הימל און ערד...... און קראקס!! (לכתחילה אריבער)

אפהאנדלונגען און דיסקוסיעס בענינים העומדים על הפרק

די אחראים: יאנאש,אחראי,געלעגער

נחשון בן עמינדב
שר העשר
תגובות: 27
זיך איינגעשריבן אום: דאנערשטאג יוני 23, 2016 4:00 pm

הימל און ערד...... און קראקס!! (לכתחילה אריבער)

  • ציטיר
  • צו לייגן א דאנק דארפט איר זיין אריינגעלאגט

תגובה דורך נחשון בן עמינדב »

רעדנדיג מיט 'לכתחילה אריבער' איבער די קראקס סומאטוכע האט ער מיר געשיקט א ארטיקל פון זיין קוק ווינקל, נאכן פרעגן רשות האב איך באשלאסן עס ארויפצולייגן דא פאר די חשובע חברים.

א רעוואלוציע!!

דרייט זיך איבער די וועלט!! מען גייט מיט קראקס!

און נישט נאר מען גייט מיט זיי... מען איז "פראוד" צו גיין מיט זיי! און נישט נאר איז מען פראוד צו גיין מיט זיי.... ננאר עס ערשיינט אפגעשריבן אין אן ארטיקל אין א צייטשריפט, מיט זאפט און שמאלץ אראפגעלייגט די געוואלדיגיע טיפע אויפטו פון "קראקס געגייאכטס"!

עס איז הפנים א זייער וויכטיגער יסוד אין די היינטיגע פארפירערישע וועלט עפעס וואס קען אפראטעווען די מענטשהייט, און נישט נאר בגשמיות, נאר זאגאר ברוחניות! ווען נאר אלע זאלן פארשטיין - און טאקע פראקטעצירן - דאס גייען מיט קראקס.... און נישט פארגעסן... גיין מיט קראקס איז דאך נאר א משל.... ווען אלע זאלן פראקטעצירן דאס...... "פייפן אויף די וועלט".... אההה!!! עס וואלט געווען א עולם התיקון!

לאמיר אלע שרייען אינאיינעם, "וואס איז די פראבלעם היינט?? מען פייפט נישט אויף די וועלט"!!

אויב זאל מען נאר פייפן... וואלט שוין אפשר משיח דא געווען! און דאס גייט שוין א טריט ווייטער פון דעם לובאוויטשער רבי'ן.... די רבי האט געוואלט מקרב זיין די גאולה מיטן "פייפן אויפן גלות".... און יעצט וויל מען מקרב זיין די גאולה מיט "פייפן אויף די וועלט"!!

זיך איך מיר אזוי מקורות אויף די "פייפן אויף די וועלט" הנהגה... ווי עפעס אין חז"ל ווערט אזא אידיאל דערמאנט? ווי אין די מפרשי הש"ס ראשונים אדער אחרונים ווערט אזא מהלך אראפגעברענגט? ווי אין ספרי חסידות ויראה ווערט אזא נקודה אויסגעשמועסט און אראפגעשטעלט?

בין איך נישט מצליח צו טרעפן! שוין, נישט איז נישט.

איז פון וואו איז די יסוד פון די נקודה? וואס איז די פארקערטע פון די געלונגענער "פייפן" מהלך החיים? אההה... געטראפן!! די היפך פון "פייפן אויף די וועלט"... איז... "פיער פרעשור"!!

פארפיינטעד, איז זי ביז גאר, ווערט זי צוזאמגעשאלטן טאג און נאכט.... "פיער פרעשור"... פארדעם האט יעדער אין וויליאמסבורג א באגעבו... פארדעם דארף יעדער אין וויליאמסבורג א טשילאר.... פארדעם מוז יעדער חתונה מאכען ווי א נגיד.... פארדעם וואוינט מען נאך אין וויליאמסבורג.... א צרה פון א געדאנקען גאנג... "פיער פרעשור ארויס"!!! "צו אלע שווארצע רוחות מיטן פיער פרעשור"!!

אלזא, איז ערשינען אן ארטיקל, און גענומען א משל פון קראקס.

קראקס, א זייער בעטעמטע אלטערנעטיוו צו די אמאליגע פאפוטשען... עפעס וואס איז געשמאק צו נוצן פאר די פוס, אזש געוויסע האבן געהאלטן אז מען טאר מיט דעם נישט גיין אום יום כיפור, אמער עס איז פונקט אזוי באקוועם ווי שוך, און ווערט טאקע באנוצט דורך געוויסע אויף א אופן קבוע, אלזא איז עס אסור אין א טאג וואס נעילות הסנדל איז אסור.

אנדערע האבן נישט געוואלט צוליב דעם אסור'ן. אן אריינגיין אין די פילפול להלכה, איז איין זאך קלאר. קראקס איז זייער פראקטיש, און געוויסע נוצן דאס ממש אנשטאט שוך.

איז שטעלט זיך די געוואלדיגע קשיא.... למה נגרע!! פארוואס ביים "חוף מנחם" אין טבריא מעגן די מענטשן גיין מיט קראקים... פארוואס ביים ים המלך מעג מען גיין מיט קראקים... פארוואס אין מקוה איז גוט קראקס, און פארוואס אין בעדרום איז עס כשר, און דוקא אויפן גאס אין וויליאמסבורג מעג מען נישט??

און דאס איז ווי געזאגט א משל, און די נמשל איז אויף אלע "פיער פרעשור"! פארוואס מוזן מיר אין וויליאמסבורג אלע זיין "אייניג"? פארוואס קענען מענטשן נישט האבן א "אייגענע" דעת? זיי א יחיד!! זיי "דיין אייגענע מענטש"!!

נאר וואס? עס איז דא די פארהאסטע "פעיר פרעשור"... די מקור צו אלע אידישע צרות.... אלזא.... איז די עצה... "לאמיר פייפן אויף די וועלט"!! ווען דו ווילסט גיין מיט קראקס, גיי מיט קראקס!

און אויב צום ביישפיל איז מיר זייער הייס, זאל איך גיין מיט קורצע הויזן? אויב איז מיר שווער די זון, זאל איך גיין מיט א גרויסן מעקסיקאנער שטרויענעם היטל?

ניין זאגסטו? פארוואס נישט? איז עס אן "עבירה"? ניין!!! איז אויב אזוי "פארוואס נישט"? "נידער מיטן פעיר פרעשור"! "לאנג לעבן זאל פרייהייט"!!!

טוט זיך א דעבאטע ארום די ארטיקל! איז די געדאנק א ריכטיגער? איז נאר די משל שלעכט? איז די געדאנק א שלעכטער, קומט עס סטרעיט פון די "סיסטעם האסער" סוער אפלויף?

--

אויב מען וויל וויסן צו עפעס איז גוט אדער נישט, קען מען פרעגן א ערליכע אידן. אויב קען מען א ערליכען אידן נישט פרעגן - אדער מען האלט נישט דערביי.... איז דא א זייער גרינגע וועג מברר צו זיין אויב עפעס טויג אדער נישט.

נעמליך, מען קוקט היסטאריע! א אומאפיציעלע סטאדי. אויב טוט מען כך וכך, ווילסטו וויסן וואס זענען די רעזאלטאטן? קוק וואס איז געשען אויב איינער האט אזוי געטאן, און קוק וואס איז געשען אויב מען האט געטאן פארקערט.

אויב קוקט מען צוריק אין היסטאריע, זעהט מען אז די "געפערליכע" קרענק פון "פעיר פרעשור" איז אביסל א קולטורער, און עס איז דא ביי א געוויסע סארט מענטשן מער, און דאס איז ביי "אונגאריש אפשטאמיגע" אידן.

אז מען קוקט אין אנדערע פלעצער, אין לעיקוואוד, אין מאנסי אפילו, זעהט מען אז ווי מער פון די "אונגארישע" עס געפינען זיך דארטן, אלס מער "ליידט מען" פון די "פעיר פרעשור" סעמאטוכע.

און עס איז נישט קיין נייע זאך. זאגן די זאך קענער אז אינדערהיים איז אויך אזוי געווען. אין אונגארן האט מען מער געלעבט "פאר יענעם" ווי אין אנדערע פלעצער. און נישט נאר דער ארימאן האט געלעבט וועלענדיג זיין ווי דע רעושר, און נישט נאר מען האט זיך געמישט אין יענעמס ביזנעס... נאר יעדער האט זיך פראבירט צו געפעלן דעם שכן!

איז אויב אזוי, איז דאך זייער פשוט! אויב וויל מען וויסן אויב די ענין פון "פיער פרעשור" איז גוט אדער נישט, קען מען קוקן אינדערהיים. וויאזוי האט פעיר פרעשור אויסגעקלאפט אינדערהיים?

וואלט זיך געקענט דאכטן לויט די שיטה פון די "וועלט-פייפערס" אז אין אונגארן איז די סיסטעם געווען אזוי קאראפטעד.... די "יענטעשקייט" איז געווען אזוי גרויס, אז עס וואלט זיך געדארפט אנזעהן ביי טריט און שריט. אונגארן וואלט געדארפט זיין א עיר הנידחת.... דערווייל זעהט מען אז ביי אידישקייט איז געווען פונקט פארקערט!

אין אונגארן ווי "מען האט געהאט פעיר פרעשור", ווי "מען איז געווען יענטעס"... ווי יעדער האט זיך "אריינגעשטעקט די נאז אין יעדעמס ביזנעס" וכו' וכו' דוקא דארט איז אידישקייט געבליבן! און דוקא דארט איז געווען די גרעסטע מאס פון ערליכע יוגענט.

באקאנט איז אויך וואס מען זאגט פון חפץ חיים, ווען מען האט אים "איינגעמסור'ט" אז די חסידים רעדן לשון הרע, האט ער געזאגט אז אויף חסידים קען ער נישט רעדן ווייל זיי זענען ווי א בראנד-וואנט קעגן די השכלה.

איר הערט, ביי חסידים קען מען נישט טאן וואס מען וויל.... אויב טוט איר אנדערשט ווי "נארמאל" וועט מען אייך בארעדן אין די גאסן.... מוז מען זיך צושטעלן און ... "לעבן פאר יענעם".... אזא סארט פעיר פרעשער ר"ל...... און די רעזאלט? אז די חסידים האבן זיך געהאלטן!

ווען איינער האט געהאט א שוואכע מאמענט, האט ער אנשטאט דורכפאלן געטראכט "וואס וועט יענקל זאגן".... ווען איינער האט געוואלט טוישן די לבוש, האט ער געטראכט "און וואס וועלן די יאכנעס שמועסן"...

אזוי איז אריבער די "שוואכע מאמענט" און א איד איז מען געבליבן. יא יא... פון פעיר פרעשור.

--

אין שלחן ערוך איז דערמאנט אז א מענטש דארף זיך אויפפירן מיט א געוויסע "מענטשליכקייט" מיט א געוויסע "מידות הבושה" מען קען נישט טאן "וואס מען וויל" וואו מען וויל". צום ביישפיל מען טאר נישט עסן אויף די גאס. רש"י זאגט אז די די סיבה פארואוס א אוכל בשוק איז דומה לכלב און איז פסול לעדות, ווייל ער איז "זיך מבזה" ער טוט אויפן גאס זאכען וואס זענען "נישט נארמאל".

אלזא, קוקט אויס ווי אין שלחן ערוך ווערט יא דערמאנט אזא געדאנק פון "זיך צושטעלן" צום נארמאל.... פארוואס? קען איך נישט זיין א "מענשט פאר מיר"? דארף איך "לעבן פאר יענעם"?

קוקט אויס אז פעיר פרעשאר האט יא עפעס א מעלה אין די אויגן פון אונזערע חכמים.

--
און אמאל איז עס להבדיל אפילו ביים גוי אזוי געווען.

אין אמעריקע איז געווען אמאל א מהלך פון א געוויסע "ערענסטקייט". מען קען זעהן אלטע בילדער, פון גאסן, און מען זעהט ווי אלע מענער כמעט גייען אנגעטאן "אפיציעל" מיט שניפסלעך און מיט היטן. דאס רעדט מען נישט נאר דאקטורים און אדוואקאטן, און מען רעדט נישט נאר ווען מען איז געגאנגען צו אפיציעלע פונקציעס ווי א צערעמאניע אדער אין ביזנעס, נאר פשוט די נארמע איז געווען אז ווען מען גייט ארויס אויפן גאס גייט מען אנגעטאן מיט א רעקל, שניפסל און א היט, און יא יא.... די הוט האט געדארפט האבן א פעדער אריינגעשטעקט.. אן דעם איז עס נישט געגאנגען.. אויך האט געדארפט זיין א טיכעל אריינגעשטעקט אינעם רעקל פאקעט.... אזוי שיין צוזאמגעלייגט ווי א בלום....

עכ"פ עס איז געווען א נארמאלע פארשטענדליכע זאך אז אויפן גאס גייט מען אנגעטאן אין א געוויסע פארמאלע פארנעם.

ביז... אין די 60'גער יארן. דאן איז אנגעקומען פון ענגלאנד א גרופע זינגער, זיי האבן זיך גערופן די "ביטעלס". זייער אידיאל און שלאג ווארט איז געווען "פרייהייט". און פרייהייט האט נישט געמיינט פרייהייט פאר שווארצע פון קנעכטשאפט, און אויך נישט פרייהייט פון קאמעניסטן צו פרייהייט, נאר פרייהייט פון די "פרעשור פון מענטשהייט"!!

זיי האבן געמאכט לידער, אויפגעטרעטן אויף די גרעסטע קאנצערטן, און געהאט א נאכפאלגערשאפט פון רוב מנין ובנין פון די אמעריקאנער יוגענט.

עס איז געווען די צייטן פון די מלחמה אין וויעטנאם. מען האט זיך נישט געקענט ארויסדערזעהן פון די זומפ פון יענע מלחמה. נאך און נאך סאלדאטן זענען געפאלן אין די טויזענטער, און די יוגענט איז געצווינגען געווארן צו גיין אין מיליטער - עס איז געווען דאן א דרעפט - און די אויפברויז האט געקאכט צווישן די מאסן.

די "מעסעדזש" פון "פרייהייט" פארפאקט אין א מכלומרשטע מעסעדזש פון "שלום" האט גאר שטארק געכאפט דעם יוגענט.

זיי האבן געזעהן "שלום" ווי די מיטל קעגן "מלחמה", און "פרייהייט" - פריקת עול - פאר א מיטל קעגן די פירערשאפט וואס האט זיי געצווינגען צו אנטייל נעמען אין די מלחמה.

א ריזיגע באוועגונג האט זיך אנגעהויבן יענע יארן. דאן האט מען זיי גערופן די "היפיס". די באוועגונג האט אנגעהויבן פראקטעצירן די "פרייהייט" אויף אלע פראנטן. מען האט אראפגעווארפן יעדע סארט "נארמאלקייט" און מען האט אנגעהויבן ווילד און פלייסיג צו פראקטעצירן די אידיאל פון..... "פייפן אויף די וועלט"!!

מען האט זיך אויפגעהערט שערן די האר, מענטשן זענען ארום געגאנגען מיט לאנגע ווילדע האר, ריזיגע בערד און צווואקסענע וואנצעס.

מען האט אנגעהויבן רייכענען דראגס און א שיעור, די יוגענט האט אויפגעהערט ארבייטן. אנשטאט איז מען געזיצן יומם ולילה פארברענגט ארומגעלאכט, געהערט מוזיק און געטאנצן.

עס איז געווען איין זומער אין יענע יארן, וואס הונדערטער טויזענטער פון די יוגענט איז זיך צוזאמגעקומען אין "סאן פראנסיסקא" פאר א זומער פון פריקת עול! יעדער האט געוואוינט אינאיינעם אין טענטס אינמיטן פעלד, קיינער האט נישט גארבייט, יעדער האט געלעבט אין איין געמיינזאמע קאסע, אלס איז "אייניג" קיינער איז נישט הויעך.... "פרייהייט פון יעדע סארט הנהגה, פרייהייט פון יעדע סארט עול" מען "האט געמאכט א לעבן".

פארשטייט זיך עס האט לאנג נישט אנגעהאלטן, ארימקייט האט אויסגעבראכען, קרענק האט זיך אנגעהויבן פארשפרייטן, און עס האט גאר שנעל געפלאצט די נייע געדאנק פון "פרייהייט".

די "היפי" באוועגונג איז צוביסלאך אויסגעשטארבן, אבער זייער אסאך פון זייערע יסודות און לערעס זענען געבליבן. עס איז געווארן געטוישט מיט די צייט צו וואס איז היינט באוויסט - אין א קלענערע פארנעם" - ווי די "היפסטער" געדאנקען גאנג, וואס נעמט אסאך פון אירע יסודות פון די היפי מאוומענט, נאר אין א "לייט" פארנעם.

זינט יענע יארן האט זיך אויפגעהערט אין אמעריקע די גאנצער ענין פון "פארמעליטעט", "נארמאלקייט" און "מענטשליכקייט".

דאס אז די לאנד ווערט מער און מער ליבעראל, אז די יוגענט רעוואלטירט קעגן יעדע סארט אנגענומענע "נארמאליטעט", יעדע שווארץ יאר ווערט א "דרך החיים" יעדע נידריקייט ווערט "פראטעקטעט".... איז א דירעקטע תוצאה פון די היפי באוועגונג וואס האט זיך אנגעהויבן אין יענע יארן.

--

צו זאגן אז "פעיר פרעשור" האט נישט קיין חסרונות, איז זיך געפאפט. עס האט חסרונות, און שטארקע חסרונות. אבער צו זאגן אז די פארקערטע איז בעסער, איז אדער זיך נאך מער געפאפט, אדער פשוט א ווילן אויף פריקת עול.

יא יא, זיכער וואלט געווען בעסער ווען מען לעבט אין א עולם התיקון, זיכער וואלט געווען בעסער ווען יעדער טוט פונקט וואס האט צוטאן ע"פ תורה פשוט פון אייגענעם ווילן. זיכער וואלט געווען בעסער ווען אלע לוקסוס וואלט נישט פארנומען קיין ארט ביי קיינעם, אבער דאס איז וועלט פון שלימות, א וועלט וועלכע וועט זיין אי"ה ווען משיח וועט קומען בקרוב, א וועלט וועלכען מיר זענען מתפלל דריי מאל א טאג אז עס זאל שוין אנקומען גאר אינגיכען.

אבער דערווייל אז מען האלט נישט ביים שלימות, און פון איין זייט שטייט די "פעלערהאפטיגע סיסיטעם" וואס אינקאפערירט פעיר פרעשור, און פון די צווייטע זייט שטייט די סיסטעם וואס פראקלעמירט "יעדער פאר זיך" "פייף אויף דער וועלט", דארף מען קוקן אויף די צוויי זאכען.

איינס, וואס האט היסטאריע צו זאגען איבער די צוויי מהלכים?

צווייטענס, וועמענס איז די געדאנק אזוי צו פארמיסן די "פעיר פרעשור"?

די ענטפער איז, אז מיט אלע חסרונות פון פעיר פרעשור, טוט למעשה עס אויף אז מען האלט זיך אין די ראמען. אז מענטשן זענען געצווינגען אנצוגיין מיט א געוויסע מהלך החיים לויט ווי די "ארום" שטעלט פאר. און פארקערט, אויב נעמט מען אוועק די "פעיר פרעשור" ברענגט עס גאר שנעל דאס פארקערטע, און א קאטעסטראפע. עס ברענגט א הפקר'שאפט, עס ברענגט א פריקת עול, עס ברענגט א פולקאמע צוזאמפאל פון "מענטשהייט" און יושב העולם.

--

איי ווער רעדט פון עקסטרעם? אין הכי נמי, אז די עקסטרעם אויף ביידע וועגן טויג נישט, אבער קען מען עס נישט מאכען "באלאנצירט"?

די ענטפער איז ליידער ניין!

ווייל אויב נעמט מען אוועק די געדאנק פון פעיר פרעשור, און כאטש היינט איז עס נאר אויף מינדערוויכטיגע זאכען ווי "קראקס" ווער זאגט פאר ווי עס וועט זיך אפשטעלן?

דו פארשטייסט אז גיין מיט קראקס איז אפשר "נארמאל" און דו ביסט אפילו אפשר גערעכט! אבער דיין שכן האלט אז אויך מאכען א גריל מיט די משפחה אין די פראנט יארד אין וויליאמסבורג, זיצן ארום א טיש און האקן פרענקפוטערס באגאסן מיט קעטשאפ און מאסטערד איז אויך "נארמאל".... איז וואס וועסטו טאן אויב וועט יענער אזוי טאן און דו וועסט האלטן אז דאס טויג נישט?

איז נאכמאל, פעיר פרעשר איז נישט די ריכטיגע וועג פון לעבן, און הלוואי זאל מען דאס נישט דארפן. אויך איז ריכטיג אז פעיר פרעשור האט געוואלדיגע חסרונות. עס האט חסרונות פון געלט אויסברענגעריי, פון נפשיות'דיגע פראבלעמען פאר געוויסע וואס קענען דאס נישט פארנעמען אדער נעמען עס צום עקסטרעם, און הלוואי וואלט מען דאס נישט געדארפט.

אבער אבער אבער.... די חסרונות פון דאס פארקערטע, איז צו זאגן אויף דעם "אז עס איז ארגער" איז געמאכט א גענאר פון "ארגער"!!!

די חסרונות פון דאס פארקערטע, פון די געדאנק פון "פייפן אויף די וועלט" פון .... פריקת עול... איז דאך אזוי אומגעהויער גרויס, אז עס לאזט זיך נישט באשרייבן, און מען קען עס נאר אפלערנען פון די פארגאנגענהייט.

איז במילא, דערווייל ווילאנג מען לעבט אין דעם עולם התוהו, איז "פעיר פרעשור" בכלל נישט קיין.... "מיעס ווארט", עס איז עפעס וואס מען מוז - ליידער - צוקומען, און דאס העלפט ארויס זייער אסאך צו האלטן די וועלט אין די ראמען און להבדיל אידישקייט אין פלאץ.

עס העלפט אז נישט יעדער זאל פאלן אין א שווער מינוט, עס העלפט ארויס אז דיינע קינדער זאלן נישט דארפן צוזען ביי אנדערע א לעבן פון הפקירות. און ווען דו וועסט אי"ה אריבערגיין די שווערע מאמענט, שעה אדער טאג, קענסטו דאנקן דעם אויבערשטן אז דו האסט אין די שוואכע צייט נישט געקענט טאן וואס דו האסט געוואלט, ווייל איינמאל מען מאכט געוויסע שריט אין א שוואכע מאמענט, איז זייער שווער צוריקצודרייען ווען די שוואכקייט וועפט אויס.

איז דאס די "ריכטיגע עבודת השם"? ניין!!
איז נישט ריכטיגער אז יעדער דינט דעם אויבערשטן פון אייגענעם ווילן? יא!!
ווען קיינער זינדיגט נישט פון אייגענעם ווילן? יא!!

אבער האלט עס דען דארט? רעדט מען דא פון מענטשן וואס אויב נעמט מען אראפ סיי וועלכן השגחה פון זיי, און מען גיט זייער הנהגה אין די אייגענע האנט, וועלן זיי לויפן אין בית המדרש אריין לערנען און דאווענען יומם ולילה.... ההממממ הלוואי יא, אבער כ'מיין אז ניין.....

טא, אויב גיט מען מיר די געלעגענהייט פון זיין א אמת'ע עובד השם בתמימות כאפ איך עס מיט ביידע הענט און מיט מיין גאנצער וועזן, אבער אויב איז די אויסווייל פון "פרייהייט" און "טיען וויאזוי איך פארשטיי" קעגן "פעיר פרעשור" און זיין געצווינגען צו "זיין אינעם סיסטעם" וועל איך בלית ברירה אננעמען די צווייטע!!

--

וויל איינער זיין א "יחיד"? ווילסט זיין א "אייגענע" מענטש? "לעבן פאר זיך"? כ'פארשיי. איז איך האב פאר דיר אן עצה!

ווען די "נארמאל" איז צו דאווענען א שמונ"ע פינעף מינוט, דאווען דו זיבן מינוט!! ווען עס איז נארמאל צו ענדיגן שחרית אין צווישן 40 מינט און א דריי פעטל שעה, דאווען דו 50 מינוט אדער א גאנצע שעה! זיי א מענטש "פאר זיך"!!

אויב איז "נארמאל" צו לערנען די שיעור הקהילה איין דף א טאג, "פייף זיך אויס אויף די וועלט"... און לערן צוויי דפים! אבער ביטע, קראקס נוץ נאר אינדערהיים!!

איך וועל דיר נאכגעבן אפילו!!

אויב זעה איך אז דו ביסט באמת א מענטשן וואס "וויל לעבן פריי" אין א פאזעטיווע אופן, און ווען אלע שמועסן ביי די קאווע אלע סארטן פאליטיק, זיטצטו אין א ווינקל און לערענסט מאור ושמש.... דו "פייפסט אויף די וועלט" דו ביסט "א מענטש פאר זיך"... און דאן ווילסטו אויך גיין מיט קראקס... וועלמער זיך ווידער צונויף שמועסן, און איך מיין אז מיר וועלן ביידע מסכים זיין אדער אז דו קענסט גיין מיט קראקס געזונטערהייט, אדער וועלן מיר ביידע דאן מסכים זיין אז עס פעלט דיר שוין נישט אויס....

אבער ווילאנג דיין הוט מוז זיין פון קובע...
און דיין רעקל מוז זיין אין א געקעסטעלטע דיזיין....
און דיין נייע בעקיטשע מוז זיין די "ביזי" "מאט" דיזיין...
און דיינע ברילן זענען פון די לעצטע מאדע...

און ביי די אלע זאכען ווילסטו דוקא יא טאן וואס "עס איז נארמאל"... נאר פונקט ביי די קראקס און ביי גיין אויפן גאס מיט א טישורט.. דאווענען אן א רעקל.. פונקט דארט האסטו באשלאסן אז "די ריכטיגע מהלך" איז "פייפן אויף די וועלט, ווייל "פיער פרעשור איז סם".... טוט מיר א טובה, און הערט אויף שרייבן ארטיקלען.
אוועטאר
טשאלענט
שר ארבעת האלפים
תגובות: 4017
זיך איינגעשריבן אום: זונטאג אוגוסט 07, 2016 3:34 pm
לאקאציע: אין טשאלענט טאפ

  • ציטיר
  • צו לייגן א דאנק דארפט איר זיין אריינגעלאגט

תגובה דורך טשאלענט »

ענדליך רעדט שוין איינער צום זאך...

שוין כמעט א וואך וואס די נושא גייט נישט אראפ פון טיש, יעדער שמויגער גיט ארויס די בויך ווייען, זה בכה וזה בשטרוי...

א ריכטיגע פוינט, לענ"ד איז דאס די אמת'ע אידישע מהלך
טשאלענט גמח!

ווען איך בין געווען אינגער פלעג איך זאגן:
די לעבן איז צו ערנסט צו נעמען אזעלכע נארישקייטן פערזענליך,
אבער היינט בין איך שוין שוין געקומען צום שכל און איך זאג:
די לעבן איז צו נאריש צו נעמען אזעלכע ערנסטע זאכן פערזענליך
תורה לערנער
שר חמש מאות
תגובות: 562
זיך איינגעשריבן אום: פרייטאג מאי 17, 2013 4:12 pm
לאקאציע: אין כולל

  • ציטיר
  • צו לייגן א דאנק דארפט איר זיין אריינגעלאגט

תגובה דורך תורה לערנער »

דו דו.. כאפ אים נאר אן ביים קארג און שלעפ אים אריין אהער..
אוועטאר
ויתן לך
שר חמשת אלפים
תגובות: 5189
זיך איינגעשריבן אום: מאנטאג יאנואר 03, 2011 4:35 pm
לאקאציע: ביים סידור'ל פאר הבדלה

  • ציטיר
  • צו לייגן א דאנק דארפט איר זיין אריינגעלאגט

תגובה דורך ויתן לך »

אבער וואס וועט זיין מיט די חתונות, און אלע אנדערע שמוגערישע נארישע הוצאות...

אוי, על אלה אני בוכיה, באשעפער העלף שוין.

ובא לציון גואל ויתמו טיי אוונטס מן הארץ
אוועטאר
מי יודע
שר שמונת אלפים
תגובות: 8715
זיך איינגעשריבן אום: מאנטאג אוגוסט 31, 2009 4:35 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מי יודע »

טשאלענט האט געשריבן:ענדליך רעדט שוין איינער צום זאך...

שוין כמעט א וואך וואס די נושא גייט נישט אראפ פון טיש, יעדער שמויגער גיט ארויס די בויך ווייען, זה בכה וזה בשטרוי...

א ריכטיגע פוינט, לענ"ד איז דאס די אמת'ע אידישע מהלך

;l;p- ;l;p- ;l;p- ;l;p- ;l;p- ;l;p- ;l;p- ;l;p- ;l;p-
אזוינע גוטע ווערטער, כ'האף דאס איז די עדיטאריעל אין מי מנוחות אין 3 חדשים ארום....
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.
אוועטאר
מי יודע
שר שמונת אלפים
תגובות: 8715
זיך איינגעשריבן אום: מאנטאג אוגוסט 31, 2009 4:35 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מי יודע »

ויתן לך האט געשריבן:אבער וואס וועט זיין מיט די חתונות, און אלע אנדערע שמוגערישע נארישע הוצאות...

אוי, על אלה אני בוכיה, באשעפער העלף שוין.

ובא לציון גואל ויתמו טיי אוונטס מן הארץ

דו ווייסט וויפיל מענטשן פייפן אויף די וועלט, און זענען יחידיות'דיג מיטן נישט אויסגעבן נארישע הוצאות?
די חילוק איז נאר אז זיי זענען נישט ביזי אז יעדער זאל וויסן אז זיי ליידן נישט פון פעיר פרעשור, און זיי באשרייבן זיך ניט אין קיין אויסגאבעס
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.
להודיע
שר שלשת אלפים
תגובות: 3079
זיך איינגעשריבן אום: דינסטאג מאי 27, 2014 11:09 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך להודיע »

אחראי האט געבעטן מ'זאל נישט עפענען נאך אשכולות אויף די נושא.
אוועטאר
טשאלענט
שר ארבעת האלפים
תגובות: 4017
זיך איינגעשריבן אום: זונטאג אוגוסט 07, 2016 3:34 pm
לאקאציע: אין טשאלענט טאפ

  • ציטיר
  • צו לייגן א דאנק דארפט איר זיין אריינגעלאגט

תגובה דורך טשאלענט »

גערעכט! אבער דאס פרעגט נישט אפ לכתחילה'ס פוינט

ווען דער עולם האלט ווען אמת'דיג דערביי וואלט מען עס שוין לאנג דורכגעבראכן, והא ראי' אז אין קרית יואל איז שוין דא א מושג פון חתונה מאכן אנע זינגער און שפילער, פאלשע רינגל, אן א ברעיסלעט, 1400 שטריימעל, וכו' וכו' און טאמער וויל מען שטארק איז דא די מעגליכקייט חתונה צו מאכן א קינד און נישט ארויס נעמען קיין גאנצע 30 טויזנט פון טאש... (וויסעך פון א מעשה שהיה)
נאר דא אין שטאט וויפיל מען האט געשריגן האט דערווייל נאך נישט אויפגעטון צופיל, (אויסער ביי שטריימלעך וואס כפי הנראה גייט די מערכה אין שטארקן שוואנג, און דער עולם קויפט ביליג) אפשר האט מען מורא אויסוקוקן ווי קרית יואל'ע? ווער ווייסט?

(ווער געדענקט נאך די חתונה תקנות פון מרן הברך משה זי"ע?)
טשאלענט גמח!

ווען איך בין געווען אינגער פלעג איך זאגן:
די לעבן איז צו ערנסט צו נעמען אזעלכע נארישקייטן פערזענליך,
אבער היינט בין איך שוין שוין געקומען צום שכל און איך זאג:
די לעבן איז צו נאריש צו נעמען אזעלכע ערנסטע זאכן פערזענליך
חלהדעקל
שר האלף
תגובות: 1247
זיך איינגעשריבן אום: דינסטאג יוני 09, 2015 4:44 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך חלהדעקל »

צום פוינט יעדע איינציגע ווארט!
1 + 1 = חלה דעקל...
יהיה כן
שר תשעת אלפים
תגובות: 9226
זיך איינגעשריבן אום: זונטאג מאי 03, 2009 2:25 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יהיה כן »

געוואלדיג!! חילא!!

די שאלה איז נאר פארוואדזשע איז לכתתחלה'ס ארטיקל אויף אייוועלט, און די קראקס ארטיקל [דער בדיעבד'יגער...] אינעם מאמענט, עס וואלט געמעגט זיין פארקערט....
אוועטאר
ויתן לך
שר חמשת אלפים
תגובות: 5189
זיך איינגעשריבן אום: מאנטאג יאנואר 03, 2011 4:35 pm
לאקאציע: ביים סידור'ל פאר הבדלה

  • ציטיר
  • צו לייגן א דאנק דארפט איר זיין אריינגעלאגט

תגובה דורך ויתן לך »

טשאלענט האט געשריבן:גערעכט! אבער דאס פרעגט נישט אפ לכתחילה'ס פוינט

ווען דער עולם האלט ווען אמת'דיג דערביי וואלט מען עס שוין לאנג דורכגעבראכן, והא ראי' אז אין קרית יואל איז שוין דא א מושג פון חתונה מאכן אנע זינגער און שפילער, פאלשע רינגל, אן א ברעיסלעט, 1400 שטריימעל, וכו' וכו' און טאמער וויל מען שטארק איז דא די מעגליכקייט חתונה צו מאכן א קינד און נישט ארויס נעמען קיין גאנצע 30 טויזנט פון טאש... (וויסעך פון א מעשה שהיה)
נאר דא אין שטאט וויפיל מען האט געשריגן האט דערווייל נאך נישט אויפגעטון צופיל, (אויסער ביי שטריימלעך וואס כפי הנראה גייט די מערכה אין שטארקן שוואנג, און דער עולם קויפט ביליג) אפשר האט מען מורא אויסוקוקן ווי קרית יואל'ע? ווער ווייסט?

(ווער געדענקט נאך די חתונה תקנות פון מרן הברך משה זי"ע?)

וואס איך מיין צו זאגן איז, אז מען דארף נעמען די גאנצע מערכה אקעגן פיער פרעשער אויף די ענין פון הוצאות, דאס איז לכאורה א זאך וואס יעדער האלט מיט, נאר עולם גולם וויל נישט זיין

אנדערש, און מען שעמט זיך פון די מה יאמרו הבריות. און דאס דארף מען עוקר מן השורש זיין, נישט די עצם מציאות פון מה יאמרו הבריות, וואס וואו שוין אויסגשימיסט דא האט דאס אסאך

מעלות, נאר עוקר זיין די נארישע מציאות החיים וואו מיר האבן זיך אריינגעקייקלט, פון אויסגעבן שווערע געלעטער וואס מען האט נישט אויף נארישע הוצאות.
אוועטאר
טשאלענט
שר ארבעת האלפים
תגובות: 4017
זיך איינגעשריבן אום: זונטאג אוגוסט 07, 2016 3:34 pm
לאקאציע: אין טשאלענט טאפ

  • ציטיר
  • צו לייגן א דאנק דארפט איר זיין אריינגעלאגט

תגובה דורך טשאלענט »

ויתן לך האט געשריבן:
טשאלענט האט געשריבן:גערעכט! אבער דאס פרעגט נישט אפ לכתחילה'ס פוינט

ווען דער עולם האלט ווען אמת'דיג דערביי וואלט מען עס שוין לאנג דורכגעבראכן, והא ראי' אז אין קרית יואל איז שוין דא א מושג פון חתונה מאכן אנע זינגער און שפילער, פאלשע רינגל, אן א ברעיסלעט, 1400 שטריימעל, וכו' וכו' און טאמער וויל מען שטארק איז דא די מעגליכקייט חתונה צו מאכן א קינד און נישט ארויס נעמען קיין גאנצע 30 טויזנט פון טאש... (וויסעך פון א מעשה שהיה)
נאר דא אין שטאט וויפיל מען האט געשריגן האט דערווייל נאך נישט אויפגעטון צופיל, (אויסער ביי שטריימלעך וואס כפי הנראה גייט די מערכה אין שטארקן שוואנג, און דער עולם קויפט ביליג) אפשר האט מען מורא אויסוקוקן ווי קרית יואל'ע? ווער ווייסט?

(ווער געדענקט נאך די חתונה תקנות פון מרן הברך משה זי"ע?)

וואס איך מיין צו זאגן איז, אז מען דארף נעמען די גאנצע מערכה אקעגן פיער פרעשער אויף די ענין פון הוצאות, דאס איז לכאורה א זאך וואס יעדער האלט מיט, נאר עולם גולם וויל נישט זיין

אנדערש, און מען שעמט זיך פון די מה יאמרו הבריות. און דאס דארף מען עוקר מן השורש זיין, נישט די עצם מציאות פון מה יאמרו הבריות, וואס וואו שוין אויסגשימיסט דא האט דאס אסאך

מעלות, נאר עוקר זיין די נארישע מציאות החיים וואו מיר האבן זיך אריינגעקייקלט, פון אויסגעבן שווערע געלעטער וואס מען האט נישט אויף נארישע הוצאות.

איך אגרי!

כמיין דאס ברענגט טאקע לכתחילה ארויס, מזאל וויסן און וועלכע ענינים מ'דארף פירן א מערכה מיט פיער פרעשער...
טשאלענט גמח!

ווען איך בין געווען אינגער פלעג איך זאגן:
די לעבן איז צו ערנסט צו נעמען אזעלכע נארישקייטן פערזענליך,
אבער היינט בין איך שוין שוין געקומען צום שכל און איך זאג:
די לעבן איז צו נאריש צו נעמען אזעלכע ערנסטע זאכן פערזענליך
אוועטאר
אלט מאנרא
שר שלשת אלפים
תגובות: 3607
זיך איינגעשריבן אום: מאנטאג מאי 30, 2016 11:37 am
לאקאציע: צווישן גראז און ביימער

  • ציטיר
  • צו לייגן א דאנק דארפט איר זיין אריינגעלאגט

תגובה דורך אלט מאנרא »

טשאלענט האט געשריבן:
א ריכטיגע פוינט, לענ"ד איז דאס די אמת'ע אידישע מהלך
המול לכם כל זכר, און הימל געדענקט מען אלעס.
היימישער אינגערמאן
שר חמשת אלפים
תגובות: 5559
זיך איינגעשריבן אום: מאנטאג יולי 06, 2015 6:18 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך היימישער אינגערמאן »

מי יודע האט געשריבן:
ויתן לך האט געשריבן:אבער וואס וועט זיין מיט די חתונות, און אלע אנדערע שמוגערישע נארישע הוצאות...

אוי, על אלה אני בוכיה, באשעפער העלף שוין.

ובא לציון גואל ויתמו טיי אוונטס מן הארץ

דו ווייסט וויפיל מענטשן פייפן אויף די וועלט, און זענען יחידיות'דיג מיטן נישט אויסגעבן נארישע הוצאות?
די חילוק איז נאר אז זיי זענען נישט ביזי אז יעדער זאל וויסן אז זיי ליידן נישט פון פעיר פרעשור, און זיי באשרייבן זיך ניט אין קיין אויסגאבעס

ניין, איך ווייס נישט... עכ"פ נישט אין וויליאמסבורג..
היימישער אינגערמאן
שר חמשת אלפים
תגובות: 5559
זיך איינגעשריבן אום: מאנטאג יולי 06, 2015 6:18 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך היימישער אינגערמאן »

רבי לכתחלה זאגט שטארקע דברים של טעם און ברענגט ארויס ביידע זייטן פונעם מטבע. און איך אגרי כמעט מיט אים. איך האב צוצולייגן 3 נקודות חשובות מאוד.

א. פרעגט ביטע אייערע זיידעס פון אונגארן וואסארא דראסטישע דראמאטישע חילוקים עס איז גווען צווישען עושר און אריממאן, אז די האר פון קאפ וועט זיך אויפשטעלן. דער סאמע גרעסטער עקסטרעמיסט וואס מאכט חתונה ווי די גרעסטער שנארער היינט, קומט נישט צו לקצה קרסוליו פון דעם אומפארמעגליכער אין הוידא טעגלאזש.

דער געדאנק אז עס איז דירעקט א חשובער ענין אויסצוגעבן געלט וואס מען "פארמאגט נישט" איז א וואנזיניגער רעיון וואס האט זיך סאמהאו אריינגעוועבט אינעם צווייזייטיגע נושא פון פיער פרעשור און געמאכט פון אונזער לעבן א גרויל און א תל און קומט פילייכט פון די טריפהנע אמעריקאנער לייכטזיניגע גאס.

ב.מען דארף נישט קריכען ביז אמאל, אפילו היינטיגע צייטן קען מען זען גאר ערליכע קהלות און געגענטער אין אמעריקא און אין אר"י און לאנדאן(כ'וועל געבן איין דוגמא, וויזניץ מאנסי ועוד) ווי עס איז טאקע דא פעיר פרעשור אויף א גרויסען פארנעם, אז איינער זאל נישט גיין אנגעטוען קלותדיג, מען זאל נישט טוען זאכן וואס פאסט נישט וכדומה.

אבער....

עס איז אבער נישטא קיין פעיר פרעשור פאר פרויען צו גין מיט די לעצטע מאדע

עס איז אבער נישטא קיין פעיר פרעשור פאר יעדן אינגערמאן צו האבן אן אדעסי

עס איז אבער נישטא קיין פעיר פרעשור צו מקיים זיין אלע מיני אויסשווענדערישע מנהגים ביים חתונה מאכן וכולי.

פארקערט אין א געוויסען זין איז דא א רעספעקט פאר באשיידענקייט, פאר א מענטש וואס גיט נישט אויס וואס ער האט נישט.

ג. לאמיר נאך צולייגן נאך איין נקודה, טאקע קאנטריווערסיאל, אבער וועט געבן א שטיקל בהירות פארוואס מאנכע דא וועלן קיינמאל נישט מודה זיין אז אונזער פעיר פרעשור איז זייער מיאוס פארפארן און האט אנגעהויבן ארייננעמען אן א צאל זאכן וואס האבן נישט קיין שום תועלת. באלאנגט נישט אין אונזער פעיר פרעשור און איז אפגעפרעגט מיסודו.

אונזערע קרייז (.......)קעגן אנדערע
אונז זעמיר ליידער מער געשלאגן מיט דעם נגע ווי אנדערע קרייזן.

דאס איז א בלאקעזש

טייל דא וועלן קיינמאל אין לעבן נישט וועלן און קענען מודה זיין אז אונז זעמיר אין דעם הינזיכט ליידער ערגער ווי פארשידענע אנדערע גאר ערליכע קהלות.

מודה זיין אויף דעם איז א סכנה.

נישט א סכנה פאר יהדות ווייל פאר יהדות ברויך מען נישט אזא מין פארקרומטען וואנזיניגער פעיר פרעשור.

עס איז א סכנה אנקעגן אונטער שטאלץ, אז אונז זעמיר בעסער און העכער פון אלע אנדערע קרייזן..פינטעל..

(יעצט הייבט אן צוריק צושמייסן...)
קרייסלער
שר ארבעת האלפים
תגובות: 4514
זיך איינגעשריבן אום: מיטוואך מאי 20, 2015 6:01 am
לאקאציע: אויפן ראוד

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרייסלער »

כל המוסיף על לכתחילה גורע. צום פינטעל, פארשטאנען ביידע צדדים, געמאכט א פשרה און יעדער איז צופרידן
מיר פרייען זיך נישט מיט די מפלות אדער נצחונות פון די ציונים

מיר ווארטן אויף ביאת משיח וואס וועט אונז אויסלייזן פון גלות פון די ציונים און אראבער ביינעזאם
היימישער אינגערמאן
שר חמשת אלפים
תגובות: 5559
זיך איינגעשריבן אום: מאנטאג יולי 06, 2015 6:18 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך היימישער אינגערמאן »

קרייסלער האט געשריבן:כל המוסיף על לכתחילה גורע. צום פינטעל, פארשטאנען ביידע צדדים, געמאכט א פשרה און יעדער איז צופרידן

יאך בין בכלל נישט צופרידן מיט די פשרה...

און איך זע נישט ווי אונז וועמיר ערגער פארן ווען אונזער פיער פרעשור וועט אויסקוקען ווי וויזניץ מאנסי.

איר האט עפעס צוזאגן, אדרבה.

סתם אפפווארפען זאגט גארנישט.
אוועטאר
מה פתאום???
שר ארבעת האלפים
תגובות: 4402
זיך איינגעשריבן אום: דאנערשטאג יולי 09, 2015 5:16 pm
לאקאציע: עיה״ק צפת

  • ציטיר
  • צו לייגן א דאנק דארפט איר זיין אריינגעלאגט

תגובה דורך מה פתאום??? »

היימישער אינגערמאן האט געשריבן:יאך בין בכלל נישט צופרידן מיט די פשרה...
אוועטאר
ארטסקרול
שר חמש מאות
תגובות: 754
זיך איינגעשריבן אום: מאנטאג נאוועמבער 25, 2013 5:14 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ארטסקרול »

עס איז הימל און ערד וויאזוי מען האט ארויסגעשלעפט די פאדאלאגע פון א גאנצע עדיטאריעל, און מען האט זיך גענומען בויען בנינים של הבל על גבי בנינים של הבל. ממש אומגלויבליך!

איך קען נישט פארשטיין וויאזוי אזא קליגער ניק ווי לכתחילה אריבער זאל נישט משים לב זיין, אז רוב פון זיין תגובה איז אקוראט וואס הרב לאבין האט געשריבן, נאר האט דאס צולייגט אויף קליין געלט. יא, ממש אט די זעלבע גענויע געדאנקן האט הרב לאבין געשריבן און געמיינט.

הרב לאבין האט געברענגט א משל. א משל איז דיזיינט בלויז ממחיש צו זיין עפעס וואס ס'איז שווער מסביר צו זיין, ווייל אויב איז די משל דומה לנמשל קען מען דאך רעדן פון נמשל אליינס..

ניין! לאבין האט נישט געמיינט אז מען זאל גיין ווי היפיס מיט ריזיגע בערד און צווואקסענע וואנצעס. אויך נישט האט לאבין געוואלט ווידערהוילן די שלאגווארט פון די ביטעלס. אויב וועסטו פרעגן אז נישט דאס האסטו געמיינט, וועל איך דיר זאגן אז אויך נישט האט לאבין געמיינט מען זאל גיין מיט קראקס. ער האט עס ממשיל געווען למה הדבר דומה.

סא די לאנגע אפהאנדלונג איבער פרייהייט און די טיפע באדייט פון פעיר פרעשור איז זייער ענליך צו די עדיטאריעל וואס איך האב געליינט פון לאבין, אבער לאבין האט לחלוטין נישט געזוכט צו פירן א מערכה מיט פעיר פרעשור.

יעצט לאמיר צו קומען צו די לעצטע שורות פון דיין ארטיקל וועגן דאווענען און לערנען און זיין נארמאל. פון די ווערטער זע איך אז דו האסט יא פארשטאנען וואס לאבין שרייבט, ווייל דאס זאגט ער דאך. לאז אפ די נארישע קובע הוט, אדער געקעסטעלטע דיזיין, לעב נישט מיט די עקא שיך אדער מאט בעקעטשע. לעב מיט זאכן וואס מאכן דיך פאר א יחיד. זיי דו ווייל אלע אנדערע מענטשן זענען שוין פארכאפט און דו ביסט דער איינציגסטער, עלנדסטער דו! איך לערן תורה און איך הער דעם דבר השם, און איך זעה נישט ווי נארמאל, קאנפארמיטי און טרייבעליזם איז א חלק אין די ברית הר סיני.

יעדער מענטש האט זיך זיינע מעמדות אין בלעדי, איינער מיט א לענגערע דאווענען, איינער מיט א שיך וואס האט גארנישט מיט היפיניזעם. און אן אנדערע וואס לערנעט צוויי דפים..

@לכתחילה דו ביסט בעסער פון דעם.
אוועטאר
וואוילע שעפעלע
שר ששת אלפים
תגובות: 6345
זיך איינגעשריבן אום: דאנערשטאג דעצעמבער 24, 2015 2:17 pm
לאקאציע: אין שטאל

  • ציטיר
  • צו לייגן א דאנק דארפט איר זיין אריינגעלאגט

תגובה דורך וואוילע שעפעלע »

יהיה כן האט געשריבן:געוואלדיג!! חילא!!

די שאלה איז נאר פארוואדזשע איז לכתתחלה'ס ארטיקל אויף אייוועלט, און די קראקס ארטיקל [דער בדיעבד'יגער...] אינעם מאמענט, עס וואלט געמעגט זיין פארקערט....


אייוועלט איז היינט פיל א גרעסערע און בכבוד'יגע פלאטפארמע ווי עני אויסגאבע...
אוועטאר
פלעכטער
שר האלפיים
תגובות: 2001
זיך איינגעשריבן אום: דאנערשטאג יוני 20, 2013 11:57 am
לאקאציע: אין קינדערישע הענט...

  • ציטיר
  • צו לייגן א דאנק דארפט איר זיין אריינגעלאגט

תגובה דורך פלעכטער »

זייער פיין ארויסגעברענגט... און ווי אייביג דברים כנים ונכונים.
ווען וועלט וואלט געווען וועלט, וואלט עס געהייסן אייוועלט!
אוועטאר
שמאטע
שר שלשת אלפים
תגובות: 3485
זיך איינגעשריבן אום: דאנערשטאג מארטש 26, 2009 3:40 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמאטע »

ווער קען זיך פארשטעלן לכתחילה'ס כח המעצר אין דיזע טעג...

ס'איז א בחינה פון 'אין משיבין על ה**'.... :wink:
עדיטערס נאוט: שמאטע איז דער האוסט פונעם בצל כוואפאפעיכו שאו. די אויסגעקוועטשטע אפיניען איז זיין אייגענע.
יהיה כן
שר תשעת אלפים
תגובות: 9226
זיך איינגעשריבן אום: זונטאג מאי 03, 2009 2:25 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יהיה כן »

ארטסקרול האט געשריבן:עס איז הימל און ערד וויאזוי מען האט ארויסגעשלעפט די פאדאלאגע פון א גאנצע עדיטאריעל, און מען האט זיך גענומען בויען בנינים של הבל על גבי בנינים של הבל. ממש אומגלויבליך!

איך קען נישט פארשטיין וויאזוי אזא קליגער ניק ווי לכתחילה אריבער זאל נישט משים לב זיין, אז רוב פון זיין תגובה איז אקוראט וואס הרב לאבין האט געשריבן, נאר האט דאס צולייגט אויף קליין געלט. יא, ממש אט די זעלבע גענויע געדאנקן האט הרב לאבין געשריבן און געמיינט.

הרב לאבין האט געברענגט א משל. א משל איז דיזיינט בלויז ממחיש צו זיין עפעס וואס ס'איז שווער מסביר צו זיין, ווייל אויב איז די משל דומה לנמשל קען מען דאך רעדן פון נמשל אליינס..

ניין! לאבין האט נישט געמיינט אז מען זאל גיין ווי היפיס מיט ריזיגע בערד און צווואקסענע וואנצעס. אויך נישט האט לאבין געוואלט ווידערהוילן די שלאגווארט פון די ביטעלס. אויב וועסטו פרעגן אז נישט דאס האסטו געמיינט, וועל איך דיר זאגן אז אויך נישט האט לאבין געמיינט מען זאל גיין מיט קראקס. ער האט עס ממשיל געווען למה הדבר דומה.

סא די לאנגע אפהאנדלונג איבער פרייהייט און די טיפע באדייט פון פעיר פרעשור איז זייער ענליך צו די עדיטאריעל וואס איך האב געליינט פון לאבין, אבער לאבין האט לחלוטין נישט געזוכט צו פירן א מערכה מיט פעיר פרעשור.

יעצט לאמיר צו קומען צו די לעצטע שורות פון דיין ארטיקל וועגן דאווענען און לערנען און זיין נארמאל. פון די ווערטער זע איך אז דו האסט יא פארשטאנען וואס לאבין שרייבט, ווייל דאס זאגט ער דאך. לאז אפ די נארישע קובע הוט, אדער געקעסטעלטע דיזיין, לעב נישט מיט די עקא שיך אדער מאט בעקעטשע. לעב מיט זאכן וואס מאכן דיך פאר א יחיד. זיי דו ווייל אלע אנדערע מענטשן זענען שוין פארכאפט און דו ביסט דער איינציגסטער, עלנדסטער דו! איך לערן תורה און איך הער דעם דבר השם, און איך זעה נישט ווי נארמאל, קאנפארמיטי און טרייבעליזם איז א חלק אין די ברית הר סיני.

יעדער מענטש האט זיך זיינע מעמדות אין בלעדי, איינער מיט א לענגערע דאווענען, איינער מיט א שיך וואס האט גארנישט מיט היפיניזעם. און אן אנדערע וואס לערנעט צוויי דפים..

@לכתחילה דו ביסט בעסער פון דעם.


נו ארטסקרול
יעצט קומט 'דו ביזט א סעלף העיטינג דזשו'......, איא?
סארקאזי
שר האלף
תגובות: 1657
זיך איינגעשריבן אום: מאנטאג פעברואר 08, 2016 8:49 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סארקאזי »

סאיז פלאי פלאים, אזוי שיין מגדיר געווען דעם נושא,
מיט א שטויס פון היסטאריע, מיט א פלוס פון אינפארמאציע,
א זייטיגע קשיא, איז Elvis פון טענעסי,
דער קעניג פון rock @ roll
געווען אן אימיגראנט פון לאנדאן?
ווער סקען מוזיק היסטאריע ווייסט,
אז דעמאלטס האט זיך אנגעהויבען די התדרדרות פון אידישע נגינה,,,,,,,
א פרוי, א קינד, און א נאר, פארשטייען נישט קיין סארקאזעם, וועלכע זענט איר?
סארקאזי
שר האלף
תגובות: 1657
זיך איינגעשריבן אום: מאנטאג פעברואר 08, 2016 8:49 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סארקאזי »

און בנוגע אונגארישע אידען מיינעך אז יש לחלק,
די אונגערישע אידען זענען ''פיין שמעקערס'' ''זייער בכבוד'יג''
פארדעם זענען די פרויען געגאנגען טייער און עלעגאנט (צניעות'דיג שטייצעך)
אויב האסטו זיי ''באליידיגט'' איז אחת דתו, שטייטצעך ס'איז גורם ''פעיר פרעשער''
אבער דער ''סוס תם'' (סיסטעעעעעעעעעעעעם)
איז געשען אין אמעריקע נאך די קריג משום כמה סיבות,
א פרוי, א קינד, און א נאר, פארשטייען נישט קיין סארקאזעם, וועלכע זענט איר?
שרייב תגובה

צוריק צו “דעת הקהל”