א ברכה אויף א קללה?

א סוב-פארום ספעציעל פאר פאעזיע און פיוטים

די אחראים: אחראי, געלעגער

חוח בין השושנים
שר חמש מאות
תגובות: 901
זיך איינגעשריבען אום: זונטאג מאי 19, 2019 12:30 pm

א ברכה אויף א קללה?

תגובהדורך חוח בין השושנים » מאנטאג נובעמבער 04, 2019 6:36 pm

אין תורה שטייט קלאר
מיר גלייבן אז דאס איז וואר
בְּזֵעַת אַפֶּיךָ תֹּאכַל לֶחֶם איז א קללה
עס ברענגט אויפן מענטש א יללה

מען ארבעט ביז מען פילט צעשאסן
מיט שווייס און טרערן באגאסן
מען פארשווענדעט דאס לעבן לבטלה
פאריאגט על המחיה ועל הכלכלה

איז ראוי זיך צו שטעלן אויף א נקודה
וואס איז שווער לויט שיטת רבי יהודה
ער געבט דאך א קלארע הדרכה
אויף א מין קללה מאכט מען נישט א ברכה

די משנה קענען דאך אלע
ווערט דעריבער נתעורר א שאלה
אויב דאס עסן ברויט דורך א קללה קומט
פארוואס איז דערויף א ברכה באשטימט?

עפעס צו פארדינען און אפשפּאָרן
נעמט דאך אוועק פון מענטש די בעסטע יארן
וויאזוי קען מען בענטשן אויף א פלאג
וואס איז פארן מענטשהייט א ירידה און קלאג?

אבער אויב טיף מען געבט א קוק
מיט א ריכטיגע תורה'דיגע בליק
פארשטייט מען די אויסטערלישע זכייה
פון הארעווען אויף אכילה ושתייה

נעם גוט אין-אכט
אז אנדערש ווי א מענטש טראכט
האט גאר א זיסקייט אזא בכייה
עס איז א ירידה לצורך עלייה

דער ציפּעדיגער ענגשאפט און קלעם
יעדער אויף זיין פארנעם
טוט דעם מענטש טאקע אנשטרענגען
אבער צום רבש"ע נאנטער ברענגען

עס טוט אויף א זעלטענעם וועג דערהייבן
וועמען השי"ת האט ווייניג געטון פארשרייבן
פאר א גוטע סיבה האב איך ווייניג געקליבן
בלויז א קב חרובים איז מיר געבליבן

דורכדעם איך דרוק אויס מיין ציפייה
פון די טיפענישן פונעם עולם העשייה
א שטענדיגע האפענונג אז השי"ת וועט געבן
כסדר אלעס וואס איך דארף צום לעבן

פון באשעפער קען איך נישט פארגעסן
שרייענדיג נאכאנאנד: טאטע, איך דארף עסן!
פאר א רגע פון אים זיך נישט אוועקקערן
וועלנדיג ער זאל מיר גוטס באשערן!

מיין נסיון העוני
איז נאר לעשות רצון קוני
ענגשאפט מוז נישט זיין געפערליך
עס קען אויך זיין הערליך

חז"ל האבן שוין באשטעטיגט אמאל
אז יאה עניותא לישראל
עס ברענגט ארויס די שיינקייט פון עם סגולה
דאס איז די עבודה שבלב זו תפילה

צום כל יכול 'שתזמין פרנסה' מען שרייט
ווייל נאר ער האט די מעגליכקייט
ווען מען טוט דאס באגרייפן
טוט עס דעם קניפ פארשטייפן

מען איז מתפלל אלע צרכים צו באקומען
צו מתנת בשר ודם נישט דארפן צוקומען
דאס איז מהדק דעם קשר טעגליך
ווייל אנדערש צו עקזיסטירן איז אוממעגליך

השי"ת האט אלעס פאר מיר גרייט
מתחת ידו הרחבה א שפע גאר ברייט
ער געבט אבער א נסיון פון צמצום בייצושטיין
כדי איך זאל פון אים נישט מסיח דעת זיין

איך זאל נישט נעמען פאר לייכט
ס'זאל זיך מיר נישט געבן א דאכט
אז אלעס 'קומט זיך מיר' פונעם א-ל מלך יושב
זייענדיג אויף זיין וועלטל א תושב

איך בלייב אנגעקניפט צום אדיר איום
כי לישועתך קוינו כל היום
איך וויל דאך באקומען את בריתו שלום
מיינע פלענער זאלן נישט זיין בלויז א חלום

צו פארזיכערן אז מיר וועלן זיך צו אים ווענדן
אין אלע אומשטענדן
וועט ער נישט אויפאמאל דעם גאנצן ים שענקען
נאר צוביסלעך ווי טראפנס רעגן שווענקען

די הלוך ילך ובכה טרערן
וויל דער באשעפער זען און הערן
מען איז מתפלל פאר הצלחה אין די געשעפטן
און אזוי טוט מען זיך צו אים באהעפטן

צום הארציגן קרעכץ טוט זיך בענקען
ווען מיר טראכטן און געדענקען
אז עס טוט שאפן א קשר של קיימא
דאס איז פאר אונז די גרעסטע נחמה

ממילא טוען מיר כהלכה
ווען נאך די שווערע יגיעה און מלאכה
נאכן אנארבעטן א גאנצע מערכה
מאכן מיר הויך א ברכה
נישט יעדער וואס דרייווט איין מפ"ש שטייטער פון מיר, איז א גולם. נישט יעדער וואס דרייווט איין מפ"ש שנעלער פון מיר, איז א חיה רעה. נישט יעדער וואס האלט אנדערש פון מיר, איז אומגערעכט.

אוועטאר
נו גוט נו שוין
שר האלף
תגובות: 1742
זיך איינגעשריבען אום: דינסטאג אוגוסט 07, 2018 12:33 pm

תגובהדורך נו גוט נו שוין » מאנטאג נובעמבער 04, 2019 8:08 pm

הערליך הערליך! די גראמען און תוכן!
דער אויבשטער זאל העלפן מ'זאל נישט דארפן צוקומען צו די דאזיגע דערמאנונגען, און אים קענען דינען מיט בענקשאפט מתוך הרחבה גדולה אמן!
נו גוט נו שוין זאל זיין אזוי
אז ס'גייט נישט ווי מ'וויל, וויל מען ווי ס'גייט

אוועטאר
נער הייתי
שר מאה
תגובות: 171
זיך איינגעשריבען אום: דאנארשטאג דעצמבער 04, 2014 5:12 pm

תגובהדורך נער הייתי » מאנטאג נובעמבער 04, 2019 8:21 pm

זייער שיין שכח wow

אוועטאר
אונגארישע הייזער
שר חמש מאות
תגובות: 931
זיך איינגעשריבען אום: דאנארשטאג ינואר 31, 2019 1:12 pm
לאקאציע: אין מאה שערים

תגובהדורך אונגארישע הייזער » דינסטאג נובעמבער 05, 2019 1:43 pm

זייער שיין!
;l;p-

אוועטאר
אונגארישע הייזער
שר חמש מאות
תגובות: 931
זיך איינגעשריבען אום: דאנארשטאג ינואר 31, 2019 1:12 pm
לאקאציע: אין מאה שערים

תגובהדורך אונגארישע הייזער » דינסטאג נובעמבער 05, 2019 1:43 pm

.

שטומפיג
שר מאה
תגובות: 222
זיך איינגעשריבען אום: מיטוואך יולי 11, 2018 8:30 pm
לאקאציע: צווישן קענט און בראדוועי

תגובהדורך שטומפיג » דינסטאג נובעמבער 05, 2019 2:44 pm

א זעלטענע מעסטערפיס פון אלע זייטן.
שכח.

חוח בין השושנים
שר חמש מאות
תגובות: 901
זיך איינגעשריבען אום: זונטאג מאי 19, 2019 12:30 pm

תגובהדורך חוח בין השושנים » דינסטאג נובעמבער 05, 2019 5:08 pm

א ריזן דאנק פאר די פיינע ווערטער.
והיה זה שכרי...
נישט יעדער וואס דרייווט איין מפ"ש שטייטער פון מיר, איז א גולם. נישט יעדער וואס דרייווט איין מפ"ש שנעלער פון מיר, איז א חיה רעה. נישט יעדער וואס האלט אנדערש פון מיר, איז אומגערעכט.


צוריק צו “פאעזיע און גראמען”

ווער איז אונליין

באנוצערס וואס דרייען זיך איצט דא: נישטא קיין איינגעשריבענע באנוצערס און איין גאסט