מחשבות איבערן פאפיר

א סוב-פארום ספעציעל פאר פאעזיע און פיוטים

די אחראים: אחראי, געלעגער

אוועטאר
טישטוך
שר חמש מאות
תגובות: 698
זיך איינגעשריבען אום: זונטאג מאי 28, 2017 4:13 am
לאקאציע: ארויס פון געגנט

מחשבות איבערן פאפיר

תגובהדורך טישטוך » מיטוואך יולי 17, 2019 3:42 am

בס"ד

א טינק אריין אין די טינט
דאס בערשטל איך נעם אפיר
פאכמאניש ארויף עס צורינט
אויפן גלאטן ווייסן פאפיר

יעצט וועל איך ברענגען דעם גרין
און אריינפארבן מיט א לייכטן שמיר
ליניעס איינס ברייט און איינס דין
אויף דעם ציכטיגן פאפיר

א ברוינער שטאם פאר דעם בוים
מיט עטוואס א טיפן אריינפיר
א רואיגקייט ברענגען אין טרוים
דעם קוים אנגעפארבטן פאפיר

אויפן צווייגל אנצייכענען א בראך
א משל צו די וועלט אין מיר
פון דעם טונקעלן קאליר א קליין שטאך
אויפן בוים אויף דעם פאפיר

וואס קען מען נאך צולייגן דארטן
ביים ווינקל פון הויז נעבן דעם טיר
א שיינע רואיגע גארטן
אויפן האלבן בילד אויפן פאפיר

אויך א טייכל וואו קאטשקעלעך שווימען
דער בערשטל ער גיבט א מארשיר
און ווי ער צייכנט די קאטשקעס זיי קומען
אויף די סצענע אויף דעם פאפיר

מיינע געפילן איך וויל נאך אויסדרוקן
מען זאל אנמערקן דאס וואס איך שפיר
יעצט ווען דאס פארב איז האלב טרוקן
א וואלקן קען מען צולייגן צום הימל אויפן פאפיר

און א קליין קינד מיט א קלארינעט
לייג איך צו נאך עטוואס קאליר
עס זעט אויס ממש ווי ארויסקומען ער וועט
צום רעאליטעט גלייך פון פאפיר

אבער אויף מיין קליינער בילד
איך פיל ווי נאר איך קאנטראליר
און איך שפיר נישט גארנישט קיין שולד
אויף וואס עס טוט זיך אפ אויפן פאפיר

א הייזל א טייכל מיט קאטשקעס וואס שווימען
דעם בערשטל ארויף און אראפ איך פיר
און א קינד מיט א קלארינעט טוט אונטערברימען
א שיינער טאג אויפן פאפיר

א ביימל מיט א צווייגעלע טיילווייז צובראכן
א צייכן פון מיין געהיר
א הערליכער בילד טוט זיך דא אויסקאכן
פון מיין ארבעט אויפן פאפיר

יעצט ווען דאס בילד איז שוין פארטיג
קוק איך און איך טריאומפיר
א שיינע סצענע גאר איידל און צארטיג
געמאלן אויף דעם פאפיר

און דאן א געדאנק לויפט אדורך אין קאפ
דאס בערשטל אין זייט איך פארקיר
אז פון דעם בילד קען מען נאר זען א טראפ
וואס עס טוט זיך אינדרויסן פון דעם פאפיר

די וועלט אזוי שיין און רייך אהערגעשטעלט
די צויבער קראפט פון די נאטור
אז אפילו ווען נאר א בילד מען זעט מען קוועלט
טראץ וואס עס איז נאר אויף פאפיר

דער בורא באשאפן ער האט אלעס מיט רעכט
מיט ליבשאפט אן א שיעור
און עס איז נישט געמאלן עס איז נאר ממש עכט
פיל שענער ווי דאס אויף פאפיר

ווער קען עס נאכמאכן קיינער אויסער אים
אזוי איך שפעקוליר
און איך שריי אויס מיט עקסטאז מה רבו מעשיך השם
און איך הענג אויפן וואנט דאס פאפיר...

א וואָרעם אין כריין, איז זיכער אַז דאָס איז צוקער זיס.

שטומפיג
שר האלף
תגובות: 1963
זיך איינגעשריבען אום: מיטוואך יולי 11, 2018 8:30 pm
לאקאציע: צווישן קענט און בראדוועי

תגובהדורך שטומפיג » מיטוואך יולי 17, 2019 8:15 am

;l;p-
הערליך!!! (נישט די בילד, די גראמען)
אין צייר כאלוקינו!!!
כל ישראל יש להם חלק לעולם הבא (סנהדרין, פרק י', משנה א')
עולם הבא באקומען אלע אידן, אבער עולם הזה האבן נאר ערליכע אידן!

אוועטאר
גיב א שמייכל
שר חמישים ומאתים
תגובות: 454
זיך איינגעשריבען אום: מיטוואך יוני 12, 2019 2:27 pm

תגובהדורך גיב א שמייכל » מיטוואך יולי 17, 2019 9:33 am

אפשר קען איינער אראפ מאהלן דעם בילד?
איך שמייכל נישט ווייל איך בין פרייליך...
איך בין פרייליך ווייל איך שמייכל!

אוועטאר
שמארטיקל
שר חמש מאות
תגובות: 934
זיך איינגעשריבען אום: מיטוואך מאי 29, 2019 8:50 pm
לאקאציע: אונטערן קאפל
פארבינד זיך:

תגובהדורך שמארטיקל » מיטוואך יולי 17, 2019 10:07 am

הערליך הערליך שיין. יישר כח!

האסט מיר אריינגעשלעפט אינעם פאפיר דיינעם

פארשטייעך שוין פארוואס דיין טישטוך איז אנגעפעינט..ַַַַַַַַַַַַַַַַַַַַַַַַַַַַַַַַַ
לאכן לאכט דער לעצטער - דער וואס האט די לעצטע געכאפט די דשאוק

שמארטיקל'ס מחשבות

מזל מידיע
שר האלף
תגובות: 1262
זיך איינגעשריבען אום: דינסטאג מארטש 24, 2015 9:14 am

תגובהדורך מזל מידיע » מיטוואך יולי 17, 2019 12:32 pm

בס"ד

צר לי עליכם היימישע אויסגאבעס וואס הייבן נישט אן צו פארשטיין דעם אוצר פון שיינע ערליכע הערליכע פאעזיע.

מעלות האט א פינטעלע שבפינטעלע, אבער בעיקר פאר די "קליינע," ווען זיי קענען ווידמען א זייט-צוויי פאר ערנסטע עמוק'דיגע מוח-ערוועקנדע אויגן-באנעצנדע נשמה-באלזאמענדע פאעזיע וואס ארעסטירט דעם מענטש פאר א שיינע פאר מינוט נאכ'ן ליינען און "מאנט" פאר גאר א לאנגע צייט. אונזער אייוועלטעלע האט מיט דעם ענין עפעס וואס אין כדוגמתו אין די אידישע וועלט.
ווי זאגט מען WOW אין אידיש? שיקט אייער מיינונג צו isaac@mazalmedia.com.


צוריק צו “פאעזיע און גראמען”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 2 געסט