שמו האט געשריבן:אין איין ווארט
ווער ס'האט נישט קיין פראבלעם מיט דעם וואס די מדינה וויל רח"ל איבער מאכן דעם גאנצן מירון (היל"ת) איז מן הסתם נאך קיין מאל נישט געווען ביי רבי שמעון (קען זיין ער האט שוין געהאפקעט אין מירון אסאך צייטן פון יאר, און געווען כמ"פ ל"ג בעומר, אבער ביי רבי שמעון איז ער קיינמאל נישט געווען).
ווער ס'איז נאר אמאל געפארן צו רבי שמעון, סתם אזוי אין מיטן יאר, געכאפט א באס/קאר געפארן צום ציון, געזאגט תהלים, געדאוונט א מנחה און אהיים, אדער געקומען דאווענען וותיקין און אויסזאגן תהלים און אהיים, פארשטייט דעם רוחניות'דיגע אטמאספער וואס הערשט אין מירון,
ליידער ביים כותל האבן זיי געמאכט א חורבן (לדוגמא קצרה נישט לאזן פאר די פאר שנארער'ס צו קלייבן געלט ביים כותל ווייל ס'נעמעט אוועק די שיינקייט, ממש א מידת סדום, ועוד הרשימה ארוכה, און יא מיר זענען מוותר די שיינע בית הכסא'עס ביים כותל, דאס איז גוט פאר א מאזויעם אבער נישט פאר קיין מקום קדוש).
דאס איז ווען זיי ווילן גלאט אזוי איבערמאכן מירון, און ארויסווארפן אלע חרדי'שע אידן פון דארט, אבער יעצט ווען זיי ווילן צובויען אלע בניני טינופת, וואס טאקע צוליב דעם וואס ביז יעצט האט נישט קיין גוי וואס צו זוכן אין מירון, ווילן זיי אים צושטעלן ער זאל שוין ליידער רח"ל יא האבן וואס צו זיכן דארט, טאקע על זאת דוה לבינו
און אויף דעם איז דער וויי געשריי פון גדולי ישראל מאורי הדורות, און בעז"ה מיר וועלן אלע זיך פאראייניגן מיט א מערכה למען קדושת וטהרת מירון, די שפלים ונבזים זאלן נישט קענען טון דארט ככל העולה על רוחם הטמאה, וכדאי רבי שמעון לסמוך עליו.
(לאמיר נישט פארגעסן, אלעמאל בעטן מיר ישועות בזכות רבי שמעון, איז יעצט ווען רבי שמעון דארף אונז, לאמיר דארט זיין).
איר זאלט מיר אלע מוחל זיין, יעדער שרייבט געפילן, איך וועל אויך שרייבן געפילן
ביים כותל בין איך נאך קיינמאל נישט געווען, אבער אין מירון, איך געדענק ווען איך בין דאס ערשטע מאל געווען אין מירון נישט ל"ג בעומר, ס'איז אבער געווען ערגעץ אלול צייט ווען ס'טוט זיך מער א געפארעכץ דארט, איך געדענק ווי ס'האט מיר געגרוילט דאס אנלויפעניש דארט פון די אלע מיני פרענקן און נא נחמנים למיניהם, פשוט, איך בין שוין אסאך געפארן צו מקומות הקדושים, און קיינמאל נישט באגעגנט אזא מין ערבוביא ווי דארט, און איך געדענק יענע מאל האב איך ממש נישט געקענט מתפלל זיין דארט, ס'האט מיר געקרענקט די גאנצע באלאגאן דארט מיט די חברה, למעשה האב איך מיר איינגעוואוינט, אז איך קום צו ר' שמעון און ס'דארף מיר נישט אנגיין וואס טוט זיך ארום מיר און איך בין שוין זייט דעמאלטס געווען עטליכע מאל און ב"ה געהאט א געוואלדיגע התעוררות.
אבער ס'איז נישט קיין סוד ווי אזי מירון זעט היינט אויס, מ'שלאפט דארט אין די מערה ביי ר' אלעזר, ס'טוט זיך דארט עד לב השמים
יעצט ביטע ערקלערט פונקטליך וואס גייען די ציונים ימ"ש מאכן ערגער
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.