ישיבות וראשי ישיבות פאר די קריג

אידישע און אלגעמיינע היסטאריע

די אחראים: אחראי, גבאי ביהמד

אוועטאר
מיללער
שר עשרים אלפים
תגובות: 25847
זיך איינגעשריבען אום: דאנארשטאג יוני 14, 2007 9:48 am

ישיבות וראשי ישיבות פאר די קריג

תגובהדורך מיללער » מאנטאג ינואר 26, 2009 1:01 pm

אז מיר רעדן דא איבער חסידים און חסידות פאר די קריג איז דאך נישט מער ווי רעכט צו ווידמען אן אשכול איבער ישיבות און ראשי ישיבה פאר די קריג, צו שמועסן איבער די גרינדונג פון די ישיבות בכל מקומות מושבותיהם פון אחב"י ווי אויך איבער אינדיווידיואלע פערזענליכקייטן בעולם הישיבות.

אסאך איז שוין געשריבען געווארן איבער דעם ענין, עס איז באקאנט די צוויי בענדער פון א. פוקס 'הישיבות
בהונגריה' ווי ער איז דורך אלע אונגארישע ישיבות בגדלותן ובחורבנן מיט אינפארמאציע פון די איינגעשטעלטע, מספר התלמידים אא"וו.

גאר אסאך רעקארדס איבער די ישיבות פון די צייטן פאר די קריג קומט פון די באקאנטע וואולטעטיגע
ארגענעזאציע אין אמעריקא בשם 'עזרת תורה' וואס אין איר שפיץ איז געשטאנען פאר א צייט הגאון ר' יוסף אלי' הענקין זצ"ל און אנדערע גדולים, דער ציל פונעם מוסד איז געווען ארויסצוהעלפן מיט געלט די אייראפעישע ישיבות, די ישיבות האבן געברויכט אריינשיקן א דו"ח פון די מספר התלמידים וכדו', וואס אזוי ארום איז די אינפארמאציע געבליבען פרעזערווירט לדורות עולם.

באדיבות ידידינו החשוב מרן מפארשלאפן, האט ער מיר צוגעפירט צו גאר א מערקווידיגער ירחון בשם הישיבה וועלכע איז יעצט עוועיליבל ביי היברו-בוקס.
דער ירחון איז ערשינען אין די יארען ארום תרפ"ט אין די שטאט סאטמאר, דורך די עורכים ר' משה יהודה פאללאק און ר' משה ליעבסטוק, דער ציל פונעם ירחון איז לויט ווי די מערכת שטעלט פאר אינעם ערשטן נאמבער "לגונן בעד הישיבות, ולעורר להטבת מצבם"

אינעם ירחון געפינען מיר גאר מערקווידיגע חומר איבער ישיבות און פערזענליכקייטן בימים ההם אין אייראפע, לייענט און האט הנאה.

דער שער בלאט פונעם ערשטן גליון
צוגעלייגטע
28474.jpg
לעצט פאראכטן דורך מיללער אום דינסטאג ינואר 27, 2009 9:50 am, מאל פאראכטן געווארן 1 סך הכל.

אוועטאר
יעקעלע פוקס
שר חמש מאות
תגובות: 915
זיך איינגעשריבען אום: מאנטאג אוגוסט 04, 2008 12:22 pm

תגובהדורך יעקעלע פוקס » מאנטאג ינואר 26, 2009 1:21 pm

כבוד ידידינו היקר הרב מיללער שליט"א
א געוואלדיגער אשכול אוויא די אנדער אייערע, כבר איתמחא גברי און איתמחא קמיע
אינטערעסאנט ציצילייגען איז, אז כידוע די ראשי ישיבות אינדערהיים זענען געווען זייער ציגעבינדער צי זייערע תלמידים, ווי מיר קענען נאך טרעפען תלמידים וואס זייער רבי איז אומגעקומען שוין באלד 70 יאר צירוק, און רעדער נאך פון זיי מיט אזא נאסטלאגיע, אז ס'קיקט אויס ווי ער האט אים נעכטן געזעהן
למשל, מיר האבען זיך לעצטענס געטראפען מיט א מאקאווא תלמיד (לכאורה ר' משה ממאקאווא זצ"ל) און גערעד פון זיין רבי די ראש ישיבה מיט אזא פרישקייט,

נ. ב. אויף די ירחון וואס די ברענגס, איז ער מעתיק דארט א בריוו פונעם חפץ חיים (שליט"א) זצ"ל, זייער אינטערעסאנט
טעמו וראו כי טוב השם

אוועטאר
מיללער
שר עשרים אלפים
תגובות: 25847
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מאנטאג ינואר 26, 2009 1:31 pm

ר' יעקל,

איר דערמאנט די ישיבה אין מאקאווא, ר' משה פארהאנד זצ"ל בעמח"ס אהל משה איז געווען דער רב אין מאקאווא ביז צו די קריג, ער איז נפטר געווארן דארט אין מאקאווא אין די קריגס-צייטן בשנת תש"ד הארט פאר די דעפארטאציע פון די מאקאווער אידנטום, ער ליגט אין א אהל מיט זיין רביצין, אני הקטן האב שוין זוכה געווען דארט צו זיין ולשפוך שיח על ציונו הק' זי"ע.

אלע מאקאווא תלמידים רעדן פון אים מיט א נאסטאלאגיע א שטייגער ווי די תלמידים פון סעקלעהידער רב וכדו', די צוגעבינדנקייט און פאטערליכע ליבשאפט וואס ער פלעגט ארויסצווייזן פאר די תלמידים איז אין לשער.

אין קרית יואל איז דא א איד א ת"ח ומרביץ תורה הרה"ג ר' מאיר מאשקאוויטש שליט"א, ער איז א מאקאווער תלמיד און ער האט זוכה געווען אים משמש צו זיין פערזענליך, עס איז דא א מערקווידיגע מעשה איבער די מלחמה אין מאקאווא, כידוע זענען די דארטיגע אידן נישט אנגעקומען קיין אוישוויץ נאר געגאנגען מיט'ן טראנספארט קיין עסטרייך פון ווי זיי זענען שפעטער באפרייט געווארן.

אוועטאר
יאסל
שר האלפיים
תגובות: 2866
זיך איינגעשריבען אום: זונטאג דעצמבער 16, 2007 6:40 pm

תגובהדורך יאסל » מאנטאג ינואר 26, 2009 1:47 pm

מיללער האט געשריבן:עס איז דא א מערקווידיגע מעשה איבער די מלחמה אין מאקאווא, כידוע זענען די דארטיגע אידן נישט אנגעקומען קיין אוישוויץ נאר געגאנגען מיט'ן טראנספארט קיין עסטרייך פון ווי זיי זענען שפעטער באפרייט געווארן.

די מעשה גייט אז בעפאר ער איז נפטר געווארן האט ער געזאגט אז ער גייט ארויף מעורר רחמים זיין אויף זיין קהילה אז זיי זאלן ניצול ווערן פון דער דיישט, אין ווי די שרייבסט טאקע זענען די מאקעווער אידן נישט געפירט געווארן קיין אושוויץ.

אוועטאר
יעקעלע פוקס
שר חמש מאות
תגובות: 915
זיך איינגעשריבען אום: מאנטאג אוגוסט 04, 2008 12:22 pm

תגובהדורך יעקעלע פוקס » מאנטאג ינואר 26, 2009 2:43 pm

מיללער האט געשריבן:ר' יעקל,
.. אני הקטן האב שוין זוכה געווען דארט צו זיין ולשפוך שיח על ציונו הק' זי"ע..

און אני הקטן האב זוכה געווען זיך צי טובל'ן אסאך לע"נ הרה"ק ר' משה בן ר' יוסף צבי זי"ע, וואס כידוע שרייבט ער אין זיין צוואה אז ווער עס וועט טוהן פאר זיין נשמה, וועט נישט שטארבען אן תשובה!!!
טעמו וראו כי טוב השם

אוועטאר
מיללער
שר עשרים אלפים
תגובות: 25847
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מאנטאג ינואר 26, 2009 5:58 pm

די ערשטע ישיבה וואס ווערט דערמאנט בהירחון הנ"ל איז די ישיבה אין פרעשבורג בימי כהונת ר' עקיבא סופר ה'דעת סופר' אלס רב, עס איז אינטערעסאנט צו לייענען אז ביים פארלערנען שיעורים האט ר' עקיבא סופר אנגעטאן א 'קאלפיק' כמנהג אבותיו, עפ"י צוואת החת"ס.

די פרעשבורגער ישיבה האט זיך געציילט ביי אומגעפער 200 בחורים אין יענע צייט.

דער וואס באשרייבט די ישיבה דארט איז א בחור בשם 'עמרם ישי מיללער' (נישט פון מיין משפחה..) אויב איך האב נישט קיין טעות איז ער פון א רבנישע משפחה, נאכדעם איז דא עטליכע חד"ת פון תלמידי הישיבה.

אוועטאר
farshlufen
שר עשרים אלפים
תגובות: 24443
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » דינסטאג ינואר 27, 2009 9:46 am

טיפיקל מיללער, איך צייג אים אן א לינק צוליעב גאר אן אנדער ענין און ער טרעפט שוין מטעמים פאר א בא'טעם'טע שמועס אין א נושא.
ישר כח.
זמירות יאמרו ותשבחות ישמיעו כי הוא לבדו בורא רפואות.

אוועטאר
farshlufen
שר עשרים אלפים
תגובות: 24443
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » דינסטאג ינואר 27, 2009 10:00 am

מיללער האט געשריבן:
גאר אסאך רעקארדס איבער די ישיבות פון די צייטן פאר די קריג קומט פון די באקאנטע וואולטעטיגע
ארגענעזאציע אין אמעריקא בשם 'עזרת תורה' וואס אין איר שפיץ איז געשטאנען פאר א צייט הגאון ר' יוסף אלי' הענקין זצ"ל און אנדערע גדולים, דער ציל פונעם מוסד איז געווען ארויסצוהעלפן מיט געלט די אייראפעישע ישיבות, די ישיבות האבן געברויכט אריינשיקן א דו"ח פון די מספר התלמידים וכדו', וואס אזוי ארום איז די אינפארמאציע געבליבען פרעזערווירט לדורות עולם.

דער ספר:
http://www.hebrewbooks.org/pdfpager.asp ... m=1&hilite
שטייט איין ביי אונז אין אוצר, און האט אסאך אינפארמאציע בנושא זה.

מיללער, וואס איז די היסטאריע פון דעם מוסד פון ווען ביז ווען האט עס אפערירט?
זמירות יאמרו ותשבחות ישמיעו כי הוא לבדו בורא רפואות.

אוועטאר
מיללער
שר עשרים אלפים
תגובות: 25847
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דינסטאג ינואר 27, 2009 10:11 am

אויב איך מאך נישט קיין טעות איז דער מוסד אקטיוו מיט שטיצע פאר ישיבות פון ארץ ישראל, עס איז נתייסד געווארן בשנת תרע"ה.

אוועטאר
יעקעלע פוקס
שר חמש מאות
תגובות: 915
זיך איינגעשריבען אום: מאנטאג אוגוסט 04, 2008 12:22 pm

תגובהדורך יעקעלע פוקס » דינסטאג ינואר 27, 2009 12:17 pm

מיללער האט געשריבן:..דער וואס באשרייבט די ישיבה דארט איז א בחור בשם 'עמרם ישי מיללער' (נישט פון מיין משפחה..) אויב איך האב נישט קיין טעות איז ער פון א רבנישע משפחה, ...

זאג נאר הער מילער, ביסטי נישט פון א רבישע משפחה, ביסט דאך משפחה מיט יארמער גאון ניין?
מיר האבען לעצטענס געזעהן א נאמען "יעקב דוב אביגדור מילער" האב איך געטראכט WOW דריי קיגלעך, און וועלטס בוויסטט, אין איין טאפ
קודם יעקל מילער פון יארמע, יעקב דוב מילער פון די קרעטשמע, און ר' אבידור מילער פון די שיעורים,
איז די דריי קיגלעך פון די זעלבע רעסעפי???

יעצט צום עצם נושא
מיר האבען זיך פאר צוויי יאר צירוק געטראפען און אונגארען מיט א אלטע גאלאנטער תלמיד, און אויך גערעד פון זיין רבי'ן און זיין ישיבה מיט עפעס אן אויסטערלישע בענקשאפט, איך מיין אז גאלאנטא איך אויך געווען א ישיבה א שם דבר אין דער אלטער היים
טעמו וראו כי טוב השם

לעווי
שר האלף
תגובות: 1918
זיך איינגעשריבען אום: זונטאג יוני 22, 2008 12:04 pm

תגובהדורך לעווי » דינסטאג ינואר 27, 2009 2:50 pm

מיללער האט געשריבן:אלע מאקאווא תלמידים רעדן פון אים מיט א נאסטאלאגיע א שטייגער ווי די תלמידים פון סעקלעהידער רב וכדו', די צוגעבינדנקייט און פאטערליכע ליבשאפט וואס ער פלעגט ארויסצווייזן פאר די תלמידים איז אין לשער.



דא האט איר א בילד.



.
צוגעלייגטע
20020.jpg
ארויף קריכט מען פאוואליע, אבער אראפ קוילערט מען זיך שנעל!

אוועטאר
מיללער
שר עשרים אלפים
תגובות: 25847
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דינסטאג ינואר 27, 2009 2:59 pm

לעווי,
א יישר-כח פארן בילד, עס מוז דא באטאנט ווערן אז דער סעקלעהידער רב'ס זוהן ר' שמואל דוד דער רב הצעיר, האט משמש געווען אויך אלס ראש ישיבה.

אוועטאר
יעקעלע פוקס
שר חמש מאות
תגובות: 915
זיך איינגעשריבען אום: מאנטאג אוגוסט 04, 2008 12:22 pm

תגובהדורך יעקעלע פוקס » דאנארשטאג ינואר 29, 2009 11:00 am

מיר האבען געהערט פון ר' מרדכי ברעסלער ני"ו, אז די דעלאטינער רב זצ"ל (היינט נאכט די יארצייט) האט געהאט א ישיבה פאר דע קריג, לכתחילה נישט, אבער אזוי ווי עס איז געווען שווערע צייטן שוין, און מ'האט מורא געהאט צי פארען אוועק פון שטאט, ווי אויך זענען די עלטערן נישט געווען רואיג אז די בחורים זאלען אוועק פארען, ווייל ווער ווייסט מען מה יולד יום, און וויבאלד דעלאטין איז געווען א גרויסע חסידישע שטאט, איז מען זיך צאמגעקומען לערנען יעדען טאג ביים רב אין ביהמד"ר און די רב האט געדינט אלץ ר"מ און פארגעלערענט יעדען טאג, ער פארציילט אינטערעסאנטע עפיזאדן פון יענע צייט, ווי אויך זאגט ער אז זענען געווען דארט א היבשע צאל בחורים,
טעמו וראו כי טוב השם

אוועטאר
מיללער
שר עשרים אלפים
תגובות: 25847
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מיטוואך פאברואר 04, 2009 3:51 pm

אויף היברו-בוקס האב איך געטראפן דעם בוך מוסדות התורה באירופה בבנינם ובחורבנם וועלכע באשרייבט טייל פראמינענטע ישיבות פון פאר די קריג, לייענט און האט הנאה.

בייגעלייגט איז די רשימה פון די ישיבות וועלכע ווערן דארט באשריבען.
צוגעלייגטע
2923_3.jpg

אוועטאר
יעקעלע פוקס
שר חמש מאות
תגובות: 915
זיך איינגעשריבען אום: מאנטאג אוגוסט 04, 2008 12:22 pm

תגובהדורך יעקעלע פוקס » מיטוואך פאברואר 04, 2009 4:08 pm

אינטערעסאנט
וואס זענען די נעמען בייגעלייגט די ישיבות? די ראש ישיבה אפשר? לכאורה נישט, ווייל איז זעה די זעלבע נאמען אין עטליכע ישיבות
דאקטוירים און פראפעסערס, ווי אויך זעה איך אין ישיבת חתם סופר אין פרעשבורג עפעס א יונגרייז, אפשר גאר ווער עס איז די באשרייבער פון די ישיבה?
טעמו וראו כי טוב השם

אוועטאר
מיללער
שר עשרים אלפים
תגובות: 25847
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מיטוואך פאברואר 04, 2009 4:11 pm

יא דאס זענען די נעמען פון די שרייבער פון יענע ערכים.

לעווי
שר האלף
תגובות: 1918
זיך איינגעשריבען אום: זונטאג יוני 22, 2008 12:04 pm

תגובהדורך לעווי » דאנארשטאג פאברואר 05, 2009 1:06 pm

דאס איז בעצם א בילד פון אין מיטן די קריג אבער די ישיבה האט שוין געקזיסטירט פאר די קריג.




.
צוגעלייגטע
shanchai.jpg
ארויף קריכט מען פאוואליע, אבער אראפ קוילערט מען זיך שנעל!

לעווי
שר האלף
תגובות: 1918
זיך איינגעשריבען אום: זונטאג יוני 22, 2008 12:04 pm

תגובהדורך לעווי » מאנטאג פאברואר 09, 2009 2:36 pm

די גרויסע וואלאזינ'ער ישיבה.
צוגעלייגטע
Volozhin_yeshiva.jpg
ארויף קריכט מען פאוואליע, אבער אראפ קוילערט מען זיך שנעל!

לעווי
שר האלף
תגובות: 1918
זיך איינגעשריבען אום: זונטאג יוני 22, 2008 12:04 pm

תגובהדורך לעווי » מאנטאג פאברואר 09, 2009 2:37 pm

די ישיבה פון די חפץ חיים אין ראדין.
צוגעלייגטע
Radin_Yeshiva.jpg
ארויף קריכט מען פאוואליע, אבער אראפ קוילערט מען זיך שנעל!

לעווי
שר האלף
תגובות: 1918
זיך איינגעשריבען אום: זונטאג יוני 22, 2008 12:04 pm

תגובהדורך לעווי » מאנטאג פאברואר 09, 2009 2:38 pm

א שיין בילד פון ישיבת חכמי לובלין.
צוגעלייגטע
Lublinyeshiva.jpg
ארויף קריכט מען פאוואליע, אבער אראפ קוילערט מען זיך שנעל!

לעווי
שר האלף
תגובות: 1918
זיך איינגעשריבען אום: זונטאג יוני 22, 2008 12:04 pm

תגובהדורך לעווי » מאנטאג פאברואר 09, 2009 2:39 pm

ישיבת עץ חיים אין ירושלים, מיט אירע איינגעשטעלטער.


איינער דערקענט די מיטגלידער אינעם בילד?



.
צוגעלייגטע
Etz_Chaim_Yeshiva_faculty.jpg
ארויף קריכט מען פאוואליע, אבער אראפ קוילערט מען זיך שנעל!

אוועטאר
מיללער
שר עשרים אלפים
תגובות: 25847
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דינסטאג פאברואר 10, 2009 5:11 pm

הרה"ג ר' משה וויינבערגער אב"ד ביהמ"ד הגדול אנשי אונגארן אין ניו-יארק, האט געעפנט א ישיבה אין ניו-יארק בשם 'ישיבת אור החיים' בשנת תרנ"ה, בייגעלייגט איז א קאפי פון די ערשטע בלאט פון די שטאטוטען פון די ישיבה בשם תורה אור

לייענט דא פון הרב דר. יצחק לעווין מער איבער די היסטאריע פון די ישיבה.
צוגעלייגטע
2721_2.jpg

אוועטאר
מיללער
שר עשרים אלפים
תגובות: 25847
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דאנארשטאג פאברואר 12, 2009 2:20 pm

ישיבת 'נצח ישראל' אין בענדין, פוילן בערך שנת תרצ"ה.
צוגעלייגטע
23220.jpg

אוועטאר
מיללער
שר עשרים אלפים
תגובות: 25847
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דאנארשטאג פאברואר 12, 2009 3:28 pm

די מירער ישיבה איז פאר א צייט אין די קריג געווען אין קאבא, יאפאן פארן וואנדערן קיין שאנכאי.

בייגעלייגט איז א בילד פון מירער תלמידים לערנעדיג אין קאבא, דער מיטלסטער (מיט די הוט און ברילען) איז הגאון ר' אברהם בלומענקראנץ זצ"ל וועלכער איז מיט ארען שפעטער געווען אנערקענט אלס איינע פון די שטערקסטע רבנים בתחום הכשרות.
צוגעלייגטע
38621.jpg

אוועטאר
farshlufen
שר עשרים אלפים
תגובות: 24443
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » זונטאג פאברואר 22, 2009 12:02 pm

מיר האבן שוין אמאל געברענגט דעם בילד, מיר האבן דאן געקלערט אז דאס איז נישט דער זעלבער ר' אברהם, ער איז נישט געווען אזוי אלט.
זמירות יאמרו ותשבחות ישמיעו כי הוא לבדו בורא רפואות.


צוריק צו “זכור ימות עולם”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 4 געסט