נאך עטליכע שמונה עשרה'ס איז מיר עפעס בייגעפאלן...
די געדאנק פון א נוי סוכה - ווי עטליכע האבן שוין ערווענט - איז מיר גראדע געפאלן, איינער האט אויך געזאגט א נקודה אז מען זאל לאזן יעדן מאכן סיי וואסערע נוי סוכה, האב איך אבער געקלערט אז עס וועט עס מאכן צו קאמפליצירט ביי די וואלן, ווייל יעדער האט דאך א צווייטער געדאנק, איז כמעט נישט שייך צו געבן א שטימע בלויז פאר איינס, וועט מען מאכן עטליכע אנקעטעס, איינס פאר די געדאנק, איינס פאר קריעטיווטי, פאר קאליר, פאר ניעטקייט, פאר וואטעווער... וועט עס שוין באלד אויסקוקן ווי די פאעזיע פארמעסט... (איך אנטשולדיג זיך שוין...)
האב איך געקלערט מען זאל מאכן טאקע א נוי סוכה, אבער עפעס דיפערענט, (איך מיין, איך האב שוין אכט אשפיזין סעטס און נאך פינף יודא בן תימא'ס באצירט אויף מיינע סוכה ווענט...) איז מיין געדאנק ווי פאלגנד:
תפילת גשם!
יעדער זאל צאמשטעלן א תפילת גשם וואס מען גייט קענען הענגען אין סוכה,דהיינו, א גרויסע פאסטער, אין די זייט אויף א שיינע אופן אויסשטעלן די גאנצע נוסח געפינטלט, דערנאך זאלן זיין בילדער פון קריעת ים סוף, א קאסטן שווימט אויפן וואסער, א שטיין שפריצט וואסער מיט א שטעקן אינדערזייט, דער ביהמ"ק מיטן כיור, א.א.וו.
מען קען מוז נישט לייגן בילדער פון אלע שטיקלעך, נאר וויפיל מען קען, מען האט צייט, מאכט סענס וכו'. מען קען צוטיילן די בילדער אזויווי מען טוט מיט אושפיזין, דהיינט פאולס מיט טויערן, רינגעלעך אדער שיינע פרעימס און נאך, אדער קען מען גאר צאמשטעלן אלעס אויף איין בילד (כנוסח גדי פאלאק), דהיינט א גרויסע וואסער, איין עק זעט מען קריעת ים סוף, די אנדערע עק זעט מען א קאסטן שווימען, אין די זייט אויף די גראז ליגט א שטיין וואו עס שפריצט וואסער, מען קען אפשר סתם אזוי צולייגן א וואסערפאל פאר שיינקייט... בקיצור, מען קען זיך אסאך ארומשפילן...
דאס איז מיין מיינונג יעצט. איינער האט עפעס דערקעגן?
