קושיות והערות על שיעור היום - מס' ראש השנה

די אחראים: אחראי, גבאי ביהמד

אוועטאר
אנעים זמירות
שר שלשת אלפים
תגובות: 3796
זיך איינגעשריבען אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

קושיות והערות על שיעור היום - מס' ראש השנה

תגובהדורך אנעים זמירות » דאנארשטאג יולי 03, 2014 6:36 am

די גמרא אנהייב ר"ה איז מסביר אז דאס וואס חנני האט איבערגעגעבען נחמיה'ן אין חודש כסלו (נחמיה א), האט נחמיה נאכגעזאגט צום קעניג אין חודש ניסן (נחמיה ב).

דארט איז געוועהן די מעשה אזוי נחמיה האט דערלאנגט וויין פארען קעניג ווי עס איז געוועהן זיין שטייגער, און זיין פנים איז געוועהן 'רע', אנדערש ווי געווענליך. דער קעניג האט איהם צוליב דעם חושד געוועהן אז ער וויל איהם פאר'סמ'ען, ביז נחמיה האט זיך מתנצל געוועהן אז ער טרויערט אויף חורבן ירושלים, און ער האט דאן געבעטען רשות צו קענען גיין אויפבויען חומות ירושלים.

איז דער מהרש"א מסביר אז געווענליך איז געוועהן דער שטייגער אז דער וואס דערלאנגט וויין האט פריער געמוזט טועם זיין, לו צייגען אז עס איז נישט פאר'סמ'ט. די חכמים האבען טאקע מתיר געוועהן פאר נחמיה'ן צו טרונקען גוי'שע וויין מחמת פקוח נפש.

דעמאלס, צוליב דער צער אויף דער מצב אין ירושלים, האט ער אבער מקבל געוועהן נזירות נישט צו טרונקען קיין וויין. דערפאר, ווען ער האט נישט טועם געוועהן, האט דער קעניג איהם חושד געוועהן אז ער וויל איהם פאר'סמ'ען, ביז נחמיה האט ערקלערט די סבה פון זיין נישט טרונקען.

פרעג איך וואס האט פאסירט פון כסלו ביז ניסן? ממה נפשך, אויב ער האט שוין דאן מקבל געוועהן נזירות, פארוואס האט דער קעניג נישט באלד געפרעגט, און אויב ער האט נישט גלייך מקבל געוועהן נזירות, וואס איז נשתנה געווארען אום ניסן? ואם תאמר אז ער האט גלייך מקבל געוועהן נזירות, נאר עס איז נישט אויסגעקומען ער זאל דערלאנגען ביז ניסן, וויאזוי איז שייך צו זאגען 'מיין פנים איז געווענליך יא געוועהן גוט' (שם בפסוק) אויף א זאך וואס פאסירט בלויז איינמאל אין 4 חדשים - קען מען דען זאגען 'געווענליך'?
יעדער בשר ודם קען זיך טועה זיין. ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

אוועטאר
מיללער
שר עשרים אלפים
תגובות: 25524
זיך איינגעשריבען אום: דאנארשטאג יוני 14, 2007 9:48 am

קושיות והערות על שיעור היום - מס' ראש השנה

תגובהדורך מיללער » מאנטאג נובעמבער 24, 2014 7:18 am

מתוך שבח והודאה לשמו יתברך נתחיל ונפתח את האשכול החדש לקראת המסכת החדשה במסגרת חבורתינו תורתך שעשועי, יה"ר שנכנס ונצא בכי טוב ונזכה כולנו להיות נמנים בין יודעי שמך ולומדי תורתך לשמה, ברוך המלמד תורה לעמו ישראל.

-


דף ג' איז דא די באקאנטע גמרא, די ווערטער פונעם הייליגן אמורא ריש לקיש, כי משמש בד' לשונות אי דלמא אלא דהא, וואס אין חדר האבן מיר דאס אלע געלערנט, אנגעהויבן פון די סדרה יענע וואך פרשת וירא אין די רש"י ביי כי יראה, כי צחקת וכו' (עפעס דענקט זיך אויך א ווערטל איבער די צונג-פלייש פון א קי וואס די אמאליגע מלמדים פלעגן נאכדערציילן).

עכ"פ איז אינטערעסאנט צו באמערקן אז עס טוט זיך דא איבער די מערסט-באנוצטע ווערסיע פונעם ווארט 'כי' אין די פסוקים ווי: כי תבא, כי תצא, כי תשא וכו' וויאזוי מען טייטשט דארט דעם 'כי' אונטער וועלכע פון די ד' לשונות דאס גייט אריין.

רש"י הק' דא זאגט בלשונו הטהור 'וכן כי תבאו, כי תלכון, כי תכלה, כי תשא, וכל המשמשין במקום 'כאשר' ובמקום 'אשר' כולן לשון 'אם' הם.
ד.ה. מיר טייטשן דאס אויף אידיש 'ווען' איז דאך באלד שווער אז אין די ד' לשונות איז דאך נישטא קיין אפציע פאר 'ווען' נאר: אויב, טאמער, נאר, ווייל. אויף דעם זאגט רש"י אז דאס ווארט 'אם' זעלבסט אויף לשה"ק קען טייטשן 'ווען' אזוי מ'זעהט ואם יהיה היובל אדער ואם תקריב מנחת ביכורים, ממילא ליגט דאס אין די לשון פון 'אי' פון די ד' לשונות.

דער דוחק אין דעם פשט איז בולט, ווייל דאס גאנצע 'אם' אז מטייטשט דאס 'וכאשר' דארף א ביאור איז שווער צו זאגן אז דער 'כי' מיינט דא 'אם' בצורת 'כאשר' און ווי תוס' דא בד"ה אלא זאגט דערויף 'ומה שפי' הקונטרס כל המשמש בלשון אשר, לשון אם הם 'לא יתכן' עכ"ל.

און תוס' דא איז דערפאר נוטה צו לערנען ווי רש"י אין גיטין דף צ. אז די אלע דערמאנטע פעלער פון כי גייען אריין אינעם 'דהא' (ווייל) פון די ד' לשונות, ןוי רש"י ז"ל זאגט דארט בלשון קדשו: וכל כי הנפתרים בלשון כאשר כמו והיה כי יביאך, וכל אלו 'שאין אתה יכול לפותרו בלשון אם' דהא ודאי יביאך, וכן כי תבואו אל הארץ, כי בא סוס פרעה, כי תרבו ופריתם בארץ, כולן לשון 'דהא' הן נפתרים במדרש סיפרא וספרי, עשה מצוה זו שבשבילה תכנס לארץ, בשכר שתירש תכבש, כלומר מפני שיביאך וכשתבאו אל הארץ אתם זקוקין למצות הללו ע"כ ועיי"ש בהמשך.

בקיצור לערנט דארט רש"י אז די אלע פלעצער דארף מען טייטשן בדרך דרוש אז דאס איז א נתינת טעם, אויך נישט אזא פשוט'ער טייטש און א דוחק, איז מערקווידיג אז דארט איז תוס' בד"ה כי משמש גאר דער וואס זאגט ווי רש"י דא ומיחלפי שיטתיהם וכדבריהם ז"ל: ונראה לרבינו תם 'דבחנם דחק' (רש"י) דהרבה אם משמשים בלשון זה (כאשר) כגון אם תקריב מנחת ביכורים, אם כסף תלוה וכו' ע"כ.

-
איי תורה תורה ווי גרויס ביסטו, יעדעס ווארט איז א וועלט פאר זיך, די הייליגע ראשונים האבן זיך געפלאגט אויף א ווארט פון די הייליגע תורה ובדברי האמוראים, ווי חשוב איז איין ווארט פון די תורה געווען ביי זיי, כי ממנו נקח לעבוד את ה', דאס דארף אונז דינען ווי א מוסר מחשיב צו זיין לימוד התורה, זיך פלאגן על כל קוץ ותג מיט א יגיעה, לירד לעומקן של דברים, אותיות מחכימות כי חיים הם למוצאיהם.

אוועטאר
שמעלקא טויב
שר חמשת אלפים
תגובות: 5326
זיך איינגעשריבען אום: דינסטאג מאי 04, 2010 2:41 pm
לאקאציע: אויפ'ן באשעפער'ס וועלט'ל!

תגובהדורך שמעלקא טויב » מאנטאג נובעמבער 24, 2014 12:04 pm

ישר כח מיללער פארן פתיחה

די גמ' זאגט אז כ'העט ווען געזאגט אז נאר בסוף שנה איז מקצת שנה כשנה, דארף איך לאזן הערן אז אויך תחילת השנה.

וואסי די נפק"מ פון סוף לתחלה אז סוף פארשטיי איך אז מ'זאגט מוקצת כשנה און תחלה נישט?
הק' שמעלקא טויב
נו"נ להחסיד המפורסם רבי שלום טויב ע"ה
shmelketaub@gmail.com

יצחק דע באנקיר
שר חמש מאות
תגובות: 853
זיך איינגעשריבען אום: מאנטאג סעפטעמבער 22, 2014 4:07 pm

תגובהדורך יצחק דע באנקיר » מאנטאג נובעמבער 24, 2014 2:24 pm

די גמרא שפעטער אויף דף י' איז מער מאריך אין דעם וואס איז מער
ועי' בתוס' כאן אז דא ביי אונז איז א פשיטא אז כלפי א צווייטע מלך זאל די גאנצע יאר ווערן גערעכט פאר אים און נישט פאר דער וואס האט מולך געווען ביום א' ניסן

אבער ווען איינער איז נתמנה געווארען סוף יאר איז מסתבר אז ווען עס קומט אים אן נאך א יאר איז כלפי זיין פרחעאדיגע מלוכה בחודש אדר יעצט א נייע יאר

אוועטאר
ענדע צדיק!
שר חמשת אלפים
תגובות: 5338
זיך איינגעשריבען אום: מיטוואך יולי 17, 2013 4:44 pm
פארבינד זיך:

תגובהדורך ענדע צדיק! » מאנטאג נובעמבער 24, 2014 2:33 pm

שמעלקא טויב האט געשריבן:ישר כח מיללער פארן פתיחה

די גמ' זאגט אז כ'העט ווען געזאגט אז נאר בסוף שנה איז מקצת שנה כשנה, דארף איך לאזן הערן אז אויך תחילת השנה.

וואסי די נפק"מ פון סוף לתחלה אז סוף פארשטיי איך אז מ'זאגט מוקצת כשנה און תחלה נישט?

די ריטב"א רעדט דערפון און זאגט אז ילפינן מנידה (אפשר תוס' אויך? געדענק נישט), שאין תחילת היום עולה לה בסופה סוף היום עולה לה בתחילתה
צ' כפופה וץ' פשוטה... היינו נאמן כפוף נאמן פשוט. וברש"י: נאמן כפוף - אדם כשר צריך להיות כפוף ועניו וסופו להיות פשוט וזקוף לעולם הבא: (שבת קד.)
בלאג - מיינע ארכיוון

אוועטאר
שמעלקא טויב
שר חמשת אלפים
תגובות: 5326
זיך איינגעשריבען אום: דינסטאג מאי 04, 2010 2:41 pm
לאקאציע: אויפ'ן באשעפער'ס וועלט'ל!

תגובהדורך שמעלקא טויב » מאנטאג נובעמבער 24, 2014 2:36 pm

ענדע צדיק! האט געשריבן:
שמעלקא טויב האט געשריבן:ישר כח מיללער פארן פתיחה

די גמ' זאגט אז כ'העט ווען געזאגט אז נאר בסוף שנה איז מקצת שנה כשנה, דארף איך לאזן הערן אז אויך תחילת השנה.

וואסי די נפק"מ פון סוף לתחלה אז סוף פארשטיי איך אז מ'זאגט מוקצת כשנה און תחלה נישט?

די ריטב"א רעדט דערפון און זאגט אז ילפינן מנידה (אפשר תוס' אויך? געדענק נישט), שאין תחילת היום עולה לה בסופה סוף היום עולה לה בתחילתה


אה, דאס כאפ איך שוין, די פאריגע איז מיר נישט אריין אין קאפ. א נדה אידאך די הלכה אזוי, זייער גוט. ישר כח גדול
הק' שמעלקא טויב
נו"נ להחסיד המפורסם רבי שלום טויב ע"ה
shmelketaub@gmail.com

ביבער היט
שר חמש מאות
תגובות: 616
זיך איינגעשריבען אום: פרייטאג אוגוסט 01, 2014 12:15 pm

תגובהדורך ביבער היט » מאנטאג נובעמבער 24, 2014 9:31 pm

די תוס' אנהייב מס' ד''ה למלכים טענה'ט אויף רש''י וואס רש''י לערנט אז סאיז משום שלום מלכות, אז דאס איז התניח ביי גויאישע מלכים כמב' בגיטין אבער ביי אונז זאגט דאך די גמרא שפעטער אז למלכים רעדט פון אידישע מלכים און שפעטער ביי לשנים רעדט מען פון מלכי אומות העולם

אין פנ''י איז שיין מבאר בדעת רש''י אז דאס איז קלאר אז ביי אידישע מלכים איז אזוי געווען די מנהג אז מען האט מונה געווען לשנת המלוכה און גערפאר טאקע כשגלו בין האומות איז געווארען א חשש אז אויב מען וועט נישט מונה זיין למלכי האומות וועט ווערן צרות מיט די שלום המלכות עיי''ש בדבריו און בדעת התוספות וואס זיי האבען געפרעגט איז די פנ''י מבאר בארוכה כוונת דבריהם

yahoo
שר חמישים ומאתים
תגובות: 250
זיך איינגעשריבען אום: דאנארשטאג אוגוסט 07, 2014 3:35 pm

תגובהדורך yahoo » דינסטאג נובעמבער 25, 2014 5:25 pm

לגבי די כי משמש בד' לשונות, אינטערסאנט אנצומערקען אז די וואכעדיגע סדרה אויף עד אשר אם עשיתי, זאגט רש"י אז אם משמש בלשון כי און ווי די מפרשי רש"י זענען מסביר אז דאס מייינט אויך 'ווען' אזויווי אשר.

אוועטאר
זושאלע
שר חמישים ומאתים
תגובות: 398
זיך איינגעשריבען אום: מוצ"ש יולי 31, 2010 5:09 pm

תגובהדורך זושאלע » דינסטאג נובעמבער 25, 2014 5:37 pm

דער אור החיים הקדוש די וואך טייטשט אויך אזוי "אם יהי' אלקים עמדי", אז די כוונה איז ווי "אם כסף תלוה", שאינו ספק אלא ודאי.
שכל קומט מיט די יארן...

אוועטאר
ענדע צדיק!
שר חמשת אלפים
תגובות: 5338
זיך איינגעשריבען אום: מיטוואך יולי 17, 2013 4:44 pm
פארבינד זיך:

תגובהדורך ענדע צדיק! » דינסטאג נובעמבער 25, 2014 6:16 pm

איז דא א חילוק פון 'כאשר' און 'אשר'?
צ' כפופה וץ' פשוטה... היינו נאמן כפוף נאמן פשוט. וברש"י: נאמן כפוף - אדם כשר צריך להיות כפוף ועניו וסופו להיות פשוט וזקוף לעולם הבא: (שבת קד.)
בלאג - מיינע ארכיוון

אוועטאר
זושאלע
שר חמישים ומאתים
תגובות: 398
זיך איינגעשריבען אום: מוצ"ש יולי 31, 2010 5:09 pm

תגובהדורך זושאלע » דינסטאג נובעמבער 25, 2014 6:25 pm

כאשר = ווען, אזויווי. אשר = וואס. עד אשר = ביז ווען.
שכל קומט מיט די יארן...

אוועטאר
מיללער
שר עשרים אלפים
תגובות: 25524
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מיטוואך נובעמבער 26, 2014 6:15 am

פאר די סדר הדברים בנוגע בנין בית שני, מלכות כורש אחשורוש ודריוש, עליית עזרא ונחמיה - בעסער צו פארשטיין די בלעטער פון דף ג און ד - האב איך באמערקט אז אין די ילקוט מפרשים פון די געווענליכע עוז,והדר גמרות תחלת דף ג' ע"ב איז דא א,שטיקל פון א ספר 'אור ישועה' וואס לויפט אדורך בקוצר דעם סדר, רעקאמענדירט.

אגב, ווער איז דער מחבר פון 'אור ישועה'? קיינמאל באמערקט דעם פירוש אין די גמרות

אוועטאר
מיללער
שר עשרים אלפים
תגובות: 25524
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מיטוואך נובעמבער 26, 2014 6:17 am

זושאלע האט געשריבן:דער אור החיים הקדוש די וואך טייטשט אויך אזוי "אם יהי' אלקים עמדי", אז די כוונה איז ווי "אם כסף תלוה", שאינו ספק אלא ודאי.

אויף ענגליש איז פארהאן א שפריכווארט

Its not a question of 'if' its a question of 'when' .

אוועטאר
מיללער
שר עשרים אלפים
תגובות: 25524
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מיטוואך נובעמבער 26, 2014 6:56 am

אויף דף ג. זאגט די גמרא שני בשבת לא אשכחן דכתיב ביה קרא, די תורה דערמאנט קיינמאל נישט די טאג פון די וואך.

פרעגט תוס' פון בריאת העולם ויהי בוקר יום שני, ענטפערט תוס' בשם הירושלמי אז דארט מיינט עס נישט יום השני לשבוע נאר יום שני לבריאת העולם.

דער שפת אמת דא פרעגט אז ביי די מן שטייט דאך על כן נתן לכם ב'יום הששי' לחם יומים, זעהט מען דאך יא א טאג פון די וואך. זאגט ער 'ואפשר דלא קאמר הכא אלא דלא מצינו שני בשבת דכתיב' ע"כ

והדברים נפלאים ממנו וואס איז דען א חילוק פון יום שני צו יום ששי, איינמאל די תורה רעדט פון א טאג אין די וואך אפשר דא מיינט בשני שני בשבוע?

אבער בפשטות פארשטיי איך בכלל נישט די קשיא פון שפ"א, די גמרא זאגט אז ווען די תורה אדער נ"ך רעדט פון א 'דאטום' א 'תאריך' ווען עס איז געשען א געוויסע מאורע, קומט דאס אלעמאל מיט א חודש און א טאג אינעם חודש, אבער קיינמאל נישט מיט א טאג פון די וואך. וממילא דער יום הששי פון די מן איז בכלל נישט אין די קאטעגאריע, דארט רעדט מען אז יעדע וואך וועט שבת נישט פאלן קיין מן, נאר ביום הששי וועט זיין לחם יומים - לחם משנה, וויאזוי זאל דארט שטיין אנדערש, א יום בחודש? מיט א קאלענדער פאר די גאנצע פערציג יאר במדבר ווען עס גייט פאלן לחם משנה? אתמהה

אוועטאר
ענדע צדיק!
שר חמשת אלפים
תגובות: 5338
זיך איינגעשריבען אום: מיטוואך יולי 17, 2013 4:44 pm
פארבינד זיך:

תגובהדורך ענדע צדיק! » מיטוואך נובעמבער 26, 2014 9:39 am

נאך איינער האט באמערקט די תוס'? זייער אינטערסאנט
1.JPG
1.JPG (12.84 KiB) געזעהן 4099 מאל
צ' כפופה וץ' פשוטה... היינו נאמן כפוף נאמן פשוט. וברש"י: נאמן כפוף - אדם כשר צריך להיות כפוף ועניו וסופו להיות פשוט וזקוף לעולם הבא: (שבת קד.)
בלאג - מיינע ארכיוון

היסטאריקער
שר חמישים ומאתים
תגובות: 268
זיך איינגעשריבען אום: דינסטאג מאי 05, 2009 5:00 pm

תגובהדורך היסטאריקער » מיטוואך נובעמבער 26, 2014 12:00 pm

בגמרא דף ג' ע"א וישמע הכנעני מלך ערד,וכו' - תנא: הוא סיחון, הוא ערד, הוא כנען, סיחון - שדומה לסייח במדבר, כנען - על שם מלכותו, ומה שמו - ערד שמו.

עס איז מיר זייער שווער געווען, אין די פרשה ווייטער שטייט בפירוש די מלחמת סיחון, און אויב מ' האט אים שוין געהארגעט יעצט מיט וועם איז געווען די מלחמה שפעטער?

דער שפ"א ענטפערט אז די ערשטע מלחמה האט מען געהרגעט נאר א חלק, די איבערגע האט מען געהארגעט שפעטער ביי מלחמת סיחון, לויט תוספות וואס זאגט אזוי ווי רש"י אין חומש אז עס איז געווען עמלק פארשטעלט ווי כנען וואס די גמרא זאגט אז דאס מיינט סיחון איז די ראי' אז אכתי סיחון קיים ווייל עמלק וואלט זיך נישט פארשטעלט ווי א מענטש וואס לעבט שוין נישט

אוועטאר
ישמחו
שר חמישים ומאתים
תגובות: 347
זיך איינגעשריבען אום: דאנארשטאג אפריל 11, 2013 12:38 pm

תגובהדורך ישמחו » דאנארשטאג נובעמבער 27, 2014 12:20 pm

מיללער האט געשריבן:איי תורה תורה ווי גרויס ביסטו, יעדעס ווארט איז א וועלט פאר זיך, די הייליגע ראשונים האבן זיך געפלאגט אויף א ווארט פון די הייליגע תורה ובדברי האמוראים, ווי חשוב איז איין ווארט פון די תורה געווען ביי זיי, כי ממנו נקח לעבוד את ה', דאס דארף אונז דינען ווי א מוסר מחשיב צו זיין לימוד התורה, זיך פלאגן על כל קוץ ותג מיט א יגיעה, לירד לעומקן של דברים, אותיות מחכימות כי חיים הם למוצאיהם.


ווי טרעפליך איז דער פסוק לענינו פון הרב מיללער.
"כי" - פונעם די מערכה שלימה בדברי הראשונים אויפן דעם איינעם ווארט "כי" - ממנו ניקח לעבוד את ה', צו וויסן ווי ווייט צו מחשיב זיין יעדעס ווארט אין די הייליגע תורה.
ישמחו - דער עיקר ס'זאל זיין פרייליך ביי אידן, בשמחת עולם על ראשם!

אוועטאר
מיללער
שר עשרים אלפים
תגובות: 25524
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מוצ"ש נובעמבער 29, 2014 10:59 pm

בדף ו. זאגט רבא אז ביי צדקה איז מען עובר בבל תאחר תיכף ומיד דהא קיימי עניים, וואס מיינט דאס, א מינוט נאכן נדר איז מען שוין עובר בבל תאחר?

אוועטאר
מיללער
שר עשרים אלפים
תגובות: 25524
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » זונטאג נובעמבער 30, 2014 7:40 am

מיללער האט געשריבן:בדף ו. זאגט רבא אז ביי צדקה איז מען עובר בבל תאחר תיכף ומיד דהא קיימי עניים, וואס מיינט דאס, א מינוט נאכן נדר איז מען שוין עובר בבל תאחר?

בדרך אגב עפ"י המשנה בשקלים שלמדנו, פ"ה מ"ד שבביהמ"ק היה לשכת חשאין לפרנס עניים בני טובים במתן בסתר, נמצא שיש לצדקה שייכות לעליה לרגל שגם לגבי צדקה קיימו הובאת שמה והבאתם שמה ודו"ק

אוועטאר
ענדע צדיק!
שר חמשת אלפים
תגובות: 5338
זיך איינגעשריבען אום: מיטוואך יולי 17, 2013 4:44 pm
פארבינד זיך:

תגובהדורך ענדע צדיק! » זונטאג נובעמבער 30, 2014 9:01 am

מיללער האט געשריבן:
מיללער האט געשריבן:בדף ו. זאגט רבא אז ביי צדקה איז מען עובר בבל תאחר תיכף ומיד דהא קיימי עניים, וואס מיינט דאס, א מינוט נאכן נדר איז מען שוין עובר בבל תאחר?

בדרך אגב עפ"י המשנה בשקלים שלמדנו, פ"ה מ"ד שבביהמ"ק היה לשכת חשאין לפרנס עניים בני טובים במתן בסתר, נמצא שיש לצדקה שייכות לעליה לרגל שגם לגבי צדקה קיימו הובאת שמה והבאתם שמה ודו"ק

פון תוס' דא אין ר"ה (דענק נישט וועלכע, דארף נאכקוקן) איז נישט אזוי משמע, אבער אין די שפעטערע האב איך יא געזעהן רעדן דערפון, אז עס גייט טאקע נישט אן היינט ווייל ס'נישט קיין ובאת וכו'
צ' כפופה וץ' פשוטה... היינו נאמן כפוף נאמן פשוט. וברש"י: נאמן כפוף - אדם כשר צריך להיות כפוף ועניו וסופו להיות פשוט וזקוף לעולם הבא: (שבת קד.)
בלאג - מיינע ארכיוון

אוועטאר
קושר כתרים
שר מאה
תגובות: 136
זיך איינגעשריבען אום: דינסטאג מאי 13, 2014 3:59 pm

תגובהדורך קושר כתרים » מאנטאג דעצמבער 01, 2014 5:19 pm

בסוגייתינו (ד' ע"ב) מבואר שר' אלעזר ב"ר שמעון ס"ל כיון שעבר עליהן חג הסוכות עובר עליהן בבל תאחר, וטעמי' דלא יאמר חג הסוכות שבו דיבר הכתוב, למה נאמר לומר שזה גורם.

לפלא, שבירושלמי ר"ה (ב' ע"ב) מובא פלוגתת תנאים זו בזמן בל תאחר, ושם ס"ל "רבי לעזר בי ר"ש" (הוא ר' אלעזר ב"ר שמעון) "ג' רגלים ובלבד חג המצות אחרון".
ראוי שיהיו ישראל מוכתרים בשלשה כתרים, חכמים, ונבונים, וידועים (שו"ת חת"ס ח"ז סי' טז)

אוועטאר
קושר כתרים
שר מאה
תגובות: 136
זיך איינגעשריבען אום: דינסטאג מאי 13, 2014 3:59 pm

אבל מפני הדחק מעברין השנה אחר ר"ה - מהו הדחק?

תגובהדורך קושר כתרים » מאנטאג דעצמבער 01, 2014 5:31 pm

דיוק בדברי רש"י דף ז' ע"א.

בגמ' מביא ברייתא לענין עיבורי השנה, שאין מעברין השנה לפני ר"ה ואם עיברוה אינה מעוברת, אבל מפני הדחק מעברין אותה אחר ר"ה מיד. ופירש"י מפני הדחק, שמפחידין שלא יגזרו שמד מלישב בית דין, או שצריך הנשיא לחצר המלך ואין מעברין אלא אם כן ירצה נשיא, כדאמר בסנהדרין (י"א ע"א).

כשנעיין במקור הדברים במס' סנהדרין שמציין רש"י נמצא דבר חידוש, דרש"י עצמו בסנהדרין שם (דף י"ב ע"א) כתב פירוש אחר על דברי הברייתא אבל מפני הדחק, "שמא לא יהא שם בית דין מופלא סמוך לאדר, או שמא יבא המלך אדומי ויעכב על ידן מעברין אותה, ומודיעין לגולה אחר ר"ה מיד שעיברנוה".

ולכאורה למה לא סלל רש"י בדרך אחד הכא והתם על פירוש "מפני הדחק" המתיר לעבר את השנה אחר ר"ה?
ראוי שיהיו ישראל מוכתרים בשלשה כתרים, חכמים, ונבונים, וידועים (שו"ת חת"ס ח"ז סי' טז)

אוועטאר
מיללער
שר עשרים אלפים
תגובות: 25524
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מאנטאג דעצמבער 01, 2014 10:49 pm

בדף ז. ביי ר"ה לתרומת שקלים האמיר זיך געשפירט אינדערהיים (מעשר בהמה וועט נאכקומען), הערשט האבן מיר דעם רבי טבי אמר רבי יאשיה געלערנט אנהייב מס' שקלים, איז מערקבאר די חילוקים פון בבלי ביז ירושלמי,דא אין ר"ה שבבבלי זאגט די גמרא אז דער לימוד איז שנה שנה, משא"כ דארט אין שקלים וכן הוא בר"ה שבירושלמי שטייט אז דער לימוד איז פון לחדשי לחדשי, ממילא איז נישט שווער די קשיא פון אימא מראשית השנה, ודו"ק.

ווידעראום דא ברענגט די גמ' א ברייתא אז תרומה חדשה איז נאר למצוה, אבער בדיעבד אם הביא מן הישנה איז כשר, אין שקלים זאגט עס די משנה ביי די מותר הקטורת ברענגט טאקע דארט דער ריבב"ן די ברייתא אז דאס איז טאקע נישט נאר ביי קטורת נאר אלע קרבנות ציבור אויב איז נישטא קיין תרומה חדשה ברענגט מען מן הישנה.

ביבער היט
שר חמש מאות
תגובות: 616
זיך איינגעשריבען אום: פרייטאג אוגוסט 01, 2014 12:15 pm

תגובהדורך ביבער היט » דינסטאג דעצמבער 02, 2014 1:57 am

ענטשולדיגט איך האלט נאך אנהייב מס'

וואס איז די ד' ראשי שנים לשיטת ר''ש און ווי אינז פסקענען אז מעשר בהמה איז א' תשרי וועלכע פיר טעג איז ר''ה?
.....................
אויף דף ב' ע''ב איז רש''י מבאר ביי די גמ' מלך בן מלך אז דערפאר איז נישטא קיין סיבה צו רעכענען פון אדר נאר פון ניסן ווייל די מלכות איז נמשכת פאר הוא ובניו בקרב ישראל, וואסי פשט אין די רש''י?

אוועטאר
מיללער
שר עשרים אלפים
תגובות: 25524
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דינסטאג דעצמבער 02, 2014 6:11 am

ביבער היט האט געשריבן:ענטשולדיגט איך האלט נאך אנהייב מס'

וואס איז די ד' ראשי שנים לשיטת ר''ש און ווי אינז פסקענען אז מעשר בהמה איז א' תשרי וועלכע פיר טעג איז ר''ה?
.....................
אויף דף ב' ע''ב איז רש''י מבאר ביי די גמ' מלך בן מלך אז דערפאר איז נישטא קיין סיבה צו רעכענען פון אדר נאר פון ניסן ווייל די מלכות איז נמשכת פאר הוא ובניו בקרב ישראל, וואסי פשט אין די רש''י?

בנוגע וויאזוי מרעכנט די ד' ראשי שנים זעה שפעטער בדף ז: פארהאן עטליכע אוקימתות.

איר מישט, רש"י זאגט פונקט פארקערט אז,די מלכות ירושה איז א סברא אויף די הוא אמינא אז "נימנו לה מקמייתא" ד.ה. פון אדר באלד ווען דער פאטער איז,געשטארבן.

-

אגב, דער ענין פון מלכות ירושה און אז א מלך בן מלך איז פארזיכערט מיט די מלוכה, האבן מיר געהאט אין שקלים לגבי משיחה אז א מלך בן מלך דארף מען נישט מושח זיין.


צוריק צו “תורתך שעשועי”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 6 געסט