וואקסינירן שפורן

[טישטוך]

נאך אמאל געזאגט די זעלבע זאך
קיין מאל נישט צופרידנגעשטעלט
איבערגעדרייט פון שטארק צו שוואך
האט זיך דאס גאנצע וועלט

ווער איז גערעכט און ווער איז נישט
איז דא אן אלטערנאטיוו
וואס איז דאס וואס מאכט צומישט
בלויז צו פארשטיין איך פרואוו

צו איז דאס א קאנפליקט צווישן די וויסנשאפט
מיטן אלמעכטיגער גאט
צו איז דאס אלס בלויז קאנספיראציע זאפט
וואס אן עקסטרעמיסט געקלערט האט

צו איז דאס טויטליך פאר קומענדיגע דורות
און שעדליך עס איז געפערליך
צו איז דאס נארישע בויך תורות
און עס לוינט זיך צו בלייבן ערליך

צו איז דאס אן אגענדע פון דעם בייזוויליגן
אראפצונידערן די פאפולאציע
אדער ברויך מען די נישט-צוטרוי פארטיליגן
און פאלן פאר קאנספיראציע

עס איז מיר זייער אינטערסאנט
ביטע לאזט מיר וויסן
בעפאר איך לאז שטעכן מיין האנט
מיט א הארץ אין צוויי צוריסן

מען זאגט אז עס איז געשטארבן א מיידל
אין רעזולטאט פון דעם שטאך
מען זאגט אז עס קען וואקסן א וויידל
און ברענגען צו א נערוון בראך

מען שרייט קוקט און זעטס
וואס דא גייט פאר
אלס איז א פלאן פון ביל געיטס
און אלע שווארצע יאר

אבער איך זעה א צווייטער בילד
וואס לאזט נישט הערן די געשרייען
איך זעה אמבולאנסן פארן ווילד
איך זעה מציבות זיך באנייען

איך זעה טויזענטע מענטשן וויינען
איך זעה שפיטעלער אנגעפילט
איך זעה אידן ווידוי ליינען
איך זעה דער שטן בילט

מיין זיכרון איז נישט שוואך
און אפילו אויב ווען עס איז ביז גאר
נישט אריבער צייט אסאך
ניטאמאל א גאנצער יאר

דער וויירוס הארגעט ליידער
און ווי מער ער וויל
פארקנאקט דער שולע און חדר
און אזוי אויך די מקוה און דער שול

ענדליך עס איז דא עפעס פריש
מען הייבט אן קומען צו זיך
קומען קאנספיראטארן צום טיש
ווי שטיינדלעך אין די שיך

איבריג איז קלאר מאכן די געפארן
און ברענגען ראיות פון קאנספיראציע מאשין
טוט אייערע ארבל ארויפשארן
און לאזט אריינדרינגען דעם וואקסין

[טישטוך]

לאזט אייך נישט שטערן
דאס איז לענ”ד וואס איך טוה קלערן
אויב ווילט אנדערש ס’זאל ווערן
דאן לאזט אייך ביטע הערן!

[אוראייניקל]

(שטעך מיר אריין אינעם פינגער...)

[קלאָצקאָפּ]

פיין!

[טשאלענט]

ערשט יעצט באמערקט.

זייער גוט געשריבן!

[גרשון]

טאלאטפול!

[שטומפיג]

איך בין קיין חכם קיין גרויסע,
קיין פאשער קיין סייענטיסט,
איך האב קיין מיינונג אויף די נושא,
גערעכט צו אומגערעכט דו ביסט.

אבער צו גראמען בין איך א פאשטייער,
און קען זאגן אן אפיניען,
צו איז עס גראמען זיס און טייער,
אדער נישט גערעדט צום ענין.

און דא קום איך און לייג די הנחה,
אז יעדעס ווארט איז זיס ווי צוקער,
אז די שרייבער איז א בר הכי,
איז פון יעדע גראמ'על ניכר.

סיי די שורות סיי די גראמען,
זענען עפעס לעילא לעילא,
און די גאנצע בנין צוזאמען,
איז א מפואר'דיגע כלי.

בלייבט אונז נאר איבער צו בעטן,
ווען דער שרייבער איז דא מיט אונז,
ער זאל אפטער דא אריינטרעטן,
און איבערלאזן פינגער-פרינטס!

[טישטוך]

א דאנק מר. שטומפיג פאר די ווארעמע גריסן
איך בין שוין געווארן כמעט מיד פון שרייבן
איך האב נישט געהאט קיין אהנונג אויב מען טוט געניסן
ווען איך לאז אין פאעזיע מיינע געפילן איבערבלייבן

אבער אויב קומען ניקים און שרייבן תגובות דערויף
מיינט אז מען טוט עס נישט איגנארירן
און אזוי בלייבן פייכט מיינע מים שאין להם סוף
פון די קריטיקירן, קאמפלימענטירן, טאלערירן, און פארפירן

אבער אז דו קענסט דאך אויך די גראמען פאך
שארף און גראד גארנישט שטומפיג אז מען רעדט שוין
כאפ א פעדער און שרייב - עס גיבט צו א סאך
לאמיר אויפלעבן די פאעזיע ווינקל און איר צוריק אנטון דעם קרוין

[שטומפיג]

א דאנק מר. שטומפיג פאר די ווארעמע גריסן
איך בין שוין געווארן כמעט מיד פון שרייבן
איך האב נישט געהאט קיין אהנונג אויב מען טוט געניסן
ווען איך לאז אין פאעזיע מיינע געפילן איבערבלייבן

אבער אויב קומען ניקים און שרייבן תגובות דערויף
מיינט אז מען טוט עס נישט איגנארירן
און אזוי בלייבן פייכט מיינע מים שאין להם סוף
פון די קריטיקירן, קאמפלימענטירן, טאלערירן, און פארפירן

אבער אז דו קענסט דאך אויך די גראמען פאך
שארף און גראד גארנישט שטומפיג אז מען רעדט שוין
כאפ א פעדער און שרייב - עס גיבט צו א סאך
לאמיר אויפלעבן די פאעזיע ווינקל און איר צוריק אנטון דעם קרוין

[בשבילי נברא]

זייער הנאה געהאט פון די גראמען, און בכלליות פונעם געדאנק.