מתתיהו

[קרעמער]

דעם שבת בין איך אויפגעשוידערט געווארן צו זעהן פלאקאטן ביי בעדפארק קארנער פארק מיט בילדער פון שווארצע רעפערס, און אויף די זייט ווערן אויסגערעכנט זייערע נעמען אדער ניק-נעמען, ועל צבאם ערשיינט די היימישע נאמען "מתתיהו", מיט א בילד פון דעם ליובאוויטשן איד מיטן קנייטש היטל. בליקנדיג דעם פלאקאט באמערק איך אז דער דאטום פונעם קאנצערט (צו העלפן עידס געליטענע גאר) איז זונטאג יוני 8, וואס איז אויסגעפאלן ערב שבועות!

איך האב געקלערט צו שטעלן דא א בילד דערפון, אבער עס איז צו גרויליג. ובזה יצאתי ידי חובת מחאה.

[אנדי פעטיט]

ביטע דאבעל טשעק צו אלץ וואס דו זאגסט איז ריכטיג ווייל איך האב געזוכט איבעראל ווי מען דארף זוכען אויף די אינטערוועלט און עס ווערט נישט דערמאנט קיין שמץ פון וואס דו רעדסט.

[קרעמער]

איך האב שוין היינט צוטאגס א דידזשיטעל קעמרע, אויב הענגט עס נאך היינט ביינאכט, קען איך דיר מארגן ארויפלייגן א בילד.

[אנדי פעטיט]

איך האב געטראפן אויף די אינטערנעט, א שפאציר אין ברוקלין צו סופארטען די קינדער וואס האבן עידס אויף יוני די אכטע, (וועלעכע איז דרך אגב ערב שבועות, נישט שבועות), און א וואך שפעטער וועט בשייכות צו דעם פארקומען א קאנצערט, אבער עס ווערט נישט דערמאנט קיין איין ווארט פון מתתיהו.

[John McCain]

יעצט דורכגייענדיג בעדפארד וואלאבאוט האב איב איך געזען א פלאקאט און ס'שטייט אז עס וועט פארקומען זונטאג יולי דעם 6'טן

[קרעמער]

קען זיין איך האב טאקע פארטוישט יוני מיט יולי (סך הכל 2 ברודער...)

איך האב נאך אין פלאן צו כאפן א בילד דערפון, אויב איך קום אן אהין פאר די וועד משמרת...

[אנדי פעטיט]

קרעמער, וויפול צאלט דיר מתתיהו פאר די אדווערטייזמענט?

[קרעמער]

ער האט מיר פארשפראכע,
אפצוזינגן א באכע,
ביי מיין קינדס חתונה דזשאכע,
אויפן נוסח פון רעגעי עפאכע.

[מאשקע]

קרעמער, כ'זעה אז דו כאפסט דעם גאנג...

[אנדי פעטיט]

חחחחח מאשקע, קרעמער בעט אים אז ער זאל ענדערש בדחנ'ען ביי די מצוה טאנץ.

[קרעמער]

אזוי ווי איך קום עפעס נישט אן מיט מיין קאמערע צו דעם אויבנדערמאנטן ווינקל, שטעל איך דא אריין א לינק וואו איר קענט קויפן טיקעטס צו יענע קאנצערט (יולי דעם זעקסטן, זונטאג בלק הבעל"ט):
http://www.sortmusic.com/_m/matisyahu-tickets,len.html

[יאהאן וואלפגאנג]

א דאנק קרעמער,

איך האב מיך איינגעהאנדלט פאר די גאנצע משפחה. מיר האפן אייך צו זעהן.

[קרעמער]

ביסט א געפארפולער לץ... דו האסט מיר שוין די נאכט זעלבסט אויפגעהייטערט (ליין: אויפגעפלאצט פאר געלעכטער) עטליכע מאל.

יהי רצון גם למוצאי שבת הבא (און אלע וואכנטעג אינדערצווישן) כן.

[מאשקע]

יאהאן, מיט דעם ביזטו שוין מקיים דעם מצות עשה פון דיין חתימה?...

[יאהאן וואלפגאנג]

איך זעלבסט בין עס מקיים אויף פארשידענע אופנים. יעצט זעהט מען דערצו אז די משפחה זאל אויך קענען געבענטשט ווערן.

[דארפסמאן]

מתתיהו איז געווען אין וויליאמסבורג שבת פ' נשא ביי א קידוש און געזינגען און געטאנצען, איך מיין אז ער איז אריין געקימען פון קרוין הייטס

[יאהאן וואלפגאנג]

מתתיהו איז געווען אין וויליאמסבורג שבת פ' נשא ביי א קידוש און געזינגען און געטאנצען, איך מיין אז ער איז אריין געקימען פון קרוין הייטס

דו מיינסט? איך ווייס! מיין אינגל האט מיר געזאגט אז ער האט געזעהן עפעס א רויטע פלאכע קאר פארן אויף לי עוועניו שבת אינדערפרי און עפעס שווארצע ניגונים האבן ארויסגעשפראצט פון צווישן די הויכהילכער.

[איך_הער]

יאהאן, ס'גייט צו בעסערונג, איר זענט גוט.

[יאהאן וואלפגאנג]

חחח... א שינוי לטובה איז אלעמאל גוט, זאגט מיין פסיכאלאג.

[קרעמער]

יאהאן;

נישט שיין צו בארעדן אן ערליכן איד אלס מחלל שבת ח"ו, מתתיהו איז א בעל תשובה (כפי השמועה) וואס היט תורה ומצות (לויט זיין פארשטאנד).

[איך_הער]

קרעמער, ער האט נישט אים געמיינט, נאר די ניגונים זיינע, זענען ביינעם גלייך, צו דאס וואס זיין קינד האט געהערט פון די דורכפארענדע קאר.

[האמת]

ער איז א בעל תשובה?.

[קרעמער]

האמת;

איך האף אזוי. (ווייסט וואס איינער האט געזאגט אויף א געוויסן זינגער: א בעל עבירה איז ער זיכער געווען).

ליין דא זיין ביאגראפיע, גאנץ אינטערסאנט:
http://en.wikipedia.org/wiki/Matisyahu

אנדי;

היינט איז שוין נישטא אויף בעדפארק-פארק קיין זכר פון די צעטלעך, אלעס איז איבערגעדעקט מיט פרישע סעיל צעטלעך.

[אנדי פעטיט]

יאהאן;

נישט שיין צו בארעדן אן ערליכן איד אלס מחלל שבת ח"ו, מתתיהו איז א בעל תשובה (כפי השמועה) וואס היט תורה ומצות (לויט זיין פארשטאנד).

ער איז טאקע א בעל תשובה און ער היט תורה ומצות אזוי ווי מיר אלע פארשטייען!

יא יא! מיר אלע פארשטייען אז א איד דארף זיך פירען אזוי ווי זיינע רבנים'רביס הייסן אים זיך פירן, און אזוי טוט ער טאקע.

איך קען מענטשען וואס קענען אים פערזענליך, ער איז א מדקדק בקלה כבחמורה, נאר זיינע רבנים האבן אים געהייסן נישט אויף געבן זיין קאריער וואס ער האט געהאט ביז יעצט.

[יאהאן וואלפגאנג]

יאהאן;

נישט שיין צו בארעדן אן ערליכן איד אלס מחלל שבת ח"ו, מתתיהו איז א בעל תשובה (כפי השמועה) וואס היט תורה ומצות (לויט זיין פארשטאנד).

איך בין פון די וואס האלטן אז מען מעג נאך מאכן א ווערטל היינטיגע צייטן אויך, און נישט אלעס מיינט מען אזוי ערנסט.