איזעי האט געשריבן:איך ווייס בפירוש אז מען לייגט נישט, און דאס וואס דו האסט געשריבן וועגן ונשמרתם קוק איבער מיין פריערדיגע תגובה.
אויסער דעם וויל איך צולייגן, אז מען גייט שוין אין מקוה, ארום צוויי טויזנט יאר צו גוטן, און דורכאויס די אלע יארן איז שוין געווען צענדליגער טויזנטער מקואות, און זיי האבן אלע נישט געהאט קיין פילטער'ס, און קיין בליטש, און מען טרעפט נישט אין ערגעץ, אנגעהויבן פון גמ', ראשונים, שו"ע, פוסקים, (אפשר פון די לעצטע הונדערט יאר טרעפט מען שוין, ווייס איך נישט), אז איינער פון זיי זאל דערמאנען א ווארט, אז עס קען זיין א פראבלעם מיט ונשמרתם אויב מען לייגט נישט קיין בליטש, אדער אויב מען גייט נישט אין שויער.
און דאס איז אויסער דעם וואס ווי איך האב שוין פריער געשריבן, ביי פילע חסיד'ישע מקומות איז געווען בקפידא נישט צו שויערן זיך, נאר מען איז אריין כאפן א מקוה, און ביז דריי פיר מינוט איז מען געווען אינדרויסן (אזוי ווי אסאך חסיד'ישע אידן פירן זיך נאך היינט).
פאר מיר איז דאס מער ווי גענוג, און אויב איז דאס פאר איינעם נישט גענוג, דאן זאל ער טון וויאזוי ער פארשטייט.
די מעשה איז, אז מיר היינטיגע צייטן זענען מער "סענסיטיוו", אדער "מפונקים", ווי די אמאליגע אידן. פאר סאם ריזן, האבן זיי נישט געהאט די פראבלעמען וואס מיר האבן. זיי האבן נישט געטוישט יעדן טאג קיין וועש, אויך נישט יעדן צווייטן טאג, אפשר אפשר איינמאל א וואך, כדי נישט מטריח צו זיין די וואשערין ביים טייך, און האבן א שויער ביי די האנט איז מאן דכר שמיה, אין שו"ע ווערט שוין געברענגט אז לכה"פ לכבוד שב"ק זאל מען גיין אין מרחץ. היינטיגע צייטן נשתנו העתים אין די ענינים, און ממילא עקלט מען זיך מער, און מען דארף מער אכטונג געבן.