וויפיל קאסט א ניגון?

[לאז געמאכט]

אויש ס'קומט נישט דא אריין... אבער כ'וויל וויסן צו א קאמפאזער באקומט געלט פאר זיינע ניגונים, לויט דעם וועט זיין גרינגער צו וויסן צו ליפא בעט זיך צו נישט...

[יא יא]

על פי רוב באקומט א קאמפאוזער געלט פאר א ניגון, אבער א זינגער ווי ליפא לויפט געווענליך נישט נאך איינער זאל נעמען זיין ניגון.

[טיטאניק]

יעדער זוכט צו מאכן נאך געלט אפילו ליפא

[וויכטיג מאכער]

מ'רעדט נישט פון אזוי סאך געלט אז מ'זאל זיך בעטן..

[טיטאניק]

איך האב געהאט געהערט אמאל אז פאר א גאר שיינעם ניגון בעטן קאמפאוזערס צווישן 1500 און 2000, קען זיין אז נישט אבער דאס איז געלט, אדרבה אויב איינער ווייסט ווי אזוי די פרייזן לויפן זאל ער שרייבן

[יא יא]

די פרייזן ווענדט זיך געווענליך לויט די קאמפאוזערס, אבער די גרויסע קאמפאוזערס לויפן נישט נאך קיינעם.

[פלאפי יוד]

יוסי גרין נעמט ביי א נייעם זינגער $2000 און ביי איינער וואס האט שוין ארויסגעגעבן א טעיפ $3000 (אויב דער זינגער האט מצליח געוועהן אויף זיין ערשטע טעיפ)

פינקי וועבער-$1500-$1000

ליפא-$1500-$1000

סתם א נייע קאמפאזער באקומט $300 ביז $500 (און אמאל א פייג)

[טיטאניק]

איך גלייב נישט אז אויף יעדע ניגון קען יוסי בעטן אזעלעכע פרייזן, דו רעדסט מסתמא פון ספעציעלע ניגונים,יוסי מאכט אויך ניגונים וואס איז עווריטש אדער אונטער עווריטש איך גלייב נישט אז יענע קאסטן 3000

[גרויזאמער]

און איך האב געמיינט אז מען בעט אסאך מער ווי דעם, וויכי, אדער הועווער ס'איז, געטץ איבער פאר די נייע טעיפס ארויסגעבער אז מיט דעם פרייז קענען זיי פארגעסן אז איך זאל זיי אמאל מאכן א ניגון!

[מבין נומ 1]

יוסי קען בעטן נאר 1000 אמאל אויך, און מיינסט נישט, ער איז טאקע זייער גרויס, אבער ער חלש'ט זיין נאמען זאל פיגורירן אויף ווי מער טעיפס...

פינקי האט געבעטן ביז נישט לאנג צוריק נישט מער ווי 6 -7 הונדערט דאלער

[טיטאניק]

יעדע קאמפאוזער וויל זיינע ניגונים זאלן ווערן גענומען דורך זינגערס,צו זיי לויפן ממש נאך ווייס איך נישט אבער ווילן ווילן זיי זייער שטארק נישט קיין חילוק ווי גרויס ער איז, נישט נאר וועגן געלט נאר וועגן פאבליסיטי אויכעט

[טיטאניק]

ס'איז זיכער אז עס ווענד זיך פשוט אינעם ניגון, למשל פינקי'ס ניגון 'וזכר לנו' אויף אייזיק'ס טעיפ איז ווערט א פילע פרייז, אבער די ניגון וואס ער האט געמאכט למשל פאר שלמה טויסיג וואלט איך געזאגט איז ווערט 500 דאלאר, די זעלבע מיט יוסי גרין אזא ניגון ווי למשל אדרבה אדער תניא אמר ר' ישמעאל איז ווערט 3000, אבער די והבוטחים ניגון וואס איז טאקע שיין אבער בכלל נישט אויף יענע לעוועל איז עס נישט ווערט אזויפיל

איך טראכט נאר אזוי,איך זאג נישט קיין פאקטן איינער וואס ווייסט מער זאל זיך אנרופען ווייל איך בין זייער נייגעריג

[ברייטליך]

פאקט איז אז שלמה טויסיג האט באצאלט פאר נודה לך און פאר והבטחים די זעלבע פרייז. אזוי האב איך געהערט פון א אינסיידער.

[לאז געמאכט]

קען זיין ס'איז געווען א פעקעטש, אבער למעשה איז טויזענט געווען פארן פלעינע און פינף טויזענט פארן שיינעם.

[1x1]

פלאפי, א נייע קאמפאוזער קען באקומען פון 300 ביז 500 דאלער א ניגון?! כ'מיין איך גיי אריין אין ביזנעס, כאב אפאר פרישע ניגונים צו פארקויפן, ווער וויל קויפן?..

[יא יא]

פלאפי, ווער וויל קויפן?..

אסאך מאל קען זיין א ניגון וואס איינער האט נישט ליב האט א צווייטע יא ליב. מען טאר נישט אויפגעבן (אויב עס איז טאקע א שיינע ניגון), אז איינער האט עס נישט ליב גייט מען צו א צווייטן.

[איך_הער]

איך האב אויך איין ניגון, ווער וויל צאלן?

[וויכטיג מאכער]

איך זיץ דא יעצט מיט 'יוסי' גרין, ער טשארדזש'ד 3,000 א ניגון, אינקלודינג די קווייער, (ער איז די קווייער אויף אלע זיינע ניגונים) נישט קיין חילוק ווער די זינגער איז.. ער זאגט אז ער זוכט נישט אז זיינע ניגונים זאלן זיין אויף ווי מער טעיפ'ס, ער וויל אז אויב זיין ניגון גייט אויף א טעיפ, זאלעס זיין א דבר השלום, סאו ס'איז נישט קיין שום ציהל אז די נאמען זאל פיגורירן אויף ווי מער טעיפס...

האטס געדולד, ס'קומט א פול ריפארט..

[פלאפי יוד]

CANT WAIT

[ברייטליך]

וויכי, שיק אים א גריס פון מיר. זאג אים אז מיר האבן געגעסן שלש סעודות אלץ קינדער אין די זעלבע פלאץ

[טיטאניק]

ער יוסי האט שוין געמאכט ניגונים פאר דרייסיג יאר צוריק אלע מרדכי און אברהמ'ס ערשטע טעיפס איז שוין געווען זיינע ניגונים, איך בין נייגעריג וויפיל ער האט יענע יארן געטשארדזשט,

[איך_הער]

טיטאניק, כ'האלט זאלסטעם בעטן זיינע טעקס ריטוירן'ס פון אלע יארן ביז היינט.

[טיטאניק]

איני מבין

[my_music]

ער יוסי האט שוין געמאכט ניגונים פאר דרייסיג יאר צוריק אלע מרדכי און אברהמ'ס ערשטע טעיפס איז שוין געווען זיינע ניגונים, איך בין נייגעריג וויפיל ער האט יענע יארן געטשארדזשט,

מרדכי זאגט אויף א קאנצערט (איך געדענק נישט אויף וועלכע - כ'העל טרייען געוואויר צו ווערן) יארן צוריק איז געקומען צו מיר א בחור'ל פון סענדז סטריט מיט א שיינעם ניגון און איך האב איהם אויסגעהערט און ער האט געזאגט זייער גוט (איך זעה אז איך וועל אויך דארפן נאכקוקן די ווערטער וואס ער האט געזאגט)
די פוינט איז אז דעמאלס האט ער זיך געפריידט אז איינער הערט איהם אויס, און זיי האבן איהם טאקע אויפגעבויעט, אמאהל פלעגט מרדכי און אברהם ארויסקומען מיט א גאנצע אלבום פון זיינע ניגונים

[ברייטליך]

איך געדענק נישט מרדכי זאל עפעס זאגען, וואס איך געדענק יא איז אז יגאל סאליק פון לאנדאן בויס קווייער האט געזאגט אויף א העסק' קאנצערט אז 'מעני מעני יערס עגא' איז צו מיר צוגעקומען 'א יאנג בוי' מיט א ניגון, דוכט זיך אז ער רעדט דארט פון דאגה מנין.

ס'מאכט נישט קיין 'סענס' אז יוסי גרין האט זיך געדארפט בעטן ביי מרדכי ווייל מרדכי איז נישט געווארן 'פעימאס' צופיהל פאר יוסי גרין. זיי זענען בערך די זעלבע יארגאנג. משא"כ יגאל סאליק איז אסאך עלטער פון זיי און ער האט שוין ארויסגעגעבן טעיפס (אדער גאר נאך רעקארד'ס, איך ווייס בימים ההם...) ווען זיי זענען נאך געוועהן און די ווינדלען.