קרית יטב לב - בלומינגבורג ניו יארק

[די_אמת]

בס"ד
אזוי ווי באוואוסט האבן אין די לעצטערע יארן פילצאליגע אידן זיך ארויסגעצויגן אין די קעטסקיל בערג. פילע פון זיי האבן גענומען די שריט צוליב די גרויסע מאנגל אין דירות אין די עקזיסטירנדע אידישע שטעט, און האבן זיך דעריבער אריבערגעצויגן צו די נייע אידישע געגענטער ווי די רענט פרייזן איז גאר ביליג. די אידן האבן ברוך השם שטארק הנאה און א אידישע לעבן פאנגט זיך אן צו ווירבלען אין די גאנצע געגענט דורכאויס די יאר.
אבער אין די זעלבע צייט וואס די אידן זענען געהאלפן געווארן מיט גרויסע דירות און א געשמאקע לעבנסשטייגער, טוען זיי זיך אנשטויסן אין שוועריקייטן מיט פרנסה. די דזשאב מעגליכקייטן אין די געגענט איז היבש באגרעניצט און אזוי אויך איז נאך נישט פארהאן גענוג מענטשן צו קענען עפענען אייגענע געשעפטן און דערמיט פארדינען א צוגענגליכע געהאלט צו קענען שפייזן א קינדער געבענטשטע פאמיליע.
צוקוקנדיג צו די לאגע האט דער אלעמען באקאנטער עוסק בצרכי ציבור באמונה, הרב הצדיק רבי זיידל ראזענבוים שליט"א, אדמו"ר מנאדבורנא בלומינגבורג יצ"ו, באשלאסן צו גרינדען א צדקה פאנד לע"נ זקנו הרה"ק רבי מרדכי מנאדבורנא זצוק"ל, וואס וועט ארויסהעלפן די פאמיליעס וואס פלאגן זיך מיט פרנסה, מיט געלט פאר עסן און קליידונג, אז עס זאל נישט פעלן די וויכטיגע באדערפענישן אין אידישע שטובער.
הרה"צ רבי זיידל שליט"א, וואס רבים נהנים ממנו עצה ותושיה דורך די באקאנטע "מכון הגורלות", און פילצאליגע אידן פון לאקאל און איבעראל, טוען זיך מיט אים אדורכשמועסן זייערע פערזענליכע ענגשאפטן, האט באשלאסן צו גרינדען די "רבי מרדכי'לעס צדקה קאסע" לעילוי נשמת דער איש פלא ופועל ישועות בקרב הארץ, רבי מרדכי'לע מנאדבורנא זי"ע, וואס איז באקאנט געווען מיט זיין אויסטערלישע פזרנות פאר די באדערפענישן פון אידישע קינדער. די קאסע וועט פארטיילן ספעציעלע קארטלעך וועלכע וועלן קענען גענוצט ווערן ביי געשעפטן צו קענען איינקויפן עסן און קליידונג.
די געלט פון די קאמפיין גייט אויסשליסליך פאר די "ר' מרדכי'לעס צדקה קאסע", און נישט פאר די פילצאליגע אנדערע אקטיוויטעטן פון די "מוסדות נאדבורנא בלומינגבורג", ווי די בנין בית המדרש החדש והמפואר, מקוה טהרה און די מוסדות החינוך.
צו הערן מער דעטאלן און זיך צו פארבינדען פערזענליך מיט רבי זיידל שליט"א מנאדבורנא בלומינגבורג קענט איר רופן 347-675-6045

https://thechesedfund.com/cause/rabbi-m ... vorne-fund

[אט אזוי]

פארוואס נעמט מען מלמדים פון קרית יואל און נישט פוןלאקעל בלומינגבורג?

[בענאק]

פארוואס נעמט מען מלמדים פון קרית יואל און נישט פוןלאקעל בלומינגבורג?

מען נעמט די בעסטע מלמדים וואס איז שייך פאר די הצלחה פונעם מוסד

אז מען טרעפט גוטע מלמדים אין לאקאל, זענען זיי די ערשטע. אז נישט, מוז מען בלית ברירה נעמען פון קרית יואל.
גראדע איז דא איין מלמד וואס קומט יעדן טאג פון ק"י, און ער ציעט זיך שוין ארויס קיין בב"ג

[גליקליכער]

פארוואס נעמט מען מלמדים פון קרית יואל און נישט פוןלאקעל בלומינגבורג?

מען נעמט די בעסטע מלמדים וואס איז שייך פאר די הצלחה פונעם מוסד

אז מען טרעפט גוטע מלמדים אין לאקאל, זענען זיי די ערשטע. אז נישט, מוז מען בלית ברירה נעמען פון קרית יואל.
גראדע איז דא איין מלמד וואס קומט יעדן טאג פון ק"י, און ער ציעט זיך שוין ארויס קיין בב"ג

די מלמדים זענען יא פון בלומינגבורג און עס איז אויך דא וואס קומען צו פארן דעם קורצן נסיעה'לע פון קרית יואל, וכדברי בענאק, די אפיס ארבעטערס, אדמיניסטראטאר, מענעזשער, פאנד רעיזערס, אא"וו זענען אלע פון בלומינגבורג.

[קלוגער]

כ'אב עפעס געהערט אז מ'גרייט זיך אן פאר א גרויסע דינער פאר די מוסדות אין בלומינגבערג, איינער מיט מער דיטעיל?

[ס'רעגענט ס'גיסט]

כ'אב עפעס געהערט אז מ'גרייט זיך אן פאר א גרויסע דינער פאר די מוסדות אין בלומינגבערג, איינער מיט מער דיטעיל?

זונטאג ויקרא אין עטרת פעסיל לאה

[קלוגער]

כ'אב עפעס געהערט אז מ'גרייט זיך אן פאר א גרויסע דינער פאר די מוסדות אין בלומינגבערג, איינער מיט מער דיטעיל?

זונטאג ויקרא אין עטרת פעסיל לאה

נישט אין שטאט? פארוואס?

[בלומינגבורגער]

פארוואס נעמט מען מלמדים פון קרית יואל און נישט פוןלאקעל בלומינגבורג?

פארוואס נעמט סאטמאר-בארא פארק מלמדים פון וויליאמסבורג און נישט פון לאקעל בארא פארק?

אגב; 5 מלמדים זענען פון לאקעל בלומינגבורג
און בלויז 4 זענען פון קרית יואל
און בקרוב גייט זיין 6 פון לאקעל בלומינגבורג און בלויז 3 פון קרית יואל (איינער פון די מלמדים ציהט זיך קיין בלומינגבורג)

[אט אזוי]

פארוואס נעמט מען מלמדים פון קרית יואל און נישט פוןלאקעל בלומינגבורג?

פארוואס נעמט סאטמאר-בארא פארק מלמדים פון וויליאמסבורג און נישט פון לאקעל בארא פארק?

אגב; 5 מלמדים זענען פון לאקעל בלומינגבורג
און בלויז 4 זענען פון קרית יואל
און בקרוב גייט זיין 6 פון לאקעל בלומינגבורג און בלויז 3 פון קרית יואל (איינער פון די מלמדים ציהט זיך קיין בלומינגבורג)

ער טענהט סאיז נישטא קיין זשאבס

[יונה]

בלומינגבערגע איינוואוינער האבן זיך אויפגעוועקט היינט צו א הערליך שניי ווייס באדעקטע שטעטל...

ב"ה די שארער טראקס האבן געמאכט גאר א פיינע ארבעט, כאטש וואס די שניי איז געפאלן כמעט אן אויפהער, זענען זיי דורכגעפארן נאכאמאל און נאכאמאל אוועקשארן די שניי און געשיט זאלץ עס זאל נישט זיין גליטשיג.

די חדר און סקול זענן ב"ה אפען מיט טראנספארטאציע (ס'איז געפארן עטוואס שפעטער ווי געווענליך) די גרעסערע מיידלך וואס פארן לערנן קיין ק"י איז יא געווארן געקענסלט צוליב וואס דארט איז געווארן אפגערופן די שולע.

[יונה]

נאך עטליכע בילדער.

[קלוגער]

אהה, שיינע ווייסע טישטוכער אויסגעשפרייט, נו לייג שוין אראפ אפאר בילקעס, און שטעל משקה!

[איש האשכולות]

מוסדות סאטמאר בלומינגבערג האט געעפענט א קאמפיין אראפצושטעלן א יסוד פאר די ארטיגע מוסדות.

[יונה]

אויפ'ן היינטיגע איד דעקל..

[יונה]

קאמפיין הייבט זיך אן...

[קלוגער]

איז דעס אויכעט א מעטשיג פאנד קאמפעין? מיליאן דאללער איז אסאך געלט,

[שמואל בארג]

קוקט אויס א גוטע אנהויב.

דער עיקר איז, איינצושפאנען א באזע פון עסקנים וואס זאלן זיין זייער אקטיוו.

[אלט מאנרא]

דעי dart media איז פיינע נייעס!
די קאמפיין איז לכאורה ליפטיגע שטיתים א מוסד פון קרוב צו ? הינדערט קינדער זאל אנציען אזוויפיל געלט אבער עס איז א גיטע איידיע אז מען זאל רעדן אביסל פון בלומינגבערג,

[גליקליכער]

די איינוואוינער און אנגעשטעלטע אין די מוסדות הקדושים אין בלומינגבורג קוקן ארויס אויף א שטארקע הצלחה בע"ה מיט דעם מיליאן דאללאר קאמפיין, פארשטייט זיך אז די עסקנים ארבעטן אויך אויף נגידים און ווארעמע הערצער פאר גרעסערע סכומים, אבער דער עולם נעמט זייער ווארעם אויף די רעיון פון מיט בלויז $100 קען מען זייך א שותף אין אראפשטעלן א שטארקע יסוד פאר די הייליגע מוסדות וואס גייען דורך דעם כל התחלות קשות מיט קידוש לבנה אותיות, ווי פארשטענדליך, און מיט דעם האט מען א חלק אין אויפבויען דעם הערליכן און בליענדן ישוב וואס וועט בעז"ה זיין פון די שיינע שטעט ביים היימישן כלל ישראל.

די מוסדות וואס זענען געגרינדעט געווארן מיט בלויז איין יאר צוריק, און האלט שוין היינט ביי איבער 300 קינדער קע"ה, מ'דארף שוין אין די קלענערע קלאסן פאראלעל, און עס איז ערווארטעט צום קומענדיגן לערן יאר איבער 400 קינדער כ"י. די וואוקס איז נישט נאר פון משפחות וואס ציען זיך כסדר ארויס, נאר אויך פון די אינגע משפחות וואס וואקסן קע"ה און גיבן כסדר אריין נאך קינדער און גיט צו צו די שנעלע וואקס פון די מוסדות.

די מוסדות מוטשענען זיך מיט א גרויסן בודשעט, צו דעקן די גרויסע סטעף מיט אנגעשטעלטע, באסעס און אויפהאלטן דעם גרויסן בנין, און מיט די שכר לימוד און אינאיינעם בלייבט א ריזיגער לאך יעדן חודש, ואין הבור מתמלא מחולייתו, מ'דארף צוקומען צו אחינו בשרינו צו לייגן א קליין פלייצעלע, און דאס קען געבן א גוטן שטופ מיט השי"ת'ס הילף אז די מוסדות זאלן זיך קענען שטעלן אויף די פיס און קענען אנגיין.

עס איז וויכטיג צו באטאנען, אז די מוסדות זענען אויסערגעווענליך געלונגען ברוחניות ובגשמיות, די עלטערן זענען גאר שטארק צופרידן, און די קינדער זענען אויסעגעווענליך פרייליך און צופרידן, און מצד די שטאב און קוואליטעט האט זיך דער מוסד נישט וואס צו שעמען פאר אלטגעזעצענע און אויסגערופענע מוסדות, אבער אז ס'קומט סוף חודש און מ'קען נישט דעקן א פעיראלל, און ווען ס'קומט א געז און עלעקטריק ביל קען מען נישט באצאלן, מאכט עס די מנהלים און הנהלה זאלן אונטערברעכן, יעצט איז די צייט.

[קלוגער]

ס'אט זיך ארומגעדרייט א טעקסט אז ס'אט זיך געעפענט נאך א שוהל אין בלומינגבערג דעי שבת, איינער קען אריינקומען מיט מער פרטים?
וויפיל שוהלען איז שוין דא?
וויפיל זענעם סאטמארע שוהלען?
און פארוואס דארף מען אזוי פיל שוהלען ווען די גאנצע שטעטעל האט אינגאנצען 130 משפחות?

[שמואל בארג]

איך ווייס נישט פון א נייע שול, אבער פשט פון די אלע שוהלן איז, צוליב די געאגראפישן ווייטקייט צווישן די פארשידענע געגענטער.

[יונה]

די טעקסט האט געמאלדן אז מען האט די וואך אנגעהויבן דאווענן אין בנין התלמוד תורה פרייטאג צונאכטס.

סאטמאר האט דערווייל צוויי שולן, איינס איז אין די היקארי קאמפלעקס, און דאס אנדערע איז די בית יושע שול אינעם נייעם דיוועלאפמענט, חוץ דעם איז דא דאס נאדווערנע ביהמ"ד וואס איז דערווייל קווארטירט אין רבינ'ס שטוב, ביז די נייע בנין וואס די קהלה האט געקויפט וועט אריינגיין אין דינסט.

בשעת'ן בויען די בנין התלמוד תורה האט מען אריינגעלייגט ריקעדיגע ווענט אינעם לאנטש רום מיטן פלאן עס זאל דינען פאר א בית מדרש מען האט עס אבער כמעט נישט גענוצט ביז יעצט. דאכט זיך אז עס איז צוגעקומען עטליכע משפחות אין יענע געגענט נעבן די תלמוד תורה און דאס איז די סיבה פארן עפענן די בנין פאר שבת.

[סעטינגס]

כ'דענק מ'האט געהאט גערעדט פין א טשערנאוויצע שוהל, עפעס געווארען דערמיט?

[ס'רעגענט ס'גיסט]

כ'דענק מ'האט געהאט גערעדט פין א טשערנאוויצע שוהל, עפעס געווארען דערמיט?

טשערנאוויץ האט א קאנטרי אין די געגענט אין זוממער איז דא אינעם קאנטרי א טשערנאוויץ'ע שוהל

[אמונה בטחון גאולה]

העריך ס'קומט פאר אן אסיפה היינט אויפ דערנאכט אין בהמ"ד בית יושע, וועגן דעם מוסד פינאנציעלען מצב, איינער מיט דיטעילס, וואס וויל מען?