נייעס און קרישקעלעך פון מאנסי און ראקלענד קאונטי

[אחד מהחבורה]

זעהט אויס אז דער דעי מיט רשעות גייט אינאיינעם, נישט נאר קעגן דעם איד, נאר אפי' קעגן די אייגענע יוצאי חלציו.

[פעטער שמואל]

און אן אינטערעסאנטע טוויסט האט אראנדזשטאון סופערווייזער קריס דעי, א זון פונעם קאונטי עקזעקיוטיוו עד דעי, אנגערופן העסקן ר' בנציון ווידער - די איינציגסטע חסידישע פאלאטישען אין די קאונטי גאווערנמענט- צו ארבעטן צוזאמען צו באקעמפן די מיזעלס אויסברוך אין די קאונטי.

עס איז א גרויסע חידוש זינט דער זון איז א ברא כרעיה דאבוה און האט די פארגאנגענהייט כסדר געשימפט אויף סאושעל מידיע קעגן די היימישע אידן. ער האט אפילו צוגעזאגט צו מאכן א געזעץ אז מען זאל נישט קענען נוצן קיין יוטיליטי פאולס אויף צו מאכן אן עירוב אין אראנדזשטאון (ווי עס וואוינען שוין צענדליגע היימישע משפחות אין די פוירל ריווער געגנט). ער פלעגט כסדר אריינגיין אין שארפע געפעכטן דירעקט מיט ר' בנציון אויף סאושעל מידיע און די צוויי זענען באקאנט אלץ שונאים.

זיין טאטע איז אבער זייער נישט צופרידן פון דעם און ער איז שארף ארויסגעקומען קעגן זיין זוהן. (זעה בילד ). דער זוהן איז נישט שולדיג געבליבן און איז ארויס מיט א לענגערע באשרייבונג אויף פעיסבוק אקעגן זיין טאטע ווי ער שרייבט צווישן די אנדערע אז 'א צייט צוריק איז עפעס געשעהן צו מיין טאטע וואס מאכט אים טוהן נישט פאסיגע זאכן'. (די באשרייבונג און קומענדיגע תגובה).

עס בלייבט איבער צו זעהן וואס עס גייט זיך אויסקאכן דא. אבער דערווייל איז דערפרישנד צו זעהן ווי 1 ) א באקאנטע עוכר ישראל קומט ארויס אין א פאזאטיווע וועג 2 ) צוויי פון אונזערע שונאים שלאגן זיך צווישן זיך.

מען קען מיך אנרופן א קאנספיראציע טעאריקער, אבער איך האלט אז עפעס טיפער ליגט דא באהאלטן. איך האב א חשד אז קריס דעי פלאנט צו לויפן פאר א העכערע אפיס (קאונטי עקזעקיוטיוו? ) און ער פרובירט צו געווינען די אידישע וואוט סיי מיטן אויסשטרעקן א האנט און סיי מיטן אראפרייסן זיין טאטע אין פובליק. ימים ידברו.

די דראמא ציעט זיך ווייטער.

פון Steve Leiberman א לאקאלע ראפארטער פאר lohud:

Orangetown Supervisor Chris Day announces he won’t seek re-election citing the stress and lies by his father and GOP chairman Lawrence Garvey

[פעטער שמואל]

די שנור פון עד דעי (ווייב פון קריס דעי ) איז ארויס מיט א אויפרייסערישע פאוסט קעגן עד דעי באשולדיגט אים מיטן ארויסגעבן גאווערנמענט קאנטראקטס פאר זיין האלבן כנגדו. עס איז געשריבן מיט אזא האס אז איך קען ניטאמאל אראפברענגן דא 'שיינע' לשונות דא, עס איז הויעך יו"ט.

[אלד וויליאמסבורג]

די דראמא ציעט זיך ווייטער.

פון Steve Leiberman א לאקאלע ראפארטער פאר lohud:

Orangetown Supervisor Chris Day announces he won’t seek re-election citing the stress and lies by his father and GOP chairman Lawrence Garvey

שוואכע דראמא, די קארופטירטע מידיע רעדט נישט קיין ווארט פון די שמוץ אויפן טאטן, עס הערשט א טאטאלע שטיל שווייגעניש.

[פאראינטערסירט]

די שנור פון עד דעי (ווייב פון קריס דעי ) איז ארויס מיט א אויפרייסערישע פאוסט קעגן עד דעי באשולדיגט אים מיטן ארויסגעבן גאווערנמענט קאנטראקטס פאר זיין האלבן כנגדו. עס איז געשריבן מיט אזא האס אז איך קען ניטאמאל אראפברענגן דא 'שיינע' לשונות דא, עס איז הויעך יו"ט.

כ'האב עס געהאט אראפגעברענגט צענזורירטערהייט דאהי, אבער מ'האט עס אפגעמעקט....

[געלעגער]

די לשונות האבן נישט געפאסט אפילו מיט די צענזור

[פאראינטערסירט]

די לשונות האבן נישט געפאסט אפילו מיט די צענזור

איהר זענט גערעכט.

[ריש לקיש]

הער איך אז מוסדות וויזשניץ אין מאנסי קויפט אפ די בנינים פון ישיבת בית דוד און בית שרגא מיט די לאט פון 4 עיקר פאר די סומע פון 12 מיליאן דאלער

[פעטער שמואל]

הער איך אז מוסדות וויזשניץ אין מאנסי קויפט אפ די בנינים פון ישיבת בית דוד און בית שרגא מיט די לאט פון 4 עיקר פאר די סומע פון 12 מיליאן דאלער

ק/פ פון וויזניצע נייעס טעלעגראם

מאנסי:
ברוך שהחיינו וקיימנו והגיענו לזמן הזה

מיט גרויס התרגשות און פרייד האבן וויזניצע חסידים אומעטים אויפגענומען די בשורה המרנינה אז בעצומו של יומא דהילולא קדישא פון כ"ק מרן די רבי זצללה״ה וואס האט בדם לבבו אויפגעשטעלט איינע פון די שענסטע מוסדות התורה אין שטאט מאנסי, האט מען צוגעלייגט נאך א צווייגעלע צום הערליכען בוים מיטן אריין גיין אין קאָנטראַקט אָפּצוקויפן די בנין פון ישיבת בית דוד. די בנין געפינט זיך אין צענטער פון שטאט, סמוך ונראה צו די יעצטיגע בנייני מוסדותנו הק׳.

נעכטען נאכט נאכן שלחן הטהור לרגל יומא דהילולא קדישא איז פארגעקומען די חתימת ההסכם ומסיבות לחיים בביתו נאוה קודש בהשתתפות פון חברי הנהלת המוסדות פון ביידע צדדים, בנוסף צו די יחידי סגולה, בונים ומקימים עולמות של תורה ותומכי לומדים אין שפיץ פון הרבני הנגיד המפואר מו״ה ר׳ יעקב אשר פעלדמאן פון טאראנטא ואתו עמו הרה״ח הנגיד המפואר מו״ה ר׳ יודא יואל ראזענפעלד פון מאנסי.

בעת די מעמד האט אויפגעטרעטן ראש הקהל דקהלתנו הק׳ בב״פ הנגיד החסיד ר' אברהם איינהארן וואס האט ארויסגעברענגט די געוואלדיגע זכיה אין אחריות וואס די מחזיקי התורה האבן מיטן העלפן די וואוקס אין בליה פון די הייליגע ירושה וואס כ״ק מרן די רבי זצללה״ה האט אונז איבערגעלאזט.

דערנאך האט כ״ק מרן די רבי שליט״א ארום גערעדט סיפורים ועובדות פון דעם גרויסן בעל הילולוא זי״ע ווי אויך פון די השתלשלות ההתישבות און התייסדות מוסדותנו הק׳ אין מאנסי.

חסידי וויזניץ אומעטום וואונטשען בורא עולם בקנין השלם זה הבנין און זענען מתפלל צום בורא כל עולמים בנה ביתך כבתחילה וכונן מקדשך על מכונו, אמכי״ר

[פארטראכטער]

ווי גייט בית דוד גיין ?
12 מיליאן דאלער פאר דיע ביידע לאטס איז גאנץ א גוטע דיעל.

[שמואל שמעלקא]

געהערט האב איך.
אז באמת בעטן זיי מער ווי עס איז באמת ווערד, און עס איז געווען א שטיקל דין ודברים צו מען זאל עס אופקויפן, און עס איז געבליבן אז וויזניץ מיז עס סיי ווי קויפן ווי איידער א צווייטע חסידות זאל זיך דארט אריין שטעקן די נאז.

[פארטראכטער]

און ווי גייט בית דוד גיין?

[געריבענער סוחר]

און ווי גייט בית דוד גיין?

פאר 12 רעדלעך קענען זיי זיך סעטלען ערגעץ אנדערש, און נאך בלייבן מיט טשעינדש.

[גרויסע-גדולה]

און ווי גייט בית דוד גיין?

פאר 12 רעדלעך קענען זיי זיך סעטלען ערגעץ אנדערש, און נאך בלייבן מיט טשעינדש.

ס'ווענדט זיך שטארק וואסערע חובות זיי מוזן אפצאלן אויף די בנינים. געווענליך איז פארהאן עפעס פיינענסינג. ביי מוסדות קען זיין אז נישט

[ריש לקיש]

געהערט האב איך.
אז באמת בעטן זיי מער ווי עס איז באמת ווערד, און עס איז געווען א שטיקל דין ודברים צו מען זאל עס אופקויפן, און עס איז געבליבן אז וויזניץ מיז עס סיי ווי קויפן ווי איידער א צווייטע חסידות זאל זיך דארט אריין שטעקן די נאז.

גראדע האב איך געהערט אז בערל קארניאל (וואס האט געברענגט די דיעל פאר וויזניץ) האט געזאגט אז אויב וויזניץ וויל עס נישט, דאן קויפט ער עס פאר זיך, ער ווארפט אראפ די בנינים, און שטעלט אויף א שטאט דארט, און שארט אריין אפאר רעדלעך אין טאש אריין...

[פארטראכטער]

און ווי גייט בית דוד גיין?

פאר 12 רעדלעך קענען זיי זיך סעטלען ערגעץ אנדערש, און נאך בלייבן מיט טשעינדש.

צו טרעפן א לאט און צוריק אויפבויען די בנינים וואס זיי דארפן וועט זיי מן הסתם קאסטן די זעלבע.

[ישוב הדעת]

די שאלה איז פארוואס אזא עסטעבלישט מוסד ווי בית דוד זאל וועלן דאס פארקויפן? שמעקט פון אינגע קעפ וואס נעמען איבער די זאך..

[פארטראכטער]

די שאלה איז פארוואס אזא עסטעבלישט מוסד ווי בית דוד זאל וועלן דאס פארקויפן? שמעקט פון אינגע קעפ וואס נעמען איבער די זאך..

100%

[געריבענער סוחר]

די שאלה איז פארוואס אזא עסטעבלישט מוסד ווי בית דוד זאל וועלן דאס פארקויפן? שמעקט פון אינגע קעפ וואס נעמען איבער די זאך..

100%

די בילדינגס זענען שוין לאנג אויסגעצאלט. מאך א 1+1 חשבון מיט וויפיל זיי בלייבן איבער נאכן קויפן ערגעץ אנדערש.

[שמונה]

די שאלה איז פארוואס אזא עסטעבלישט מוסד ווי בית דוד זאל וועלן דאס פארקויפן? שמעקט פון אינגע קעפ וואס נעמען איבער די זאך..

100%

די בילדינגס זענען שוין לאנג אויסגעצאלט. מאך א 1+1 חשבון מיט וויפיל זיי בלייבן איבער נאכן קויפן ערגעץ אנדערש.

צוועליף מילאן טראגט זיי נישט און ערגעץ א לייטישע בנין קאסט כאטשיג 150 דאלער א פיס פלוס א פראפערטי קאסט אויך עטליכע מיליאן קיין געלט בלייבט נישט וואס זיי פארדינען איז א נייע בנין זייער איז זייער אלט
און קיין איין מוסד האט עס נישט געוואלט ווייל מען גייט עס באקומען הערשט און עטליכע יאר ווען זיי גיין טרעפן א ניי פלאטץ און בויען אבער וויזניץ האט שוין געטוהן די זעלבע מיט ישיבה ספרינג וואלי זיי געלאזט זיצען איבער צען יאר אבי אן אנדערע מוסד זאל נישט קומען אונטער די נאז

[פומפדותא]

פארוואס קויפן נאך בנינים, ווען ווילחאוויץ קענען זיי נישט אנפילן.

[פעטער שמואל]

פארוואס קויפן נאך בנינים, ווען ווילחאוויץ קענען זיי נישט אנפילן.

סיי עליון רד. און סיי ווילחאוויץ זענען איבערגעפילט עד אפס מקום.
חוץ פון דעם פלאנען זיי שוין לאנג אריבערצוברענגן די ישיבה קטנה צו די געגנט.

[פומפדותא]

פארוואס קויפן נאך בנינים, ווען ווילחאוויץ קענען זיי נישט אנפילן.

סיי עליון רד. און סיי ווילחאוויץ זענען איבערגעפילט עד אפס מקום.
חוץ פון דעם פלאנען זיי שוין לאנג אריבערצוברענגן די ישיבה קטנה צו די געגנט.

נישט אמת, זיי מברר.

[פעטער שמואל]

פארוואס קויפן נאך בנינים, ווען ווילחאוויץ קענען זיי נישט אנפילן.

סיי עליון רד. און סיי ווילחאוויץ זענען איבערגעפילט עד אפס מקום.
חוץ פון דעם פלאנען זיי שוין לאנג אריבערצוברענגן די ישיבה קטנה צו די געגנט.

נישט אמת, זיי מברר.

שוין מברר געווען. עס קומט צו יעדע יאר א נייע פאראלעל צו יעדע קלאס. עס איז כעת נישט דא קיין איין איבעריגע קלאס צימער. דאס איז שוין נאכן לייגן עטליכע כתות אין טרעילערס.

[פומפדותא]

ווען עס איז באמת נישט דא קליין פלאץ וואלט מען צוגעבויט נאך א שטאק צו ווילחאוויץ, ס'איז אסאך ביליגער וואו קויפן א נאך א בנין.

ביטע קוק וואס איך הרב דיר געשריבן אין אישי.