אידישע וועלט פארומס

יא איר האט מיך דערמאנט, ר' צבי מאיר גינזבורג, עס איז אינטערעסאנט וויאזוי דער ארגענעזאציע איז געגאנגען פון ר' אלעזר סילווער צו ר' משה פיינשטיין און נאכדעם צו הרב גינזבורג, איז הרב גינזבורג א חסידישער רב?

מיללער האט געשריבן:יא איר האט מיך דערמאנט, ר' צבי מאיר גינזבורג, עס איז אינטערעסאנט וויאזוי דער ארגענעזאציע איז געגאנגען פון ר' אלעזר סילווער צו ר' משה פיינשטיין און נאכדעם צו הרב גינזבורג

הרב גינזבערדג איז נאר דער מזכיר דארט, נישט דער הויפט רב אוויא ר' אליעזר סילבער ז"ל מיט ר' משה ז"ל זענען געווען

יאסל האט געשריבן:אזוי אויך האט האב מיללער פריערט אראפ געברענגט אז ר' זיידא אייכנשטיין ווי זיינע קינדער באשרייבן עם איז געווען גאר שטארק אקטיוו אין די מלחמה יארן דארעך די אגדות ישראל, (אגב שרייבן זיי דארט אז ער האט זיך דערנאך אפ געלאזט פון די אגודה זעהענדיג אז זיי פארקריכן)
די אגדות ישראל איז געווען מסתמה מער אקטיוו אין רבנישע אנגעלעגנהייטן
ווידער די אגדות ישראל אין כלל עסקנות וואס רעכנט אריין הצלה אקטיוויטעטן בשעת'ן חורבן
די חידה בלייבט בנוגע די אגדות האדמורים??

מיללער האט געשריבן:יאסל,
מען קען עס אויך גרינג פארמישן מיט 'אגודת הרבנים' בראשות הרב ר' אליעזר סילוור פון סינסינטי (היינט אונטער הרב גינזבורג).

אגודת הרבנים האט מען געגרינדעט בפטירתו פון דעם רב הכולל, אגודת ישראל אין אמעריקא האט געגרינדעט ר' אליעזר סילווער על פי בקשתו פון ר' חיים עוזר, און ער האט עס אפגעלאזט צוזאמען מיטן פודהייץ'ער רבי.

ביקסאד האט געשריבן:

יאסל האט געשריבן:מען קען עס אויך גרינג פארמישן מיט 'אגודת הרבנים' בראשות הרב ר' אליעזר סילוור פון סינסינטי (היינט אונטער הרב גינזבורג).[/uote]אגודת הרבנים האט מען געגרינדעט בפטירתו פון דעם רב הכולל, אגודת ישראל אין אמעריקא האט געגרינדעט ר' אליעזר סילווער על פי בקשתו פון ר' חיים עוזר, און ער האט עס אפגעלאזט צוזאמען מיטן פודהייץ'ער רבי.

ב''ה
פליז טשעק וואס דיא שרייבסט "און עהר האט אפגעלאזט ציזאמען מיט דעם פודהייצער רבי'ן "
ר' אליעזר סילווער לא עזב את האגודה עד יום מותו !!!ואודות הפודהייצער רבי יותר טוב לא להזכיר הסיבה!!
אך מבטיח אני אותך שהוא מאודו לא עזב את האגודה ודו''ק

אין דעם דיקן בוך "מה פעל" איז דוקמענטירט נאר דעם חלק הפועל אין די אגודה. און מיר זעהן טאקע אז בנו המקובל האט טאקע גע'ירש'נט דעם חלק הפועל.

א גוט ווארט האט געשריבן:אין דעם דיקן בוך "מה פעל" איז דוקמענטירט נאר דעם חלק הפועל אין די אגודה. און מיר זעהן טאקע אז בנו המקובל האט טאקע גע'ירש'נט דעם חלק הפועל.

ב''ה
בדקתי בספר השרשים לרד''ק ואני לא מבין למה אתה מתכווין . יש כלל שאחרון צריך לפרש דבריו .

א לינק צום ענגלישען וויקי דער ערך פון אגודת הרבנים דארה"ב.

דער ספר לדור אחרון ביי הברו-בוקס, פסקים ובירורים פון די אגודת הרבנים בנוגע די שאלה פון 'תנאי בנשואין' וועלכע די רעפארמירטע באוועגונג אין שפיץ פון דעם באקאנטן שעכטער האבן געוואלט איינפירען.

דער קובץ המאור פון ר' מאיר אמסעל איז געווען אפציעל א בטאון* פון אגודת הרבנים
*איך וויס נישט ווי מען זאגט עס אויף יידיש

מאטעס האט געשריבן:דער קובץ המאור פון ר' מאיר אמסעל איז געווען אפציעל א בטאון* פון אגודת הרבנים
*איך וויס נישט ווי מען זאגט עס אויף יידיש

'בטאון' שטאמט פון די ווארט 'ביטוי' וואס מיינט בערך 'ווארטזאגער' איך מיין אז אויף ריין-אידיש רופט מען דאס 'ארגאן'.

שעכטער איז אומאפיציעל דער גרינדער פון די קאנסערוואטיווע באוועגונג, ווארום די טעאלאגישע סעמינאר איז געגרינדעט געווארן אלס אן הצלה פאר די אמעריקאנער אידישקייט ווי רבנים וועלן לערנען רבנות, און אפיציעל איז עס געגרינדעט געווארן אלס א מיטל אפ צו שלאגן דאס פארשפרייטונג פון רעפארם איבער אמעריקא, אבער ווען שעכטער האט איבער גענומען דעם פלאץ, האט ער דאס רעפארמירט און ס'איז געבליבן א קאנסערוואטיווע פלאץ.

למעשה אז איר וועט רעדן מיט חב"ד שלוחים אדער מיט אנדערע מקרבי בעלי תשובה וועט איר געוואר ווערן אז קאנסערוואטיוו איז אסאך מער א פראבלעם ווי רעפארם, ווייל די קאנסערוואטיוון האלטן אז זיי זענען גענוג אידיש און אזוי דארף עס צו זיין און מ'קען זיך נישט קיין עצה געבן מיט זיי, ווי אויך איז דאס נישט זייער אן אויס געטרעטענער וועג און יעדער רב טוט זיך וואס ער וויל, משא"כ רעפארם, די רעפארמער ווייסן אז זיי זענען רעפארמיסטן און אז זיי האבן אויס געריסן גאנצע חלקים פון די תורה דערפאר קען זיך אמאל מאכן ביי זיי אז איינער זאל איינזעהן אז ס'פעלט אין איהם עפעס מער פון אידישקייט, און אויך די רבנים גייען מער ווייניגער אויף אן אויס געטרעטענער וועג, ח"ו איר זאלט זיי אודאי נישט פרעגן קיין שאלות, נאר לגבי אידישקייט ווייסן זיי וואס זיי ווילן יא און וואס נישט.

אן אינטערעסאנטע געשעעניש האט זיך אפגעשפילט בשנת תרצ"א אין ניו יארק מיט די אגודת הרבנים, ווען ר' ישעי' יוסף מארגאלין האט גערופען די אגודת הרבנים אין געריכט און פארלאנגט נישט ווייניגער ווי 75 טויזנט דאלער פון זיי.

די געשיכטע איז געקומען נאכדעם ווי הרב מארגאלין האט פארלוירען זיין זכות פון זיין א מעמבער און א אנערקענטער רב דורך די אגוה"ר, דאס איז געקומען ווען ער האט נישט אויסגעפאלגט די תקנות און ער האט געגעבן א השגחה אויף א געוויסע פלייש פאקטארי וואס האט גערייכערט ווארשטלען און סאלאמי און די זעלבע פלאץ ווי 'מאנהעטן מיעט פעקטארי' א טריפה'נע געשעפט האט געמאכט זייערע פלייש.

די אגוה"ר האט געהאט ארויפגעלייגט א פארבאט צו געבן הכשרים אויף פעקטאריס וואס פראדוצירען כשר און טריפה אויפן זעלבן פלאץ נאכדעם וואס זיי האבן מברר געווען אז אזא פלאץ האט נישט קיין נאמנות, אזוי ווי הרב מארגאלין האט נישט געפאלגט די תקנה איז ער געווארן ארויסגעשטעלט פון די אגוה"ר, אויף דעם ארויף האט ער זיי גערופען אין קאורט.

דער הרב מארגאלין איז נישט געווען קיין קטלא קניא, ער איז געווען א מחבר פון עטליכע ספרים און א עורך פון פארשידענע ירחונים וקבובצים במשך זיינע יארען, אויסער דעם האט ער געשיקט תשובות און מאמרים צו גאר אסאך ירחונים איבער די וועלט, מ'קען טרעפן פון אים אין אלע פאפולערע ירחונים וקובצים.

ער האט געוואונט אין בראנזוויל ניו יארק, און פאר דעם האט ער געדינט אין עטליכע שטעט איבער אמעריקע, טייל פון זיינע ספרים זענען עוועיליבל ביי היברו-בוקס, ווי 'המעשה והמדרש' עטליכע חלקים און נאך.

די מודעה פון די אגוה"ר אין הפרדס וועגן די תביעה בערכעות.

איינער פון די אויפ-זעערס אין אגודת הרבנים איז געווען הרב ישראל ראזענבערג, ער האט געפירט א פאליטיק מיט די חסידישע אגודת האדמורי"ם.
דער ר' ישראל איז געגאנגען קוים מיט א בערדל.

פרעגער האט געשריבן:דער ר' ישראל איז געגאנגען קוים מיט א בערדל.

איז וואס? און מיט וואס זענען די וואס האבן זיך אנגענומען פאר די רבי'ס געגאנגען?

בן בוזי האט געשריבן:

פרעגער האט געשריבן:דער ר' ישראל איז געגאנגען קוים מיט א בערדל.

איז וואס? און מיט וואס זענען די וואס האבן זיך אנגענומען פאר די רבי'ס געגאנגען?

זיין מקום מנוחה ביי ר' ברוך אמסל'ן אויפן וועב זייטל http://kevarim.com/rabbi-yisroel-israel-rosenberg/

הרב מארגאלין איז געווען די עורך פון די ירחונים דגל הרבנים יגדיל תורה און אהל תורה

א באריכט אין א אנגלא-אידישע צייטונג פון פיטסבורג באשרייבט די יערליכע קאנווענשאן פון די אגודת הרבנים בשנת תרס"ו וועלכע איז אפגעהאלטן געווארען אין טרענטאן ניו זשערסי. ביי די כנסי' זענען ערוועלט געווארן די פאלגענדע רבנים צו די פאזיציעס;

ר' דוב בער לעווינטאהל פון פילעדעלפיא, פרעזידענט-נשיא
ר' שמואל רפפאפארט פון ספרינגפיעלד, מאס. (א ברודער פון ר' בנימין פאפירמייסטער פון גרענד-פארקס נארט דעקאטע) ווייס-פרעז.
ר' משה שמעון זיוויטס פון פיטסבורג, ווייס-פרעז.
ר' שלום אלחנן יפה פון ניו יארק, טרעזשוראר
ר' יהושע פאלק איזרעאליט פון טשעלסי, מאס., סעקרעטאר

עקזעקיוטיוו באורד (וועד הפועל)
הרב אייפעלשטיין (?) ניו-יארק
ר' זכרי יוסף ראזענפעלד, סט. לואיז, מיזורי
ר' ישראל ראזענבערג, בעיאן, נ.זש.
הרב ראביסאן (?) פעטערסאן, נ.זש.
הרב טורמאן (?) טרענטאן, נ.זש.

http://pjn.library.cmu.edu/books/pages. ... &file=0009

די ערשטע מאל איך פאל אריין אין דעם אשכול.
דער קעפל פון דעם אשכול איז אגודת הרבנים דארצות הברית
כ'האב געוואלט מעורר זיין אז דער נאמען איז ד'ארצות הברית וקאנאדא.

כ'האב געהערט אויף א טעיפ פון הרה"ח ר' סענדער דייטש ז"ל, ווי ער דערציילט, אז מ'האט אמאל אויפגעריפן רבי אליעזר סילווער ז"ל האט דער טשערמאן געזאגט, ראביי אליעזר סילווער פרעזידענט אוו אגודת הרבנים אוו דע יונייטעד סטעיטס..
האט רבי אליעזר אריינגעשריגן. ענד קענעדע..

גערעכט הרב בית, איך האב עס געטוישט

הרב מיללער שליט"א
איך וויל חלילה נישט קריטקירן אבער די אשכול איז אביסל נישט מסודר עס זעט אויס ווי ספעלט דא היבש אינפא
הנני עני מעש וכו' אויב איך מעג בעטן צי שרייבן בקיצר נמרץ די היסטאריא פון אגה"ר

jkup50 האט געשריבן:הרב מיללער שליט"א
איך וויל חלילה נישט קריטקירן אבער די אשכול איז אביסל נישט מסודר עס זעט אויס ווי ספעלט דא היבש אינפא
הנני עני מעש וכו' אויב איך מעג בעטן צי שרייבן בקיצר נמרץ די היסטאריא פון אגה"ר

ג"א מצטרף

דער אשכול גייט צוריק צוויי יאר, איר ווויל פון מיר א זאך וואס איך קען נישט, קוקט צוריק עטליכע תגובות וועט איר טרעפן דעם וויקי לינק:
http://en.wikipedia.org/wiki/Union_of_Orthodox_Rabbis
פאר א קורצע אפהאנדלונגאיבער די היסטאריע פון 'אגודת הרבנים'.

ועוד והוא העיקר, דער אשכול איז כדרכו אפגעהענגעלט געווארן פון איר מוטער הענגעל (אין די גוטע צייטן.....) מיטן ציהל צו פארברייטערן דער נושא א זאך וואס האט נאך דערווייל נישט פאסירט.

הרח"א בלאך כותב בדמע על שהוציאוהו מהאגודת הרבנים תקרא המכתבים הלוך וחזור - ותהנה...
http://www.archive.org/stream/chaimbloc ... 0/mode/1up

א העתקה פון א מחאה גלוי' קעגן מזרחי וועלכע איז געווען געדרוקט אינעם מאגן זשורנאל אונטערגעשריבן דורך די גדולי הרבנים מנוא יארק.