איז חולי הנפש די מערסט פיינפולע מחלה ל''ע?

פסיכאלאגיע און מעדיצינען

די אחראים: זייער נייגעריג,אחראי,thefact

אוועטאר
ממש אזוי
שר האלפיים
תגובות: 2804
זיך איינגעשריבן אום: זונטאג מארטש 19, 2017 6:58 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ממש אזוי »

איך קלער אפשר זאל מען צוזאם שטעלן ביידע אשכולות צוזאמען. כ׳האב נישט קיין כח צו גיין הין און צעריק..
הא וואס זאגסטו רבי נתנאל מינצבערג??
אוועטאר
fiena nieas
שר חמשת אלפים
תגובות: 5493
זיך איינגעשריבן אום: זונטאג יאנואר 23, 2011 8:56 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך fiena nieas »

אז מען רעדט פון א משפחה ווערט צושטערט קען מען זאגן אז גייסטיש ווערט עס מער צושטערט
אוועטאר
נתנאל מינצבערג
שר חמש מאות
תגובות: 538
זיך איינגעשריבן אום: פרייטאג מאי 19, 2017 8:32 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך נתנאל מינצבערג »

ממש אזוי האט געשריבן:איך קלער אפשר זאל מען צוזאם שטעלן ביידע אשכולות צוזאמען. כ׳האב נישט קיין כח צו גיין הין און צעריק..
הא וואס זאגסטו רבי נתנאל מינצבערג??

מיר דאכט זיך עס איז 2 באזונדערע נושאים נישט אזוי?
איי למעשה האט איר נישט קיין כח?? צע''ג ואין לישב
שלום בית איז א טעאריע
אוועטער קרעדיט @גארנישט מיט נישט ריסייז קרעדיט @אויפגעפרישט
הכנעה
שר מאה
תגובות: 152
זיך איינגעשריבן אום: מיטוואך אפריל 05, 2017 10:23 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך הכנעה »

ר' יום טוב האט געשריבן:איך האב שוין טועם געווען סיי פון פיזישע ווייטאג און אויך גייסטישע. למען האמת איז די פיזישע געווען עטוואס שטארקער.


איך גלייב אז דו הייבסט נישט אהן משיג צו זיין וואס אמתדיגע גייסטישע צער מיינט. (האסטו געשפירט טוב לי מות מחיים...? אויב נישט ביטע נישט אריינרעדן)
אוועטאר
ממש אזוי
שר האלפיים
תגובות: 2804
זיך איינגעשריבן אום: זונטאג מארטש 19, 2017 6:58 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ממש אזוי »

נתנאל מינצבערג האט געשריבן:
ממש אזוי האט געשריבן:איך קלער אפשר זאל מען צוזאם שטעלן ביידע אשכולות צוזאמען. כ׳האב נישט קיין כח צו גיין הין און צעריק..
הא וואס זאגסטו רבי נתנאל מינצבערג??

מיר דאכט זיך עס איז 2 באזונדערע נושאים נישט אזוי?
איי למעשה האט איר נישט קיין כח?? צע''ג ואין לישב



צווישן מיר און אייך ר׳ נתנאל׳ן, די וואס האלטן דא אז גייסטישע יסורים זענען שטערקער ווי פיזישיע, וועלן האלטן אז נעמען מעדיצין איז נישט משוגע. און די וועלכע האלטן פארקערט וועלן אויך דארט האלטן פארקערט. איז ווילסטו געבן נאך א שאנס? אקעי איך הער דיין ווייטאג
ר' יום טוב
שר שלשת אלפים
תגובות: 3540
זיך איינגעשריבן אום: זונטאג סעפטעמבער 20, 2015 12:58 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ר' יום טוב »

ממש אזוי האט געשריבן:
ר' יום טוב האט געשריבן:איך האב שוין טועם געווען סיי פון פיזישע ווייטאג און אויך גייסטישע. למען האמת איז די פיזישע געווען עטוואס שטארקער.


קען זיין אז איר האט נישט טוען געווען דעפרעשאן במלוא מובן המילה, ווען איינער וויל נישט אויפשטיין נעבעך, אדער אן ענקזייעטי אטאקע ווי ער שפירט ווי זעכציג טאן ציגעל פאלט אויף אים און ער שפירט ווי זיינע מינוטן זענען געציילטע. ס׳איז לאו דוקא אז איר קענט זאגן א מיינונג. מיר רעדן פון מער עקסטרעמערע פעלער.

i did
ר' יום טוב
שר שלשת אלפים
תגובות: 3540
זיך איינגעשריבן אום: זונטאג סעפטעמבער 20, 2015 12:58 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ר' יום טוב »

הכנעה האט געשריבן:
ר' יום טוב האט געשריבן:איך האב שוין טועם געווען סיי פון פיזישע ווייטאג און אויך גייסטישע. למען האמת איז די פיזישע געווען עטוואס שטארקער.


איך גלייב אז דו הייבסט נישט אהן משיג צו זיין וואס אמתדיגע גייסטישע צער מיינט. (האסטו געשפירט טוב לי מות מחיים...? אויב נישט ביטע נישט אריינרעדן)

איך רעד אז די גייסטישע יסורים זאל זיין "פיזיש" מער פיינפול ווי די פיזישע יסורים. (אויב איר פארשטייט וואס איך מיין) איך רעד נישט פון וואס ס'איז ארגער.

איך לייקן נישט אז ס'מעגליך פאר גייסטישע יסורים זאל זיין ביי רוב מענטשן מער פיינפול. ס'מיינט אבער נאכנישט אז דער זעלבער וואס האט געהאט מיטגעלעבט גייסטישע יסורים זאל במציאות אויך האבן מיטגעלעבט גאר שטארקע פיזישע יסורים.
אוועטאר
ממש אזוי
שר האלפיים
תגובות: 2804
זיך איינגעשריבן אום: זונטאג מארטש 19, 2017 6:58 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ממש אזוי »

Hard to understand but could be
פון יעצט
שר מאה
תגובות: 128
זיך איינגעשריבן אום: זונטאג מאי 08, 2016 8:10 am
לאקאציע: כ'ווייס נישט וואו כ'בין כ'ווייס אבער וואו כ'וויל אנקומען

  • ציטיר
  • צו לייגן א דאנק דארפט איר זיין אריינגעלאגט

תגובה דורך פון יעצט »

א קרוב וואס האט פארלוירן א קינד אפאר מינוט נאכ'ן געבורט האט מיר געזאגט אז ס'איז נישט קיין פארגלייך צו אירע יסורי נפש
פון יעצט
שר מאה
תגובות: 128
זיך איינגעשריבן אום: זונטאג מאי 08, 2016 8:10 am
לאקאציע: כ'ווייס נישט וואו כ'בין כ'ווייס אבער וואו כ'וויל אנקומען

  • ציטיר
  • צו לייגן א דאנק דארפט איר זיין אריינגעלאגט

תגובה דורך פון יעצט »

ממש אזוי האט געשריבן:
נתנאל מינצבערג האט געשריבן:
ממש אזוי האט געשריבן:איך קלער אפשר זאל מען צוזאם שטעלן ביידע אשכולות צוזאמען. כ׳האב נישט קיין כח צו גיין הין און צעריק..
הא וואס זאגסטו רבי נתנאל מינצבערג??

מיר דאכט זיך עס איז 2 באזונדערע נושאים נישט אזוי?
איי למעשה האט איר נישט קיין כח?? צע''ג ואין לישב



צווישן מיר און אייך ר׳ נתנאל׳ן, די וואס האלטן דא אז גייסטישע יסורים זענען שטערקער ווי פיזישיע, וועלן האלטן אז נעמען מעדיצין איז נישט משוגע. און די וועלכע האלטן פארקערט וועלן אויך דארט האלטן פארקערט. איז ווילסטו געבן נאך א שאנס? אקעי איך הער דיין ווייטאג


כ'זעה גוט?
איינער זאָל האלטן אז נעמען מעדעצין איז משוגע?

מ'קען מטהר זיין א שרץ מיט ק"ן טעמים אבער ס'בלייבט א שרץ
מ'קען אויפקומען מיט א מיליאן תירוצים. מ'קען אבער נישט טוישן די פאקטן

אגב. אין די גוי'אישע וועלט איז גייסטישע פראבלעמען א נארמאלע זאך. פונקט ווי מייגרעינס אדער פאנגוס
משה הכהן
שר העשר
תגובות: 21
זיך איינגעשריבן אום: דינסטאג יוני 06, 2017 6:42 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך משה הכהן »

וועלעכע סערגער ווייס איך נישט, אבער אזוי פיל ווייס איך יא אז ווען איינער האט א חולי הגוף וועט אים עס זיין ( באופן כללי) אסאך גרינגער עס אויסצושמוסן מיט א חבר ווי ווען ער האט א חולי הנפש. פונדעם פארדינט ער סיי דו ענין פון דאגה בלב איש וכו' און סיי אז אפשר האט זיין חבר עפעס אינפא וואס קען אים צניץ קומען.
שלוה
שר מאה
תגובות: 132
זיך איינגעשריבן אום: זונטאג אוגוסט 07, 2016 2:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך שלוה »

איך וויל מיטטיילען דא די קומענדיגע עפיזאד אבער ביטע פארשטיין אז ס'איז לאו דווקא אז דאס רעפרעזענטירט די כלל.

איך האב מיך לעצטענס געטראפען מיט עלטערן וואס מיטשענען זיך שטארק אפ מיט א קינד מיט גייסטישע שוועריקייטען. די עלטערן האבען מיר פארציילט אז זיי האבען אן אנדערע קינד וואס האט ליידער געהאט יענע מעשה ר"ל און האט זיך עטליכע יאר אפגעמיטשעט ביז'ן גענצליך ווערן ערהוילט, ב''ה. אזוי רעדנדיג ווייטער מיט די עלטערן ערקלערן זיי מיך אז עס איז זיי אסאך שווערער זיך אומצוגיין מיט די שוועריקייטען וואס די יעצטיגע קינד מיט די נפשיות'דיגע פראבלעמען ברענגט מיט, וואו די שוועריקייטען וואס זיי זענען דורך מיט האבען א קינד מיט יענע מעשה פאר עטליכע יאר. איך מיז זאגען, אז זיי האבען מיר אביסעל א שאקעל געגעבען, האב איך זיי אויסגעפרעגט וואס מאכט די יעצטיגע שוועריקייט אזוי שווער? איך מיין די איבריגע איז נישט רעלעוואנט דא.

אוי! ס'דאך אזוי שווער.
רבונו של עולם, זיי זיך שוין מרחם אויף אלע וואס ליידען נאר מיט סיי וועלכע שוועריקייט, פיזיש צו גייסטיש, ביידע זענען שווער.
אוועטאר
ממש אזוי
שר האלפיים
תגובות: 2804
זיך איינגעשריבן אום: זונטאג מארטש 19, 2017 6:58 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ממש אזוי »

שלוה האט געשריבן:איך וויל מיטטיילען דא די קומענדיגע עפיזאד אבער ביטע פארשטיין אז ס'איז לאו דווקא אז דאס רעפרעזענטירט די כלל.

איך האב מיך לעצטענס געטראפען מיט עלטערן וואס מיטשענען זיך שטארק אפ מיט א קינד מיט גייסטישע שוועריקייטען. די עלטערן האבען מיר פארציילט אז זיי האבען אן אנדערע קינד וואס האט ליידער געהאט יענע מעשה ר"ל און האט זיך עטליכע יאר אפגעמיטשעט ביז'ן גענצליך ווערן ערהוילט, ב''ה. אזוי רעדנדיג ווייטער מיט די עלטערן ערקלערן זיי מיך אז עס איז זיי אסאך שווערער זיך אומצוגיין מיט די שוועריקייטען וואס די יעצטיגע קינד מיט די נפשיות'דיגע פראבלעמען ברענגט מיט, וואו די שוועריקייטען וואס זיי זענען דורך מיט האבען א קינד מיט יענע מעשה פאר עטליכע יאר. איך מיז זאגען, אז זיי האבען מיר אביסעל א שאקעל געגעבען, האב איך זיי אויסגעפרעגט וואס מאכט די יעצטיגע שוועריקייט אזוי שווער? איך מיין די איבריגע איז נישט רעלעוואנט דא.

אוי! ס'דאך אזוי שווער.
רבונו של עולם, זיי זיך שוין מרחם אויף אלע וואס ליידען נאר מיט סיי וועלכע שוועריקייט, פיזיש צו גייסטיש, ביידע זענען שווער.


Wow
אוועטאר
מח בקדקדו
שר חמש מאות
תגובות: 717
זיך איינגעשריבן אום: מאנטאג יוני 19, 2017 2:14 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מח בקדקדו »

נתנאל מינצבערג האט געשריבן:דאכט זוך מיר אז איינער וואס איז אפגעטיילט פון זיין בּ''ב איז דו איינציגסטע זאך וואס איז שווערער.

די יסורים וואס מען ווען מען איז אפגעטיילט פון זיין בן זוג איז בעצם אויך יסורי הנפש
הנשמה שבמוחי
אוועטאר
נתנאל מינצבערג
שר חמש מאות
תגובות: 538
זיך איינגעשריבן אום: פרייטאג מאי 19, 2017 8:32 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך נתנאל מינצבערג »

מח בקדקדו האט געשריבן:
נתנאל מינצבערג האט געשריבן:דאכט זוך מיר אז איינער וואס איז אפגעטיילט פון זיין בּ''ב איז דו איינציגסטע זאך וואס איז שווערער.

די יסורים וואס מען ווען מען איז אפגעטיילט פון זיין בן זוג איז בעצם אויך יסורי הנפש

נישט קיין חולי הנפש
שלום בית איז א טעאריע
אוועטער קרעדיט @גארנישט מיט נישט ריסייז קרעדיט @אויפגעפרישט
אוועטאר
פעיק ניוז
שר עשרים אלף
תגובות: 24206
זיך איינגעשריבן אום: דינסטאג יוני 13, 2017 8:49 pm
לאקאציע: אנאנימע סאורסעס

  • ציטיר
  • צו לייגן א דאנק דארפט איר זיין אריינגעלאגט

תגובה דורך פעיק ניוז »

נתנאל מינצבערג האט געשריבן:
מח בקדקדו האט געשריבן:
נתנאל מינצבערג האט געשריבן:דאכט זוך מיר אז איינער וואס איז אפגעטיילט פון זיין בּ''ב איז דו איינציגסטע זאך וואס איז שווערער.

די יסורים וואס מען ווען מען איז אפגעטיילט פון זיין בן זוג איז בעצם אויך יסורי הנפש

נישט קיין חולי הנפש


אמת אבער ווי איך פארשטיי איז די שאלה אויפן קעפל "וועלכע פון די צווי איז מער פיינפול" איז די נקודה ביי וועלכע פון די צוויי מען האט מער יסורים, און יסורי הנפש קומט לאו דוקא פון א ספעציפישע חולי מיט א נאמען, די זעלבע יסורים וואס א מענטש קען האבן פון א ספעציפישע חולי הנפש קען אויך זיין ווען א מענטש גייט דורך פארשידענע גאר שווערע מצבים צו אין חדר אדער ישיבה אדער און שטוב וואס לאו דוקא אז מען האט אים געגעבן א דייגנאוז מיט א ספעציפישע מחלה
עס איז מיר בעסער צו זיין אן אנעדיוקעטעד חכם ווי איידער אן עדיוקעטעד טיפש
אוועטאר
yield
שר חמש מאות
תגובות: 615
זיך איינגעשריבן אום: מיטוואך דעצעמבער 30, 2009 6:05 pm
לאקאציע: Latitude North 40.7111 Longitude West 73.9565

  • ציטיר
  • צו לייגן א דאנק דארפט איר זיין אריינגעלאגט

תגובה דורך yield »

און וואספארא יסורי נפש וואס א פיזיש קראנקע מענטש האט
זאל דער אייבערשטער אפהיטן
אבער מען קען אלץ זיך דיסטרעקטן דערפון
אבער נישט פון יסורי הגוף נאופס דאס טיט וויי, הגם עס איז דא וועגן זיך צו דיסטרעקטן פון דעם אויך אבער עס איז א לאנגע פראצעדור
אוי;
זאל דער אייבערשטער אפהיטן אלע אידישע קינדער.
yield the right of way
אוועטאר
פאראינטערסירט
שר ארבעת האלפים
תגובות: 4331
זיך איינגעשריבן אום: דאנערשטאג יוני 30, 2016 10:49 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך פאראינטערסירט »

yield האט געשריבן:און וואספארא יסורי נפש וואס א פיזיש קראנקע מענטש האט
זאל דער אייבערשטער אפהיטן
אבער מען קען אלץ זיך דיסטרעקטן דערפון
אבער נישט פון יסורי הגוף נאופס דאס טיט וויי, הגם עס איז דא וועגן זיך צו דיסטרעקטן פון דעם אויך אבער עס איז א לאנגע פראצעדור
אוי;
זאל דער אייבערשטער אפהיטן אלע אידישע קינדער.

גא"מ לדברי ר' Yield
אלץ איינער וואס האט פערזענליך מיטגעלעבט מיט מיינס גאר א נאנטער משפחה מיטגליד וואס האט געהאט די ביטערע מחלה ל"ע וויל איך דא זאגן מיין דריי צענט.

געווענליך איינער וואס האט א ערנסטע פיזישע מחלה קומט עס אויך אינאיינעם מיט שווערע יסורי הנפש,
מרופט עס אָהן "די טשערי אָן דע טאַפ", ס'איז בערך אזא בחינה ווי Buy one get one free,
ס'קומט געווענליך אָהן אינאיינעם מיטן פעקעדזש* פון אן ערנסטע מחלה,

.למשל ס'איז דא צייטן וואס מ'איז אנגעצויגן מיט שרעקליכע ענקזייעטי איבער וואס די מארגן וועט ברענגען? וואס וועלן די טעסטס ווייזן? וועט די מעדיקעישען ארבעטן? וועט מען נאך אמאל צוריקגיין צום נארמאלן (נארמאל?!) לעבן? רבוש"ע וואס וועט זיין?

.און אזוי אויך איז דא צייטן פון שווערע דעפרעסיע און יאוש, מ'געבט ח"ו אויף, די מצב איז ביטער שוואַרץ, איין דורכפאַל נאָכן צווייטן, א פרישע סייד עפעקט, א פרישע ערנסטע קאמפליקאציע, פרישע ווייטאגן, ה"י

.מען האט מורא וויאזוי מענטשן וועלן אנקוקען, מ'פילט זיך נעבעך א "רחמנות" א חסד פראדזעקט, מ'האט מורא אויב די סימפטאמען (אמת'ע סימפטאם'ס נישט דומיונות​) וועלן זיך צושפילן אין פובליק,

.מ'האלט זיך פאָר אַז מ'האט נישט גענוג אמונה! פארוואס קאמפלעין איך אזוי סאך? פארוואס קען איך נישט זיין בשמחה? פארוואס בין איך מקנא אנדערע וואס גייט זיי ב"ה יא גוט? פארוואס פארוואס?? וכולהו ליידער,

ממילא איז באמת נישט שייך צו אפשאצן וועלכע עס איז שווערער,

גראדע האב איך אן אנדערע קרוב וואס האט געליטן פון שווערע ענקזייעטי און דיפרעשען, ער פלעגט אייביג זאגן אז דאס איז שווערער ווי יענע מחלה רח"ל, שפעטער איז ער נעבעך דיאגנאזירט געווארן מיט די מחלה, האט ער דעמאלטס געזאגט פונקט פארקערט אז יעצט זעהט ער אז דאס איז שווערער,

אויב אזוי וואס איז די אמת??

בפשטות איז די תירוץ זייער פשוט,

לייף איז עבאוד די עטיטוד!!!
עס ווענדט זיך וויאזוי מען נעמט אויף די נסיון,

קיינער האט נישט קיין פרי פּעס אויף דער וועלט, אדם לעמל יולד, אז נישט דאס איז עס מיט עפעס אנדערש, ס'דא נעבעך מענטשן וואס פלאגן זיך מיט שלום בית, געזונט ביי זיך אדער ביי די קינדער, נפשיות'דיגע פראבלעמען ל"ע, מענטשן פלאגן זיך מיט געבוירן קינדער - איינער ליידער נישט קיין קינדער ר"ל /און איינער מיט צו סאך קינדער!, פרנסה, חובות, תפיסה, קינדער נעבעך אראפ פון וועג ה"י, און ביי איינעם וועט א אפילו א פשוט'ע מייגרעין העד-עיק אראפנעמען​ פון די פיס,

ר' אלימלך בידערמאן זאגט כסדר נאָך כ'מיין בשם די חידושי הרי"ם,
ס'געווען ווען די חידושי הרי"ם איז צוריקגעקומען פון איינע פון די לויות פון זיינע קינדער רח"ל (כידוע האט די חידושי הרי"ם פארלוירן אלע זיינע קינדער בחייו ה"י) און ער האט נישט געקרעכצט, האט איהם זיין רביצין געפרעגט היתכן די וויינסט נישט?? כלום תרנגולתא אפיקת מביתך (שבת קנא:)??, האט די חידושי הרי"ם געענטפערט "יסורים גיבט די אייבערשטער, אבער וויאזוי עס צו מקבל זיין דהיינו די דאגות און צובראכנקייט, דאס ווענדט זיך אינעם מענטש אליין"!!!


ס'איז ליידער דא אזויפיל צובראכענע נפשות צווישן אונז, אלמן/אלמנות, גרושים/גרושות, חולי הגוף/הנפש, זאל הקב"ה שוין אויפרעכטן יעדעם איינעם מיט א ישועה פרטית, און מיט די ישועה כללית בביאת משיחנו.

די עיקר איז זיך מחזק זיין אויף דעים עולם עובר, און לעבן נאר מיט די יעצט און נישט מיטן מארגן, און אזוי ווי שלוה זאגט
שלוה האט געשריבן:אוי! ס'דאך אזוי שווער.
רבונו של עולם, זיי זיך שוין מרחם אויף אלע וואס ליידען נאר מיט סיי וועלכע שוועריקייט, פיזיש צו גייסטיש, ביידע זענען שווער.


----
*(א פיזישע מחלה קומט געווענליך אינאיינעם מיט א גרויסע פעקעדזש,
מ'איז פיזיש אפגעשוואכט, קאסט אפ​א הון תועפות - אפי' נאר פאַר די קא-פעיס, קומען און גיין פון דאקטאר/שפיטאל -טריעטמענטס/MRI/CT scans - ווארטן דארטן שעות ארוכות, שיקן קינדער צום בעבי סיטער/האבן איינעם וואס זאל קעיר נעמען פון די קינדער, ווער רעדט נאך פון די שווערע סייד עפעקטס פון די טריעטמענטס ה"י .Headaches. Fatigue. Nausea. Vomiting, ועוד ועוד ל"ע ה"י)
אין בי כישרון מיוחד, אבל יש בי הרבה סקרנות. ...{אלברט איינשטיין}
אוועטאר
yield
שר חמש מאות
תגובות: 615
זיך איינגעשריבן אום: מיטוואך דעצעמבער 30, 2009 6:05 pm
לאקאציע: Latitude North 40.7111 Longitude West 73.9565

  • ציטיר
  • צו לייגן א דאנק דארפט איר זיין אריינגעלאגט

תגובה דורך yield »

אוי שרייבט איר גיט מען זעט אז די האסט זיך זייער איבערגעגעבן מיט דיין משפחה מיטגליד.

איך קען לעולם שרייבן אגאנצע דייערי אפשר איין טאג, אזויפיל קען איך זאגן וואס מקימי טוט צו פארגרינגערן יסורי הנפש איז ממש אין לשער, איך געדענק איין טאג וואס איז געווען ממש יאוש
יסורי הנפש איך בין געווען אליין פונקט, איך בין געווען ממש סואיסיידעל נאך א שווערע טעסט, און פלוצלונג מארשירט אריין א גאנצע חברה זינגערס לצים וואס די ווילסט, זיי האבן ממש געגעבן נאך א לעבן.

אשרי חלקכם מקימי.

און וואס די זאגסט אז דיין קרוב האט געהאט ענקזייעטי און שפעטער נעבעך יענע מעשה, ווער ווייסט צו איינס האט נישט געברענגט דאס צווייטע.

שוין זאל מען זיין געזונט.
yield the right of way
ותן ברכה
שר חמישים
תגובות: 63
זיך איינגעשריבן אום: דינסטאג דעצעמבער 16, 2014 12:25 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ותן ברכה »

בס"ד
איך וויל נישט נעמען קיין שטעלונג אין דעם ענין וועלכע יסורים זענען ערגער, אבער איך וויל פרובירן מסביר זיין וואס איז אנדערש יסורי הגוף פון יסורי הנפש (איך רעדט בעיקר פון אנקזייעטי וכל הנלוים אליו). איך האב אנגעהויבן צו שרייבן און עס האט זיך אביסל פארלאנגערט, איך האף אז עס נישט צו באריכות.

א) יעדער פארשטייט אז עס איז דא פארשידענע מדריגות אין יסורים, מען טוט דאס כסדר אפשאצן אין שפיטאל, מען פרעגט 'פון א לעוועל פון איינס ביז צען וויאזוי פילסטו די יסורים ?' אזוי אויך א טעראפיסט וועט פרעגן 'פון א לעוועל פון איינס ביז צען ווי שטארק איז די פילינג וכדו'. עכ"פ עס איז דא לעוועלס און לאו בחדא מחתא מחתינהו.
יעצט ווען מען זאל נעמען פיזישע יסורים און גייסטישע יסורים ביידע ביי לעוועל נאמבער 100 ווייס איך נישט וועלכע עס איז ערגער, מעגליך זענען ביידע די זעלבע ווייל זיי זענען דאך ביידע 100, מעגליך אז נישט.

אבער דא קומט די גרויסע חילוק. יסורי הגוף האט א קלארע פיזישע וועג וויאזוי עס ארבעט. דאס הייסט אז איך קלעם איין מיין פינגער אביסל וועט וויי טון אביסל, טאמער איך קלעם איין שטארק וועט ווייי טון שטארק. עס איז נישט מעגליך בעולם אז מען זאל קלעמען אביסל און פילן מער. (הגם עס איז נישט פונקטליך אזוי ווייל יעדע פיזישע יסורים איז אויך געבינדן מיט גייסטישע, און עס איז דא אזא זאך ווי פעין מענעדזשמענט, למשל ווען א מענטש וועט עקסעפטן זיינע יסורים, אדער ער וועט געבן מינינג, עכ"פ אין כאן מקום להאריך בזה, אבער בדרך כלל איז פיזיש פיזיש).

ווען עס קומט אבער צו גייסטישע יסורים איז אן אנדערע וועלט. "גייסט" איז מלשון רוחני. און ביטע נישט כאפן ביים ווארט איך וויל נישט זאגן אז עס איז נישט פיזיש, אודאי איז עס קלארע פיזישע יסורים עס האט א קלארע פלאץ אין מח ווי עס געשעט, מיר רעדן פון די מער מחשבה'דיגע אדער געפילישע חלק פון די פיזישע מענטש, וואס דאס האט אנדערע דימענשנס ווי דער פיזיש ממש. דהיינו ער איז נישט געבינדן צו מקום און צו זמן. א מענטש קען טראכטן אין איין רגע פון עבר הוה ועתיד ביינאזאם. אזוי אויך פון פלעצער, מענטשן, געשענישן וואס זענען דא, אדער נישט אדער זענען קיינמאל נישט געווען און עס קען אפילו נישט זיין.

לאמיר זאגן די ערגסטע קאשמאר וואס א מענטש קען האבן, משל'ט זיך אליינס אויס וואס ביי אייך איז דאס ערגסטע. איר גייט 2 אזייגער ביינאכט און מ'זעט נישט קיין נפש חי' איר באגעגנט זיך מיט א זעקס פיסיגער מיט א גאן... פרובירט דאס צו פילן..וויאזוי די מחשבות לויפן אדער ווערן בלענק פארפרוירן...דאס שרעק, שוויצן, הארץ קלאפענישן... וואס וועט זיין מיט אייער ווייב אדער קינדער. אויב דאס איז ביי אייך 100 הרי טוב. אויב נישט קענט איר טראכטן אלע מיני משלים נארמאלע און משוגענע וואס איר קוקט אן ווען א מענטנש פחד איז ביי 100.
וואס וועט זיין ווען א מענטש גייט אין גאס, ער זעט גארנישט אבער ער הערט א גערודער ער דערשרעקט זיך, עס דאכט זיך אים אז עס קומט א גוי קען ער האבן די זעלבע שרעק. אין אז ער ליגט אין בעט אין ער טראכט קען ער שפירן ממש די זעלבע שטארקע פחד מיט אלע באדי סימפטאמס. ער שוויצט, די הארץ פאמפעט. ער פילט ממש א פחד פון 100.

לאמיר נעמען אביסל מער א רעאליסטישע ביישפיל. ר' יעקב איז א שיינער בעל הבית פירט א מעכטיגע ביזנעס, ראש הקהל ביי זיך אין בית המדרש, קינדער כשתילי זיתים, וואו ער גייט קוקט יעדער מיט שעצונג, אה! ר' יעקב.. ער דרייט זיך אין בעט און עפעס האט די אקאונטענט געזאגט לעצטנס אז... עס דויערט נישט לאנג און ער דערזעט זיך פלוצלינג... די באנק נעמט צו זיין הויז, מען גייט שתדל'ן די ת"ת זאל נאכלאזן שכ"ל, שידוכים גייען נישט, וואו ער גייט קוקט יעדער מיט אזא נעבעכדיגן בליק, יעדער שושקעט שטיל ער זאל ח"ו נישט הערן, אבער פון ווינקל פון אויג באמערקט ער אלעס. די קינדער'ס חברים, די משפחה, זיינע חברים, יעדער רעדט און בארעדט, און באנעבעכט, און באשולדיגט. יא ער איז זיך אליין שולדיג מ'האט אים שוין לאנג געווארנט.

ר' יעקב איז אין עטליכע סעקונדען, נאך אסאך ווייניגער ווי עס נעמט אייך צו לייענען די שורות געפלויגן צו נאמבער 100. עס קען זיין אז ביים לייענען זעט עס נישט אויס אזוי געפערליך, אבער ווער עס ווייסט וויאזוי דאס שפירט דארף מען דאס נישט מסביר זיי, און ווער עס פארשטייט נישט קען מען דאס נישט מסביר.

דאס איז איין חילוק פון ענקזייעטי און אנדערע יסורים אז עס וועט געווענליך אנקומען צו די ערגסטע לעוועל. די סארט יסורים וועט כמעט אייביג לויפן זייער שנעל צו נומער 100 ווייל די מאטריאל וואס שטעלט צו די יסורים איז דא בשפע, דאס איז דער כח הדמיון און מחשבה אלעס איז דא אויפן פלאץ. משא"כ פיזישע יסורים די קענסט נאר האבן יסורים וויפיל גורם ס'איז דא.


ב) דאס איז נאך נישט אלעס. עס ווערט נאך ערגער. און א געוויסן זין איז די פחד פון די אלע זאכן ערגער פון די זאך אליין. פאר צוויי סיבות:

1) איז ענדליך צו די אויבערשטע נקודה אבער אביסל טיפער. די דמיון קען און וועט אייביג מאכן די שרעק ערגער ווי אין די ערגסטע מציאות. ארעמקייט אליין וועט כמעט קיינמאל נישט אנקומען צו די לעוועל וואס די מח קען עס אפפארבן. מיט אלע קאלירן און אלע מיני בושות און חרפות. די ערגסטע מיני משלים וואס דער מענטש האט שוין אמאל געטראכט און גע'חלום'ט אין זיין לעבן אין פארבינדינג מיט ארעמקייט, וועט עס זיין מח יעצט ארויפברענגען כלפי אים.

און געווענליך וועט דער מענטש אפילו נישט כאפן וואס ער טראכט און וויאזוי עס געשעט. ער שפירט נאר אין א סעקונדע ווי ער ווערט דערשראקן צום טויט און ער ווייסט אפילו נישט פארוואס. עס קען אמאל זיין ער כאפט אפילו נישט אז דאס איז בכלל פארבינדן מיט די מחשבה וואס דער אקאונטענט האט אים געזאגט. דאס אלעס לייגט נאר צו צום פחד און צומישעניש. וואס גייט פאר מיט מיר, איך בין משוגע, וואס בין איך אזוי דערשראקן? איך פיל ווי איך גיי אויס, א הארץ אטאק, הצלה.......

2) ווען א מענטש גייט אריבער סיי ועלכע שווערע איבערלעבעניש איז דא א פראסעס פון שאק, דינייעל, גריעף, עקסעפטענס. עס איז אן אריכות אבער די תמצית הדברים איז מען ווערט צוגעוואוינט צו אלעם. נישט צו זאגן אז עס איז גרינג, דאס אליין קען זיין געבינדן מיט יסורי הנפש. אבער ווען די זאך איז א פאקט, מען קען זיך נישט דערויף קריגן ווערט דער מענטש במשך הזמן צוגעוואוינט.
דער ר' יעקב ווען ער זאל טאקע ווערן ארעם, נאך א שטיקל צייט וועט ער זיך צוגעוואוינען (פארשטייט זיך עס איז אויך נישט אלץ גלאטיג און גראד, בפרט ווען עס איז דא א מקום צו פייטן און זיך וועלן צוריק דראפען, אבער די הארטע מציאות קלאפט און פנים און נאכן לעבן מיט דעם מצב א שטיקל צייט ווערט דער מח צוגעוואוינט) משא"כ ווען ר' יעקב האט נאר די פחד קען ער זיך נישט צוגעוואוינען ווייל עס איז דאך נישט אמת. לאמיר זאגן נאך א שטיק צייט בארואיגט ער זיך. אה, עס איז גארנישט יעדע ביזנעס האט אפס און אונס, כבר הי' לעולמים, אזוי בארואיגט ער זיך. נאך א שטיק צייט (אדער תיכף דערנאך אדער ווען קומט א טריגער) ווערט ער אודך (אדער עודך) פלוצלינג נאכאמאל באגאסן מיט שווייס און פחד ער מיינט ער שטארבט אוועק. ער פאלט אריין אין א גרוב מיט א געזונטן זעץ ער הייבט זיך אויף ער פילט גוט און ער פאלט נאכאמאל און נאכאמאל.


ג) אנדערע יסורים אדער פראבלעמען זענען מער 1) פיזיש און קרוב אל המציאות 2) קאנטראלעבל 3) פרעדיקטעבל.

1) פיזיש און קרוב אל המציאות. עס איז זאכן וואס מען קען זען הערן פילן טאפן. געווענליך קען מען גרינגער פארשטיין די סדר פון וואס ברענגט וואס, און עס שטימט געוועליך מיט די קאמאן סענס.

2) עס איז מער שייך צו קאטראלירן, דאס הייסט אז די פינגער איז צוקלעמט ווייס איך קלאר אז מען וועט עפענען די טיר וועט עס מער נישט קלעמען. אויב איך האב קאפ וויייטאג דארף איך נעמען טיילאנאל, אז איך האב טשעסט פעין דארף איך שנעל לויפן און שפיטאל, אז איך האב חובות דארף איך אדער זוכן א גרעסערע פרנסה אדערטרעפן מענטש זאלן מיר בארגן וכדומה. אוודאי נישט אלע פיזישע יסורים קען מען אוועק נעמען. אבער בדרך כלל די ריעקשן צו יסורים דארף זיין וואס טו איך יעצט, די נקודה איז נישט צו זאגן אז עס איז דא אן עצה צו יעדן פראבלעם אוודאי נישט. אבער די צוגאנג צו א פראבלעם איז וואס קען איך טון צו קאנטראלן און זען עס זאל מער נישט דא זיין.

3) געעוענליך ווייסט מען וואס בערך מען דארף טון, ווילאנג זאכן דויערן, אויב עס ווערט ערגער אדער בעסער וויאזוי, ווי שנעל.

דאס איז בדרך כלל די בילד און צוגאנג ביי געווענליכע פראבלעמן וואס דאס מאכט דעם מענטש פילן (עכ"פ ער רעדט זיך איין) אז ער איז אין קאנטראל, זאכן האבן א סדר, מ'קען עס אנכאפן אוויף א וועג.

ענקזייעטי איז אינגאנצן פארקערט. עס האט צוטון מיט פילינגס מחשבות מ'קען עס נישט זען הערן טאפן עס איז ביי מענטשן אזא אויסגעטונע זאך.
מ'קען עס נישט קאנטראלן. מען זאל גוט פארשטיין וואס איך מיין. איך מיין נישט צו זאגן אז מען קען עס נישט היילן אדער גרינגער מאכן. אבער די וועג פארקערט ווי געווענליך. די אינסטינקטיווע געפיל וואס יעדער האט ווען עפעס געשעט, אז איינער כאפט א שניט שפירט ער אינסטינקטיוו אז עס איז נישט גוט, מען דארף שוין עפעס טון אפצושטען די בלוט וכדו'. דאס הייסט קאנטראל, ער וויל עס קאנטראלירן. ווען איינער האט אנקזייעטי ער שפירט ער האט פון עפעס מורא פילט ער אינסטינקטיוו אז עס איז נישט גוט און ער מוז אנטלויפן פו דעם מצב פלאץ אדער ער דערף זיך בארוהיגן אין זיין מחשבה אז עס גייט נישט געשען וועגן די סיבה אדער יענע סיבה, דאס איז דער נאטירליכער דראנג צו קאנטראל. אבער ביי ענקזייעטי איז עס א פאראדאקס. ווייל דאס קאנטראלן מאכט ערגער די ענקזייעטי. עס ארבעט פארקערט. דאס איז איינס פון די גרויסע פראבלעמען פון ענקזייעטי אז די נאטירליכע וועג וואס דער מענטש איז צוגעוואוינט צו טון נאטוירליך וועט ער דאס טון דא אויך, אבער עס וועט נאר מאכן ערגער. דאס איז טאקע איינס פון די זאכן וואס טעראפי לערנט אויס אז מען דארף עקסעפטן געפילן און נישט קאנטראלן.

עס איז זייער נישט פרעדיקטבל. עס קען זיך טוישן בין רגע לרגע עס איז ממש יעלו הרים ירדו בקעות, א רגע האט ער געפילט גוט, א רגע נאכדעם קען ער זיין אין דער ערד. א סאך מאל ווייסט דער מענטש די טריגערס ווען און וואס עס מאכט עס ערגער, אבער נאך אלץ די נאטור פון די מחלה איז אז עס איז זייער אומאויסגערעכנט מען ווייסט קיינמאל נישט וויאזוי ער וועט פילן מארגן. נאך מער ווען דער מענטש פילט בעסער וועט ער אסאך מאל טראכטן מער אפטאמיסטיש, אמאל וועט ער זיך איירעדן אז עס אויסגעהיילט אדער עס איז עכ"פ בעסער, ער מאכט חשבונות און פלענער און פלוצלינג 'אל אפ ע סאדן' עס שמייסט אריין אז ער ווייסט נישט אויף וועלכע וועלט ער איז. די אפ און דאון מאכט עס פילן זייער שלעכט, און זייער נישט אין קאנטראל.


עס איז דא נאך א נקודה איך האב שוין נישט קיין צייט מאריך צו זיין. אבער בקיצור איז עס רוח איש יכלכל מחלהו, עס איז פשוט אבער יעדע פשוטע זאך ווען מען צוברייטערט עס זעט מען אז עס איז נישט אזוי פשוט.

די מענטש האלט זיך אויף די מוט, חי נושא את עצמו. אנדערע פראבלעמען קען מען פרובירן מחזק זיין שטארקן די מוט אבער ווען די מחלה איז דאס גופא דאן.....איז גרויסע צרות. דער מענטש קען זיין קראנק ווי נאר און דאך הנאה האבן פון א גוטן בדחן אדער פארברענג. ער קען זיין געזונט ווא בער זיצן ביי שבע ברכות וואו דער עולם קאלארט זיך פון געלעכטער, און ער פילט ערגער פון ארג, ענקשעס דיפרעסט אויסגעלאשן.

עכ"פ מען דארף זיך דא אפשטעלן, איך האף אז איך האב גוט ארויסגעברענגט די נקודות. ווער עס האט מעיר צו זיין איז וועלקאם.
לעצט פארראכטן דורך ותן ברכה אום דאנערשטאג יוני 22, 2017 10:35 pm, פארראכטן געווארן 5 מאל.
לארימער
שר העשר
תגובות: 17
זיך איינגעשריבן אום: מיטוואך יוני 21, 2017 9:32 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך לארימער »

משה הכהן האט געשריבן:וועלעכע סערגער ווייס איך נישט, אבער אזוי פיל ווייס איך יא אז ווען איינער האט א חולי הגוף וועט אים עס זיין ( באופן כללי) אסאך גרינגער עס אויסצושמוסן מיט א חבר ווי ווען ער האט א חולי הנפש. פונדעם פארדינט ער סיי דו ענין פון דאגה בלב איש וכו' און סיי אז אפשר האט זיין חבר עפעס אינפא וואס קען אים צניץ קומען.


איךהאב ליידער ליידער מיטגעמאכט 10 יאר פון שטארקע חולי הנפש ברוך השם איך הייב מיך שוין אן ארויסצוזעהן דערפון אבער איך האלט אז דאס וואס איך האב געליטן אזוי לאנג (פארשטייט זיך אז יש בורא עולם) איז 1) נישט געהאט בעסער געזאגט געשעמט זיך אויסצורעדן
2) וועגן די רפואה פארדעם טערעפיסטן און קייראפראקטערס זענען זייער טייער. איך האב יעצט גערעדט מיט די אויסגאבע להתחזק האט ער מיר געזאגט אז ער ארבעט אויף צו עפענען ארגעניזאציע צו העלפן מיט געלט... הלואי זאל עפעס ווערן דערפון. אוי טאטע! ווען איך דערמאן זיך פון מיין צער גיי איך אויס פאר אזויפיל "טויזענטער" יודן וואס ליידן פון חולי הנפש.
אוועטאר
מח בקדקדו
שר חמש מאות
תגובות: 717
זיך איינגעשריבן אום: מאנטאג יוני 19, 2017 2:14 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מח בקדקדו »

ותן ברכה. זייער א שטארקע אינהאלטסרייכע אנאליז, צלח ורכב!!
הנשמה שבמוחי
אוועטאר
יום אחד
שר חמישים ומאתים
תגובות: 358
זיך איינגעשריבן אום: דינסטאג דעצעמבער 09, 2014 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך יום אחד »

ס'דא א חשובע יתום א בחור וואס איז דורך שבעה מדורי גהנום און איז ליידער אריינגעפאלען
אין דיפרעשען און געווארען עדיקטעד צום ביטען טראפן ער איז יעצט אריין אין א ריהעב.

רבותי, ער א צדיק פון א בחור א וואוילע נשמה אסאך פון מאנסי קענען אים, האט'ס רחמנות און ראטעוועט אים

https://www.gofundme.com/save-moishe
אי אפשר שתקרא עבודת עבד, אלא כשגוף הדבר זר בעיניו. :שם משמואל
ראש פתוח
שר העשר
תגובות: 40
זיך איינגעשריבן אום: מוצ"ש אקטאבער 01, 2016 1:29 pm

כ'האב א מפורש'ע ראיה

  • ציטיר
  • צו לייגן א דאנק דארפט איר זיין אריינגעלאגט

תגובה דורך ראש פתוח »

ס'איז פארהאנען א מאמר חז"ל (כ'געדענק נישט ווי) ווי פאלגענד: אם תשים כל היסורין שבעולם על כף מאזניים א' ויסורי עניות רח"ל על כף מאזניים השנית, יסורי עניות יכריע את כולם, ה' ישמרנו מכל צער וצרה, און לכאורה יסורי עניות געהער מער צו יסורי הנפש ה"י
אוועטאר
עניני הנפש
שר העשר
תגובות: 25
זיך איינגעשריבן אום: דינסטאג יאנואר 16, 2018 6:57 pm

הילף

  • ציטיר
  • צו לייגן א דאנק דארפט איר זיין אריינגעלאגט

תגובה דורך עניני הנפש »

רבותי, איך בין ניי דא און איך זוך א פלאץ דא אויפן וועלטל ווי עס ווערט ארומגערעדט בנושא חולי הנפש והמסתעף,
איך בין אייך דאנקבאר פון פאראויס,
מאך זיכער אז די זאך אויף וואס די זוכסט הילף איז די פראבלעם און נישט בלויז דער סימפטאם!

איר קענט מיך קאנטעקטן דורך [email protected], איך וועל פראבירן צו ענטפערן עד מקום שידי מגעת.
שרייב תגובה

צוריק צו “תורת הנפש”