כ'האב אמאל געהערט א צחות פון רבי שמעון זאב מייזליש, ער האט געוואלט ארויס ברענגען א געוויסע נקודה אין א דרשה האט ער אזוי געזאגט: פארוואס פון אוסטראווצע איז גארנישט געבליבען, ווי נישט איז דאס געוועהן דארט א היפשט גרויסער פארקער פון חסידים. הוא מותיב והוא מפרק, ווייל א איד נאך מיטמאכען אזעלעכע צרות איז אריין געקומען הערט דארט ווי דער רבי זאגט א קאמפלעצירטע חשבון'דיגע פשעטיל גג על גג, זיין קאפ האט דאס נישט געקענט, נישט ווייט איז געוועהן א קליינע רבי וועלעכע האט געטיילט גוטע קוגעל און פירות לרחצה און דערציילט שיינע מעשיות, אוודאי איז ער דארט געבליבען, און פארשטייט זיך האט יענע קליינע רבי זיך צו וואקסען. עכתו"ד.
במחכ"ת הרמה, ניטאמאל פאר א ווערט איז עס גוט, וואס האט געזאלט בלייבן פון אסטראווצע ווען דער רבי און רוב חסידים זענען נעבעך געווען עלו על המוקד? איז דען דא א הווה אמינא אז חסידי אסטראווצע וואלטן נישט געלאפן צו הערן זייער רבי'נס פשט'ל נאכ'ן קריג?
אנטשולדיג מיר, איך נעם נישט קיין אחריות אויף דעם ווארט, כ'האב אראפ געברענגט פון בשמו פון וועם איך האב דאס געהערט, ער איז גענוג א גברא רבא כ'זאל איהם קענעם אראפ ברענגען, ספעציעל אין דער פארמאט אין וואס ער האט דאס געזאגט ווי אויך ברבים במקהלות יותר ממאתיים איש, אויב נישט מער.
וואס זאל איך זאגן, להזהיר גדולים על הקטנים, די גרויסע מענטשען זאלן אריין פאלן אין קליינקייטן...
וואס רעדסטו, אלע אסטראווצער חסידים זענען געווען דבוק אין זייער רבי, זיי האבן ארויס געגעבן די ספרים מאיר עיני חכמים, דריי בענדער אלץ וואס מענטשען האבן געדענקט! עס איז געווען צען מאל אזוי פול, אבער עס איז נישט געווען פונקטליך אל הנקודה האט מען דאס נישט געדריקט.
יעצט ווערט געדריקט א וועכנליכע גליון, פון תורות. ממילא האט דער ווארט נישט קיין שום האפט. אנטשולדיגט מיר הרב מייזליש.
בנוגע די עצם ענין, די קשיא איז די חסידות'ער וואס האבן יא געווארן עפעס פון דעם. איר ווייסט וויפול חצירות האבן בטל געווארן, פון פולין, גאליציע, רוסלאנד און ליטע? א שטיייגער ווי קאלאשיץ און סטרעטין, (ריזיגע חצירות אין גאליציע). טריסק, קאזניץ, און ראדזין, אין פולין. אלע חב"דסקע חצירות ווי באברויסק און קאפוסט. קוידינוב אין לעכאוויטש, זינקוב, מקרארוב און טולנא, פון אוקריינא. די אלע חצירות [רובם ככולם] האבן געווען פול גרעסער ווי סאטמאר מונקאטש וכו' וכו', נו וואס איז געווארן... די חצירות באבוב און גער האבן געהאט א רבי זאל זיי צוזאם נעמען אבער אנדערע האבן נאר געווארן פון אונגארישע אידן, וואס עס האבן געבליבן אביסל מער ווי שנים בעיר ואחד במשפחה.
