זיידי!
לעבעדיג שטייסטו דא פאר מיר
איך ציפ זיך, בין איך וואך אדער כ'חלום?
מיט אנגסט שריי איך: וויפיל איז דער שיעור?
זיידי: געב מיר כאטש שלום!
אין קול ואין עונה!
טרערן גיסן פון מיינע אויגן,
איך בין זיך נישט מוחל
איך וואלט צו די לבנה צו דיר געפלויגן
כ'פרעג וואו איז געווען מיין שכל?
לאנגע יארן / ס'שפירט ווי היינט
איבערגעלאזט מיך א יתום,
כ'האב דערויף נישט געאנט
פארבליבן ביזטו כספר חתום
יא, דער אידל דארט אין עק עק-שול
אנגעהאנגן אויפן מויל א שלאס
מיט די אויגן געווינקען, נישט צופיל
ביז די 100 נישט גערעדט קיין אות
זאגזשע זיידי, ווער האט דיר די כוחות געגעבן?
וויאזוי האסטו אזוי אויסגעפאפט די גאנצע וועלט?
שטום ווי א פיש, מיט'ן קאפ דעם קאלטן
אפגעלאכט פון כבוד און געלט
ביז 100 יאר געשפילט באהאלטן
און אזוי פארענדיגט דיין הייליג לעבן
וויאזוי האסטו עס געמאכט? זיידי!
געשפילט בטלן / אבער פיקח עצום
א פשוט איד'ל / אבער א טהור וקדוש
געמיינט מ'קען דיך / אבער נעלם וסתום
געשפילט עם הארץ / א גאון בתורה מלא וגדוש
הארט ווי א שטיין / א הארץ אבער פון פוטער
א כאראקטער כפול שמונה
ווינציג האבן דיך פארשטאנען
ס'גאנץ לעבן א סוד
אז ס'איז היינט פארהאנען
מלאך בצורת אנוש, לעבט פאר גאט
עקסערסייז שווערע,
מיט די נשמה,
רוחניות'דיגע נעהרע
געפירט מיט'ן גוף א מלחמה,
געלערנט ס'גאנצע נאכט
אין זיין צימער פארשלאסן
קיין נפש נישט נעמען אין אכט
ס'הארץ פאר'ן רבוש"ע אויסגעגאסן
א לעבן פון צרות געפלאכטן
קיינער זאל נישט וויסן
מיט אצילות דקדושה געלאכטן
פונדרויסן אפגעריסן אפגעשליסן
אלץ קינד א יתום געבליבן
מיטן וואנדער שטעקן
פון שטוב פארטריבן
קיין האניג לעקן
ביי די ביטערע מלחמה
אלעס פארלוירן
געבליבן ריין מיט די נשמה
ס'אמונה נישט אנגעוואוירן
קיין אמעריקע געקליבן
אן אמעריקאנער נישט קאנווארטירט
א פשוט אידל פארליבן
פון דערפל זיך קווארטירט
ביז 100 יאר אן וואקאציעס
קיין קאנטרי אדער שאבאטאן
קיין פאליטיק, קיין נייעס
א לעבן 0 (זיראו) פאן!
עיני ראו ולא זר,
איך האב עס געזען
צוגעקוקט ווי חמור,
ראיתי ולא לקחתי מוסר
ס'שלאגט מיין געוויסן
כ'רייס די האר פון קאפ
נישט געלערנט א לעסאן
נישט קונה געווען קיין טראפ
פארשטאנד מיינער, וואו ביסטו געווען?
האסט דאך געהאט לעבן דיר א לעבעדיגן "חפץ חיים"
שכל מיינער, פארוואס האסטו נישט געזען?
אז מ'קען דא שעפן יראת שמים?
זיידי מיינער, היינט בין איך קלוגער
כ'בין צום שכל געקומען
כ'בין היינט א היגער
אבער יעצט ביזטו אנטרינען!
כ'קלאפ זיך יעצט על חטא
ס'מיך גערופן לערנען מערערע מאל
נישט יעצט, כ'האב קיין צייט!
הלואי, יעצט ווען איך כ'קען באצאל!
כ'באנעץ דעם קישן
מיט זוידיגע טרערן,
כ'וויל די פוס דיינע קושן,
כ'וועל שוין אלץ פאלגן גערן
עס וועט מיר בלייבן לעולם א תמיהה
בין איך גליקליך אדער פארקערט?
ווען דו האסט געלעבט, האב איך נישט געקערט!
זייענדיג דיין אייניקל איז מיר פארט א זכיה.
זעענדיג א איד מער צורה ווי חומר
מיין געוויסן טוט בייסן
מ'וועט דאך מיר דערפאר שמייסן
אוי לי אם אומר, אוי לי אם לא אומר!
זיידי, כ'בין זיך מתודה
וועסט מיר גלייבן אוודאי
הלואי כ'קען דיר כאטש אנקוקן
דיין האנט איינמאל דרוקן
פאעזיע: דער וידוי פון אייניקל!
די אחראים: יאנאש,אחראי,געלעגער
-
א גראם מיט טעם
- שר שלשת אלפים
- תגובות: 3947
- זיך איינגעשריבן אום: דאנערשטאג מאי 23, 2013 8:40 pm
- לאקאציע: אויף א שפאציר, פונעם מח צום פאפיר
-
זאלץוואסער
- שר האלף
- תגובות: 1866
- זיך איינגעשריבן אום: זונטאג מאי 20, 2012 6:41 pm
- לאקאציע: אין א זאלץ וואסער מעסטל
- פארבינד זיך:
