זענען אונזערע מוסדות SAFE?

[שמעלקא טויב]

בס"ד

דיסקלעימער:

אני מאמין באמונה שלימה שהבורא יתברך שמו הוא בורא ומנהיג לכל הברואים והוא לבדו עשה ועושה ויעשה לכל המעשים.
עס איז ביי מיר נישט קיין ספק און ספק ספיקא אז דער בו"ע פירט די וועלט, און אלעס, אלעס אלעס אלעס וואס קומט פאר אויף דעם עולם איז מששת ימי בראשית אפגעשריבן דורכ'ן יחידו של עולם, און מען קען נישט טוישן אדער איבערקומען וואס דער רצון ה' איז.


איך האב געשריבן דעם הקדמה ווייל דער נושא איז האקעל, איך ווייס נישט ווי ווייט מען האט עס שוין ארויפגעברענגט דא, איך בין שוין לאנג נישט דא געווען און כ'קום ארויף ספעציעל פאר דעם ווייל עס דרוקט מיר אויף מיין געוויסן.

די פראגע איז זייער פשוט, זענען אונזערע מוסודת, חדרים און מיידעל סקולס ווי צענדליגע טויזענטער קינדער פארברענגן טעגליך שעות אויף שעות SAFE?

מיט אפאר חדשים צוריק האב איך געלייענט אין צייטונג פון ר' שאול קליין וויאזוי ער האט באזוכט אין א חדר אין אייראפע און איבער די וועכטער וואס געבן אכט, מען קען נישט סתם אזוי אריינגיין אין חדר אינמיטן טאג וכו' וכו' און ער דרוקט זיך אויס מיט וואונדער פארוואס אין אמעריקא זעהט מען נישט דאס.

באמת האב איך די שאלה שוין געהאט נאך פון בעפאר. אין אונזערע מוסודת גייען דאך שווערע טויזנטער צאן קדשים, אינגעלעך און מיידלעך, און ב"ה אז קיין איינער האט נישט קיין געווער וכו', אבער ליידער איז די וועלט היינט אויף א שרעקליכע מצב, מען קען נישט וויסן וואס די מארגן וועט ברענגן, פארוואס זאל נישט זיין עפעס סעקיוריטי, עפעס וועכטער וואס זאלן זיין על כל צרה שלא תבוא קיינמאל רח"ל?

עס עגבערט מיר, מיר זענען אידן, מיר דארפן בעטן דעם באשעפער, מתפלל זיין יעדען טאג, און אין די זעלבע צייט איז דא א חיוב פון השתדלות בדרך העולם, און ווי איז די מינימום השתדלות?

עס קען אפי' זיין אז עס דארף נישט קאסטן, מען קען עס באקומען פון די רעגירונג, אבער אפי' ווען עס קאסט יא, איז דען דא נאך עפעס אזוי טייער ווי אונזערע קינדער???

די מוסדות התורה וואס זענען אזוי געטריי פארן חינוך פונעם דור, בעטן מיר ביי זיי, נישט מען זאל זיך ח"ו ערוועקן פון א טראגעדיע, נאר אין א וועלט ווי היינט דארף מען האבן זיכערהייט ביי די בנינים, כאטש עפעס וואס זאל צוריקהאלטן ח"ו עטוואס, עס זאל קיינמאל נישט פאסירן.

ויה"ר אז דער בו"ע זאל אפהיטן אידישע קינדער באשר הם שם, מען זאל נישט וויסן פון קיין צרות מער קיינמאל נאר זוכה זיין אט אט לאורו של משיח צדקינו בב"א

[איךביןאיך]

עס איז דא היימישע מוסדות וואס מען דארף קלונגען א בעלל אריין ציגיין

[חלהדעקל]

גראדע געווען פאריגע וואך אדווערטייזט אין דבר יום אז א מוסד זוכט מיטליעריג יודן צו דינען אלץ טיר וועכטערס אין חדרים. (מסתמא איז דא עפעס א גרענט אדער פראגראם צו מאכן געלט..)

אויך האט קול מבשר דערציילט פאריגע וואך אז איינער פון אונזערע היימישע ערוועלטע האט אויפגעברענגט א ביל אז ס'זאל זיין א באוואפענטער פאליציאנט ביי יעדע חדר/סקול בילדינג אין די גאנצע סיטי נאך עפעס א שיסעריי אין סקול (קאליפארניע דוכט זיך)

[נא_שכל]

אמאל געווען דא א לענגערע אשכול דעראיבער פון ר' יידישע קהילות, נאך די ביטערע טראגעדיע אין הר נוף

***

געטראפען דעם אשכול טוהן מיר גענוג פאר אונזער סעקיורטי?

[SPUSMN]

לויט ווי איך פארשטיי איז אין א סאך קעמפס דא א נאכט וועכטער (א באוואפענטער וועכטער); דארף דער זעלבע סיסטעם גענוצט ווערען דא.

[Kosher Travel]

שמעלקא, די ברענגסט ארויף גאר א וויכטיגע פונקט! בין איך געוועהן אין Europe יארן צירוק און א יעדער מוסד אדער שוהל האט וועכטער. אין דייטשלאנד איז שבת געוועהן א פאר וועכטער. באוואפענט. מען לעבט היינט אין א מעשוגענער וועלט. קומט א יום טוב, די גרויסע שולען זענען בליעה"ר פול געפאקט. און איעדער קען גיין און קומען אומגעשטערט. עס דארפן זיין לכה"פ אפאר אינגעלייט מיט געוועהר. גוט געטרעינט פארשטייט זיך. אין North Miami Beach גייען אפאר פון די חברה שומרים דארט מיט געווער אפילו אין שבת (באהאלטן). איך פסקען נישט הלכות. זומער קעמפס איז היינט אביסל בעסער פון אמאהל, אבער דארף נאך גאר א תיקון. זיי אלטס שמורה פון טעראר און סיי אז נישט איעדער זאל קענען אריינקומען ווי ביים טאטע אין וויינגארטן.

[אנעים זמירות]

דער קשיא איז נאך שטערקער ווען מען נעמט אין אכט אז ביי להבדיל די גוי'שע שולעס זענען יא פארהאנען וועכטער. ולא תהא כוהנת כפונדקית?

[Kosher Travel]

דער קשיא איז נאך שטערקער ווען מען נעמט אין אכט אז ביי להבדיל די גוי'שע שולעס זענען יא פארהאנען וועכטער. ולא תהא כוהנת כפונדקית?

גוישע "שולעס" schools זענען אייביג פארשפארט. און זיי טוען אייביג fire and safety drills, וויאזוי צו evacuate or lockdown and shelter in place וכו'.

גוישע "שולען" להבדיל אלף אלפי הבדלות - האבן נישט קיין טויזענטער אפילו אין זייער יום הקדוש. די גרעסטע קלויסטער זייער אויף פיפט עוועניו שטייט ליידיג איעדן זונטאג. און טאקע, עס איז געווען א סאך שיסעריי און די לעצטע יאהר.

[דער מח]

עס קען אפי' זיין אז עס דארף נישט קאסטן, מען קען עס באקומען פון די רעגירונג,

ווען מען קען עס ווען באקומען פון די רעגירונג זאג איך דיר צו אז אלע מוסדות וואלטן געהאט עטליכע הונדערט וועכטער, נישט ווייל עס פעלט אויס נאר ווייל מען קען עס באקומען... מיר צאלן דאך אויך שטייערן...

[שמרי' קערנקרויט]

דער קשיא איז נאך שטערקער ווען מען נעמט אין אכט אז ביי להבדיל די גוי'שע שולעס זענען יא פארהאנען וועכטער. ולא תהא כוהנת כפונדקית?

ביי די גוים דארף מען די וועכטער פאר די פארברעכער פון "אינעווייניג", פיל מאל קומען קינדער אין שולע באוואפנט, אדער ברעכן אויס היציגע שלעגערייען, משא"כ ביינונז איז ב"ה נישטא אזאנס.

צום עצם ענין, א טעראריסט אין אמעריקא וועט עפי"ר נישט טארגעטן דוקא אידן, נאר סתם אמעריקאנער בירגער, ער וועט גיין קיין וועסט סייד מאנהעטן אויפן בייק לעין... טא פארוואס פעלט אויס דער גאנצער ענין?! איר האט מורא צו גיין אין ביהמ"ד ווייל א טעראריסט וועט אריינשטורעמען? איך ווייס נישט, איך נישט... כנלפענ"ד.

על כל צרה שלא תבא ריספאנד ב"ה די NYPD היפש געשיקט.