private האט געשריבן:פרידן האט געשריבן:יענקל משהס באריכט איז מער נישט דא, אויב איינער קען אין קורצן זאגן וואס עס אז דארט געשטאנען
גא״מ
פאר די וואס זענען פאראינטערסירט אין די השתלשלות הענינים וואס עס האט זיך אפגעשפילט דורכאויס די פארלאפענע פאר טאג העמער פראבירן אראפצוגעבן אין קורצן ,
איז אזוי פון ווען די געדאנק פונעם כינוס הרבבות איז איז אויפגעקימען האבן זיך די ראשי העסקנים אנגעוואנדן אלע כחות צו טרעפן א פאסיגן ארט,
עס זענען געווען פארשידענע העצאות אינדאר, אוטדאר, צווישן זיי פלאשינג מעדאוס, ארטער עש , די בארקליס סענטער, אין נאך, יעדעס האט געהאט מעלות אין חסרונות געוויסע זענען נישט געווען אוועלעבל פאר א פאסיגער דאטום וכדו. וועל מיר פראבירן צו מאכן בקיצור נמרץ,
למעשה איז די פארלאפענע וואך אויפגעקימען די גיגאנטישער פראדענשעל סענטער וואס איז צושטאנד געקימען דורך ארי פרענקעל די פירער פון AF PRODUCTIONS ווי די עסקנים זענען געזעצן מיט די פארוואלטונג אין ווי נאר עס האט אויסגעזעהן אז דאס איז גאר א פאסיג ארט סיי מיט די אנגעבליכע קרוב צו ניינצען טויזענט זיץ פלעצער אין ספעציעל די טויזענטער פארקינג ערטער אין ריזיגע שטחים ארום זענען עסקנים געגאנגען פאר א קאנטראקט אין געווען גרייט צו געבן דעפאזעט די החלטה איז געמאכט געווארן פארלאפענע וואך מיטוואך (אגב רעדט מען פון אנסטראנאמישע נומערן) למעשה בעפארן געבן דעפאזעט האבן די עסקנים געוואלט אראפגיין זעהן דאס פלאץ פונדערנאענט די ארגינעלע פלאן איז געוועזן אז עס איז דא אן אפציע צו לייגען בערך צוויי טויזענט זיצן אין צענטער פונעם סטעידיום וואס ברענגט די צאל זיצן לויטן חשבון צו בערך איין אין צוואנציג טויזענט אין די פלאן האט געלויטעט היות די סטעידיום פארמאגט עטליכע סקווער בלאקס פאר פארקינג וכדו. וועט מען אלעמאל קענען צולייגן טויזענטער זיץ ערטער אויף די ארומיגע שטחים געוואנדן לויטען געברויך,
למעשה זייענדיג דארט פארגאנגענע פרייטאג האבן עסקנים געציילט בערך די זיצן אין עס האט זיך ארויסגעשטעלט אז עס איז דא אינגאנצן בערך זעכצן טויזענט זיצן, אויף די אנפראגע ביי די פארוואלטונג האבן זיי געענטפערט אז די אנגעגעבענע צאל זיצן איז די מאקסימום וואס דאס פלאץ קען פארנעמען, וואס הייסט שוין מיט די צוגעלייגטע אין צענטער, נאך האבן זיי צוגעלייגט אז די אויבערשטע שטאק פונעם סטעידיום ברויך מען עקסטער ארויסדינגען דאס איז נישט א חלק פונעם קאנטראקט עס באלאנגט פאר א פריוואטע באזינדערע קערפערשאפט וואס האט געמיינט אז אין צוגאב צו די אסטראנאמישע סכומים וואס די סטעידיום קאסט וועט מען דארפן צולייגען נאך,
בקיצור די עסקנים האבן זיך געטראפן אין א פארלעיגענהייט ספעציעל מיטן פאקט אז עס וועט נישט אריינעמען מער ווי אינטער ניינצן טויזענט זיצן,
צו דערזייט איז צוגעקימען א פראבלעם מיט די טיקעטס די עסקנים האבן געלייגט גרויס דרוק אז די טיקעטס זאלן זיין אין זייער באזיס שפעטסטענס זינטאג כדי אז אויף מאנטאג זאל מען קענען אנהייבן פארקויפן טיקעטס אין אלע חרדישע געגענטער למעשה האט מען זיך אנגעשטויסן אין בריוקראטיע אין די פארוואלטונג האט געזאגט אז עס וועט הערשט זיין צובאקימען פריעסטענס דינסטאג נאכמיטאג וואס טייטשט אז מען וועט הערשט אנהייבן פארקויפן מיטוואך, וואס האט ווידער אריינגעלייגט די ראשי העסקנים אין א שטארקע פארלעגענהייט וויאזוי צוגיין ווייטער, למעשה האט מען מחלט אז מען וועט אנווענדען אלע כחות אין דאס טיקעטס פארקויפן וועט נישט זיין קיין אפהאלט, מען האט שוין געהאט איינגעפעדעמט צענדליגער טיקעט צענטערן אין יעדע חרדישע געגענט באזינדער אז ווי נאר די טיקעטס זענען דא זאל מען קענען אנהייבן פארקויפן, דערנאך איז געווען א פראבלעם מיט די סעקיוריטי אז א שיין חלק פון די סטעף זענען פרויען וואס זיי קען מען פארשטייט זיך נישט ניצן וכו. למעשה האט מען אלעס פראבירט מאכן ארבעטן,
דא איז אבער אינטערגעקימען די לעצטע פראבלעם וואס האט באוואויגן די עסקנים אויפצוגעבן אויף דעם פלאץ
די פלאן איז געווען אז טראץ וואס אינעם סטעידיום גופא גייט אריין עטליכע טויזענט זיצן ווייניגער ווי ערווארטעט האט מען געהאט אויפן טיש די אפציע פון אויסלייגן טויזענטער זיצן אויף די שטחים ארום וויפל עס וועט זיך אויספעלן, אין מען איז ווייטער געגאנגען מיטן פלאן אין געווען גרייט צו געבן דעפאזעט,
למעשה איז געקימען א רוף פון די ראשי העסקנים וואס פארפיגן אויף די באטייליגונג אין צוזאמנעמען די קהלות אין קרייזן, אז די אפרוף אין מאמענטום איז גאר הייס ביי די מנהיגי הקהילות אין ספעציעל ביי די ראשי ישיבות אין מען ברויך שוין ארבעטן אויף צו קענען צולייגן טויזענטער זיץ פלעצער אויף די ארומיגע שטחים אין מאכן די לאגיסטישע הכנות (וואס נעמט אריין זיצן, ווי צו מאכן וויאזוי צו מאכן, א גוטן סאונד סיסטעים, מעגלעך ריזיגע שאטערס מיט אירקאנדישן צוליב וואס עס הייסט א הייסע וועטער אויף זינטאג) למעשה האבן די ראשי העסקנים אנגעהויבן ארבעטן דערויף אבער האבן זיך אנגעשטויסן אין א הארטנעקיגע אומבויגזאמע ביורטקראטישע קעגנערשאפט אז דאס קען בשום אין אופן צושטאנד קימען לויט זייערע פארשריפטן אין פראטעקאלן צוליב סעקיוריטי אין אנדערע אנגעלעגענהייטן אט די פאקטן זעהענדיג אז עס וועט נישט אריינעמען אויף קיין שום וועג מער ווי אינטער 19 טויזענט באטייליגער, צו דער זייט האט זיי געשטערט די שפעטע טיקעטס פארקויף אין בעצם זענען זיי געווארן באזארגט איבער פרישע ביוראקראטישע שטערונגען וואס קען נאך מעגלעך אינטערקימען ביזן מעמד זעהענדיג אז מען האנדלט מיט גאר א הארטנעקיגע אין שטרענגע פארוואלטונג דאס אלעס האט באוואויגן די עסקנים ענדגילטיג אפצוטרעטן פונעם פלאן אין אפירזיכן א גענצלעך פרישן ארט פאסיג פארן עצרת די ענדגילטיגע החלטה איז געמאכט געווארן מאנטאג נאכמיטאג
די עסקנים האבן תיקף ומיד אנגעוואנדען אלע כחות וואס נעמט אריין פירענדע לאנגיעריגע שתדלנים אין לאקאלע פאלאטישנס צו קענען ברעכן די ביוראקראטישע ציומען אין אויפקימען מיט א פאסיגע ארט ווי אומשנעלסטן ממש,
נעכטן דינסטאג אין די פארמיטאג שעות זענען די עסקנים אראפגעפארן צו עטליכע ריזיגע שטאטישע פארקס אלס מעגליכע פאסיגע ערטער פארן כינוס אזוי אויך צו צוויי גיגאנטישע סטעידיוםס
פארשטייט זיך אז דאס האט באוואויגן צו אפצוריפן דעם באשטימטן דאטום צוליב וואס איז ממש נישט בכדי שיעשו אפירצוטרעפן א פלאץ אין מאכן אלע לאגיסטישע צוגרייטונגען אין געציילטע טעג ממש,
למעשה קוקן די עסקנים אריין אין די יעצטיגע שעות אין עטליכע אפציעס אין האפן צו פאסן א באשלוס אין שליסן קאנטראקט אויף א פאסיגן ארט בקרוב ממש ,
ווי נאר עס וועלן זיין פרישע קראנטע אפדעיטס וועל מיר פראבירן דאס צו ברענגען,