אמאזאן הויפקווארטיר 2 קומט "נישט" קיין לאנג איילענד סיטי

[צל עובר]

ווי נאנט צום שטעטל ווייסעך נישט, אבער אין די אלע פלעצער האבן דאך אידן אויך עמעזאן ביזנעסער.

[שלמה הילדעסהיימער]

לאנג איילענד סיטי איז א געגנט אין קווינס געציילטע מינוט צפון פון גרינפוינט און וויליאמסבורג. די ניוטאון קריק לויפט צווישן גרינפוינט און לאנג איילענד סיטי און צייכנט אן די גרעניץ צווישן ברוקלין און קווינס.

IMG_20181113_161935.jpg (676.63 KiB) געזען 2346 מאל

לאנג איילענד איז די לאנגע אינזל מזרח פון די סיטי (קווינס). ברוקלין און קווינס זענען טעכניש אויך טייל פונעם 'לאנגען אינזל,' אבער זענען טייל פון ניו יארק סיטי און ווערן נישט גערופן לאנג איילענד.

image_search_1542142661559.png (566.01 KiB) געזען 2346 מאל

די ריעל עסטעיט אין לאנג איילענד סיטי איז [געווען...] זייער ביליג אין פארגלייך צו די רעשט פון ניו יארק סיטי. עס איז געווען א רעדע פון מאכן א היימישע געגנט דארט א צייט צוריק.

די אמאזאן HQ2 איז נישט קיין אמאזאן וועירהאוז און פולפילמענט צענטער, עס גייט זיין איינע פון די ביזנעס הויפטקווארטירן און טעכנאלאגיע צענטערן. היימישע אמאזאן סעלערס גייען גאר ווייניג בענעפיטירן פון דעם.

עס האט געהייסן 50,000 גוט-באצאלטע דזשאבס און פינף ביליאן דאלער אינוועסטירונג פון אמאזאן. יעצט אז זיי האבן דאס צעטיילט אין צווייען רעכנט מען האלב דערפון פאר די סיטי.

מיר איז אינטערעסאנט פארוואס זיי האבן איבערגעהיפט "רעכט צו ארבעטן" און נידעריגע שטייער און רעגולאציע שטאטן און אנשטאט אויסגעקליבן צוויי ליבעראלע שטעט אין ווי ניו יארק סיטי און בלויע נארטערן ווירדזשינע... ווייסן זיי נישט אז ביזנעסער קענען thrive'ן נאר אין סאוט קאראליינע און ארקענסאו?

[צל עובר]

@שלמה, איך מיין אז ער ברויך יא האבן היימישע אידן, עכ"פ פאר די סעלערס און ווענדערס דעפארטמענט.

עס איז דא צו באקומען בלויע סיטיס מיט וויינגער טרעפיק אויך.

[נא_שכל]

וויפיל יאר גייט נעמען אז די הויפטקווארטיר זאל אריינגיין אין באנוץ?

[צל עובר]

זיי רעדן פון א עוורידזש וועידזש פון א מאה פופציג א יאר.

[משה כספי]

.

מיר איז אינטערעסאנט פארוואס זיי האבן איבערגעהיפט "רעכט צו ארבעטן" און נידעריגע שטייער און רעגולאציע שטאטן און אנשטאט אויסגעקליבן צוויי ליבעראלע שטעט אין ווי ניו יארק סיטי און בלויע נארטערן ווירדזשינע... ווייסן זיי נישט אז ביזנעסער קענען thrive'ן נאר אין סאוט קאראליינע און ארקענסאו?

טאקע די ליבעראלע ניו יארק גיבט פאר די רייכסטע בילאנערישע קאמפאני די גרעסטע טעקס קרעדיט און גאווערמענט פראגראמען!

טאולק אבאוט "טראמפ שטייער שניטן פאר די רייכע..."

NY taxpayers to pay $48,000 per Amazon HQ job

[שלמה הילדעסהיימער]

איך האלט נישט אנדערש. פונקט?

[El Rushbo]

איך האלט נישט אנדערש. פונקט?

אזא קאמפאני זוכט 'טאלאנט' טעקס בענעפיטס איז סעקאנדערי.
און 'דאס' איז וואס ניו יארק פארמאגט בשפע

[פאראינטערסירט]

איך האלט נישט אנדערש. פונקט?

אזא קאמפאני זוכט 'טאלאנט' טעקס בענעפיטס איז סעקאנדערי.
און 'דאס' איז וואס ניו יארק פארמאגט בשפע

אינטערסאנט נאר אז ניו יארק האט גע'אפערט א 1.5 ביליאן טעקס קאט.
משא"כ וועסט ווירדזשיניע האט בלויז גע'אפערט 0.5 ביליאן טעקס קאט.

זעהט אויס ווי זיי זענען נישט אזוי אנטציקט פון ניו יארק סיטי אפי' מיט די גרויסע אפפער.

[משה כספי]

דער פוינט איז אז גרויסע ביזנעסער האבן נישט קיין פראבלעם מיט רוב רעגולאציעס אדרבה געווענליך לאביאירען זיי דערפאר ארויסצושטופן קליינע פון די מארקעט ס'איז די קליינע און מידיום ביזנעסער וואס ליידן

יעצט האב איך מיך אבער געוואונדערט אין הכי טאקע אז רעגולאציעס איז נישט קיין פראבלעם אבער פארוואס ניו יארק סיטי מיט גאר הויכע טעקס ווערסעס טעקסעס און פלארידע למשל וואס קאסט גארנישט? האב מיר געמאכט א סוירטש און געוואר געווארן אז די ליבעראלע וואס האקן טאג און נאכט אויף די טעקס קאטס פאר די רייכע און אז מילאנערס און ביליאנערס צאלן גארנישט בשעת וואס די קליינע ביזנעסער צאלן אלעס, זיי טאקע האבן דאס געטאן איצט מיט עמעזאן!

טאלק אבאוט היפאקריזם! מען גייט אויספליקן יעדע עמעזאן ארבעטער וואס גייט פארדינען למשל 75,000 מיט סיטי און סטעיט טעקס בשעת וואס עמעזאן גייט גארנישט צאלן און באקומען גאר 325 מיליאן דאלאר קעש

איך רעדט שוין נישט פון דיבלאזיא וואס גייט נידערן די רענט פרייזן אין ניו יארק אז ארימע זאלן קענען דא וואוינען

[משה כספי]

האו אבאוט טוישן די געזעץ אין ניו יארק און קליינע ביזנעסער וועלן צאלן ווייניגער טעקס, שניידן אביסעלע רעגולאציעס און נידערן טעקס לויט וויפיל ארבעטער מען האט אנשטאט הייבן די רעגולאציעס, מינימום וועידש, אינשורענס מאנדאט וכו' וכו' פאר אביסל גרעסערע ביזנעסער?

האלטס אז אזא פראפאזעל וואלט נישט געברענגט קיין מער ווי 50,000 פרישע דשאבס אין "אלע סעקטארן" נישט לימעטעד צו היי טעק פאר ניו יארק? און עס וואלט נישט געקאסט קיין 325 מיליאן קעש

א ליבעראלע עקלדיגע סקעם די גאנצע עמעזאן העדקווארטער

[Wow a1]

.

[צולייגער]

ארום א יאר מיט טשעינדזש צוריק, האט אונזער פריינט "גאפל" געמאלדן אז עמעזאן זוכט א לאקאציע פאר א צווייטע הויפטקווארטיר אין צוגאב צו איר איצטיגע היים ארט סיאטעל אין וואשינגטאן, וואו זיי וועלן אינוועסטן אין איר אויפבוי 5 ביליאן דאלער, און עווענטועל צושטעלן פאזיציעס פאר 50 טויזנט ווייסע קאלנער ארבייטער.

עמעזאן האט דאן ארויסגעלייגט א בערכ'דיג בילד איבער וואס זיי וועלן נעמען אין באטראכט, א גרויסע סיטי, זייענדיג גענוג נאנט צו אן ארט מיט א וואקסנדע פאפולאציע, אינפראסטראקטור פאר אזא גיגאנטישע קעמפוס, געאגראפישע נאנטקייט צו אינטערסטעיט הייוועיס און עירפארטס אא"וו.

ווי עס איז נאר פארשטענדליך, האבן כמעט אלע גרעסערע ראיאנען און סיטי'ס איבער די פאראייניגטע שטאטן און אירע זייטיגע שטחים געוואלט זיין דער געווינער, וויסנדיג וואס דאס באדייט, סיי אז מען וועט האבן אן אנגייענדע קאנסטרוקציע פאר עטליכע יאר, און סיי אז עס קומט צו א געברויך פאר 50 טויזנט ווייסע-קאלנער טייפ ארבעט.

עס האט זיך תיכף אנגעהויבן א געיעג צווישן הונדערטער סיטי'ס און מוניציפאליטעטן צוצושטעלן די פארלאנגטע פראפאזעלס און אפליקאציעס וועלכע מען האט געברויכט אהערשטעלן צו קענען ארויפגיין אויף די ליסט.

אזויפיל ווי 238 גאווערמענט ביוראען האבן אריינגעגעבן אן אפליקאציע, ס'רוב פון זיי האבן דאס געטאן באגלייט מיט פרעסס רעליסעס און שפייעכץ רינענדיגע הסברים פארוואס זיי זענען די וועלכע ברויכן זיין די "טשויזען וואנס".

כנהוג אין די היינטיגע פאררוקטע סאציאל-מידיא עפאכע, זענען טייל אפליקאציעס באגלייט געווארן מיט געניאלע און מאדנע בייפעלער, א שטייגער ווי דער ניו יארקער גאווערנאר ענדרו קאומאו האט געזאגט אז ער איז גרייט זיך צו טוישן נאמען אויף עמעזאן קאומאו אויב דאס וועט פאסן א באשלוס צו אויסקלויבן ניו יארק, אדער דער קענזעס סיטי מעיאר סליי דזשעימס וועלכער האט געקויפט טויזנט פראדוקטן אויף עמעזאן און זיי פארטיילט פאר טשעריטי, און געשריבן אויף אלע פינף שטערנדיגע רעוויאס, מאדנע אז עמעזאן האט נישט אראפגענומען די ריוויאס אין זייער לעצטיגע מאסיווע פייסעכמאכן קלינ-אפ.

אויך דער מאיאר פון ליטל-ראק אין ארקענסאו האט אפגעומען זיין דאזע אטענציע, און אריינגעלייגט אן עד אין וואשינגטאן פאוסט, דער צייטונג וועלכע באלאנגט גראדע פאר דעם עמעזאן שעף עקזעקוטיוו דזשעף בעזאס, וואו ער איז מסביר אז ער האט זייער ליב עמעזאן, אבער אזא גרויסער פראיעקט וועט אנמאכן צופיל טראפיק פאר אזא רעלאטיוו רואיגע געגנט, און אנזייען כאאס.

עווענטועל האט עמעזאן געלייגט אין א זייט 208 אפליקאציעס, און געבליבן מיט 20 פאטענציאלע אויסוואלן פאר א הויפטקווארטיר.

אין א מעלדונג האט מען אט וואס געהערט די ברעכנדע נייעס אז מען וועט אויפשטעלן 2 צענטערן אנשטאט איינס, און דעריבער געבן א געלעגנהייט פאר צוויי סיטיס צו אקופירן אן עמעזאן אפיס בילדינג קאמפלעקס.

שפעטער האט מען געקריגן דעם אפיציעלן מעלדונג, אז די צוויי געווינער זענען "לאנג איילענד סיטי" אין קווינס, ניו יארק סיטי, ביינאזאם מיט "קריסטעל סיטי" אין ווירדזשינע, אויסגעקליבן געווארן אלס געווינערס אינעם פארמעסט, און זיי וועלן זיין די גאסט געבער פאר נייע גיגאנטישע אפיס קאמפלעקסן פאר עמעזאן.

די הויפטקווארטיר געיעג ביז איר ענדגילטיגע אויסוואל האט געהאלטן געשפאנט די מוניציפאליטעטן, די מידיע און אנאליזירער ביינאזאם, און האט בעפאר אלעם געגעבן א געלעגנהייט צו מארקעטן עמעזאן פאר א וויילע, און מען קען נאך ערווארטן אסאך נויז ביז די קאמפלעקסן ווערן פארטיג.

***

וואס האט אבער געצויגן מיין אינטערעסע איז א שטיקל אנאליז פון איין פאראגראף, אינעם טעכנאלאגיע נייעס זייטל "טעקקראנטש", וואו עס ווערט אנגעוויזן א שטוינענדע אנעקדאט, און עס וואונדערט מיר אויב און פארוואס דאס איז נישט געווען ברייט שפעקולירט לאנג בעפאר. ליינט און שטוינט:

עמעזאן, וועלכע האט באוויזן צו זיין פון די איינציגע וועלכע האבן איבערגעלעבט בשלום דעם טעק-באבל אין יארע 01' (מער איבער דעם זעהט אונזער ארטיקל אויף דעם דאט-קאם קראך), האט כמעט פון איר ערשטע טאג אנגעהויבן געהאט א קלארע וויזיע, דהיינו אנשטאט זיין א געשעפט וועלכע פארקויפט א געוויסע פראדוקט אדער סערוויס, און אלעס דרייט זיך ארום דעם, האבן זיי זיך אהערגעשטעלט אלס דעם קאנסומערס פריאריטעט איינקויף ארט. זיי וועלן אייביג פאקוסן אויף דעם קאסטומער און נישט אויף די פראדוקטן, לכה"פ נישט ווי לאנג עס שטערט נישט פארן קאנסומער.

(א קליינע עקזעמפל, וואס מיר האבן אויפגעפאסט, רוב סייטס וועלכע זענען פראדוקט בעיסד, א שטייגער ווי מעיסיס ביי קליידונג, בי-ענד-עידזש ביי פאטאגראפיע און עלעקטראנישט מאשינען אא"וו וועלן האבן זייער א קלארע און מסודר'דיגע קאטאלאג אויף זייער זייטל איינגעטיילט אין הויפט קאטעגאריעס, סוב-קאטעגאריעס, ביז פיפטע אדער זעקסטע לעוול קאטעגאריעס. און ווען מען עפנט א פראדוקט פעידזש זעהט מען קלאר וואס מען וויל, אלע פונקציעס, דימענסיעס און ספעסיפיקאציעס זענען ארויסגעשריבן קלאר. ווידעראום ביי עמעזאן, וועט דאס זיין זייער פאצעריש, ביי אייטעמס וועלכע זענען נישט קאמפעטעטיוו ווי יעדער זוכט צו שטופן זייער פראדוקט און וועט טוהן וואס נאר מעגליך צו פארבעסערן זיין ליסטינג, וועט פעלן די גאר פשוט'ע פרטים, און אפטמאל וועלן זיי האבן אינפארמאציע אינגאנצן ראונג ואכהמ"ל)

דאס צו ערמעגליכן - און מיט דעם וויזיע אין מיינד - האבן זיי אויסגעשטעלט זייער ביזנעס מאדעל מיט צוויי הויפט מעטאדן: אהערשטעלן סופער שנעלע ספיד דעליווערי און זיין א טעכנאלאגיע קאמפאני.

דעליווערי. זיי טוהן אלעס מעגליך צו אנקומען צו יעדן פארשטופטן ארט ווי שנעלער. אנדערש ווי בעפאר די עמעזאן עפאכע - ווען דער רויטער גענאק אין נעבראסקא האט געברויכט בעטן פון זיינע שכנים אין דארף ווער עס האט די טעלעפאן נומבער פון בלעק און דעקער צו קענען באשטעלן א פארט פאר זיין דרילער, דאן געברויכט האפן אז זיי האבן עס אין סטאק, און אז זיי וועלן אים עס שיקן ווי נאר מעגליך, וואס האט באדייט אין בעסטן פאל א וואך - האט עמעזאן באוויזן אז אין כמעט יעדעס ארט וואו זיי האבן פריים סערוויס וועלן זיי קענען אפערן אבנארמאל שנעלע דעליווערי פאר כמעט בחינם.

דאס צו ערמעגליכן האבן זיי אהערגעשטעלט א סעריע וועירהאוזעס לענגאויס די לענדער וואו זיי אפערירן, איינטיילן פראדוקט קוואנטיטי צווישן די וועירהאוזעס און אזוי ארום ערמעגליכט צו קענען שיקן זאכן גאר שנעל.

אויך האבן זיי זיך גענומען איבער טעכנאלאגיע מיט א פארנעם ווי קיינער בעפאר. זיי פארקויפן טאקע ביכער, טאמאטעס, זאקן און דרילערס, זיי שטעלן צו קלאוד סערוויס און ווידעא סטרימינג, אבער אלעס אלעס דרייט זיך ארום טעכנאלאגיע, יעדעס ביסל ריסאורס וואס זיי האבן גייט אריין אין דעיטע און אנאליטיקס, לויפן אלגארטימס און מעזשורמענטס, נאר כדי צו וויסן פונקטליך וואס און וויאזוי זיי קענען טוהן אז זיי זאלן האבן אלעס וואס דער מענטש דארף נאר, זיין דער בעסטער און שנעלסטער אויסוואל פאר סיי וועמען, סיי וואו, זיי אינוועסטן יעדן דאלער וואס זיי פארדינען, אין פארשן און פארבעסערן פרעדיקשנס און פאראויסשאצונגען.

צו קענען האבן עקספעדייטעד דעליווערי אויף א ברייטע און קאסט עפעקטיווע פארנעם, האבן זיי פארשטאנען אז זיי גייען מוזן האבן זייער אייגענע דעליווערי סערוויס, אויב זיי ווילן נישט טיילן ריזיגע מוציא'ס פון זייער רעוועניו מיט די עקזיסירנדע שיפינג פירמעס, וועלכע האבן געהאט די מאנאפאל אויף דעליווערי און שיפינג.

אבער, אנדערש ווי געווענליכע דאטא איבער איינקויפער געוואוינהייטן און סטאנדארט געברויכן וואס מען קען האבן א השגה דערין ווי נאר מען הייבט אן טוהן אין דעם ליין, איז דעליווערי עפעס וואס די שיפפינג ריזן ווי יו. פי. עס. און פעדעקס האבן געהאט די מאנאפאל אויף, און גלייכצייטיג געהאלטן די סודות פאר זיך. מען קען זיך אפילו ערלויבן צו זאגן אז מיט זייער מאנאפאל האבן זיי קיינמאל נישט באזונדער משים לב געווען אויף מייקרא-פאקטארן, נאר באזירט זייערע באשלוסן אויף אן אלגעמיינע אלגאריטם פון דאטא און סטאטיסטיקס איבערן לאנד, און אזוי ארום געמאכט רולס און רעגולאציעס.

ווער רעדט נאך פון די פאסטעל סערוויס, זיי האבן קיינמאל נישט צוגעלייגט - פארוואס דען יא - קיין אונס קאפ און מח צו זעהן וויאזוי צו פארבעסערן און פארשנעלערן זייער סערוויס, און דאס זעהט זיך טאקע שטארק אן אין זייערע פינאנצן, און אין זייער צופרידנהייט ראטע איבערן לאנד.

דעריבער האט עמעזאן געהאט א שווערן פעלד צו אנהייבן קריגן אן השגה וואס זענען די אינס און אוטס איבער לאקאל דעליווערי, זיי האבן טאקע צעביסלעך אנגעהויבן אוטסאורסן דעליווערי פאר קלענערע לאקאלע פירמעס, און אנגעהויבן האלטן אן עינא פקיחא אויף די פראצעדורן און צייט וואס עס נעמט, באמערקט לעכער אינעם אנגענומענעם דעליווערי סיסטעם, און אנגעהויבן גרייט מאכן דעם באדן פאר אייגענע דעליווערי ראוטס אינעם נאנטן צוקונפט.

ווי פארשטענדליך האבן זיי געלעכצט נאך א געזונטע פארציע פון דאטא איבער לאקאלע טרעפיק און סטאטיסטיקס איבער מערערע געגנטער איבער אמעריקא, צו וויסן און פארשטיין די דעמאגראפישע געוואוינהייטן און געברויכן פון יעדן ארט, און איבער אלעם וויאזוי מען קען געוועלטיגן איבער די ראודס און האבן דעם שנעלסטן און בעסטן וועג פונעם וועירהאוז צום קאסטומער פאר א מינימאלע קאסט.

אנדערש ווי ריסוירטש וואס מען מאכט מיט רעפארטס פון שאפינג, איז לאקאל טרעפיק עפעס וואס מען מוז אראפגיין פיזיש צו האבן אקוראט, זיי וואלטן געקענט שפענדן מיליאנען פאר פעלד ארבייטער זאלן מאכן ריסוירטש איבער מערערע סטעיטס און סיטיס, עס וואלט געדויערט חדשים, און געקאסט אסאך געלט און ארבעט צוזאמצושטעלן.

דא איז אריינגעקומען די באמבע פון HQ2. מען האט אנאנסירט אז מען זוכט א לאקאציע, מען האט אויסגערעכנט א רייע פאקטארן איבער לאקאלע טרעפיק אד"ג וועלכע וועלן שפילן א ראלע ביים אויסקלויבן א לאקאציע. און... בינגא!!!

ווי טאטעלעך האבן די שטאטישע טאטעס זיך געיאגט, געגעבן די בעסטע און מערסט אפענע אינפארמאציע וואס נאר מעגליך, און היידא! עמעזאן האט ביז צוויי חדשים געקריגן אויף א גאלדענעם טאץ דעטע רעפארטס פון אריבער צוויי הונדערט געגננטער אין די פאראייניגטע שטאטן, מיט די קראנטסטע דאטא פוינטס וואס זיי וואלטן נאר געקענט חלומ'ען.

בלייבט נאר איבער צו חלומ'ען איבער דעם שמייכל ביי דעם איבערגליקליכן בעזאס אן ביורא, נאכדעם וואס ער האט ווידעראמאל גענומען אמעריקא אויף א רייד מיט אן אומשולדיגן אנאנסירונג, און סוקסעספול אריינגענארט אין זאק אריין הונדערטער האפענונגספולע פאליטישאנס.

וואס זאגט איר צו דעם?

[lebediger berel]

דער נייער הויפטקוואטיר וועט געבויעט ווערן אין קווינס"?

[האלט]

דער נייער הויפטקוואטיר וועט געבויעט ווערן אין קווינס"?

https://therealdeal.com/2018/11/13/amaz ... e-for-hq2/

[קענדי'ס]

וואס זאגט איר צו דעם?

ביסט אזא צולייגער

ווי איז די לייק קנעפל??

[געריבענער סוחר]

דא איז אריינגעקומען די באמבע פון HQ2. מען האט אנאנסירט אז מען זוכט א לאקאציע, מען האט אויסגערעכנט א רייע פאקטארן איבער לאקאלע טרעפיק אד"ג וועלכע וועלן שפילן א ראלע ביים אויסקלויבן א לאקאציע. און... בינגא!!!

ווי טאטעלעך האבן די שטאטישע טאטעס זיך געיאגט, געגעבן די בעסטע און מערסט אפענע אינפארמאציע וואס נאר מעגליך, און היידא! עמעזאן האט ביז צוויי חדשים געקריגן אויף א גאלדענעם טאץ דעטע רעפארטס פון אריבער צוויי הונדערט געגננטער אין די פאראייניגטע שטאטן, מיט די קראנטסטע דאטא פוינטס וואס זיי וואלטן נאר געקענט חלומ'ען.

בלייבט נאר איבער צו חלומ'ען איבער דעם שמייכל ביי דעם איבערגליקליכן בעזאס אן ביורא, נאכדעם וואס ער האט ווידעראמאל גענומען אמעריקא אויף א רייד מיט אן אומשולדיגן אנאנסירונג, און סוקסעספול אריינגענארט אין זאק אריין הונדערטער האפענונגספולע פאליטישאנס.

וואס זאגט איר צו דעם?

פיינע צולייגער. ליינט זיך ווי א געשמאקע קאנספירעסי, אבער אזוי צי אזוי, האט ער זיכער די דעטע, נישט קיין חילוק צי זיין כוונה תחילה אז געווען דאס.

[כאפצעם]

די גרעסטע זשאוק איז אז זיי וואלטן געקומען אין סיטי אן א ברעקל פון די אלע טעקס ברעיקס... מ'ווייסט קלאר אז זייער הויפט פריארעטי איז געווען "טעק טאלאנט" און דאס איז נישטא אין א צווייטן פלאץ אויסער ניו יארק סיטי און די די. סי. מעטראפאלעטין. נאט איווען קלאוס!

נאך א בעלאוני איז די גרודער אז די לאקאלע איינוואינער זענען "אויפגעברויזט" אויפן עמעזאן ערשיינונג.. שטעלטזעך ארויס ס'איז זשאסט אביסל נויז פון די קארטעז ליבעראלן, די לאקאלע איינוואינער שיינען היבש אויפגעלאכטן מיטן איידיע אז די געגענט גייט אויפבליען, שטייצעך שוין אפגערעדט פון די היי פעיאינג זשאבס וואס גייט אריינפליסן.

[farshlufen]

דער נייער הויפטקוואטיר וועט געבויעט ווערן אין קווינס"?

https://licpost.com/amazon-officially-s ... able-basin

https://goo.gl/maps/5gKqVhNUdKx

[א נייער]

צולייגער עס קומט זיך דיר געמאכט א גוטן דזשאב.

[שאינו יודע]

צולייגער. געוואלדיג
איך ווייס נישט צו בעזאס האט א שמייכל. אבער איך זיכער

[צל עובר]

איך האלט נישט אנדערש. פונקט?

אזא קאמפאני זוכט 'טאלאנט' טעקס בענעפיטס איז סעקאנדערי.
און 'דאס' איז וואס ניו יארק פארמאגט בשפע

אינטערסאנט נאר אז ניו יארק האט גע'אפערט א 1.5 ביליאן טעקס קאט.
משא"כ וועסט ווירדזשיניע האט בלויז גע'אפערט 0.5 ביליאן טעקס קאט.

זעהט אויס ווי זיי זענען נישט אזוי אנטציקט פון ניו יארק סיטי אפי' מיט די גרויסע אפפער.

די איבעריגע טעקס נאכן אראפרעכענען די 1.5 איז מסתמא מער ווי דארט.

אנדערע פלעצער האבן געאפערט אסאך אסאך מער.

און נישט די רויטע וועסט ווירדזשיניע נאר די בלויע ווירדזשיניע, און גראדע בעצם איז יענע געגנט וואשינגטאן ממש, אזוי קלינטאן היל איז וויליאמסבורג.

[קרייסלער]

ב״ה היימישע אידעלך האבן זיך איינגעהאנדעלט א שפאר ביסל קרקע ווען איז עס געווען א שיבוש לאמיר האפן זיי וועלן מרוויח זיין פונעם געשעפט

[כאפצעם]

.

[נישט פשוט]

@צולייגער, זייער שיין שכח,