העכערקייט (פאעזיע פארמעסט ווינטער תשע"ה #20)

[נישט]

געדענקט אפצוגעבן א יישר כח און רעיטן די ארטיקל, די שרייבער'ס ווארטן צו הערן אן אמת'ע אפשאצונג פון אייך.

עס שיינט, עס לייכט,
דער גאנצער ארום.

אלעס גלאנצט,
אלעס שפיגלט,
אלעס זויבער,
ריין און ציכטיג.

נישט קיין טומל,
נישט קיין געפילדער,
דער גאנצער יקום,
שטיין געבליבן.

רואיג שטיל,
דאס הארץ איז פיל,
מיט ריינע געפיל,
נאר זינגען זי וויל.

קיין טרויער,
קיין זארג,
קיין מורא,
איז שורה.

געטרייסט די זעהל,
דערקוויקט די נשמה,
ריין די געוויסן,
א רואיגן גייסט.

א העכערקייט,
א הייליגקייט,
א לויטערקייט,
ארומגענומען.

אוי א שרעק,
עס גייט שוין אוועק,
הלואי איז מעגליך,
מיט שטריק און נעגליך,
מ'זאל צובינדען,
עס זאל נישט ווערן פארשווינדען,
די זמנים די הויכע,
אוי ווען איז מען שוין זוכה.

[א גראם מיט טעם]

באריאועגט דעם מידען גייסט, געט א שטופ אנצוגיין.

[אסותא]

פאעטיש גייסטרייך.

עס מאלט גאר גוט אראפ די דערהויבענע געפילן.

סהאט מיר היבש אינטערגעהויבן פונעם חומר.

שכח.

[געלעגער]

ה-ע-כ-ע-ר-ק-י-י-ט איז די ווארט אן קיין ממשות, אן קיין גשם, פשוט לעכטיג און זויבער

[ידיד]

א העכערקייט,
א הייליגקייט,
א לויטערקייט,

דאס איז דער געפיל וואס מען שפירט בשעת'ן ליינען.

שיין און רייך געשריבן.

[שלום אויש]

פאעטיש גייסטרייך.

עס מאלט גאר גוט אראפ די דערהויבענע געפילן.

סהאט מיר היבש אינטערגעהויבן פונעם חומר.

שכח.

[גערעכטער]

אויסנאם שיין!!!

[green]

מיך געטראגן גאר הויך

זאג נאר דו, יא דו, ניין נישט דו, דו, דו קענסט מיר אראפברענגן?


זייער גוט געשריבן

[לכתחילה אריבער]

טייער טייער! בארירט א סטרונע. קונצליך פארפאקט.

[נגיד]

זייער שיין.

[אנעים זמירות]

טאמער האב איך גוט פארשטאנען רעדט דער פייטן פון יעדע שבת ויו"ט, איא? איך פרעג ווייל די שורה וועגען דער גאנצע יקום האט עפעס געקלינגען פון מתן תורה, אבער עס שטימט נישט אזוי מיט דער רעשטע. שטארק ארויסגעברענגט די געפילען און אפגעטייטשט דעם וי אבדה נפש.

ייש"כ.



(אגב, איך קלער אז דער סאמע לעצטע שורה קומט נישט אריין.)

[נישט]

זייער זייער שיין!

יישר כוח

[לכתחילה אריבער]

טאמער האב איך גוט פארשטאנען רעדט דער פייטן פון יעדע שבת ויו"ט, איא? איך פרעג ווייל די שורה וועגען דער גאנצע יקום האט עפעס געקלינגען פון מתן תורה, אבער עס שטימט נישט אזוי מיט דער רעשטע. שטארק ארויסגעברענגט די געפילען און אפגעטייטשט דעם וי אבדה נפש.

ייש"כ.



(אגב, איך קלער אז דער סאמע לעצטע שורה קומט נישט אריין.)

די לעצטע שורה מיינט מן הסתם דעם יום שכלו שבת.

[אלץ ווייזער]

גוט שיין און פאסיג

[לכאורה]

שטארק הנאה געהאט

וזאת למודעי אז איך האלט אינמיטן ווייס מאכן איבער 300 אשכולות וואס האבן זיך מיר אנגעזאמלט די לעצטע וואך-צוויי, איז מיר אביסל שווער צו קאמענטירן אויף יעדע פאעזיע כפי הראוי, אבער מיין שטומע געב איך אפ ביי איטליכע לויט ווי איך שפיר אז עס קומט יענעם. א דאנק 'נישט' פארן פארמעסט, און אלע אנטיילנעמער פארן צוהעלפן. א שאד איך בין נישט געווען גענוג פלייסיג צו שרייבן עפעס אייגענס.