צייט שטיפער האט געשריבן:איך נעם מיר אונטער דא בשער בית רבים, אז ווען דער אייבערשטער וועט מיר אי"ה געבן די געלעגנהייט, און איך וועל האבן די זכי' צו מאכן א וואכנאכט, וועל איך שפארן די מערסטע וואס ס'מעגליך.
נישט דינגען קיין טישן/בענק (מען וועט זיך שוין אן עצה געבן, בארגן, שלעפן וכו')
קוגל, נאר היימישע, אויב נישט מעגליך, וועט נישט זיין [בל"נ].
קיין שום פראפעסיאנאלע איינליידענונג
מינעמום טשיפ'ס, נאר פאפקארן פאטעיטא טשיפ'ס, מינומום סאדע (נאר פון דונדזשער-עיל [ס'גייט נישט אויס אזויפיל]) סעלצער, וואסער.
דיספאזעבל טישטעכער געקויפט אין דאלער סטאר
איינער ווייסט אויב ס'איז דא ענין צו געבן ביר, פיש? אויב נישט, קאט איך דאס אויך
איך גיי בפירוש זאגן פאראויס מען זאל קומען זאט
שיעור פארגעסן, פעקלעך, בלויז פאטעיטא טשיפ'ס.
וועגן די נשים רעד איך נישט אריין, איך האף זיי וועלן מיר נאכמאכן.
וואס יא, דעם מוהל וועל איך בלייבן נארמאל באצאלן
תהלה לקל יתברך, מיט לויב און דאנק צום בורא כל העולמים וויל איך מבשר זיין אז איך האב ב"ה געהאט די זכי' אריינצוברענגען מיין זוהן לבריתו של אברהם אבינו בשעטומ"צ, און אזוי ווי איך האב מיר מקבל געווען, האב איך טאקע אויסגעפירט מיין קבלה, און געמאכט א וואך נאכט/ברית אפקאסטנדיג ערגעץ אינצווישן 200-250 ריינוש.
ב"ה עס איז געווען א הערליכע וואך נאכט, גארנישט האט נישט געפעלט, עס איז געווען שיין צוגעשטעלט, אבער, ווי מען האט געקענט האט מען פרובירט צו שפארן.
איז לאמיר איבערגיין מיט אייך חברים די מעניו, און איך האף אז דאס וועט ברענגען א שטיקל קנאת סופרים, און עס וועלן געשפארט ווערן אביסל אידיש געלט, און אן אפי' שפירן אומבאטעמ'ט אז דאס איז חזרי'ש - ווי מען רופט דאס היינט.
בין איך אליינס געגאנגען אין גראסעריי, די ארדער האט גענומען ארום א שעה צייט.
און גראסערי האב איך אויך איינגעקויפט פאר די ברית סעודה (וואס מיינע שוויגער עלטערן האבן צוגעשטעלט [פארשטייט זיך פאר א טיפ {ווייט פון וויפיל עס קאסט א קעיטערער}]) די טאטאל פון די גראסערי ארדער איז געווען ארום 300$
געקויפט האב איך:
• קלער עסצייג, טעלער'ס אא"וו.
• 3 גרויסע פאטעיטא טשיפ'ס, פאפקארן סיט'ס (מען האט געמאכט היימישע פאפקארן אינדערהיים) צוויי קעיסעס (108 פעקלעך איטש) קליינע פאטעיט טשיפ'ס פאר פעקלעך (22$ א קעיס)
• צוויי קעיסעס סאודע, איין קעיס ספרינג וואסער (די שמאלע הויעכע [נישט VOSS]) צוויי באטלעך גרעיפ דזשוס.
• איין גרויסע פעקל פיסטעטשאס, איין פעקל קעשוס.
• פאר קוגל (אריינגערעכנט פאר ברית סעודה) = 7 פעקלעך פאטעיטאס, 6 דאזען אייער, א אויל.
• צוויי גרויסע קאנטעינער'ס טשאקלעט ראגעלעך, צוויי קאנטעינער'ס ווענילא.
• איין האנידאו, איין קענטעלאופ (אליינס אויפגעשניטן).
• פעקל דזשעלי בינ'ס, הויכע קאנטעינער טשאקלעט ראם באל'ס, צוויי קאנטעינער'ס עם-ענד-עם'ס, צווי קאנטעינער'ס נאך עפעס א טשאקלעט.
(שיעור נישט אויסגעלאזט, באקומען א ראבא קאל אינמיטן מאכן די ארדער...)
ברם יזכר לטוב מיין שוואגער וואס זייענדיג א זונטאג האט ער געשיילט די פאטעיטאס פאר די קוגל ותשחח"ל
-
פאר ברית סעודה
5 ראל'ס געפילטע פיש (אריינגערעכנט אויך פאר וואך נאכט)
חריין.
(אויך פון בוטשער א פעקל טשיקן באדעם'ס)
[פערפל מיט קאמפאט איז געגאנגען אויפן שווער'ס קאסע...]
-
טישן האב איך געדארפט צו בארגן א טיש פון א שכן, געבארגט בענק פון א צווייטן (אליינס געשלעפט).
געבארגט ברענער'ס פאר די קוגל.
-
אגב, די ב"ב זענעדיג ווי ערנסט איך מיין האט אויך פארשטאנען מיין פונקט און "גארנישט" צוגעשטעלט פאר פרויען חוץ פון א קאך טיש מיט בענקלעך.
