אויף דרום האט אטאקירט די 6טע פאנצער ארמיי, היטלער האט געשטעלט דעם עס. עס. "אויבערשטורמפירער" (קאלענאל) "יאאכים פייפער" צו גיין אין שפיץ מיט א גרופע פון די 1ST עס. עס. דיוויזיע.
פייפער איז געווען א וועטעראן פון די רוסישע פראנט, און א בריליאנטענע קעמפער, ער איז אייביג געווען אויף די ריכטיגע פלאץ אין די ריכטיגע צייט, ער האט פארדינט די העכסטע אויסצייכענונגען פון די דייטשע מיליטער פאר זיין העראיזם, "קאמפסגרופע פייפער" איז באשטאנען פון איבער 3,000 וועטעראן עס. עס. טרופן מיט איבער 150 טאנקען און נאך צענדליגע געפאנצערטע טראקס און מאשינען, 45 פון די טאנקען זענען געווען די מאנסטער "קינג טייגער" טאנק, עס האט געוואויגן כמעט 70 טאנ'ס און איז געווען לאנג 25 פוס, די פראנט פלעיט 7 אינטשעס דיק!! קיין שום אמעריקאנע אדער בריטישע טאנק אדער אנטי טאנק גאן האט דאס נישט געקענט בייקומען מיט א שאס פון די פראנט. די שעלס פלעגן זיך פשוט אראפגליטשן דערפון, עס האט פלאך געמאכט יעדע זאך וואס איז געשטאנען אין וועג פון דזשיפס טאנקען ביז ביימער און בילדונגס... און די מעין גאן איז געווען א 88 מילימיטער קאנאן (כמעט 3 אינטשעס) וואס האט געקענט לעכערן די שווערסטע אלאירטע טאנקען פון א ווייטקייט פון איבער 1,600 יארד.
אלעס אינאיינעם איז עס געווען א מעכטיגע פארס וואס האט נישט געהאט זיינס גלייכן.
איין גרויסע פראבלעם האבן זיי געהאט, נעמליך עס איז נישט געווען גענוג געזאלין צו גרייכן די מעעז און אפגערעדט צו אנטווערפן.. וואו באקאנט ביי די ענדע פון די קריג האבן די דייטשן געליטן פון א שרעקליכע מאנגל אין געזאלין אלץ א דירעקטע רעזולטאט פון די אומאויפהערליכע אלאירטע באמבאדירונגען אויף די דייטשע אויל רעפיינעריס.
די דייטשן האבן וועגן דעם געפלאנט צו פארכאפן די אמעריקאנע געזאלין דאמפס, און אזוי אנפילן זייערע מאשינען.
וואו דערמאנט אויבן איז פייפער געווען געשטראנדעט אין די מאסיווע טרעפיק פון די הונדערטער טאנקען און מאשינען אונטער די אינפאנטרי ער איז אנגעקומען צו לענזערעט ערשט ביינאכט. און פון דארט און ווייטער האט ער געפירט די וועג ער איז געווען זייער בייז אויף די פארשפעטיגונג ער האט שוין געהאט גענוג... ער האט זיך ארויסגעלאזט מיט זיינע טאנקען אויף היי ספיד מיטן ציל צו קראסן די מעעז וואו שנעלער.
דעצעמבער 17 אינדערפרי די צווייטע טאג פון די אטאקע איז פייפער אנגעקומען צו Honsfield
http://goo.gl/maps/7SyfF וואו ער האט אנגעטראפן אפאר צענדליגע אמעריקאנע סאלדאטן ער האט זיי איבעראשט און גענומען אין געפענגעניש אויך האט ער דארט געטראפן א געזאלין סופליי וואס ער האט גענוצט פאר זיינע טאנקען. דאס איז געווען די ערשטע און די לעצטע מאל וואס ער האט פארכאפט א אמעריקאנע געזאלין דאמפ...
12:30pm איז די גרופע געווען צוויי מייל פון "MELMADY" א קליינע טאון אין די ארדענען דארט האבן זיי אנגעטראפן א קאלום פון אמעריקאנע מאשינען און טאנקען, נאך א קורצע פייער אויסטויש האבן זיך די לייכט באוואפנטע אמעריקאנער אונטערגעגעבן, נאכן צונעמען זייער געווער האבן די עס. עס. צאמגענומען בערך 120 אמעריקאנער און זיי געפירט צו א פעלד און געשטעלט וועכטער, נאכדעם וואס די קאלום האט אנגעהויבן ווייטער צו פארן האבן די וועכטער פלוצלינג אנגעהויבן שיסן אויף די אמעריקאנער.. זיי האבן קאלטבלוטיג אויסגעשאסן 84 אמעריקאנער און געלאזט די קערפער ליגן, וואו עס איז פארפרוין געווארן. 43 אמעריקאנער האבן באוויזן זיך צו ראטעווען זיך מאכנדיג טויט אדער דורך זיך באהאלטן זיי זענען שפעטער צוריק אנגעקומען צו די אמעריקאנע ליניעס מיט די הילף פון בעלגישע ציווילע מענטשן.
די אמעריקאנער האבן עס אויפגענומען מיט שאק און אויפברויז, דאס האט שטארק בעקפייערט די דייטשן, די אמעריקאנער האבן אנגעהויבן קעמפן מיט א שרעקליכע פארביסנקייט וואס איז נישט געזעהן געווארן ביי אנדערע שלאכטן, די מאסן מארד האט עווענטועל געפירט צו די Malmedy massacre trial אין 1946 וואו איבער 30 עס. עס.'ניקער פון די גרופע זענען געהאנגען געווארן.
דעצעמבער 18 איז פייפערס גרופע אנגעקומען צו Stavelot
http://goo.gl/maps/zQKBA א וויכטיגע טאון אויפן וועג צו די מעעז, די אמעריקאנער האבן פרובירט אפצוהאלטן פייפער פון ארויפארן אויפן ברידש העכער די Amblove ריווער מיט אנטי טאנק גאנס און 50 קאליבער מאשין גאנס זיי האבן צושטערט אפאר טאנקען אבער די דייטשן האבן זיך געשטארקט און די אמעריקאנער האבן זיך געמוזט צוריקציען, די דייטשע טאנקען זענען אריבער די ברידש אריין אין טאון די אמעריקאנער האבן פרובירט צו פארטיידיגן די טאון אבער נאך א טאג ביטערע קאמפן האבן די דייטשן איינגענומען די טאון, נישט בעפאר די אמעריקאנער האבן באוויזן אויסצוליידיגן די געזאלין סופליי.
פייפער האט נישט פארברענגט קיין צייט, ער האט זיך ארויסגעלאזט מיט זיין מעין פארס צו די וויכטיגע ברידזש ביי Trois-Ponts
http://goo.gl/maps/hCpQu ער האט איבערגעלאזט אין stavelot א קליינע rear guard וואס האבן טערעראזירט די ציווילע באפעלקערונג און האבן אויסגע'הרג'ט צענדליגע בעלגישע בירגער. ביז א קורצע צייט האט ער עס דערגרייכט אבער די אמעריקאנע אינדזשענירן האבן עס אויפגעריסן פאר זיין פנים!! נישט האבנדיג קיין ברירה האט ער זיך ארויסגעלאזט צו La gleize און פון דארט האט ער געדרייווט ווייטער צו די Lienne ריווער
http://goo.gl/maps/ir2H0 ווידעראמאל האבן די אמעריקאנער אים אויסגעכאפט און אויפגעריסן די ברידש פאר זיין פנים!! זיין געזאלין איז שוין געווען קריטיש נידריג און ער האט אנגעהויבן אויסלויפן פון עסן און אמיוניציע. אין די וואלד צווישן La-gleize און Stoumont
http://goo.gl/maps/yO76R פרובירנדיג אויפצוקומען מיט א אלטערנאטיוו און ווארטנדיג אז זיינע סאלדאטן זאלן צוריק אייננעמען stevalot אינצווישן האט די לופטוואפפע איינמאל און נאכאמאל פרובירט אראפצוווארפן פרישע סופלייס דורך ערעפלאנען, אבער זייער א קליינע פראצענט איז אנגעקומען צו די דייטשן רוב איז אריינגעפאלן צו די אמעריקאנער.
ביזדערווייל האבן די אמעריקאנער זיך באפעסטיגט אין Stoumont
http://maps.google.com/?q=Stoumont%2C+B ... l=en&gl=usוואס איז מעריב פון la gleize צו בלאקירן פייפער פון גיין ווייטער צום מעעז.
דעצעמבער 19 האט פייפער פלוצלינג אטאקירט Stoumont נאך א צוויי שעה'יגע שלאכט האט ער איינגענומען די טאון.
דאן האט ער באקומען די מעלדונג אז די אמעריקאנער האבן צוריק איינגענומען Stavelot און האבן אויפגעריסן די איינציגע ברידזש וואס איז געווען די איינצוגסטע וועג וואס די דייטשן וואלטן געקענט ברענגען סופלייס און פארשטארקונגען פאר פייפער דאס האט געמיינט אז זייער סופליי ליניע איז געווארן אפגעהאקט און זיי זענען געווארן ארומגערינגלטער האט געשיקט איין קאמפאני צוריק איינצונעמען Stavelot
http://goo.gl/maps/xzw87 אבער עס איז שוין געווען צו שפעט די אמעריקאנער האבן זיך גוט באפעסטיגט און סוקסעספול אפגעשלאגן די דייטשן.
די פייפער גרופע איז מיט יעדן פארבייגייענדע טאג געווארן מער אפגעשוואכט ביי יעדע שלאכט האבן זיי פארלוירן טאנקען און מענטשן און קיין ערזעצונג האבן זיי נישט באקומען. סופלייס פון עסן און אמיוניציע האבן אנגעהויבן אויסלויפן אבער די געזאלין סטאטוס איז געווען קריטיש.. פאקטיש איז די וועג צו גיין ווייטער צו די מעעז געווען אפן, אבער האבן פשוט נישט געהאט קיין געזאלין צו פארן ווייטער!!...
פייפער האט אנגעהאלטן זיינע פאזיציעס לענגאויס Stoumont ווארטנדיג אויף פרישע סופליי און פארשטארקערונג.
דעצעמבער 19 פארנאכטס האט ער זיך אריינגעצויגן אין די וואלד צווישן Stoumont און la gleize און די זעלבע צייט איז אנגעקומען דארט די אמעריקאנע 82nd עירבאורן דיוויזיע און אנגענומען פאזיציעס אין La gleize און אין Stoumont און האבן אנגעהויבן אטאקירן די דייטשן פון LA GLEIZE די דייטשן האבן געקעמפט מיט ציין און נעגל אין א הויז צו הויז שלאכט, דעצעמבער 21 האבן קליינע גרופעס אמעריקאנער אטאקירט Stoumont אבער זענען צוריקגעשטויסן געווארן ליידנדיג גרויסע פארלוסטן.
די אמעריקאנער האבן אנגעהויבן באשיסן די דייטשע פאזיציעס מיט טאנקען און ארטילערי. די מצב פון די דייטשן איז שוין געווען האפענונגסלאז זיי האבן געמאנגלט אין עסן און אמיונוציע און האבן שוין פארלוירן צווי דריטל פון זייערע מענטשן. אבער זיי האבן געפירט א ביטערע הויז צו הויז שלאכט. מיט די אמעריקאנער.
דעצעמבער 23 האט פייפער באשלאסן אז אויב וויל ער נישט אריינפאלן צו די אמעריקאנער מוז ער זיך שנעל צוריקזעהן צו די דייטשע ליניעס... ער האט געהייסן זיינע מענטשן אויפצורייסן אלע איבריגע טאנקען און מאשינען עס זאל נישט אריינפאלן צו די אמעריקאנער,און איז אנטלאפן צופוס דורך די וועלדער אינאיינעם מיט 800 פארבליבענע סאלדאטן (איבערגעבליבן פון איבער 3,000) צוריק צו די דייטשע פראנט ליניעס
די שרעק ווארפנדע "קאמפסגרופע פייפער" וואס האט טערעראזירט די אמעריקאנע מיליטער פאר א וואך צייט איז געווען א פארגאנגענהייט... די בעסטע דייטשע קעמפער וואס האבן געדארפט צו פירן די וועג פאר די 6טע פאנצער ארמיי צו אנטווערפן זענען נייטראלאזירט געווארן און א אומערזעצבארע פארס פון די בעסטע דייטשע טאנקען איז גענצליך צושטערט געווארן.
פארזעצונג קומט אי"ה
