאר טראמפ?

אויך אלס א תשובה פאר די קומענדיגע.
ר' שמואל האט קלאר אזוי געזאגט.
קיין איין עסקן האב איך נאך נישט געהערט זאגן צו וואויטן פאר ביידען.
איינער האט מיר געזאגט אז ס'איז אויך געווען א בריוו דערוועגן פון נאך ראשי ישיבות. כ'בין נישט זיכער דערמיט (לויט ווי ער האט געזאגט איז עס געווען ר' שמואל מיט די לעקוואדע ראשי ישובות, אבער ווי געזאגט האב איך עס נישט געזען)
מיין קהילה האט נאכנישט געזאגט - אבער זיי גייען כמעט זיכער זאגן נענטער צו די אלעקשאנס. (פאריגע מאל האבן זיי געזאגט קלינטאן)
כ'גלייב אז ס'גייט נאך זיין אפציעלע בריוון, ימים ידברו.

דער כותב דא רעד נישט פון וואוטען פאר ביידען נאר נישט גיין שטימען אינגאנצן...
הנה אנכי שולח מלאך. זאגט רש"י כאן נתבשרו שעתידין לחטוא. די בשורה איז געווען אז אעפ"י שיחטאו לא תסתלק שכינה מביניהם, אזוי ווי די תרגום טייטשט כי לא אעלה בקרבך; לא אסלק שכינתי מבינך!
אוועטאר
no way
שר חמש מאות
תגובות: 874
זיך איינגעשריבן אום: זונטאג אוגוסט 23, 2020 2:56 pm
לאקאציע: בית המדרש הגדול

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך no way »

;l;p- ;l;p- ;l;p- ;l;p- ;l;p- ;l;p-
נישט מסכים!

SOME PEOPLE ARE SO POOR ALL THEY HAVE IS MONEY
אוועטאר
יש בו
שר ארבעת האלפים
תגובות: 4464
זיך איינגעשריבן אום: זונטאג אוגוסט 12, 2018 5:53 pm

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך יש בו »

דאס איז די אלטע נערעטיוו פון די דעמאקראטן אז אויב זיי מאכן ענק פאר איינעם איז יענער שולדיג ווייל ער האט זיי אויפגערעגט,

און אפשר ביסטו מיר מסביר די חילוק פון כמעט נול ביז נול?
על הצד אז זיך ארויסשטעלן אלץ א בלאק וואויט אין די פעדעראלע עלעקשן גיט זיי באדערן מוזטו בעל כרחך איינזעצן אז נישט די עקשועל אריינוואויטן באדערט זיי נאר דאס איז עפעס א כבוד זאך,
אויב אזוי ווי אזוי קענען זיי דאס צוברעכן מיטן רעדיסטריקטינג?
The Divided States Of America
אוועטאר
no way
שר חמש מאות
תגובות: 874
זיך איינגעשריבן אום: זונטאג אוגוסט 23, 2020 2:56 pm
לאקאציע: בית המדרש הגדול

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך no way »

וורייט אין איז די איינצוגסטע אפשען
נישט מסכים!

SOME PEOPLE ARE SO POOR ALL THEY HAVE IS MONEY
אוועטאר
נקודהלע
שר ששת אלפים
תגובות: 6503
זיך איינגעשריבן אום: דאנערשטאג נאוועמבער 07, 2019 10:58 pm

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך נקודהלע »

סטאוו יא פיטא האט געשריבן:
נקודהלע האט געשריבן:
סטאוו יא פיטא האט געשריבן:איז דא א עמטליכע הוראה פון מנהיגי העדה צי ארויסגיין שטימען פאר טראמפ?

אויך אלס א תשובה פאר די קומענדיגע.
ר' שמואל האט קלאר אזוי געזאגט.
קיין איין עסקן האב איך נאך נישט געהערט זאגן צו וואויטן פאר ביידען.
איינער האט מיר געזאגט אז ס'איז אויך געווען א בריוו דערוועגן פון נאך ראשי ישיבות. כ'בין נישט זיכער דערמיט (לויט ווי ער האט געזאגט איז עס געווען ר' שמואל מיט די לעקוואדע ראשי ישובות, אבער ווי געזאגט האב איך עס נישט געזען)
מיין קהילה האט נאכנישט געזאגט - אבער זיי גייען כמעט זיכער זאגן נענטער צו די אלעקשאנס. (פאריגע מאל האבן זיי געזאגט קלינטאן)
כ'גלייב אז ס'גייט נאך זיין אפציעלע בריוון, ימים ידברו.

דער כותב דא רעד נישט פון וואוטען פאר ביידען נאר נישט גיין שטימען אינגאנצן...

ריכטיג, כ'האב מיך באצויגן צי דיר און צי די נעקסטע תגובה, נישט צום פותח האשכול.

אבער אין מיין תשובה זעסטו אויך אז די עסקנים בעטן אז מ'זאל וואויטן פאר טראמפ און נישט בלייבן אינדערהיים.
ימים ידברו האט זיך קיינמאל געזאגט אזוי ריכטיג ווי היינט
אוועטאר
נקודהלע
שר ששת אלפים
תגובות: 6503
זיך איינגעשריבן אום: דאנערשטאג נאוועמבער 07, 2019 10:58 pm

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך נקודהלע »

no way האט געשריבן:וורייט אין איז די איינצוגסטע אפשען

וואס איז שלעכט פון ביידען?
אז דו ווילסט נישט ווייזן קיין הכרת הטוב, כ'זע נישט קיין עכטע סיבה נישט צו שרייבן ביידען.
ימים ידברו האט זיך קיינמאל געזאגט אזוי ריכטיג ווי היינט
mosheyahoo
שר מאה
תגובות: 223
זיך איינגעשריבן אום: מיטוואך נאוועמבער 11, 2015 12:22 pm

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך mosheyahoo »

והיתם נקיים האט געשריבן:ווער געדענקט דען נישט די מאסיווע זיג וואס די רעפובליקען פארטיי האבן אפגעהאלטן אינעם טיף דעמאקראטישן ניו יארק סיטי מיט בלויז ניין יאר צוריק???

א מערהייט פונעם ציבור דא געדענקען אודאי, ווען א רעפובליקאנער ביזנעסמאן מיט'ן נאמען באב טורנער - אן קיין שום פאליטישע ערפארונג פון פריער - האט באזיגט דעם דעמאקראטישע אסעמבלימאן דעוויד וועפרין אין די ספעציעלע וואל פארמעסט פאר'ן אפענעם קאנגרעס זיץ פון וועלכן ענטאני ווינער האט רעזיגנירט נאך פרעזענליכע סקאנדאלן.

דער ניינטער קאנגרעס זיץ אין ניו יארק - א זיץ וועלכער איז לאקירט אין סאמע צענטער פונעם דעמאקראטישן פעסטונג "ניו יארק סיטי", און א זיץ וואס איז געווען אין דעמאקראטישע הענט פאר באלד ניינציג יאר אן איבעררייס - איז פון איין מינוט אויפ'ן צווייטן אריבער אין רעפובליקאנער הענט!

וויאזוי דאס איז געשען איז נישט קיין סוד. ארטאדאקסישע און אנדערע גרופעס פון אידן וועלכע זענען שטארק גענויגט צו שטיצן רעפובליקאנער איבער דעמאקראטן האבן אויסגעמאכט א ריזיגע טייל פון יענע דיסטריקט, און אין א ספעציעלע וואל פארמעסט - וואס ברענגט געווענליך ארויס פיל ווייניגער וויילער - זענען זיי געווען גענוג שטארק איבערצודרייען דעם דיסטריקט.

דער דיסטריקט וואס איר אמטירנדער דעמאקראטישער קאנגרעסמאן האט ניטאמאל געהאט קיין קעגנער פון די רעפובליקאנען פארטיי אין 2008, און באראק אבאמא האט דארט באזיגט דזשאן מעקעין מיט אזויפיל ווי 69% (%84 צו %15), האט שוין אין די 2010 פארמעסט יא געהאט באב טורנער וועלכער איז געלאפן אויפ'ן רעפובליקאנער טיקעט באקומענדיג איבער 39%, און זיבן חדשים שפעטער ווען ווינער האט געמאלדן אז ער רעזיגנירט פון דעם זיץ איז ער נאכאמאל געלאפן פאר דעם אפענעם זיץ, און דאסמאל האט ער שוין באקומען דארט באלד 52% באזיגנדיג דעם דעמאקראטישן אסעמבלימאן וועפרין מיט איבער 5%.

אלזא שטעלט זיך די ברענעדיגע פראגע: וואו איז דער באב טורנער אנטרינען געווארן פון די פאליטישע מאפע? האבן דען די דעמאקראטן געקענט ארויסשליידערן אן אינקאמבענט קאנגרעסמאן וואס האט געהאט גענוג שטיצע אינעם דיסטריקט צו געווינען דעם זיץ אינעם ערשטן פלאץ?

די תירוץ איז איין ווארט: רעדיסטריקטינג!

ממש אין יענע תקופה נאך דעם געוואונס זענען די שטאטישע טאטעס געזיצן און מטכס עצה געווען וויאזוי צו שניידן פרישע קאנגרעסיאנאלע דיסטריקטן נאכ'ן צענזוס פון 2010, און אזויווי ניו יארק האט פארדעם געהאט 29 קאנגרעס זיצן, און לויט די נייע ציילונג איז זיך איר געקומען בלויז 27 זיצן, האט מען געדארפט באשליסן וועלכע זיצן ס'זאלן ווערן אוועקגעשניטן צו ווערן אריינגעשמאלצן אין אנדערע דיסטריקטן.

די פראצעדור איז פארשטייט זיך א פאליטישע, ווייל געוואנדן אין וויאזוי מ'שניידט די דעסטריקטן קענען פארטייען אויסשטיין צו פארדינען אדער פארלירן.

אריינצושמעלצן א דיסטריקט וואס איז ביים קעגנערישן פארטיי אין עטליכע שכינות'דיגע דיסטריקטן וואס זענען פארזיכערט צו בלייבן ביי די אייגענע פארטיי איז די חלום פון יעדע פארטיי, ווייל דאס איז א זיכערע וועג גלייך אוועקצונעמען א זיץ פונעם קעגנערישן פארטיי אנדעם וואס מ'זאל אפילו אדורכגיין די קאפוויי פון א וואל פארמעסט.

אזויווי ניו יארק איז דאן נישט געווען אינגאנצן קאנטראלירט ביי די דעמאקראטן, האבן זיי נישט געקענט טוהן מה שלבם חפץ, נאר זיי האבן זיך געדארפט אדורכקומען מיט די רעפובליקאנער, און אזויווי די צאל פון זיצן וואס מ'האט געדארפט אוועקשניידן זענען געווען צוויי, זענען זיך די צוויי זייטן אויסגעקומען אז מ'וועט געבן פאר יעדע פארטיי איין זיץ צו קענען אוועקשניידן.

און וואס מיינט איר? די דעמאקראטישע פארטיי האט באשלאסן אז די בעסטע וועט זיין פאר זיי אוועקצושניידן דעם ניינטן קאנגרעסיאנאלע דיסטריקט און אריינשמעלצן אירע איינוואוינער אין עטליכע שטארק-טונקל-בלויע דיסטריקטן אין איר שכינות, אזוי אז די רעפובליקאנער וועלן מער נישט קענען טראכטן אפילו פון אריינוועלן א קאנגרעס מיטגליד אין יענעם ראיאן.

איז לאמיר טראכטן א מינוט: די דעמאקראטן האבן געהאט א געלעגנהייט צו אפשוואכן די כח פון זייערע פאליטישע קעגנער, און ווי יעדע פאליטישע פארטיי מיט אזא געלעגנהייט האבן זיי עס נישט ארויסגעלאזט פון זייערע הענט.

אבער ווען מ'קוקט נישט פון א פאליטישן פערספעקטיוו, נאר פון א קאמיוניטי פערספעקטיוו, וועמנ'ס כח איז געווארן אפגעשוואכט מיט דעם וואס די איינוואוינער פון יענעם דיסטריקט זענען געווארן צישפליטערט צו עטליכע דיסטרקיטן? די כח פון די איינוואוינער אין יענעם (געוועזענעם) דיסטריקט וועלכע האבן געמיינזאמע אינטערעסן!

יעצט אז זייערע שאנסן אויסצומאכן עפעס אין א קאנגרעס פארמעסט איז ממש נול, איז ממש נישטא דער קאנגרעס קאנדידאט וואס דארף אפילו קוקן אויף זייער זייט, ווייל די איינציגסטע שפראך וואס פאליטיקאנטן פארשטייען איז די שרעק פון פארלירן וואלן.

און פארוואס האט בארא פארק פארלוירן איר כח צו האבן סיי וועלכע איינפלוס אויף סיי וועלכע פארטיי אין ניו יארק? ווייל זי האט געוויזן פאר די דעמאקראטן וואס זיי קענען, און די דעמאקראטן האבן זיך טאקע דערשראקן!

דערפאר האבן נישט דזשערי נאדלער אדער פרוי קלארק מורא אז זיי וועלן פארלירן זייערע אויב דער חרדי'שער ציבור וועט שטימען קעגן זיי, און די רעפובליקאנער ווייסן אויך אז חרדי'שע אידן קענען זיי נישט ברענגען קיין שום זיץ אינעם קאנגרעס אין ניו יארק סיטי.

---

די אויבנדערמאנטע איז בעצם נאר איין געשיכטע וואס מיר האבן געברענגט אלס משל, אבער יעצט קומט שוין נאכאמאל די תקופה ווען מ'גייט פון פריש שניידן דיסטריקטן צו רעפלעקטירן די 2020 צענזוס ציילונג.

די דיסטריקטן וואס מ'שניידט זענען נישט נאר פאר קאנגרעס זיצן, נאר זיי זענען אויך פאר סטעיט סענאט זיצן, סטעיט אסעמבלי זיצן, און אין ניו יארק סיטי זענען זיי אויך פאר סיטי קאונסיל זיצן.

אלזא, לאמיר זיך אפשטעלן א מינוט צו טראכטן וואסערע שאדן מיר מאכן פאר זיך זעלבסט ווען מיר גייען שיקן א "מעסעדזש" צו ניו יארקער דעמאקראטן, א מעסעדזש אז וואס? אז מיר זענען זייערע פאליטישע שונאים וועמענ'ס כח זיי זאלן וועלן אפשוואכן?

מיט צען יאר צוריק האבן נאך די רעפובליקאנער געהאט א כח אין דעם פראצעס, אבער יעצט זענען די דעמאקראטן אינגאנצן ביי די מאכט! זיי גייען קענען טוהן ממש כאות לבם אין דעם פעלד, אין די איינציגסטע השתדלות וואס מער קענען טוהן בדרך הטבע איז, צו שיקן א מעסעדזש פאר ניו יארקער דעמאקראטן אז מיר זענען נישט דוקא פאליטיש אפיליאירט מיט די רעפובליקען פארטיי, און אז זיי דארפן נישט מורא האבן אז האלטן אונזערע קאמיוניטיס אינאיינעם וועט געבן געווינסן פאר רעפובליקאנער.

---

אויב וויליאמסבורג - למשל - וועט שטימען שטארק רויט אינעם פרעזידענטליכן פארמעסט, און נאך אויך זיך אפהאלטן פון שטימען פאר'ן זיכערן געווינער אינעם אסעמבלי פארמעסט בלויז ווייל זי איז א דעמאקראט, דאן פארוואס זאלן די שטאטישע טאטעס נישט צושניידן ווליאמסבורג אין עטליכע דיסטריקטן זיכער צו מאכן אז אונזערע שטימען זאלן גיין אין מיסט???

אויסער דעם וואס דאס וועט מיינען אז אונזערע שאנסן אריינצוברענגען א "הייליגע רעפובליקאנער" וועט זיין אינגאנצן נול (ואם כן מה העילו חכמים בתקנתם?) - נאך ערגער ווי יעצט, ווען ס'איז כמעט נול - וועט עס דאך מאכן אז קיין איין פאליטיקאנט - פון סיי וועלכע פארטיי - וועט נישט זיין אנגעוויזן אויף אונזערע שטימען, און וועט זיך דערפאר בכלל נישט קימערן מיט אונזערע גאר אייגנארטיגע אינטערעסן מיט וואס קיינער זוכט זיך נישט צו קימערן דערמיט סתם צו שטופן די צייט.

איך בין בעצם זייער א שטארקע אדוואקאט פאר די וויכטיגקייט פון גיין שטימען, אבער בכגון דא קען גאר זיין אז נישט ארויסגיין שטימען איז אפילו בעסער ווי שטימען פאר א רעפובליקאנער, ווייל א קאמיוניטי וואס שטימט נישט פעלט נישט אויס צו צושניידן אין עטליכע דיסטריקטן, ווייל זיי ברענגען זיך שוין אליינס אונטער...

איך שלאג בשום אופן נישט פאר אז דער וואס וויל נישט שטימען פאר א דעמאקראט זאל נישט גיין שטימען, ווייל מ'קען אייביג אריינשרייבן סיי וועלכע נאמען אויפ'ן בעלאט, און דער רייט-אין איז געווענליך אויך ערליכער ווי דער רעפובליקאנער קאנדידאט... (און יענץ איז אייגענטליך נאך די שטערקסטע מעסעדזש אז מיר זענען נישט צופרידן מיט די סטאטוס קווא פון ביידע פארטייען).

---

איך גלייב אז די פשוט'ע חשבון ליגט אויפ'ן געוויסן פון יעדע פארשטענדליכע עסקן, אבער פון די אנדערע בין איך חושד אז גארנישט גייט נישט געטוהן ווערן אין יענע וויכטיגע דירעקציע, ווייל די עסקנים שפייען דאך בלוט יעדע מאל וואס זיי הייסן שטימען פאר'ן דעמאקראט, און נאכדערצו ביי א פרעזידענטליכע פארמעסט ווען דער ציבור איז אזוי אנגעהיצט.

און לכבוד דעם וועלן נאך זיין דא אויף אייוועלט צענדליגער בלעטער מיט שווערע הונדערטער תגובות מיט אויפברויז קעגן די רשעות'דיגע רעגירונג וואס רודפ'ט אונז נאר ווייל "די לינקע האבן פיינט ערליכע אידן"...

אבער פארשטייט זיך אז יעדער פאר זיך קען אליינס מאכן דעם חשבון און "שטימען מיט מחשבה" צו כאטש עטוואס קלענער מאכן די "רויטע כוואליע" אין די היימישע געגנטער (אין בלויע סטעיטס), בכדי נישט צו גורם זיין שלעכטס פאר זיך אליינס דורכ'ן ארויסרופן דעם אייזל פון וואלד אונז צו פארטיליגן ח"ו.

די ריכטיגע עסקנים זאגן אנדערש פין אייך
זעה דא
viewtopic.php?f=6&t=44853
א פיין שמועס
שר חמש מאות
תגובות: 506
זיך איינגעשריבן אום: מיטוואך דעצעמבער 11, 2019 4:47 pm

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך א פיין שמועס »

viewtopic.php?f=6&t=44858
א פיין שמועס האט געשריבן:עס איז דא געוויסע וואס טענהן אז עס קען זיין א טעות אויב די אידישע געגנטער וואויטן רויט וויבאלד עס קען אנרייצן די שכנים דעריבער זענען זיי מייעץ צו וואויטן פאר די צד שכנגד אדער ליבערשט בלייבן אינדערהיים.

די ערגסטע זאך וואס קען יעצט געשען איז אויב מיר וואויטן נישט אדער מיר וואויטן פאר די צד שכנגד.

די איינציגסטע פאליטישע כוח וואס אונז קענען האבן איז אויב מיר וואויטן פאר פאליטיקאנטן וואס שטעלן זיך צו פאר אידישע געברויכן נישט קיין חילוק אויף וועלכע פארטיי.

און די 2020 פרעזידענטליכע וואלן לויפט א אינגערמאן וואס האט זיך אוועק געגעבן פאר כלל ישראל מער ווי סיי וועלכע פאליטיקאנט אין אמעריקאנע היסטאריע. ער הייסט דאנעלד דזשעי טראמפ.

אז איר וואויט פאר ביידן אדער איר גייט נישט ארויס שטימען בכלל שיקט איר א קלארע מעסעדזש צו אונזער אוהבים און שונאים צוגלייך: עס איז נישט דא קיין סיבה אין דער וועלט זיך אנצושטרענגען פאר כלל ישראל.

דאס איז נישט נאר שייך ביי די איצטיגע פרעזידענטליכע וואלן און לאו דוקא א רוף צו שטימען רויט, עס איז יעצט פונקט אזוי דא אנדערע פארמעסטן ווי די דווקא די דעמאקראטישע לויפער האט זיך אהערגעשטעלט פאר אונז, א שטייגער ווי סטעטען איילענד און קרית יואל.

אויב איר האט נאר א ספק אי.ן וואס איך רעד (שריי) הערט די פאלגענדע אינטערוויו אויף קול מבשר:

אינטערוויו: דעטאלן איבער די היסטארישע בריוו געשיקט דורך גדולי הרבנים אין אמעריקע צו פרעזידענט טראמפ, זיך צו באדאנקן איבער די קאראנא וויירוס באהאנדלונג, און ספעציפיש פאר׳ן זיך אננעמען פאר די רעכטן פון שוהלן און מוסדות :העסקן הרב משה מארגארעטן, צדק אסאוסיעישאן
https://www.yiddish24.com/interviews/12/27701

רבותי: באגראבט זיך נישט מיט די אייגענע הענט. גייט שטימען אין די מאסן פאר קאנדידאטן וואס שטעלן זיך אוועק לטובת כלל ישראל!
אחד הרבנים
שר האלף
תגובות: 1284
זיך איינגעשריבן אום: דינסטאג יולי 09, 2019 10:34 pm

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך אחד הרבנים »

צום פותח האשכול,
לשטתך, קענסט אפשר אנצייגן איין סיבה פארוואס א ניו יארק פאליטישען אויף סיי וועלכען לעוועל זאל טוען סיי וואספארא טובה פאר אונז? ער גייט סיי ווי באקומען אונזער שטימע אויב אונז גיב מיר דאס פאר איינעם. יא רידיסטריקינג, נישט רידיסטריקינג, ממה נפשך איז ער גוט צו אונז איז די סיבה הכרת הטוב, איז ער שלעכט צו אונז דאן דארפן מיר מורא האבן פאר...
און פאר די זעלבע סיבה, פארוואס זאל ער נישט אונז ניצן פאר א כפרה הינדעל ווען מען דארף איינעם אנשמירן מיט אלע פראבלעמן?

נישט וואוטן אדער וואוטען פאר די זעלבע קאנדידאט/פארטיי ״אייביג״ צוליב די אויבנדערמאנטע סיבות, איז ״לפענ״ד״ קיין אופטו פאר קיינעם.
אוועטאר
אסדר לסעודתא
שר עשרת אלפים
תגובות: 11191
זיך איינגעשריבן אום: מיטוואך אפריל 25, 2018 11:08 pm

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך אסדר לסעודתא »

דער פותח האשכול האט פארזען א נקודה.

די חברה ווייסן אז אין ניו יארק סיטי איז כהיום נישטא קיין חשש פון רעפובליקאנער געווינסן. אויב עפעס מאכט אויס, איז עס נאר די פריימעריס. דאס איז א פאקט. יעדער פאליטיקאנט וועט לייגן אלע כוחות אין די דעמאקראטישע פריימעריס.

צו געווינען אין א דעמאקראטישע פריימערי וועט נישט העלפן קיין רידיסטריקטינג!! זיי אלע ווייסן אז די אידישע בלאק וואוט לוינט זיך צו באקומען. זיי וועלן נאר זיך אליין אפטון פון רידיסטריקטינג. פארדעם אליין וועלן זיי לאזן אונזערע דיסטריקטס אפגעזען פאר וועלכע פארטיי מיר שטימען.
דער קאמפייןאיז שוין פארריבער, אבער מיינע ארטיקלעןזענען נאך מעגליך אקטועל
והיתם נקיים
שר האלף
תגובות: 1476
זיך איינגעשריבן אום: מיטוואך אוגוסט 01, 2018 9:57 pm

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך והיתם נקיים »

איך וויל אדרעסירן עטליכע פראגן וואס זענען שוין אנפרעגט געווארן אין פובליק און אין אישי אויף אונזער/ענקער קאמפיין:

למעשה, וויאזוי קען איך שטימען פאר א נידערטרעכטיגע דעמאקראט?

אין פאל פון א פארמעסט וואו דער געווינער איז שוין פארזיגלט, איז דאך פשוט אז מ'ברענגט נישט אריין דעם קאנדידאט דורכ'ן ארויסגיין שטימען פאר אים, הגם שטימען דארף מען נאך אלס פשוט צו דערמאנען פאר די שטאטישע טאטעס אז מיר זענען וואכזאם איבער וואס ס'גייט פאר און אז מיר זענען מאטיווירט זיך צו העלפן. דער פאר וועם מ'שטימט קען האבן אן השפעה לטב אדער למוטב - אבער נישט ווייל דאס שטימען פאר אים ברענגט אים אריין.

מיר רעדן פארשטייט זיך נישט לויט די שיטת המחמירים וואס האלטן אז ס'איז אסור צו זיין א משלח צו די מחוקקים פון אומריינע געזעצן, און דער וואס האט אנגענומען יענע שיטה דארף סייווי שטימען רייט-אין אין רוב פארמעסטן, און אפילו ווען ע"פ הלכה מעג מען שטימען פאר'ן רעפובליקען איז א שאד סתם שאדן צו מאכן פאר אידישע קינדער - ווען ער קען סייווי נישט אריינברענגען דעם רעפובליקען.

דארט וואו אונזערע שטימען קענען יא אויסמאכן טוען די עסקנים געווענליך מאכן אינדראסירונגען, און דערפאר רעדן מיר נישט אריין, אבער די פראבלעם וואס מיר שטעלן דא פאר אויב מ'שטימט רעפובליקען איז שוין נישטא אויב מ'שטימט פאר א רעפובליקען נאר אין געציילטע פארמעסטן ווען ס'איז פאר אונזער טובה.


הייסט נישט אז די רעדיסטריקט פראצעדור גייט דאסמאל זיין אומפארטייאיש?

הייסן הייסט אז אין ניו יארק גייט זיין אן אומפארטייאישע קאמיסיע וואס גייט אנפירן מיט פראצעדור (אין די סטעיט, די סיטי גייט זיכער זיין פארטייאיש), אבער ס'פארשטייט זיך אז מ'קען זיך פארלאזן אויף איר אומפארטייאישקייט בערך אזויפיל וויפיל מ'קען זיך פארלאזן אז פאליטיקאנטן טראכטן נישט נאר פון זיך. סוכ"ס איז ניו יארק שטארק דעמאקראטיש, און קיינער זאל זיך נישט איינרעדן אז די ניו יארקע פירערשאפט געבט אויף סיי וואס ביים מאכן אזא "אומפארטייאישע קאמיסיע" ווייל ווען יא וואלטן זיי עס נישט געמאכט...

איז דען לעגאל צו שניידן דיסטריקטן אין א וועג וואס ס'טשעפעט א סעפעציפישע גרופע?

די פראגע איז שוין אויפגעברענגט געווארן אין געריכט מערערע מאל, און ס'איז געבליבן אז אויב מ'מיינט פשוט פאליטיק קען מען עס נישט אייביג שטערן, אבער אויב מ'מיינט יענע גרופע ווייל זיי באלאנגען צו א געוויסע פראטעקטעד קלאס ווי ראסע און רעליגיע איז זיכער אז ס'איז אומלעגאל.

מיר אלע גלייבן אז הלכע הוא בידוע שעשיו שונא ליעקב, און דערפאר וואלטן זיי מעגליך געזוכט אפצושוואכן אונזער פאליטישע כח אפילו ווען מיר זענען יא אויף זייער פאליטישע זייט, אבער טאקע צוליב די אנטי דעסקרימינאציע געזעצן וואלטן מיר זיי געקענט קלאגן דערפאר, אויב מיר וואלטן געקענט אויפווייזן אז זיי רודפ'ן אונז נאר ווייל מיר זענען ערליכע אידן.

אבער יעדער פארשטייט אז אויב איז די מצב אז אונזערע געגנטער זענען רויט, גייען זיי קענען טענה'ען - און גאר גרינג קענען אויפווייזן - אז זיי מיינען נאר פאליטיק, און דאן וועט עס די געריכט נישט קענען פסל'ן.

און אנדערע ווערטער: נישט נאר וואס מיר קענען מאכן אז זיי זאלן בדרך הטבע אונז נישט זוכן צו טשעפענען ווען מיר נישט זייערע פאליטישע שונאים, נאר אפילו אויב מ'נעמט אן אז זיי זענען סתם אנטיסעמיטן וואס זוכן אונז צו רודפ'ן - נישט קיין חילוק פאר וועם מיר שטימען - איז אויך א מעלה אז מיר זאלן נישט זיין פאליטיש איינזייטיג פשוט צו קענען נוצן אין געריכט די טענה אז זיי מיינען נישט סתם פאליטיק.

זיי קענען דען נישט אונזער היסטאריע? וויאזוי קען איין פארמעסט אלעס טוישן?

אונזער היסטאריע איז טאקע אז מיר שטימען אלעמאל שטארק רויט אין פרעזידענטליכע פארמעסטן, אבער ווען די עסקנים בעטן דעם עולם צו שטימען פאר לאקאלע קאנדידאטן שטימט מען געווענליך פאר יענעם אפילו אויב ער איז א דעמאקראט.

דאס ווערט ליידער ווייניגער און ווייניגער, און עסקנים אינדראסירן שוין היינט אסאך ווייניגער קאנדידאטן ווי אמאל טאקע ווייל זיי ווילן זיך נישט אנהייבן מיט'ן עולם, און ווייל גאר אסאך מענטשן גייען זיי סייווי נישט אויסהערן.

אויב יעצט ווען דער עולם האט אזוי שטארק ליב טראמפ וועט דער עולם נאך אלס לייגן די געפילן אין א זייט און הארכן די עסקנים וואס קוקן אויף אונזערע לאקאלע טובות, וועט עס שיקן א שטארקע מעסעדזש פאר אלבאני אז מיר זענען נישט דוקא קיין אראפגעבונדערע שטיצער אפיליאירט מיט איין פארטיי, און אז מיר הערן זיך נאך צו צו די עסקנים אפילו ווען זיי הייסן שטימען פאר'ן דעמאקראט.

זענען מיר נישט מחויב צו אנערקענען די טובות וואס מיר האבן באקומען פונעם פרעזידענט?

באמת איז מיין פרעזענליכע מיינונג אז ס'איז גאר איראניש וויאזוי די היימישע גאס וואס שטימט רעפובליקען מיט ריזיגע פראצענטן אין יעדע פרעזידענטליכע פארמעסט זינט מ'געדענקט זיך האט ענדליך געטראפן די סיבה פאוואס צו שטימען פאר טראמפ: הכרת הטוב.

אבער מענטשן זאגן דאך אז הכרת הטוב איז וויכטיג... אודאי קען מען נוצן הכרת הטוב כחומר ביד היוצר, למשל וואלט מען נישט געקענט טענה'ען מיט די זעלבע אייפער אז מ'דארף אנערקענען די טובה פון אבאמא קעיר און ווידערערוועלן אבאמא בשעתו? און אפשר דארף מען מכיר טוב זיין די אלע וואס העלפן אונז שוין פאר צענדליגער יארן און זיי וילן אז טראמפ זאל פארלירן פאר יעדן פרייז?

אבער מענטשן זאגן דאך אז הכרת הטוב איז וויכטיג... אקעי, איר קענט געבן געלט פאר'ן טראמפ קאמפיין - וואס מיט דעם העלפט איר אים, איר קענט שטימען פאר טראמפ אין א סווינג סטעיט - וואס מיט דעם העלפט איר אים, אבער ווען איר שטימט פאר טראמפ אין ניו יארק און אין ניו דזשערסי העלפט איר אים דאך אפילו נישט, און ער ווייסט דאס!

או דאס איז די סיבה פארוואס איך רעד בעיקר פונעם שפיץ פונעם פארמעסט, ווייל פון איין זייט טוען מיר נישט קיין טובה פאר זיך אדער פאר טראמפ ווען מיר שטימען פאר אים, און פון די אנדערע זייט ווען מ'וויל זען צו וועלכע זייט א געגנט ציט פאליטיש קוקט מען געווענליך אויפ'ן שפיץ פונעם טיקעט.

און דערפאר איז עס אזא שטארקע געלעגנהייט צו העלפן זיך אן צו געבן עפעס פאר די דעמאקראטן.

---

איך וועל נאך באלד צוריקקומען אי"ה צו אדרעסירן אנדערע זאכן וואס מ'האט אנגעפרעגט.
פאר אונזער קיום אין גלות איז וויכטיג אז דער גוי זאל דולדן שמוץ, צוליב וואס ביים גוי זענען מיר 'שמוציגע יודן'.

און אויב איר האלט אז קדושת הגוי קומט פאר אונזער קיום אין גלות, דאן קענט איר נישט זיין אקעי מיט די הפקרות'דיגע צוגאנג פון 'רעליגיעזע פרייהייט'.
צל עובר
שר עשרים אלף
תגובות: 29176
זיך איינגעשריבן אום: מיטוואך סעפטעמבער 27, 2017 6:22 pm

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך צל עובר »

@והיתם מקיים! אוי קומסטו אריין קלאר.

זיסע פיש האט געשריבן:אויב דענק איך גיט דארף מען האבן מער ווי רוב אין די סטעיט סענאט אין די דעמעקראטן דארפן ציקימען צי איין ריפאפליקאנער אין אויך די שטיצע פין די דעמיקראט ר שמחה פעלדער

עמטליך איז דא א קאמיסיע, אזוי וויצ@יום טוב שרייבט, אבער...

אויב עס איז דא איין פארטיי וואס קאנטראלירט ביידע הייזער אין אלבאני, דארפן זיי האבן צוויי דריטל אין ביידע הייזער איבערצודרייען די קאמיסיע, עס זעהט אויס אז די דעמאקראטן וועלן צובאקומען גענוג זיצן פאר דעם אין סטעיט סענאט.

עס קען אבער נאך אלץ זיין אז זיי וועלן עס נישט טון, וועגן פאליטישע דרוק פון די לינקע זייט, אבער מען דארף באמת צוקומען צו גאר שטארקע היץ פון די נאציאנאלע פראגרעסיוון פאר דעם.

אסדר לסעודתא האט געשריבן:דער פותח האשכול האט פארזען א נקודה.

די חברה ווייסן אז אין ניו יארק סיטי איז כהיום נישטא קיין חשש פון רעפובליקאנער געווינסן. אויב עפעס מאכט אויס, איז עס נאר די פריימעריס. דאס איז א פאקט. יעדער פאליטיקאנט וועט לייגן אלע כוחות אין די דעמאקראטישע פריימעריס.

צו געווינען אין א דעמאקראטישע פריימערי וועט נישט העלפן קיין רידיסטריקטינג!! זיי אלע ווייסן אז די אידישע בלאק וואוט לוינט זיך צו באקומען. זיי וועלן נאר זיך אליין אפטון פון רידיסטריקטינג. פארדעם אליין וועלן זיי לאזן אונזערע דיסטריקטס אפגעזען פאר וועלכע פארטיי מיר שטימען.
פארוואס מיינט איר אז ווען מען צושניידט למשל וויליאמסבורג אין דריי, וועלן זיי בלייבן מיט א ערנסטע כח אין א פריימערי? (נאכדערצו ווען גאלעגער האט אקארשט יעצט געווינען אין א דיסטריקט מיט א ריזיגע רוב ווילי.)
אוועטאר
אסדר לסעודתא
שר עשרת אלפים
תגובות: 11191
זיך איינגעשריבן אום: מיטוואך אפריל 25, 2018 11:08 pm

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך אסדר לסעודתא »

צל, פארדעם ווילן זיי טאקע יא לאזן וויליאמסבורג ווי עס איז, כדי צו האבן דעם כח - אויף א סטעיט אדער סיטיווייד עלעקשאן!!

לאקאלע פאליטיק גייט זיי נישט אן ווער עס געווינט, געלעגער אדער לינטאל קענען סייווי נישט טוישן קיין דיסטריקט. משא"כ קאומא דארף דירעקט יא די אידישע שטימען אין א פריימערי, ווייל ער ווייסט וויאזוי עס צו באקומען. פארדעם גייט ער עס נישט טוישן.
דער קאמפייןאיז שוין פארריבער, אבער מיינע ארטיקלעןזענען נאך מעגליך אקטועל
אוועטאר
נקודהלע
שר ששת אלפים
תגובות: 6503
זיך איינגעשריבן אום: דאנערשטאג נאוועמבער 07, 2019 10:58 pm

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך נקודהלע »

והיתם נקיים האט געשריבן:זענען מיר נישט מחויב צו אנערקענען די טובות וואס מיר האבן באקומען פונעם פרעזידענט?

באמת איז מיין פרעזענליכע מיינונג אז ס'איז גאר איראניש וויאזוי די היימישע גאס וואס שטימט רעפובליקען מיט ריזיגע פראצענטן אין יעדע פרעזידענטליכע פארמעסט זינט מ'געדענקט זיך האט ענדליך געטראפן די סיבה פאוואס צו שטימען פאר טראמפ: הכרת הטוב.
און יעצט ניצט מען די תירוץ, ווייל דאס איז אמת, גאר אסאך דעמעקראטן זענען עס מודה, איך אליינס האב געשטימט פאר קלינטאן און יעצט פאר טראמפ בעז"ה

אבער מענטשן זאגן דאך אז הכרת הטוב איז וויכטיג... אודאי קען מען נוצן הכרת הטוב כחומר ביד היוצר, למשל וואלט מען נישט געקענט טענה'ען מיט די זעלבע אייפער אז מ'דארף אנערקענען די טובה פון אבאמא קעיר און ווידערערוועלן אבאמא בשעתו? און אפשר דארף מען מכיר טוב זיין די אלע וואס העלפן אונז שוין פאר צענדליגער יארן און זיי וילן אז טראמפ זאל פארלירן פאר יעדן פרייז?
ביז דא... אבי געהאקט אין קאפ אריין, אבאמע קעיר איז נישט געווען עפעס וואס ער האט אינזינען געהאט די אידן, משא"כ טראמפס פאלעסיס. מ'זאגט דיר נישט צו האבן הכרת הטוב פאר די טשעקלעך וואס איז אנגעקומען, מ'זאגט דיר צו האבן הכרת הטוב פאר ריבאשקען, שוהל'ן, סאמעט און ארויסווייזן שטוצע און נאנטע צעזאמענארבעט מיט היימישע עסקנים.

אבער מענטשן זאגן דאך אז הכרת הטוב איז וויכטיג... אקעי, איר קענט געבן געלט פאר'ן טראמפ קאמפיין - וואס מיט דעם העלפט איר אים, איר קענט שטימען פאר טראמפ אין א סווינג סטעיט - וואס מיט דעם העלפט איר אים, אבער ווען איר שטימט פאר טראמפ אין ניו יארק און אין ניו דזשערסי העלפט איר אים דאך אפילו נישט, און ער ווייסט דאס!
נאכאלץ וויל ער אונזער שטומען און זיי קוקן ארויס אויף דאס (משה מארגרעטן) און אונז דארפן מיר עס געבן אלס הכרת הטוב.
קלינטאן קאמפיין האט אויך געהאט געבעטן אונזערע שטומען אפי' זיי האבן געוויסט אז זיי גייען ממילא געוואונען די אלעקשאנס.


או דאס איז די סיבה פארוואס איך רעד בעיקר פונעם שפיץ פונעם פארמעסט, ווייל פון איין זייט טוען מיר נישט קיין טובה פאר זיך אדער פאר טראמפ ווען מיר שטימען פאר אים, און פון די אנדערע זייט ווען מ'וויל זען צו וועלכע זייט א געגנט ציט פאליטיש קוקט מען געווענליך אויפ'ן שפיץ פונעם טיקעט.
ווי געזאגט אויב איז דאס נישט ריכטיג, מיר טוען אים יא א טובה, ס'איז אים קלאר א כבוד יעדע רויטע פינטל אין ניו יארק.

לעצט פארראכטן דורך נקודהלע אום דינסטאג אקטאבער 27, 2020 5:23 pm, פארראכטן געווארן 1 מאל.
ימים ידברו האט זיך קיינמאל געזאגט אזוי ריכטיג ווי היינט
צל עובר
שר עשרים אלף
תגובות: 29176
זיך איינגעשריבן אום: מיטוואך סעפטעמבער 27, 2017 6:22 pm

Re: וואו איז באב טורנער אנטרינען???

  • ציטיר
  • צו לייגן א דאנק דארפט איר זיין אריינגעלאגט

תגובה דורך צל עובר »

אויב גאנץ ווילי איז אין איין דיסטריקט, און א דעמאקראט איז פרעזידענט, און דער גאנצער עולם איז רעגיסטרירט, און די היץ בײ די לינקע האט נאכגעלאזט, און עס איז א מידטערם, קען וויליאמסבורג מעגליך אריינברענגן א רעפאליקאנער אסעמבלימאן אויך.
שרייב תגובה

צוריק צו “נייעס קאך לעפל”