די אחראים: יאנאש,אחראי,געלעגער
געלעגער האט געשריבן:קרעמער וואס ווילסטו מיר זאגן אז דער איד וואס האט געזאגט אז ער איז די בעל העובדא איז א ליגנער? אדער די איד וואס האט מיר עס דערציילט איז א ליגנער? אדער איך בין גאר דער שקרן דא?
שוועמל האט געשריבן:געהערט פון א בעל המעשה:
פארנדיג קיין סוסעקס נ.ג. צוליב א ביזנעס צוועק האב איך געזען שטיין א קאר אין די זייט קענטיג אז ער ברויך הילף, מיין אידישע געפיל האט זיך ערוועקט ווען כ'אב געזען אז יענער טראגט א ווייסע העמד און טונקעלע הויזן טראכטענדיג אפשר גאר איז יענער א איד.
קומענדיג נענטער האב איך אריינגעצויגן און אראפגעשטייטערט די קאר אבער יענעמס געשטאלט האט זיך שוין קלאר אנגעזען אנע קאפל, א פאלנער גוי, נו אוועקפארן סתם אזוי קען מען נישט בין איך ארויס פון קאר און פרובירט צו העלפן מיט וואס מעגליך. למעשה האט יענער געברויכט טוישן א ראד וואס האט געפלאצט, איך אינאיינעם מיט ער האבן געארבעט מיט די טולס וואס מיר האבן געהאט און ענדליך נאך א דרייסיג מינוט איז געלונגן און דער ספעיר ראד איז שוין געווען גוט ארויפגעלייגט.
דער גוי איז געווען אויסער זיך, קיינער, קיינער זאגט ער האט זיך נישט אפגעשטעלט חוץ א האסיד מיט דעיר גוד הארטס ענד ווילינגנעס טו העלפ, איי ריעלי אפרישיעט יור גודנעס, דערביי נעמט ער ארויס פון זיין בערזל עטליכע באנקנאטן און שטרעקט אויס זיין האנט מיר דאס איבערצוגעבן. איך וואס האט שוין געזען דא אז אויב נישט עזוב תעזוב עמו האב איך דא מקיים געווען א געוולדיגע קידוש השם האב דאס געלט נישט געוואלט נעמען טראץ וואס יענער האט שטארק מפציר געווען. צום סוף בעט מיר יענער איין קלייניקייט בלויז מיין נאמען און אדרעס איך האב דאס אים געגעבן און יענער האט זיך ווארים געזעגענט מיט מיר נישט אויפהערנדיג צו באדאנקען פאר דעם חסד וואס כ'אב אים געטאן.
צוויי וואכן זענען אריבער, ווען אין פארנט פון מיין הויז שטעלט זיך אפ א ווען פון א באקאנטע בלומען קאמפאני דער דרייווער קומט ארויס און שלעפט ארויס א גרויסע ארעינזשמענט מיט הערליכע קאלירפולע בלומען און קלינגט אריין צו מיין טיר, איך וואונדער מיך ווער איז דאס וואס שיקט מיר בלומען יעצט, נישט וויסנדיג נעם איך איבער דעם גאנצן קראנץ איך שטעל עס ארפפ אויפן קאנאפע איך זע דערין א קאנווערט אריינגעשטעקט מיט א בריוועלע, איך הייב אן ליינען:
טייערער מיסטער (-)
איך געדענקט נאך גוט די חסד וואס דו האסט געטון צו מיר אויפן גארדן סטעיט פארקוויי פאררעכטענדיג דעם ראד, דיין גוט הארץ האט מיר שטארק באצויבערט, טראץ דעם וואס דו האסט נישט געוואלט נעמען באצאלט האב איך אבער פון דיר נישט פארגעסן, ביטע נעם דעם איבער דעם בייגעלייגטן טשעק פון פופציג טויזענט דאלער און איך האף מיט דעם צו באצאלן כאטש די שכר טירחה.
נ.ב. אויב דו שפירסט אז עס איז ווייניג באצאלט ביטע לאז מיר גלייך וויסן.
פון דיין פריינט
דאנאלד טראמפ.
מי חכם האט געשריבן:די עכטע ווערסיע פון די מעשה איז געווען מיט א ביל/מיליאנער וואס פלעגט כסדר לויפן פאר גאווערנאר דאהי אלס אינדעפענדענט. כ'געדענק נישט זיין פונקטליכע נאמען, ער הייסט עפעס ענליך צו 'גאליציאנער'.
און די טשעק איז געווען א באשיידענע $1500, נישט קיין 50 אלפים.
סופרים שטיבל האט געשריבן:ייש"כ פארן מערכת שרייבער אויסגאבע פארן ארויף ברענגען דאס אשכול פון פריש, דאס איז מחזק אידן בכל עת ובכל זמן
