על ספרי היעב"ץ ובית דפוסו

איבער ספרים און מחברים

די אחראים: אחראי,גבאי ביהמד

אוועטאר
יאסל
שר האלפיים
תגובות: 2891
זיך איינגעשריבן אום: זונטאג דעצעמבער 16, 2007 6:40 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יאסל »

בנוגע די מחלוקה הידוע האב געזעהן אין חיבור גדולת יהונתן וואס איז נאך ארויסגעקומען בעפארן קריג
ברענגט ער דארט צוויי מעשיות איינס וואס ער האט געהערט פון הה"צ ר' שלום בן הדברי יחזקל אז ער האט געהערט פון זיין פאטער דער שינאווער רב אז די סיבה פון די מחלוקה איז געווען ווייל די וועלט האט דאן געקלונגען מיט תורה
וואס דער רבי ר' יהונתן אין דער פני יהושע זענען געווען דאן פון די גרעסטע מרביצי תורה דער בעל דבר האט דאס נישט געקענט פארנעמען האט ער אנגעארבעט דאס עסק
די צווייטע סיפור איז פון הה"צ ר' יואל מסאטמאר האט דערציילט אז דער ישמח משה פלעגט כסדר רעדן בשבחו פון דער רבי ר' יונתן אין אז ער איז געווען גערעכט וכו' וכו'
איז איינמאל האט ער זיך געטראפן מיטן הייליגען דברי חיים האט ער אים געבען אז היות ער איז משפחה מיטן יעב"ץ זייענדיג אן אייניקעל פונעם חכ"צ דעריבער בעט ער אז ער זאל זיך יעצט ציריקהאלטען צירעדן דערפון,
אינמיטן די שמועס אין דער ישמח משה נעמט זיך ווידער רעדן בשבחו פונעם רבי ר' יונתן אין אז ער איז געווען גערעכט, דער דברי חים זאגט נא מ'האמר דאך עפעס אפגעמאכט, זאגט דער ישמח משה אז ער קען נישט ווייל זיין שורש נשמה קימט פון איין מקור ווי דער רבי ר' יהנתן אין ער קען נישט צירוקהאלטען אין מיז עס ארויסזאגען, ע"כ.
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

א גרויסן יישר כח ר' יאסל, פאר די העתקה וידיעה.

א] דאס בוך איז געדרוקט אינטער דעם נאמען 'תולדות גדולי הדור הנקרא בית יהונתן'. ער האט דאס ארויסגעגעבן בשעת ער האט נאך געוואוינט אין סיגוט (כידוע איז דער הרב גרינוואלד געווען א יליד סיגוט). צום באמערקן אז דעם בוך האט ער ארויסגעגעבן אין יאר תרס"ח, דאס טיישט אז דער רבי איז נאך דאן געווען א אינגערמאן פון עטליכע אין צוואנציג יאר.

ב] אין דעם אויבנדערמאנטן בוך וואס איך האב באצייכנט דעם לינק פון היברו בוקס, אונטערן נאמען: 'רבי ר' יהונתן אייבשיץ', געדרוקט אין ניו יארק תשי"ד, דערמאנט דער הרב גרינוואלד די מימרא פון רבי'ן, ער זאגט אבער נישט וואס די מימרא איז, ער צייכנט בלויז צו אז מ'זאל נאכקוקן אין דעם 'בית יהונתן' וואו ער ברענגט וואס דער רבי האט אים געזאגט, זע דא בהערה נומער 10.

איז דא דארט, אין דעם בוך 'בית יהונתן', נאך מימרא'ס בשם דעם רבי'ן זצוק"ל?
אוועטאר
יאסל
שר האלפיים
תגובות: 2891
זיך איינגעשריבן אום: זונטאג דעצעמבער 16, 2007 6:40 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יאסל »

מיר רעדן לכאורה פון צוויי באזונדערע חיבורים.
בני היכלא
שר האלפיים
תגובות: 2655
זיך איינגעשריבן אום: מיטוואך מאי 02, 2007 12:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בני היכלא »

מילער
אז שוין יא חכמי היעב"ץ, דארף מען דערמאנען לשבח דער מאראקאנער יעב"ץ, איינס פון די גרעסטע גדולי מאראקא, בימיו איז ער געווען ממש דער רב רבנן, נאך די פטירה פון ר' יהודה בן עטר, איז ער געווען דער רשכבה"ג אין ארץ המערב, און אלע גדולי מאראקא נאך אים זענען זיינע תלמידים און געהאט פון אים סמיכה, דאס איז ר' יעקב אבן צור, ס'דא פון אים טויזנטער תשובות און פסקים, און מעשה בי"ד'ס, בלי גוזמא.

יאסל
דער סיבה פאר די מחלוקה, ליגט מיר אין קאפ א צווייטער נאמען נישט שינאווער רב, ס'נישט קיין נפק"מ, איך וועל דארפן נאכקוקן ביי דעם וויזוי הייסטער נאר, דער וואס האט איבערגעדרוקט דעם יערות דבש לעצטענס שיין, ער ברענגט עס זיכער
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

ר' יאסל, אדרבה. 'גדולת יהונתן' פון הרב גרינוואלד, מעולם לא שמעתי על זה? דער באקאנטער 'גדולת יהונתן' איז נישט פון אים, און דאס איז נאך געדרוקט סאך פריער ווי תרס"ח. טא אדרבה, ברענגט מיר די אינפארמאציע איבער דעם חיבור פון וואס דו רעדסט און דו ווסעט מיך מהנה זיין.
*

ר' היכלא, אונזער פרישער מעמבער, הרב הידען בשם 'המסתתר', האט שוין מעורר געווען איבער דעם יעב"ץ המאראקאני, און טאקע דא אין דעם אשכול. עס קומט לדעתי אין א באזונדער אשכול.
בני היכלא
שר האלפיים
תגובות: 2655
זיך איינגעשריבן אום: מיטוואך מאי 02, 2007 12:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בני היכלא »

זרח
יישר כח איך האב נישט אויפגעפאסט
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

כאטש איך האב מיך שוין געדרייט אביסל אינעם אידישן וועלט (קרעטשמע) האב איך נאך קיינמאל נישט געהאט קיין צייט משים לב צו זיין צו דעם נושא פון די ספרי היעב"ץ הגם נאך פון אלץ קינד האב איך געהאט א געוואלדיגע תשוקה עוסק צו זיין בספרי היעב"ץ, אזוי ווייט אז ווען מיין זיידע ז"ל האט מיך געוואלט געבן א ספר פאר א מתנה האב איך בוחר געווען די צוויי אלטע בענדער מור וקציעה מיט'ן בלויען דעקל פון זיין ספרים שאנק ווי איידער א נייע באנד ליכט שטראלן פון ר' אלי' שט"ב.
ע"כ וועל איך איבערגעבן וואס כ'האב אליין באמערקט במשך די יארן, קודם איבער'ן סידור. ס'איז אינטערעסאנט צו באמערקן אז דער גדול היעב"ץ וואס האט אליינס געדרוקט זיין סידור, דוקא מיט זיין סידור האבן די שפעטערדיגע מדפיסים ומוציאים לאור געמאכט אזא טשטוש, מ'האט אריין געלייגט אין זיין סידור כל מיני ליקוטים והלכות וואס קומען פון אנדערע ספרי הפוסקים, אזוי אויך תפילת און לשם יחוד'ס פון אנדערע מקורות, ס'איז הפלא ופלא וויאזוי מ'האט אפילו געקענט לערנען דערין ווען ביי אסאך פלעצער איז דא סתירות תיכף ומיד, מ'קען דערין מאריך זיין גאר אסאך אבער יכלה הזמן והם לא יכלו, איך וועל נאר געבן א דוגמא וואס ליגט מיר אין קאפ, (איך האב נישט קיין ספרים דא אין ביורא, ) ער שרייבט ביי ערב סוכות אז זיין טאטע האט געלאכט פון די וואס זאגן א תפלה ביים בינדן די ד' מינים, און עטליכע שורות דערנאך שרייבט ער בערך בזה"ל כשאוגד ד' מינים יאמר און דערנאך שטייט די תפלה, אלץ בחור האב איך עס נישט געקענט פארשטיין, אבער איך האב שוין דערנאך געהערט פון רבנים און געטראפן אין געוויסע ספרים אז אין סידור איז אריין געמישט אסאך זאכן וואס איז נישט פון יעב"ץ אליין.
איינע פון די גרויסע קשיות וואס כ'האב נישט פארשטאנען אינגערהייט איז געווען דער ענין פון לשם יחוד, וואס דער נו"ב פארפירט אזוי דערקעגן אז דאס איז א מנהג פון די חסידים וכו', דער יעב"ץ וואס ער איז דאך געווען פון די מתנגדים כידוע, און דער נו"ב איז דאך געווען פון די געציילטע גדולים וואס זענען געשטאנען לצדו, (ביז צו די פטירה פון רבי ר' יונתן, וואס דעמאלט'ס האט ער חרטה געהאט, דאס איז א נושא בפ"ע) און דער גאנצער סידור איז פול מיט לשם יחוד'ס.
שפעטער האב איך געטראפן אין אוצר הספרים אין ישיבה אויפן צווייטן שטאק די צוויי בענדער ארגינעל איבערגעדרוקט די ערשטע דרוק פונעם יעב"ץ אליין ותהי לי למשיב נפש אלע קשיות זענען פארענטפערט געווארן, איך האב געזען אז דער ארגינעלער סידור האט נישט קיין לשם יחוד'ס און אז דער גאנצער סידור איז צוגעלייגט כהנה וכהנה.
דערנאך איז געקומען הרה"ח הרב וויינפעלד פון דפוס אשכול, און ער האט געמאכט א ארבעט הדר הוא לכל חסידיו, ער האט קודם געדרוקט די הגדה של פסח אלץ א סעמפל, ער האט געדרוקט דעם סידור אין דריי פאנט'ס, אפילו די תפלות און די פזמונים זענען אפגעטיילט לויט דעם סימן לויט ווי איך געדענק האט ער געמאכט אלעס פונעם ארגינעלען סידור מיט ווילנא אותיות, און אלע הוספות וואס שפעטערדיגע מדפיסים האבן צוגעלייגט מיט פרענק רהל אותיות און די הוספות וואס ער האט געטראפן מכת"י היעב"ץ מיט מרים אותיות והארץ האירה מכבוד תורת רבינו היעב"ץ ועוד חזון למועד.
אז מ'לעבט דערלעבט מען
אוועטאר
יאסל
שר האלפיים
תגובות: 2891
זיך איינגעשריבן אום: זונטאג דעצעמבער 16, 2007 6:40 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יאסל »

הייבט זיך נישט אן דער נודע ביהודא איז כלל נישט ציגעשטאנען צום זייט פונעם יעב"ץ, כאטש ער האט זיך נישט שטארק אנגענומען פארן ר' יונתן.
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

כ'האב נישט קיין ספרים דא אין ביורא, אבער לויט ווי כ'געדענק אויסעווייניג ווערט דאס געברענגט אויף עטליכע פלעצער, כ'געדענק אבער קלאר אז אינעם הספד וואס איז געדרוקט אדער אין דרשות זאגט דארט דער נוב"י אז כאטשיק בחייו איז ער נישט געווען פון די מעריצים פון רבי יונתן אבער זעענדיק דאס גרויסע אבילות ביי כלל ישראל וואס די פטירה פון רבי ר' יונתן האט גורם געווען איז א ראי' אז ער איז געווען א צדיק מעיקרא, און ער איז דארט אויך מרמז אז ער איז נישט געווען לצידו.
כ'האב בכלל נישט עוסק געווען קיין סאך אין די ספרים וואס רעדן פון די מחלוקה צוליב די טעמים וואס די אנדערע ברענגען שוין דא אראפ.
דרך אגב, הרב געשטעטנער פון מאנסי (איך נעם נישט קיין שטעלונג בנוגע זיין אישו איבער דין תורה'ס, איך רעד נאר איבער די היסטאריע חלק פונעם ספר) האט אויף זיין האט ליין וואכן לאנג אויפגעוויזן אז דער ספר מגילת ספר איז געפעלטשט געווארן
אז מ'לעבט דערלעבט מען
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

האסט געהערט? ס'טוט זיך לעבעדיג, אויף טישן און אויף בענק. וואס איז? דער אלעמענ'ס באקאנטער 'בערל וועלכער מאכט און איז אלעמאל 'לעבעדיג' האט זיך צוגעשטעלט צו אונזער שמועס'לע, און אוטאמאטיש איז געווארן 'לעבעדיג'. וועלקאם.

בנוגע דעם טשטוש הסידור, האבן מיר שוין אויפמערקזאם געמאכט אין די ערשטע תגובה באלד ביים פתיחת האשכול, אז דאס איז נאר אין דעם לעצטעריגן לעמבערגער יעב"ץ סידור, הנקרא 'סידור בית יעקב', וואס ווי געשמועסט אויבן זענען די הגהות פון רבי שלמה קלוגער זצוק"ל.

איבער דעם רבי'ן ר' יהונתן מיט'ן נודע ביהודה איז אזוי (הגם דא איז נישט דאס פלאץ דערפאר, אבער איידי דאתי לידי אשדא בי' נרגא). אין לוחות עדות איז דא א לאנגער בריוו פונעם נודע ביהודה, ווי מ'קען זען פון דעם בריוו סימפאזירט ער בעצם מיט'ן יעב"ץ אין זיין כלליות'דיגע מלחמת קודש קעגן די כת ש"ץ ימ"ש, אבער בשייכות צום רבי'ן ר' יהונתן גיט ער אים 'נישט' פולע רעכטן. ער פירט דארט אויס אז רבי ר' יהונתן זאל מבער זיין מן העולם די אלע קמיעות, עיי"ש. אגב איז אינטערסאנט צו אנמערקן, אז אין דעם בריוו, געשריבן בשנת תקי"ב לערך, פאררופט זיך דער נוב"י אויף די ווערטער פון גר"א. ס'טייטש דער גר"א וועלכער איז געזעצן אין דער ווייטער ליטא, האט שוין גע'שמ'ט אין יענע יארן אזש ביז קיין פראג טשעכיי, אויף אזוי ווייט אז דער גדול הדור, דער נודע ביהודה, זאל זיך אויסדריקן בדבריו אז בפרט לאחר וואס הגאון רבי אליהו האט שוין געזאגט זיין דעה וכו' וכו'.

בענין צו דער יעב"ץ איז געווען פון די מתנגדים לחסידות. גארנישט אזוי זיכער. תא חזי, דער יעב"ץ האט געפירט א פייערדיגע מחלוקת קעגן רבי'ן ר' יהונתן אין די תק"י יארן, מחמת שחשדו לשבתאות, בו בזמן וואס אין אוקריינא האבן זיך דאן אין דער זעלבער גרופירט א קבוצה ארום דעם בעש"ט וועלכע אנדערע (גר"א) האבן דאס אנגעקוקט ווי א פרישער חשד. לויט די קנאות פון יעב"ץ וואלט ער זיך געדארפט צוכאפן צו דעם. ואם תאמר אז דער יעב"ץ, וועלכער איז געזעצן אין אלטונא דייטשלאנד האט נישט געמוזט וויסן פון א קבוצה חסידים וועלכע האבן זיך גרופירט אין יענעם עק אוקריינא? וועל איך דיר זאגן: "אינו", ווייל אין דעם באקאנטן וויכוח הפראנקיסטן, וועלכע איז פארגעקומען בשנת תקיח/ט (א יאר צוויי פארן הסתלקות הבעש"ט), האבן אנטייל גענומען דער יעב"ץ מיטן בע"ש הק'. נאך מער, דייקא די צוויי האבן אינאיינעם פארארבעט מעשים און אהערגעשטעלט דעם נצחון. טא איז גארנישט אזוי זיכער אז דער יעב"ץ זאל זיך פארעכענען פון די 'מתנגדים', ודו"ק כי קצרתי.

כאמור, איז די זאך פארפארן, און דאס געהער שוין אין א באזונדער אשכול איבער דעם יעב"ץ ומלחמתו נגד השבתאים והפראנקיסטן וכל שמות דאית להם, ימש"ו.
אוועטאר
farshlufen
שר שלשים אלף
תגובות: 35237
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

איבער די צוגעלייגטע הלכות אין עב''ץ סידור איז כדאי צו באמערקן אז אין די פתיחה שרייבט דער יעב''ץ אז ער ברענגט נישט צו קיין פשוט'ע הלכות ווייל עס האט נישט קיין פשט צו דאפלען וואס עס שטייט שוין און שו''ע, עכ''פ ער האט קלאר נישט געוואלט ס'זאל אויסזען ווי די דברי יואל שו''ע אויף די ימים טובים הנקרא מחזור, און דא קומט אן אנדערע דרוקער און טוט דאס פארקערטע.
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

היינט אינדערפרי האב איך מיך געמוזט פארזוימען סאך מער ווי געווענליך איינעם היכל התורה בית חי' ווייל כ'האב געוואלט איבערגיין מיינע מקורות, אריין קוקנדיג אין די ספרים האב איך מיך שוין גערישט צו כאפן קאלטס און ווארעמס ווייל כ'האב נעכטן געמאכט א גרויסן טעות, אזוי ווי כ'וועל באלד מסביר זיין פארוואס דאס איז געשען, דערווייל זע איך אז כ'בין אפגעקומען מיט שרעק, כ'האב ערווארטעט צו זען כאטש א גאנצע בלאט ווי מ'באוואשט מיך פון אויבן ביז אראפ, דערווייל האב איך אזא שיינע איידעלע תגובה פון זרעכ'ן, א דאנק אייך.
לענינינו, הגם כ'האב אייביג עוסק געווען בספרי היעב"ץ האב איך פשוט מורא געהאט אריין צו קוקן אין די ספרים בנוגע די מחלוקה, ספעציעל כ'האב געוויסט אז די גדולים האבן נישט געוואלט מ'זאל עס דרוקן, און עס איז טאקע דא ממש א חרם פונעם נו"ב איבער דרוקן די ספרים קעגן רבי ר' יונתן אייבשיץ, למעשה אבער זייענדיג עוסק בספרי ובתולדות היעב"ץ האב איך עטליכע מאל געזען אגב אורחא אז לצדו פונעם יעב"ץ איז אויך געווען דער נודע ביהודה, ויהי היום כ'האב געלערנט דרשות הצל"ח (היינט האב איך עס איבערגעקוקט ס'איז דרוש ל'), זאגט דארט דער נודע ביהודה כהאי לישנא אויף ר"ר יונתן מחמת "השנאה שהי' בינינו", האב איך שוין אנגענומען פאר א פאקט אז דער נו"ב איז געווען לצדו של היעב"ץ, הגם ער אליין זאגט דארט אז ער האט אויך געשריבן א בריוו לטובת ר' יונתן און ער זאגט נישט לגבי וואס.
היינט האב איך אביסל נאכגעקוקט אין די ספרים וואס רעדן בתולדות הנו"ב האב איך געזען אז דאס איז א פארצווייגטער פארפלאנטעטער ענין, מ'קען אנפילן דערמיט גאנצע בלעטער, דער תמצית איז אז דער נו"ב האט פרובירט מפשר צו זיין און גערעכט צו געבן פאר ביידע צדדים און למעשה האט ער דערנאך געהאט צרות פון ביידע צדדים, די תלמידים פון ר' יונתן האבן אים נישט געקענט מוחל זיין פארן הייסן באהאלטן אלע קמיעות, און דער יעב"ץ האט געהאט טענות אז ער שטיצט ר' יונתן פערזענליך.

שפעטער האבן די משכילים אין שפיץ פונעם בארימטן משכיל און חוקר "גרעץ" אויפגעוויזן מיט גאנצע ראיות אז דער נו"ב האט צום סוף זיך געשטעלט אויף די זייט פון יעב"ץ במילא נעמען אסאך כותבי הדורות דאס אן מיט א פשטות.

אבער אין פאר הדור (תולדות הנו"ב) ווענדט ער דאס אפ מיט קלארע פאקטן און ער ניצט אויך דעם הספד אלץ א ראי'. פון פאר הדור האב איך אויך פארשטאנען אז די שנאה האט געמיינט די תלמידי ר"ר יונתן נישט ר' יונתן אליין.

אויך לגבי חסידים, ס'איז זיכער אז דער יעב"ץ האט נישט אריין געלייגט די חסידים אין די זעלבע קאטאגאריע וואו כת ש"ץ, און אויך נישט ווי ער האט געהאלטן ר"ר יונתן, אבער ס'איז דא אסאך שטיקלעך אין די ספרי היעב"ץ קעגן די דרכי החסידים, און אזוי איז אנגענומען ביי די כותבי תולדות היעב"ץ, און איך וויל צוגעבן אז כ'האב געהערט אויף די טעיפס פון ר' יוסף חיים גרינוואלד מגיד משרים, אז דער בעש"ט הק' האט געזאגט אז די האלבע וועלט שטייט אויף די תורה פונעם הייליגן יעב"ץ, און ער זאגט אויך תוך הדברים אז דער יעב"ץ איז נישט פארעכנט געווארן פון די וואס שטיצן די חסידים.
איך וויל בעטן די חשוב'ע קאלעגן מ'זאל ווייטער ממשיך זיין אין דעם נושא פון די ספרי היעב"ץ און איך וועל פרובירן צוצולייגן מיינע צוויי צענט.
ועוד הערה אחת קטנה, מ'האט איבערגעזעצט דעם שאילת יעב"ץ לעצטנס, און ס'איז א גרויס ווייטאג אז מ'האט גארנישט געטון מער ווי איבערזעצן די אותיות, ס'איז שוין די העכסטע צייט מ'זאל עס געהעריג איבערארבעטן אזוי ווי מ'האט איבער געמאכט די תשובות פון אנדערע גדולים מיט מראי מקומות ומפתחות וכו'
אז מ'לעבט דערלעבט מען
בני היכלא
שר האלפיים
תגובות: 2655
זיך איינגעשריבן אום: מיטוואך מאי 02, 2007 12:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בני היכלא »

דער יעבץ שרייבט דאך בפירוש קעגן די חסידים, אבער וואס ער שרייבט דארט, איז נאר אדרבה שטארק גונסטיג פאר די חסידים, ער לייגט אראפ די עבודת התלמידי בעש"ט ביים דאווענען, און טענה'ט אז ס'איז נישט הלכה'דיג אויסגעהאלטן.

פון די אנדערע זייט, דערמאנט דער יעב"ץ דער ערשטער די מעשה מיט די ויכוח מיט די פראנקיסטן, וואו ער שרייבט אז ישראל מעזיבוז בעל שם איז דארט געווען צווישן די רבנים המשתתפים.
אויך, דער ערשטער פלאץ וואו דער בעל שם ווערט דערמאנט בחייו, איז אין ספר מים חיים לר' חיים ראפאפארט אב"ד לבוב, דער ספר איז נאר געדרוקט סאך שפעטער, דארט איז געדרוקט א תשובה פון בעל שם טוב צוזאמען מיט ר' וואלף קיצעס און נאך א איד פון מעזיבוז וועגן א שוחט, געשיקט צו ר' מאיר קאנסטאנטינער בן היעב"ץ, און דער ר' מאיר שיקט אים צוריק מיט גרויסע טיטלען.

ביי חסידים האט מען אבער שטארק געהאלטן פון יעב"ץ וואו בערל ברענגט שוין פון בעש"ט, אויך איז כדאי צו זען די הקדמה פון דברי חיים'ס קינדער אין עץ אבות, און דער הייליגער קאמארנער ווען ער רעדט אויף די מפקפקי הזוהר, שרייט ער אויפן מאור עינים האדומי צר הצורר, און אויפן שלשלת הקבלה, שקרן וכזבן וכדומה, אבער אויפן יעבץ שרייבט ער דארט גופא, מורא'דיגע טיטלען און פארענטפערט אים.
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

בני היכלא כתב
און דער הייליגער קאמארנער ווען ער רעדט אויף די מפקפקי הזוהר, שרייט ער אויפן מאור עינים האדומי צר הצורר, און אויפן שלשלת הקבלה, שקרן וכזבן וכדומה, אבער אויפן יעבץ שרייבט ער דארט גופא, מורא'דיגע טיטלען און פארענטפערט אים.
איך כאפ נישט וואס דו זאגסט בנוגע דעם מאור עינים האדומי, ווייל איך ווייס נישט ווער דאס איז אבער דער יעב"ץ טאקע אין עץ אבות און אויך אין מגדל עוז, (וואס ר' זארעך ברענגט אראפ מיט רעכט אז דאס איז חלק ג' פון סידור) רייסט שטארק אראפ דעם מאור עינים מעגליך דאס מיינסטו ?
אז מ'לעבט דערלעבט מען
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

ר' בערל,

דאס ספר מאור עינים לר' עזריה מן האדומים האט נאך בשעתו מעורר געווען א גאנצן פולמוס. ס'דא חרמות, קנסות ואיסורים פון גדולים בימים ההם דערקעגן. ער האט געוויסע זאכן (וואו ער דריקט זיך אויס קעגן חז"ל ועוד)געמוזט ארויסנעמען און אזוי איבערדרוקן. ס'איז אן ענין פאר זיך. מעגליך מ'מעג גרונדן א באזונדער אשכול "על הספר מאור עינים לר"ע מן האדומים ומחברו".
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

יא ר' זארעכ, כ'האב מיך דערמאנט ברוך מזכיר נשכחות, איך פרעג נאר בני היכלא וועם מיינט ער דעם קאמארנער, אדער דעם יעב"ץ
אז מ'לעבט דערלעבט מען
בני היכלא
שר האלפיים
תגובות: 2655
זיך איינגעשריבן אום: מיטוואך מאי 02, 2007 12:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בני היכלא »

איך כאפ נישט וואס איר פרעגט ר' בערל.
דער קאמארנער שרייבט אין די הקדמה, קעגן דעם מאור העינים, און ער באטיטולט אים האדומי, אלס זיין נאמען "מן האדומים" און לייגט צו די ווערטער "צר הצורר"

דער יעב"ץ אגב, ווייסטו זיכער, איז דא הגהות אויפן מאור עינים, ס'ליגט אין JTS, לעצטענס האט עס עמיצער ארויסגע'לקח'נט דעם תוכן, און עס פובליצירט אין א קובץ.
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

אודה ולא אבוש, איך ווייס אפילו נישט וואס JTS איז מיינע מקורות קומען פונעם אלט מאדישן אופן פונעם זיידנ'ס ספרים שאנק און פון אוצר הספרים אין בית המדרש אדער אין ישיבה.(פון צייט צו צייט שטיי איך אין ביגלאייזן'ס ספרים געשעפט, דאס איז דאס ווייטסטו וואס איך קריך)
אפשר זאגסטו מיר אויך וועלכע קובץ
אז מ'לעבט דערלעבט מען
אוועטאר
farshlufen
שר שלשים אלף
תגובות: 35237
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

אין "די בלאט" די פארגעגענע וואך שרייבט איינער אין א בריעוו אז אין א טאג וואס מ'זאגט קיין תחנון קלאפט מען נישט ביי סלח לנו, און יענער זאגט אז אזוי האט אים געוויזן קיוויאשדער רב ז"ל אין עמדין סידור בשם השל"ה, וויל איך דא מודיע זיין אז דאס איז אבער א טעות ווייל מיטן עמדין האט דאס קיין שייכות, ווען מ'קוקט אריין אין עמדין סידור זעהט מען אז דאס איז נישט פון עמדין נאר אן הג"ה פון די דריקער פון "בית יעקב" סידור.
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

די שרייבסט דאך אין "עמדין סידור" נישט אז ר' יעקב עמדין זאגט אזוי
מיר האבן שוין ערווענט אז רוב זאכן וואס דער המון עם ניצט דעם עמדין סידור האט נישט מיט ר' יעקב עמדין.
אגב:
ווייסט איינער צו ער האט געדריקט אין זיין בית דפוס נאך ספרים אויסער די אייגענע ?
אז מ'לעבט דערלעבט מען
אוועטאר
farshlufen
שר שלשים אלף
תגובות: 35237
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

אין "קובץ עץ חיים" שבט דהאי שתא איז דא אן לענגערע אויספירליכע און אינפארמאטיווע אפהאנדלונג, דורך הרב ר' מנחם מענדל גאלדשטיין פון קר"י, איבער דעם ספר "מגלת ספר" איר אויטענטישקייט און אירע ארויסגעבער.
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

קענסט עס אפשר דא ארויפלייגן
אז מ'לעבט דערלעבט מען
אוועטאר
farshlufen
שר שלשים אלף
תגובות: 35237
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

איך פארמאג קיין סקענער אין מיין באזיץ, מעגליך אז אנדערע חברים ווען עס קענען ארויפשטעלן.
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
אוועטאר
scy4851
שר ששת אלפים
תגובות: 6805
זיך איינגעשריבן אום: דינסטאג יאנואר 29, 2008 11:57 am
לאקאציע: אפשר קען איינער מיר זאגען וויא!

  • ציטיר
  • צו לייגן א דאנק דארפט איר זיין אריינגעלאגט

תגובה דורך scy4851 »

איך האב יא א סקענער, אבער דער מאמר צוהט זיך 24 בלעטער פונעם קובץ.
איינער האט אפשר אן עצה וואס צי טוהן?
the SCY is the limit
badatz

  • ציטיר
  • צו לייגן א דאנק דארפט איר זיין אריינגעלאגט

תגובה דורך badatz »

ב''ה
לא להדפיס את כל המאמר רק העיקר יש שם הרבה דברים מעניינים אך אין לזה שייכות ישר לספר מגילת ספר -כמה מהדברים כבר נדפסו ע''י
המחבר ברבעון אור- ישראל .המאמר הוא יפה מאוד ---לבעלי היסטורי' הייתי מציע לקרוא-ללמוד את המבוא של הרב יעקב יוסף שכטר על ספר
מור וקציעה שנדפס ע''י מכון ירושלים ---וכן קצת בהקדמת הרה''ג הפוסק נכד המחבר מרמצ''א זצ''ל בי''ק על הסידור האורגנלי שהדפיס עם הוספות כת''י.
שרייב תגובה

צוריק צו “ספרים ומחברים”