עשרת השבטים

[שוועמל]

דא הא איך געשריבן איבער א מעגליכקייט אז סמבטיון איז געפונט זיך אין עטיאפיע.
http://www.ivelt.com/forum/index ... =viewtopic

[scy4851]

סאיז דא וואס טענהן גאר אז דער בערמיודע דריי עק איז דער סמבטיון

וויא אזוי קען דאס זיין?
דער בערמיודע טרייענגעל שלינג דאך איין שיפען. ער ווארפט נישט קיין שטיינער!

[imzist]

איך בין נישט זיכער, אבער כפי ידיעתי איז די אלע מלוכות און עבר הסמבטיון, גייען ארויף אויף די בני משה, .

ווען האבען זיך די בני משה אפגעטיילט פון די עשרת השבטים

אדער פון די בני יהודה..
אזא זאך וואלט געדארפט שטיין אז מען האט זיי באזונדער פארטריבען...

א גאר באקאנטער מדרש דאס, אז "ווען נבואזראדן האט פארטריבן די אידן אין גלות אריין, האט ער געבעטן די לוויים צו זינגען שירה פאר אים, אזוי ווי ס'שטייט אין פסוק: שירו לנו משיר ציון, האבן די לויים אפגעביסן די שפיץ פון זייערע פינגערס, זיי זאלן נישט קענען זינגען שירה.

איז געקומען א וואלקן און אוועקגעטראגן די לוויים הונטערן סמבטיון" (אז מען קען עס ליינען מיט'ן ואני ניגון, מה טוב ומה נחום).

זעט אויס אז די לווים דארטן זענען געווען נאר פון די בני משה.

[דוד משמש]

עס פעלט מיר און הבנה - ווען מען האט פארטריבען די עשרת השבטים - ווי אזוי זענען זיי אריבער דעם סמבטיוi - מילא די לויים האט א וואלקען געטראגען ווי געברענגט פריער פון מדרש.בדרך נס - מסתמא אויף זייער געוואלדיגע מסירות נפש

אבער אשור ווי ווייט האט ער שוין געקענט פארטרייבען די טויזענטער יודען - עס איז דאך נישט געווען קיין פליגערס
אדער ווי האט ער באוויזען אריבער צו קרייזען דעם סמבטיון

נומער 2 וואס כ'וויל וויסען- ס'טאקע דא א מחלוקת און די גמרא אויב זיי זענען נטמע געווארען אדער נישט
קאן זיין אז דעמאלסט זענען זיי נאך געעוען באזונדער - אבער שפעטער נאך זי זמן פון חכמי הש"ס אפש זענען זיי נטמע געווארען.. עס איז דאך נישט דא קיין גאראנטי .. ווי לאנג דער יצר ווערט נישט געשאכטען לעתיד אל יבטחך יצרך.. איז ביי זיי געווען אנדערשט ??
קוקט אויס פון די פסוקים און די נביאים אז אונז די בני יהודה זענען געווען א סאך בעסער ברוחנית ווי זיי... מען דארף פארשטיין...

כ'מיין אז אלדד הדני ווערט געברענגט און תוס' מסכת חולין ריכטיג ?? זעיט אויס אז בזמן התוס' זענען זיי נאך געווען אנשים כשרים
(די פאלאשען כ'מיין אז די רבנים האבען זיי נישט אנגענומען ווי יודען ריכטיג.. זיי דארפען אדורך גיין א גיור .. איא?

[קליקו]

יעצט חוה"מ האט הערשל פריעדמאן אינטערוויוד א יוד פון לעיקוואוד וואס טענהט אז ער האט דאס פלאץ און סאיז העכער חאטין, ער האט א חבר וואס האט פרובירט אריינצוזומען איבער זייער יישוב אין מזעהט גארנישט

אלענספאל דא קען מען זיי די ריזיגע מעכטיגע מדבר העכער חאטין, מיט נאטירליכע מעכטיגע אויסשטיעלונגען פון זאמד און וואסער הרים ובקעות, מיליאנען מענטשען וואוינען דארט מיט הערליכע פעלדער

http://maps.google.com/maps?hl=en&q=hot ... a=N&tab=wl
אויך אין די מאגאזין "משפחה" איז געווען אן ארטיקל פאריגע וואך מיט א ירוישלמיר איד, וואס טענהט די זעלבע ביידע זאגן אז ווען זיי ווילן זיך אהיןלאזן ברעכט אויס מלחומות

[בן בוזי]

דיין לינק פירט צו אן אנדערע פלאץ, דער אמת'ער אויסלייג איז khotan זוך עס אויף וועסטו געפונען דערוועגן אויף וויקיפידיע אויכעט, איך האב פראבירט צו זוכן אויף מעפס אבער ס'קען זיין אז דער שטאט פון וואס ער רעדט וואס באדארף צו הייסן משה הייסט אפשר היינט Muja האב איך דאס געפונען אויף איינע פון די מאפעס נישט ווייט פון חאטען, אבער קיין טייכל האב איך נישט געפונען, דער זעלבע איז מיט דאס וואס ער זאגט אז ס'איז דא א טייכל Sanju האב איך אויך נישט געפונען אויפן וועב, וואס יא עס איז דא א פאס וועלכע ווערט אנגערופען די Sanju Pass דאס איז א שטיקל לאנד אויף וואס מ'קריגט זיך שטענדיג.

דער ארטיקל אין משפחה האט געהאט מער אינפארמאציע, יענער איז שוין אזש געפארן קיין חאטען, און אנגעקומען נישט ווייט פון דער שטאט 'משה', א לאקאלער פירער וועלכע איז געזיצן און געפייערט דעם ראמאדאן חאגע האט איהם געוואוסט צו זאגן אז די מענטשן פון אויבן דער בארג האבן נישט קיין שום שייכות מיט קיינעם צומאל קומען זיי פארקויפן זייערע זאכן אין מארק און פארשטוישן נישט קיין ווארט מיט קיינעם אויסער וואס האט שייכות צום האנדל. ער האט אויך געזאגט אז זיי זענען גאר הויעך אין געוואוקס. אבער למעשה האט זיך פאר איהם געמאכט פילע עיכובים פון למעשה אנקומען אהין.

[פונקטליך]

דא איז דאס פלאץ, אבער איך זיך נאך די שטעטל MOSHE און די טייך SANJU וואס דארף צו זיין דער סמבטיון

[בן בוזי]

קלאפ אריין Sanju אין די קעסטל דארט אויבן וועט עס אויף קומען נישט ווייט פון Khotan

[זיס]

געזען ערגעץ דעם יום טוב א באשרייבונג פון עטליכע אוועקגעפאלענע אידישע שבטים, ווי אזוי זיי פראווען דעם יום טוב סוכות. עס איז זייער אינטערעסאנט.

אפשר קען מיר איינער דערמאנען וואו איך האב עס געזען...

[יהיה כן]

האסט עס געזעהן אין 'מעלות'

לענ"ד רעדט זי דארטן שטותים והבלים....

[קליקו]

דא ברענגט ארויף איינער די נושא מיט א לינק צו די ספר וואס פאארציילט די מעשה פון רבי הילל קאלאמייער זי"ע
http://bhol-forums.co.il/topic.asp?cat_ ... m_id=19616

[יהיה כן]

ס'האט מיר דערציילט אן אייניקל פון הגה"צ ר' משה הלברשטאם זצ"ל חבר הביד"ץ אז ביי זיין זיידן איז געליגן כת"י פון זיין עלטער שווער (זיין שווער הגה"צ ר' הלל בן ר' עקיבא יוסף שלעזינגער) הגה"צ ר' עקיבא יוסף וועלכער האט באשריבן פארשידענע מורא'דיגע גילויים וואס ער האט געהערט פון דעם איד פון טיבעט, ובתוכם גילויים אויף די נשמה פון הייליגן צאנזער רב ועוד
האט שוין איינער דא געהערט דערפון? אויב יא וואו ליגן די כתבים כהיום??

[פונקטליך]

בן בוזי, דא האסטו שוין געקוקט?
עס קוקט אויס אינטערעסאנט

[אויפריכטיג]

פון וועלכע שטיינער רעדט מען דארט?

[קליקו]

דאס איז די לעצטע קאמענט דארטן

Hi, my Name is Lea Steir, I noticed that you have pictures loaded on Google Earth and I was wondering if you can help me out. I am looking for lost family that I know is located some distance east of Khotan at approximately 37°29’04.13” N – 78°01’03.04” E. The family has an old German map listing the town as “Moshe”. I am not certain that Moshe is the correct spot though. There is also a family legend that nearby the town (in which they live) there is a river that bubbles all week long except Saturday. Being that you traveled so close to this spot I was wondering if you came across such in your traveling’s. Any and all info would be greatly appreciated. Thanks. Lea. [email protected]

[זיס]

האסט עס געזעהן אין 'מעלות'

לענ"ד רעדט זי דארטן שטותים והבלים....

איך דערמאן זיך.

איך האב עס געזען אדער אין דער לינק, אדער אין די שאפערס רוט, געדענק שוין נישט פונקטליך.

איך מיין אז דער שרייבער דארט איז שמואל פוקס (עכ"פ די פעננאמען).

[פונקטליך]

די שטאט חאטען ווערט אין די היינטיגע מפות אנגעריפן
Hetian, Xinjiang, China

דערנעבן (מערב-דרום) איז דא א פלאץ וואס הייסט sanju,
ווען מען זיכט עס אויפן מעפ (גוגל-בינג) לייג מען אריין
Sanju DabanPishan, hetian, china
אבער די טייך פון וואס ער רעדט האב איך נאכנישט געזעהן ווי אויך א שטעטל מיטן נאמען moshe
איז היינט נישט דא

[שוועמל]

אין פאנאראמע האב איך יעצט געטראפן א בילד פון א גרויסן געביידע גערופן Moschee von Khotan
http://www.panoramio.com/photo/5470379

[קליקו]

אינטערסאנט אז נשיונעל ג'אוגרפיק זאל נישט האבן קיין באשרייבעכצער און בילדער פון יענעם מדבר

[פונקטליך]

אין די לינק וואס איך האב געברענגט אויבן רעדט ער ארום איבער די טייערע jade שטיינער וואס מען געפונט (פלעגט געפונען) דארט ביים טייך אין מדבר
ער האט דארט בילדער פונעם טייך און ארום דעם טייך איז פיל מיט שטיינער,
ס'פליעט נישט קיין שטיינער אבער די וואסער איז פיל מיט שטיינער
די טייך איז א (שמאלע) לאנגע טייך
אפשר איז דאס די סמבטיון ?
עס איז נישט ביי די פלאץ sanju
אין די ערשטע תגובה דארט שרייבט יענער די פונקטליכע מעשערמענטס וואס מ'לייגט אריין אין google earth און מ'קען זעהן דעם טייך

[שוועמל]

נישט לאנג צוריק איז געווען א שווערע ערד ציטערניש אין כינע אין Xinjiang געגענט, איז דאס געווען נעבן די משה געגענעט?

[scy4851]

ספר הברית החדש עם נהר סמבטיון במדינת חינא
http://hebrewbooks.org/20455

[טהור-עיניים]

סאיז דא וואס טענהן גאר אז דער בערמיודע דריי עק איז דער סמבטיון

שטויות מיט לאקשן.
בירמיודע איז א שטח אין וואסער, דאס ביסל לאנד איז די בהמות און מיאמי.

דער גאנצער בערמיודע דרייעק איז גארנישט אזא זיכערע זאך, פילע טענה'ן אז דאס אליינס איז הוילע דימיונות

[טהור-עיניים]

ווי שטטיט אז דער סמבטיון ווארפט שטיינער - איך האב נאך נישט געזען אזא חז"ל אדער ראשון.

עס שטטיט אז די וואסער לויפט שנעל... דאס איז שוין נישט אזוי מערקבאר

איך האב געלערנט ביי א רבין אלס קינד וואס האט -פונקט ווי איך- געהאט א שטארקע אינטערעסע אין די ענינים און ער האט זיך תמיד פאראינטערסירט איבער זיי, ווען אימער ער האט געפינען א גוי פון אינדיע האט ער אים געפרעגט צו ער ווייסט עפעס פון א טייך וואס ווארפט שטיינער. ער האט מיר דאן געזאגט אז ער האט שוין געהערט פון צוויי באזונדערע אינדיאנע גויים איבער א געוויסען טייך וואס ווארפט שטיינער און רוהט שבת. ער האט מיר פארציילט אז ער האט זיי אפילו געבעטען דאס צו ווייזען אויף א מאפע און ביידע האבן געצייגט אויפ'ן גענויעם פלאץ.

אייער רבי מיט זיין גיטען אינדיאניש רעדן געמישט מיט יודיש ענגליש און לשון הקודש אויףאיינמאל - מיטען כינעזער גוי.. זיי האבען מסתמא נישט געוויסט וואס דער מענטש וויל פון זיי.. (זייער שוואכע ראיות...)

די אינדיאנער רעדן דוקא גאנץ גוט ענגליש, (עס איז פאר פילע יארן געווען אן ענגלישע קאלאניע) כאטש מיט א שווערן אקצענט, אבער מען קען זיך פארשטיין מיט זיי.

לויט די גמרא אין סנהדרין זעט אינגאנצן נישט אויס אז זיי גייען אמאל צוריק קומען. מיר האבן אלע זייער ליב די מעשה מיט דעם אנדערן זייט סמבטיון, עס איז זייער א מיסטעריעזע סאבדשעקט, וואס ציעט אויטאמאטיש דעם נייגער. אבער לפי הגמ' (לויט די דעה רעד איך) זענען זיי פארלוירן אויף אייביג.

און עס איז אינגאנצן נישט שווער צו פארשטיין. פאקטיש האבן די עשרת השבטים (ליידער) נישט אויסגעקוקט צו אידיש אפילו ווען זיי זענען נאך געווען אין ארץ ישראל, זיי האבן ממש גארנישט געהאלטן, איז דאך זייער פשוט אז נאכן ווערן פארטריבן און צושפרייט, און קיין שום רוחניות'דיגע הנהגה, אז ביז אפאר יאר איז פון זיי קיין זכר נישט געבליבן.

קוקט אן וואס איז געשען אין אמעריקא, ווען עס זענען אנגעקומען טויזענטער אייראפעער אידן, און אן קיין הנהגה איז ביים צווייטן דור שוין כמעט נישט געווען קיין זכר פון זיי, און דאס איז ווען זיי האבן געקענט האבן געהעריגע קאמיוניקעישן מיט די תורה צענטערן אין אייראפע, און דא אליינס זענען געווען ערליכע אידן. כש"כ די עשרת השבטים, וועלכע זענען אנגעקומען אין גוי'אישע לענדער, אן קיין שום הנהגה, אן קיין שום קאנעקשן צו ערליכע תורה אידן, וואס האט שוין געקענט בלייבן פון זיי.

אחרי ככלות הכל, וואלט געווען אינטערעסאנט ווען איינער זאל מאכן א געהעריגן זשורנאליסטישן אויספארשונג איבער דעם נושא, און געהעריגן באשרייבן (נישט אויף קיין באבע'דיגען אופן) א ריכטיגן אפהאנדלונג איבער די נושאים פון עשרת השבטים, סמבטיון, בני משה. לויט חז"ל, לויט גדולי ישראל נאך חז"ל, און דערנאך אלע אנדערע זאכן וואס מען ווייסט (נישט וואס מען חלומ'ט, וואס מען ווייסט) אזוי אז עס זאל זיין עפעס א קלארקייט אין דעם גאנצן אומקלארקייט.

[leiby]

לויט דיר ווי שטימט די מעשה מיטן בעל אקדמות?