שווערע מענטש האט געשריבן:פארוואס קוקט איר נישט אן טעג ווי א גראסערי? מקען קויפן קאקא קאלא מיט מים חיים, ביידע זענען בשלום אויפן זעלבן שעלף, און ווער עס פארשטייט די נחיצות קויפט מים חיים, זיי זענען שוין אין ביזנעס איבער פופציג יאר טראץ וואס קיין איין מוסד פארלאנגט נישט מזאל קויפן מים חיים.
די סיבה פארוואס איך האב אנגעכאפט פונקט OU ווייל זיי האבן בערך די זעלבע מהלך המחשבה, דהיינו OU איז געשטעלט אז יעדער איד אין יעדע עק וועלט זאל עסן כשר'ס, איי מען דארף זיך צוליב דעם פארלאזן אויף די קולא און יענער קולא, אבער די עיקר מען קען נישט זאגן אז יענער האט געגעסן טרייף, ווייל סוכ"ס איז דא אויף וואס זיך צו פארלאזן, די זעלבע איז מיט טעג, זיי האבן א מהלך און דאס איז בכוונה אזוי, זיי וועלן זיך פארלאזן אויף די קולא און יענער קולא אבי מען זאל האבן א פילטער.
איי וואס איז די פראבלעם דערמיט, זייער פשוט, מיר אלע ווייסן זייער זייער גוט וואס די פראבלעם מיט אינטערנעט איז, ניין שאפינג איז בכלל נישט די פראבלעם, די פראבלעם איז טאקע מיט סאושל מידיע, אדער מיט בלאג'ס וואס טויגן נישט, אדער מיט די לעכער וואס ווערן נישט פארמאכט [יא די ליוועדזשענט פילטער האט אסאאאך לעכער וואס מען דארף מעניולי פארמאכן אין קעיס די ווייסט נישט], און די סיבה פארוואס ס'ווערט נישט פארמאכט איז וויבאלד ס'איז נישטא ביי טעג אזעלכע באנוצער'ס וואס זאלן עס ריפארטן.
ממילא יעצט גיין זאגן פאר א חסידישע איד נעם טעג, איז די זעלבע ווי זאגן נעם OU. דאס איז מיין נקודה.
שווערע מענטש האט געשריבן:שאפינג איז נישט קיין קליינע "חוץ", דאס ווערט מער און מער א אינטערגרירטע חלק פונעם מענטשליכע געברויך, און יא שאפינג טוט געווענדליך די פרוי, און אויסער דעם, די גדולי דורינו פארלאנגן א גוטע פילטער, אראפצונעמען שאפינג איז חוזק געמאכט פון די גאנצע פילטער תקנה
כ'האב קיין מושג וואס דיין פראבלעם איז, יא די גדולי דורינו פארלאנגן א גוטן פילטער וואס זאל 'פילטערן' די קאנטענט, און זיי פארלאנגן בכלל נישט אז שאפינג זאל זיין פארשפארט אויף א קאמפיוטער אין אפיס, נאר ס'איז דא רבנים וואס פארלאנגן אז קאמפיוטער'ס וואס ליגן אינדערהיים זאל די "קעטעגארי" שאפינג זיין פארמאכט, אבער דאך וועלן זיי ערלויבן מען זאל עפענען איינצעלנע סייט'ס צו שאפן, טאקע ווייל זיי פארשטייען די געברויך דערפון.
שווערע מענטש האט געשריבן:אויב איר ווילט איגנארירן די "בדידי הוה עובדא" תגובות דא אינעם אשכול, האט דער שרייבער פון די שורות פערזענדליך גערעדט מיט א חשובע מורה הוראה, וואס איז עוסק ארויסהעלפן אידן מיט פארשידענע עצות והדרכה. ער האט ליידער צופיל עפיזאדן ווי אידן האבן ארויסשפאצירט פון משומר/גדר אפיס ווען מהאט זיי געהייסן פרעגן א מורה הוראה וואס ער מעג אדער טאר נישט האבען.. און דערנאך טוען זיי איבערגעגבן פאר די חברים וואס די תוצאה איז געווען, גארנישט קיין פילטער. על אלה אנו בוכים וצועקים, טאקע דאס די סיבה מיר האבן גענומען די מיה און שרייבן די ארטיקל און מעורר זיין די ברייטע ציבור.
איר ווילט כ'זאל עס איבערזאגן? נישטא קיינער! וואס צוליב משומר/גדר האט ער נישט קיין פילטער בכלל, ער האט זיך געטראפן א תירוץ פארוואס נישט צו לייגן דעם קהילה פילטער אויפן צווייטן פאון, אבער פארוואס ער גייט נישט צו ונשמרתם'ס סייט [לאז אפ טעג] און זיכט זיך אויף א גוטן פילטער האט ער נישט קיין תירוץ, אלא מאי עבדא בהפקירא ניחא ליה, און לייגט עס אן אויף די קהילה פילטער'ס.
צו קלאר מאכן, כ'לייקן נישט אז ס'איז דא אידן וואס שפאצירן ארויס מיט אן החלטה צו קויפן א פרישן פאון, איך לייקן יא די צווייטע חלק, כ'לייקן 'די סיבה פארוואס' אויפן צווייטן פאון לייגט ער גארנישט, דאס האט גארנישט וועגן די קהילה פילטער'ס, דאס האט איין תירוץ, אז אדער האט ער ביז יעצט גארנישט געהאט! אדער האט ער בעצם בכלל קיין פילטער נישט געוואלט האבן, אבער ס'האט דאך נישט קיין פנים, האט ער ביז יעצט געהאט א שוואכן פילטער, און יעצט האט ער פשוט געטראפן א וועג צו באהאלטן כדי ער זאל קענען זיין אן קיין פילטער! אויף אזא איינער וואס איז יודע רבונו [ער ווייסט פון אן אנדערע פילטער] ומכוון למרוד בו [ער לייגט נישט עפעס ארויף דערויף], זאגט מען הלעיטהו לרשע וימות, די רבנים דארף זיך נישט זארגן פאר אים. און פארשטייט זיך די מוסדות וועט שוין טון די דזשאב ווען זיי ווערן געוואויר דערפון.
שווערע מענטש האט געשריבן:איר זענט אויך האלבוועגס מודה אז די מספר פון פרישע אינגעלייטליך מיט א פילטער איז זייער ווייניג, נאך א סיבה פארוואס מיר קומן דא מעורר זיין אז איכא דרכא אחרינא, מקען האבן א טעג פילטער לויט אייער געברויכן.
כ'בין נישט מודה צו א זאך וואס כ'האב נישט אפגעציילט, כ'ווייס אבער יא אז ס'איז פארהאן אזא מושג, אבער וואס איך וויל פארשטיין פארוואס פערמאוטן טעג? אדרבה אנפאנג פון זייער אינטערנעט וועג געוואוין זיי צו אז נישט אלעס איז אפן, און מעלד זיי איין אז די קהילה פילטער'ס האבן בעצם קיין שום שייכות נישט צו מען האט א קינד אין מוסד צו נישט, נאר דאס איז פונקט ווי ער וואלט נישט געגעסן OU נאר התאחדות, די זעלבע איז מיט די זאך, די זעלבע רבנים האבן אראפגעלייגט די גדר וואס זאל זיין אפן און וואס פארמאכט.
שווערע מענטש האט געשריבן:שפאנונג האט געשריבן:
ווידער דער צווייטער, וועט בלייבן אן קיין פילטער ביז די מוסד וועט אים צווינגן, וואס פאסירט דערנאך, טענה'סטו אז ער גייט! נעמען א צווייטן פאון, און? בכלל נישט לייגן קיין פילטער, נו האט דאך די מוסד א געוואלט אויפגעטון, פרעגסט פארוואס, גאר פשוט, ווען נישט די מוסד דרייט ער זיך 24/6 נאר מיט נישט כשר'ע כלים, יעצט א דאנק די מוסד וועט ער פארנט פון אנדערע כאטש האבן א געפילטערטע פאון, וויבאלד ער לעבט דאך מיטן מורא אז אויב ווערט די מוסד געוואויר שיקט מען אהיים זיינע קינדער.
און אויף דיין פראגע ווי קומט א מוסד זיך נאכצופרעגן דערויף, די זעלבע רבנים וואס האבן גע'פסק'נט אז מען ברויך א פילטער, האבן גע'פסק'נט אז די מוסדות התורה האבן א "איסור גמור" צו ארייננעמען א קינד פון א שטוב וואס האט נישט קיין פילטער, איז זעלבסט פארשטענדליך אז אויב האבן זיי אן איסור, האבן זיי כאטש אזויפיל רעכט צו פארלאנגן מען זאל חתמ'נען אז מען קומט נאך די גדרים וואס די רבנים האבן אוועקגעשטעלט, און די גדרים ווערן נישט ערפילט דורך טעג.
מיר האמיר אויך געטוען אביסל ריסערטש אין די מוסדות ווי מאיז נישט אזוי מקפיד וועלעכע פילטער, די עיקר א פילטער, פרעגנדיג א צאל אינגעלייט וואס כוואלט זיך פארגעשטעטלט זיי האבן מסתמה נישט קיין פילטער, און וואונדער איבער וואונדער זיי האבן פילטערס! טאקע נישט א שטארקע, טוויטער איז אפען, אבער דאס איז קלאר אז די אינגעלייט האבן בוחר געווען רע במעיטו.
כ'כאפ נישט פונקטליך וואס די ווערטער האט מיט מיין ציטירטע, בכל אופן, כ'פארשטיי בכלל נישט וואס ווילסט ארויסברענגן, די מוסדות האבן רבנים, און די רבנים האבן געזאגט א דעת תורה וואס און ווען ס'איז ערלויבט ע"פ תורה און וואס און ווען נישט, יעצט א מוסד וואס האלט זיך פעסט מיט די דעת תורה און ס'גייט זיי נישט אן אויב וועסטו ארויסנעמען דיינע קינדער פון זיי [אשרי להם!] וועט זיך האלטן מיט זייער פרינציפן וועלכע פילטער צו ניצן, ווייל דאס האבן זייערע רבנים מחייב געווען. איי אפשר וועסטו צוליב דעם קויפן א צווייטן פאון אן קיין פילטער, קודם ווי קען מען חושד זיין א אידן? שנית, זיי האבן דאך זייערע וועגן ווי אזוי זיי קוקן דאס נאך, איז זייער חשבון אז סוכ"ס וועלן זיי דיר כאפן און דאס אפשפארן. און אפי' אויב וועלן זיי נישט געוואר ווערן, איז דאס בבחינת ואני את נפשי הצלתי, האט כאטש די מוסד געטון כדעת תורה.
ווידער די מוסדות פון וואס די רעדסט, גייען מיט די מהלך פון OU/טעג, די עיקר ער האט א פילטער, איי יתכן אז ער האט טאקע א פילטער, אבער מען קען דערויף זען כל דבר אסור? אדער נאך ארגער אז יתכן אז ער אליין קאנטראלט גאר וואס זאל זיין אפן? דאס גייט זיי שוין נישט אן... פרעג איך דיר, דאס איז עפעס א מעלה מער ווי זיין אן א פילטער?