אידישע וועלט פארומס

א קעלט אין אלע ביינער
אין די מאנטלען איינגעטונקען
עס שפאצירט יעדער איינער
די מוסקלען איינגעשרינקען

עס קלאפן זיך די ציינער
די פארע ווי פונעם קאווע טרינקען
א ווייסער טעפיך א שיינער
א פראסט אין די לונגען

דער לוח עפעס זאגט
ער קלאפט שוין ביי אייר
אבער דער וועטער טראגט
גאר א צווייטער שפאציר

א פארצויגענער א לאנגער
דער ווינטער מיט עקשנות
מיט א ווינטיגער געזאנג ער
האמערט אן רחמנות

דער זון עטוואס מיט בושה
ער טוט זיך פארשטעקן
ווי עס וואלט געווען א ירושה
מיט די וועטער'ס וואונדן צו לעקן

די פעלצן זענען נאכנישט
אויף איר דעזיגנירטן הענגער
די זומער וועש דאך נישט
ווילן דארט בלייבן לענגער

פון טיפן שלאף דער בער
טוט זיך אויפכאפן מיט א געניץ
דרוקן סנוז מוזן וועט ער
די קעלט זעט נישט קיין גרעניץ

לצים זיך שוין צוגעכאפט
ווי צו א שטיקל פלייש געבראטן
אויפן שניי וואס קומט און קלאפט
מען טוט רייטן ס'זאל נישט שאטן

אבער בא שבת בא מנוחה
יעצט געקומען א שיינער טאג
אה, א פראכט א מלוכה
עונג שבת פאר זיך כ'זאג

אין די זייט זיך גערוקט
געמאכט פלאץ פארן זומער
די געפילן רירענד געשטיקט
עס פריידט זיך יעדער אימער

אצינד א בקשה צום חורף
לשנה הבא בירושלים
פארלאז אונז שוין, הרף
דעם לאנגן ווינטער זיי שוין מסיים!

זײער גוט ארױסגעברענגט דעם מצב, ײש״כ!

פיין ר' יוסל

אוי איז דאס
א קנאקעדיגע ארטיקל
ווען טראפן טראפט פון נאז
אין פעלץ געבן זיך א וויקל

עפען שוין די טיר
פאר די זין שטראלן
א ווארעמקייט צו מיר
טוט אריין זיך איילן

פיינע סחורה יאסעלע!

אוי יאסל מאוו א מאסעל..

נאדיר א גרינצייג

גאונות אין פאעזיע!

דאס וואלט ווען געדארפט ארויפגיין פאריגע וואך, די וואך ווערט שוין ווארעם.
עניוועי, זייער הנאה געהאט.

מען דארף לייענען די לעצטע שורות אויך:

אבער בא שבת בא מנוחה
יעצט געקומען א שיינער טאג
אה, א פראכט א מלוכה
עונג שבת פאר זיך כ'זאג

אין די זייט זיך גערוקט
געמאכט פלאץ פארן זומער
די געפילן רירענד געשטיקט
עס פריידט זיך יעדער אימער

אה דאס איז זאפטיג און טאלאנטפול.
שוין לאנג נישט געזעהן קיין גראמען אויפן וועלטעל שכח פארן עס אויפפרישן.