הארץ האט געשריבן:אזוי ווי די וואלן קומען יעצט ארויף האב איך געוואלט לאזן הערן מיין מיינונג און די מיינונג פון אסאך צומישטע אידן אין בלומינג גראוו
א) וואס זענען די שייכות און אינטערעסן פון געוויסע פאליטישאנס צו בלומינגראוו און וואס זענען זייערע אגענדעס, עס איז נישט די רצון און די ציל פון אונז איינוואונערס פון בלומינגראוו צו דינען די אינטערעסן פון פאליטישענס און דעוועלאפערס מיר האבן א אייגענע מיינונג מיר האבן ב"ה גענומען די קוראזש און געטון די ריכטיגע שריט און אן קיין הילף (שיין גערעדט) פון אט די פאליטישנס האבן מיר ב"ה מצליח געווען ביז אהער און מיר ווילן ווייטער גיין אויף די מהלך, פארוואס דארפן מיר ארבעטן און זיך צושטעלן צו די אויבנדערמאנטע אינטערעסן.
ב) פארוואס דארף מען אויפרייצן יעצט די גוים, ווארט נאך צו ביז די קומענדיגע וואלן?
ג) מיר ווילן וויסן פארוואס מיר דארפן שטימען און וואס וועלן מיר פארדינען דערפון עס גייט אונז נישט אן די אלע פאליטיק און אגענדעס און אינטערעסן, מיר ווילן לעבן א רוהיגע לעבן מיר זענען צופרידן וויאזוי עס איז, וועט זיין א ווילידזש אדער וועט זיין א טאון וועט פרענקא זין וועט קעווען זיין וואס איז דאס נוגע פאר מיר? ואס האב איך דערפון??
על ראשון ראשון ועל אחרון אחרון
א) עס זענען צוזאמען געזיצן אידן פון אלע בתי מדרשים אין בלומינגראוו, ביי ביידע קאנדידאטן, און אן קיינע אינטערעסן איז דאס ארויסגעקומען. אדרבה פרעגט אין אייער בית המדרש ווער עס איז דארט געווען און ער וועט אייך זאגן.
מען איז געזעצן מיט ביידע קאנדידאטן און אויסגעפרעגט פארשידענע ענינים, און בעיקר איז די ציל פון די זיצונג ביי מר.------- געווען טאקע דאס די הויכפונקט פון די מיטינג וועגן אט די פראגע וואס א געוויסע פאליטישאן פון א אנדערע געגנט ארום אינדארסירט אים, איז וואסערע אינטערעסע איז באהאלטן דא. די תירוץ איז, אמת איין פאליטישאן וואס איז שוין לאנג נישט אין גוטן און איינשטימיג מיט זיינע ארומיגע, ער אינדאסירט טאקע מר. --------- און איז טאקע זיין חבר, אבער מען דארף וויסן ווי שטארק אט די מעיאר קאנדידאט איז געווארן אראפגעריסן דורך די אנדערע פאליטישאנס מיט כל מיני שטיקלעך אים צו פארשטעלן די וועג, רבותי! די בלומינגראוו אידישע קאמיוניטי ווערט נישט געהאלפן דורך די פאליטישענס פון אנדערע געגנטער ארום, די איינציגסטע הצלחה ביי אונז איז אונזער אחדות, מר. ----------- איז געשטערט געווארן און ווערט כסדר אונטערגארווארפן פיסלעך דורך פאלישאנס וואס האבן מורא פאר די הצלחה פון אחבנ"י אין בלומינגראוו. פאר געוויסע פאליטישאנס איז בלומינגראוו א אומבאקוועמע סיטואציע און פאר געוויסע איז עס א שטער פאר זייער ביזנעס וכדו'.
אע"כ ניתי וניחזי ווער זענען די פריינט פון מר. --------, דאס זענען נאר די אידן פון בלומינגראוו. נישט פון אנדערע געגנטער דאס איז אונזער אינטערעסע מיר מוזן זיך צוזאמעננעמן.
ב) די קעגנער מר. ---------- האט מיטגעשלעפט מיט זיך די וואס זענען געווען ביי אלע ווילידש בארד מיטינגען, און מיט
זייער אנטיסימיטישקייט כסדר געהאסט די אידן. און אויב זיי נעמען איבער די ווילידזש, איז בלי ספק אז זיי וועלן אויפלעזן די ווילידזש, אויף א אופן אז מען וועט נישט נאכדעם קענען מאכן אפילו א נייע פאר זיך, (מיטן ארייננעמען צו וואשינגטאנוויל) וועגן דעם איז דאס קריטיש וויכטיג יעצט צו טון וואס אימער מען קען נאר. ומי יודע אם לעת כזאת הגעת? קומענדיגע וואלן קען שוין זיין נישט נוגע.
ג) די אידישע נצרכים זענען פיל, און פון א גוי'ס שטאנדפונקט זייער קאמפליצירט צו פארשטיין, מען דארף האבן א געפיל דערצו, מען דארף פארשטיין צו דעם, ווי למשל א עירוב, שולן, מקוואות, שריפת חמץ, מבאר זיין די מיסט נאך שריפת חמץ, סוכות, מחיצות ארום די סווימינג פולס, סקול באסעס, באלאכטענע גאסן, סיידוואקס, א גרויס חלק פון די הייזער און בלומינגראוו אויב מען וועט נישט צובויען א גרויסע עקסטענשאן איז עס בכלל נישט געאייגנט פאר ליכטיגע אידישע משפחה, מען דארף צוקומען צו די הילף פון די ווילידזש, אויב וועט מען אויפלעזן די ווילידזש ווי זיין פלאנען צו טון, אדער אפילו מען וועט בלייבן מיט די ווילידזש אונטער די אנטיסימיטן, וועלן זיי אראפנידערן די סקווער פוטידזש פון די שוין ביז יעצטיגע קארגע 600 צו - 100-200, דאס איז איין וועג צו מאכן ענג פאר די אידן. זיי פלאנען צו שטרענג אינפאסירן די געזעץ פון נישט מעגן לייגן מחיצות אויף די סווימינג פול (שוין געווארן דערמאנט אין די לעצטיגע מיטונגן), נישט לאזן בויען קיין שולן, נישט לאזן מאכן פון רעזידאנשעל צו קאמערשאל זאנינג פאר אידישע גראסעריס וכדו' דאס אלעס האבן זיי אין פלאן.
מר.---------- איז א שטארקע אוהב ישראל, אייביג געווען, צוזאמען מיט זיינע ארומיגע. זיין פלאן און צוזאג איז, צו זיין גוט צו די אידן, זיך צושצושטעלן צו די אלע אויבנדערמאנטע באדערפענישן, עכ"פ זיין רצון איז כאטשיג דא. און ער איז פונטליך באקאנט מיט די אידישע נצרכים, און מיט אלע ימים טובים, ער איז א משלנו. ער ווייסט אפילו וויאזוי מען ווערט א איינוואונער אן האבן א הויז דא.
ווי אויך פארשפרעכט ער אז ער האט א שטארקע אורדזש צו ארבעטן אז די שכינים זאלן זיך אלע לעבן אין גוטן.