הרהורים ביים שפיגלען אַן איי

[חוח בין השושנים]

היות כ'בין א קאראונע געליטענער / איבערלעבער, פלאן איך אי"ה ארויסצוגעבן א בוך איבער די גרויזאמע און ברוטאלע לאגע(ר) אין וועלכן כ'בין געווען, בתוך שאר קורוני ישראל.

די יונגווארג וואס זענען נישט דארט געווען, וועלן עס קיינמאל נישט קענען באגרייפן... אבער זאלן זיי כאטש וויסן עפעס וואס דארט האט זיך אפגעשפילט.

יעצט איז בעיסיקלי נאר געבליבן, ביי מיר און ביי אסאך אנדערע, דאס איינע נאך-וויי און סימפטאם: דער טעם פון אייער איז עפעס מורא'דיג נישט געשמאק.

--

פאר א סיבה וואס איז מיר אומבאקאנט עד עצם היום הזה, האט זיך די 'איי' קונה שביתה געווען אלס ראש וראשון לכל דבר שבפרישטאג. ביי מיר און ביי אסאך אנדערע שטוב באשעפענישן.

שטיי איך מיר אזוי ביים הייסן פאַן און כ'פרעגל א שפיגל-איי. אוי זכורני ימים מקדם, ווען די עבודת הכנת השפיגל איז געווען אנגעפילט מיט געגועים צום בעפארשטייענדן געשמאקן פרישטאג וואס ס'ערווארטעט מיר אויב דאס שפיגעלע צוברעכט זיך נישט פריצייטיג. אבער יעצט... אוי נא לנו... יעצט פילט מען דערין א טעם ווי אין די אש פון ערב תשעה באב. דאך איז מען זיך מחזק, און כדי שלא לשנות ממנהג אבותינו, מאכט מען דאס שפיגעלע על צד היותר טוב ומועיל, בדחילו ורחימו, ממש לשם שמים, שלא להנאת הגוף כלל חס ושלום.

פאלגנד זענען מיינע הרהורים און שרעפים וואס זענען דורכגעלאפן מיינע געדאנקען בעת'ן שטיין ביים פייער.

--

איין פארטאגס, בעת קרות הגבר, זיצט זיך די פארצווייגטע משפחת התרנגולים מיט אראפגעלאזטע נעזער. טאקע דארט אינעם דושעניש, צווישן זייערע קרקורים, זענען זיי מטכס עצה: "ווילאנג נאך וועט דאס מענטשהייט פארוואנדלען אונזערע ליבע עופה'לעך אין שפייזלעך אדער שפיגלעך, הארטע אדער לויזע?"

"בכלל", זעצט פאר דער ראש המדברים, "האבן אונז אן אלטן חשבון מיט די מענטשן. ווייסט עטץ אויף-ווי-ווייט מיר זענען ביי זיי ללעג ולקלס?" און ער רעכנט אויס:

א צופראסקעטער פארשוין ווערט אנגערופן א כפרה הינדל.

ווען מ'מאכט חוזק פון א יונגערן, רופט מען אים מיט שפאט א ספרינג טשיקען.

א טויגעניכטס הייסט ביי זיי א געשלאגענער.

יעדן גולם-קלאץ גלייכן זיי צו צום האן אין בני אדם.

ווען זיי ווילן זיך אפווישן זייערע חטאים, שלאגן זיי מיט אונז כפרות.

זיי האלטן אין-איין טרעטן אויף אונזערע הינער אויגן.

"תכלית הדברים", שרייעט ארויס דער עלטסטער עוף, דער אבי אבות, פון זיין לול של תרנגולים: "ס'ווערט דרינגענד געזוכט אן עצה פאר א קאנטער-אטאקע".

היות די אסיפה איז פארגעקומען דאס יאר, אין חודש ניסן, האט איין דרייסטע פריש-גע'העטש'טע ספרינג-טשיקען, א פארגעשריטנס, קוים ארויס פון די אייער שאלעכץ, זיך אנגערופן אז זי האט א וואזשענעם פארשלאג:

"פון היינט און ווייטער גייען אלע תרנגולות אנהייבן צו פראדוצירן אייער וואס האבן א נישט געשמאקן טעם!"... און דא סוד'לט זי זיך מיט זיי וויאזוי עס צו באווייזן.

"וואאאאאס??" רופן זיך אלע הינער אן מיט ברייט צעעפנטע אויגן. "מיר האבן דאס נאך קיינמאל נישט געטון ביז היינט!"

דאס פיצל טשיקען פלאטערט מיט די פליגלען און ערקלערט:

"דער פלאן וועט ברענגען א צווייפאכיגער פארדינסט: ערשטנס וועלן די מענטשעלעך זיך אפלאזן פון אונז. צווייטנס, ווען די קאראונע-איבערלעבער וועלן צוריקבאקומען זייער חוש הטעם והריח, וועלן זיי יארן נאכדעם זיין איבערצייגט אז 'ביים עסן אייער איז דער טעם נאכנישט געהעריג צוריקגעקומען'... אזוי וועלן זיי זיך אפפלאגן מיטן געדאנק אז די קאראונע האט ערנסטע נאכווייען!"

אומר ועושה. די מיסיע איז ארויס אין גאנג, און דערווייל האלטן זיי זיך ביי די פליגלען זעענדיג ווי מיר רעדן זיך אפ אויפן נאך-טעם פון די אייער. אגב, טייל עופות האבן אויסגעברייטערט די אפעראציע אויך אויפן בשר העוף זעלבסט, אז ס'זאל אויך האבן יענס טעם.

ברוך הנותן לשכוי בינה!

--

טשיקעלע, האסט צייטווייליג געווינען. אבער נישט א פולקאמער זיג. מיר גייען זיך נישט שיידן פונעם 'איי' אזוי שנעל. מיר גייען זיך באנוצן מיט דיר פאר כל-ערליי צוועקן:

מיר האבט אינסטאלירט אן 'איי' נאכקוקן רוימער און רויבער.

מ'האט אויפגענומען א 'פרייוועט איי' צו העלפן כאפן פארברעכער.

ביים לערנען גמרא רינט שמאלץ פונעם "איי וועסטו פרעגן...".

אין ענגליש באנוצן מיר דאס ווארט "איי" מער פון יעדע אנדערע ווארט.

אונז זענען צוגעשמידט צום "איי"וועלט לייק נעווער ביפאר.

און מ'פירט זיך צו עסן אייער.

[נקודהלע]

חוח בלייבט חוח... וואס זאל מען טון? ביסט גוט!!!

[שטומפיג]

איי איי איי......
חוחי, ס'איז אנבעליוועבל ווי דו לויפסט נישט אויס פון גוטע "איי"דיעס......
קיפ 'עם קאמינג, איך בין מיך מחיה!

[יישר כח]

א פחדן - ער טשיקענט עפעס אזוי

[הודו להשם]

[נאר מיט שמחה]

איי איי איי ווי איך קאטשקע זיך ווי א טשיקן... האסט אויפגעלעבט דאס 'איי'וועלט...

חוחי ווי חוחי, שרייבט כריח ניחוחי, מיטן נשמה שבמוחי, וואס מאכט מיר לאכן בכל כוחי...

עולם הביצים..

[גרויסע עם הארץ]

גוטע ארטיקל.

===

זיי האבן געמאכט א שותפות מיט "רמב"ם טיי" (און האלטן אינמיטן פארהאנדלונגען מיט "ראב"ד קאווע") אז ווער עס טרינקט דאס זאל יא קענען (עכ"פ זיך איינרעדן אז זיי) שפירן די ריכטיגע טעם..

[מומחה יוחס]

שיין שיין הרב חוח, כ'מיין אז דער ארטיקל איז א עכטע שושנים בין החוחים, צווישן אסאך אשכולות... שוין

בקיצור געוואלדיג זיס אין געשמאק איי איי געוואלדיג..

בד''וו, מיר ווארטן טאקע צו הערן בתור א איבערלעבער פין די ווירוס, נישט נאר יונגער חברה דארפן דאס וויסן נאר אויך עלטערע....

[שטומפיג]

נישט אין קרעטשמע געהערט אזא ארטיקל?

[מחשב]

הייסטעס אז דער שוועמל האט זיך אריינגעזעצט אין די הינער אויך! א באנדיט דער פראפעסער!
--
צוקער זיס! כמעיין המתגבר!

געשמייכלט און הנאה געהאט! א דאנק!

[נו גוט נו שוין]

עפעס ספעציעל געקנייטש איז ער...

[בלא בלא בלא]

--- בלי עין הרע!

[פייטל שעפסילקאוו]

גוט אווי "איי"ביג!

[פרישע קוגל]

[חוח בין השושנים]

ואשמע אחרי קול רעש גדול פון געלעכטער און שמייכלעך. כ'דריי זיך אויס און צו מיין שאק זע איך ווי מ'לאכט מיר אויס: דאס טראכסטו ביים צוגרייטן פרישטאג??

כ'שטיי און כ'וואונדער זיך וויאזוי יעדער ווייסט דא וואס כ'האב אלץ צאמגעטראכט!! וויאזוי האט עס ארויסגעליעקט? ביז כ'כאפ זיך אז כ'האב זיך האלב בשוגג האלב באונס ארויפגעסיינט אויף גוגל-ברעין-רידער, פאר פראבע, אזוי ווערן אלע מיינע מחשבות אפגעטייפט און אפגעשיקט צום ריכטיגן פלאטפארמע...

אוי וויי דאס ווערט יעצט אויך אפגעטייפט.... ס'צרות!

[שאשא]

[גרויסע עם הארץ]

ואשמע אחרי קול רעש גדול פון געלעכטער און שמייכלעך. כ'דריי זיך אויס און צו מיין שאק זע איך ווי מ'לאכט מיר אויס: דאס טראכסטו ביים צוגרייטן פרישטאג??

כ'שטיי און כ'וואונדער זיך וויאזוי יעדער ווייסט דא וואס כ'האב אלץ צאמגעטראכט!! וויאזוי האט עס ארויסגעליעקט? ביז כ'כאפ זיך אז כ'האב זיך האלב בשוגג האלב באונס ארויפגעסיינט אויף גוגל-ברעין-רידער, פאר פראבע, אזוי ווערן אלע מיינע מחשבות אפגעטייפט און אפגעשיקט צום ריכטיגן פלאטפארמע...

אוי וויי דאס ווערט יעצט אויך אפגעטייפט.... ס'צרות!

זום אריין אין דיין אוועטאר. נעם אפאר שטעכעס און וועק דיר אויף פון דיין דרימל.

[חבקוק]

חוח, חאחאחאחא!!

ווי א ריכטיגע חוח ארטיקל, לאכעדיג און תוכן'דיג!

[אוראייניקל]

איי ווי שטארק! איי ווי מעכטיג!

זה שאמר הכתוב הנותן לשכוי בינה, ער לייגט אריין קלוגשאפט אינעם הינדל....

האסט נאר פארגעסן אז א נישט געלונגענע ראה"ק קאמפיין באקומט דעם נאמען כפר"ה...

[רואיג!]

ביסט גוט!

[חבקוק]

איי ווי שטארק! איי ווי מעכטיג!

[size=150]האסט נאר פארגעסן אז א נישט געלונגענע ראה"ק קאמפיין באקומט דעם נאמען כפר"ה...[/size]

[קלאָצקאָפּ]

חוח!

[ערעב איד]

איי איי איי איז דאס גוט! אייער שרייבעכטץ איז מורא'דיג, איך ליין אהין און אהער און כ'האב מעך צוקאטשקעט פאר געלעכטער!

[אסדר לסעודתא]

איי'זן גוט!!!!!

[הרבטייטעלבוים]

א ר'איי'ען