נייע היימישע קאר סערוויס אין וויליאמסבורג

[סתם_אזוי]

קול מבשר אדווערטייזט עס שוין אפאר טעג. זייער טעלעפאון נאמבער איז 718-782-7878

איינער ווייסט אפשר מער אינפארמעישן: ווער איז די בעה"ב? ווער גייט דרייוון (בחורים/יונגעלייט)? זענען זיי אפען 24 שעה א טאג? וויפיל בעטן זיי א טריפ? א.א.וו.

[כולל יונגערמאן]

עס איז א לעגאלע קאר סערוויס פארמאגט קארס, עס גייען דרייוון אי''ה נאר אינגעלייט,

[ראמני 08]

נאר כולל יונגעלייט?

[קאקאש קעיק]

עס איז א לעגאלע קאר סערוויס פארמאגט קארס, עס גייען דרייוון אי''ה נאר אינגעלייט,

דאס איז דיין נייע מעידזשער ביזנעס?

[קרעמער]

איך האב הנאה צו הערן איבער די ערעפענוג פונעם נייעם היימישן קאר סערוויס, מיט די האפענונג אז דאס וועט צושטעלן אמטן פאר ארבעטלאזיגע אידן וואס זענען גענוג קלוג זיך צוצוכאפן צו יעדן סארט אמט וואס קומט זיי אונטער. איך האף זיי צו שטיצן.

[סתם_אזוי]

אין אמת'ן אריין האף איך אויך אז ער וועט זיך צושטעלן צום ציבור מיט אלע סערוויס. נישט אזויווי ביז היינט ווען מען האט געדארפט צוקומען צו א אידישע קאר סערוויס האט ער געטון א גאנצע טובה מיטן קומען. איך נוץ אסאך קאר סערוויסעס, און אויב ער שטעלט זיך שיין אהער וועל איך אי"ה זיין זיין סטעדי קאסטומער. ער וועט מאכן אסאך געלט אויף מיר.......

[חידוש נפלא]

איך וועל אים אויך בל"נ שטיצן, עס וואלט שוין לאנג געדארפט זיין אזא סארט זאך אזוי ווי עס איז דא אין קרית יואל, ליבערמאנס, הצלחה, מאטיס, און נאך וואס עס איז א מקור פרנסה ברוך השם פאר צענדליגער אינגעלייט, ביי אונז אין ווילי מעג אוודאי זיין אזא זאך און מען דארף עס שטיצן, [איך בין נישט קיין עידזשענט, איך ווייס ניטאמאל ווער דער בעה"ב איז]

[צייטליך]

ווי איך הער הייבט ער שוין מיט עטליכע דרייסיג היימישע אינגעלייט, איך שטיץ עס שטארק.

דער נייער ביזנעס עפענט א אינגערמאן ר' יוסף כ"ץ (יליד מאנסי) אן איידעם ביי ר' הערשל כ"ץ אין וומ"ס. ער עפנט דאס אינגאנצן לעגאל מיט TLC לייסענס פלעיט'ס. עס וועט שוין ענדליך זיין א געהעריגער הייימישער קאר סערוויס פירמע דא אין דער אידישער וויליאמסבורג, א זאך וואס האט שוין לאנג אויסגעפעלט.

אין די יעצטיגער שווואכער מצב אין די אקענאמיע איז דאס א גוטער געלגענהייט פאר אינגעלייט אנצונעמען א דזשאב דארט, מ'קען זייער שיין ליייזן אויף אזא דזשאב אויב ארבייט מען געהעריג און גענונג שטונדען.

איך ווינטש אום אסאך הצלחה!

[אלחנן]

עס וועט אויך זיין צוגעשטעלט ביי זיי א גויאשע דרייווער'ס פאר די וואס וועלן בעטן (פרייוועסי)

באריכטעט אויף קול מבשר.

[געדולד]

וויפיל בעט ער א לאקאל?

[צום זאך]

עקסקלוסיוו: אויסגעשלאסענע באריכט דירעקט צו ק.נ.א. נייעס אגענטור!

עס איז געלונגען פאר איינע פון די ק.נ.א. קארספעדאנטן (נאמען, זאל מען אפגעהיטען ווערן) צו כאפן א שמועס מיט א מארקעט סטראטעגיסט וואס איז שטארק אינוואלווד אינעם עפענונג פון די נייע פירמע.
מיר האבן אים געשטעלט די פראגע; וכי מה היום מיומים.. וואס איז די חידוש פון די נייע קאר סערוויס, ס'פעלט דען קאר סערוויס'ס אין וויליאמסבורג??

האט ער אונז ארויסגעברענגט עטליכע הויפט פונקטן מיט וואס די נייע "וויליאמסבורג קאר און מעסנעדזשער סערוויס" פארשפרעכט צו זיין אנדערש און בעסער פון די ביז יעצטיגע;

*זיי פארשפרעכן צו זיין גאר (בדידי.. הממ.. כ'מיין צו זאגן-) צייטליך! זיי האבן אינוועסטירט אין א טייערע סאפיסטיקירטע GPS טרעקינג סיסטעם, וואס וועט ערמגליכן פאר די דיספעטשער'ס וואס זיצן אינעם קאנטראול-טאוער צו טרעקן ווי יעדע קאר געפונט זיך, אזוי אז ווען איינער רופט א קאר וועלן זיי גלייך זעהן ווי ס'געפונט זיך די נענסטע קאר צום רופער, ווי אויך איז דאס מעלה ברוחניות ודי

*זיי גייען האבן עכט "היימישע" און אחריות'דיגע דרייווערס! אזוי אז איר וועט זיך רואיג קענען פארלאזן צו שיקן אייער קינד מיט זיי, אדער שיקן זיי וואספארא מעסנעדשער געברויכען מיט זיי

*זיי גייען זיין די ערשטע "לעגאלע" אידישע קאר סערוויס! וואס וועט זיי ערמעגליכן צוצישטעלן אומזינסטיגע רייזעס פאר עלטערע אידן, און נאך אסאך בענעפיטן. (ווי אויך איז'ס א מעלה ווייל ביי א ליגאל קאר סערוויס דארף מען נישט האבן קיין קאר-סיט פאר די קליינע)

בקיצור, אזאנס איז נאך נישט געווען אין די היסטאריע פון וויליאמסבורג!
וויליאמסבורג, איר האט עס דערלעבט, תתחדש!!

מיר האבן זיי געוואונטשען גרויס הצלחה!

נ"ב, מיר האבן אים פארגעשלאגן א איידיע צו מאכן א סארט יוניפורם פאר אלע זייערע קארן, ווי צום ביישפיל לייגן "קוטשמע'ס" אויפן דאך - א שטייגער ווי די יעלאו-קעב'ס - אזוי וועט עס זיי מאכן שטארק פאפולער (און אין איין וועגס וועט עס זיין נאך א אינקאם פון די אדווערטייזמענטס/קול-קורא'ס...), אויף דעם האט ער גענטפערט אז ס'איז נאך צו פריה פאר דעם.. גענוג וואס דער יונגערמאן איז מסכים ארומ-צודרייוון זיין (וועמענס??) שיינע קעמרי מיט T&LC ליווערי פלעיטס, מיט א קוטשמע אויפן קאפ איז שוין טו מאטש...

[סתם_אזוי]

דאס איז די ביזנעס קארד וואס אסאך אירע האבן היינט אינדערפרי געטראפן אויף זייערע קארס.

[געדולד]

איך האב אויך יעצט געהאט אן אויסשליסלכע אינטערוויו מיט'ן דיספעטשער, איך האב פראסט און פשוט אויפגעהויבן דעם טרייבל און איר געפרעגט וויפיל עס קאסט א לאקאל? דער ענטפער איז געווען זעקס טאלער.

מיין ארימע מיינוג איז, אז ער זאל די ערשטע צוויי חדשים בעטן נאר 5 דאלער, אזוי וועט ער אי"ה שטארק אריינקומען אינעם מארקעט, און דערנאך זאל ער ארויפגיין. די מעלה פון זיין צייטליך, וואס זיי האלטן אין איין פראפאגענדירן, איז נישט קיין מעלה וואס ערפילט א חסרון וואס מיר האבן געהאט ביז יעצט - די ברוקלינע זענען היבש פונטקליך. כדי אבער די עולם זאל זיך צוגעוואוינען דערצו, איז כדאי אז עס זאל אנפאנג קאסטן ביליגער.

[סתם_אזוי]

ברוקלין קאסט שוין היינט (צו בעד-סטיי) 7 דאללאר.

[קרעמער]

געדולד;

עפ"י הלכה טאר מען נישט פרעגן א סוחר וויפיל ער בעט, אויב מען האלט נישט ביים קויפן. (כ'בין דיר דן לכף זכות אז דו האסט באמת געוואלט פארן).

אגב, האלט איך אז 6 דאלער איז ביליג.

[געדולד]

קרעמער איך האב נישט געוואוסט פון אזא הלכה. ישר כח פאר'ן אויפמערקזאם מאכן. ביטע ברענגן א מקור דערצו.

איך גיי אים אי"ה נוצן ווען עס וועט אויספעלן.

[קרעמער]

עס איז לעולם א משנה אין בבא מציעא (נ"ח ע"ב) לא יאמר לו בכמה אתה רוצה ליתן חפץ זה והוא אינו רוצה ליקח.

אבער דער שו"ע הרב זאגט אז דאס איז נאר ווען ער וויל איינרעדן דעם מוכר כאילו ער האלט ביים קויפן די זאך אזוי ארום אז עס זאל שפעטער באדערן פארן מוכר אז ער האט עס למעשה נישט געקויפט. לויט דעם איז מען נישט עובר אויף אונאת דברים ווען מען גייט אריין אין א געשעפט און מען פרעגט פרייזן מיטן ציהל צו טרעפן ערגעץ אנדערש די זעלבע זאך פאר ביליגער.

אויך האב איך אמאל געהערט ביי א שיעור כללי אז אויב די סדר העולם איז אז קאסטומערס פרעגן פרייזן אפילו ווען זיי האלטן נישט ביים קויפן, און דער מוכר ווייסט מתחילה אז מען וועט נישט קויפן און עס שטערט אים נישט, איז מען נישט עובר אויף אונאת דברים.

[דארפסמאן]

יעצט געזען א קאר פארן קיין ב"פ מיט די גאסען מיט א גרויסע סטיקער אויף די טיר, און מענטשן זענען געזיצען אין די בעק,

איך האב זייער הנאה געהאט אז מען ניצט זיי שוין, בלייב מיר נאר איבער צי ווינטשען א ברכות הדיוט "הצלחה וברכה"

[אונגארישער]

קרעמער איים וויט יו 6 דאלער איז ביליג אינשורענס איז זייער טייער סהייבט זיך אן ביי צווישן פינעף אהאלב אין זיכן טויזענט דאלער ריפערס איז דאך אפגערעדט קאסט פאר א קאר וואס איז אגאנצן טאג אויפן ראוד אסאך געלט געז די קאר איט סעלף צי קויפן דיספעטשער די דרייווער קאסט געלט

יעצט א דארעך שניטליכע (כמיין אז אזוי שרייבט מען עס) טריפ דארט פיפצען מניט פין ווען די דרייוער באקימט די קאל ביז ער איז רעדי פאר די נעקסטע קאל רעכן אריין כערך 25 פראצענט צייט א יאר וואס סאיז טויט (איך רעד פין עקספיריענס)

אין מאכטס אליין די חשבון
נאך אלעם דארף די ב"ה בלייבן מיט עפעס

[געלעגער]

די קליינע געלע סטיקער איז היינט צופרי געווען אויף אלע קארן אין מיין געגענט. ס'איז לאוו דווקא אז די קאר וואס דו האסט געזעהן איז געוועהן פון די קאמפעני. די איידיע איז אייזן מיר ווינטשען א באנטש הצלחה

[סתם_אזוי]

איך האב היינט געהערט אז נעכטן איז ער געווען זייער ביזי. ער האט געהאט אלע 30 קארן אויף די ראוד. היינט פלאנט ער צו נעמען 2 דיספעטשערס פארן טאג, און ער זוכט נאך דרייווערס. ב"ה. און איך וואונטש אים אסאך הצלחה.

[וויכטיג מאכער]

יא סתם.. איך האב יעצט גערעדט מיט איינע פון די דיספעטשערס, ער זאגט אז ס'פליסן אריין קאלס.. זיי זוכן שוין נאך דרייווערס..

[חידוש נפלא]

ברוך השם נאר אזוי אבי אידן מאכן פרנסה, וויכי גיימיר זיך אפלייען צו זיין א דרייווער?

[אזוי נארמאל]

איך האב טאקע געזעין אייניגע קאר'ס קורסירן אין בארא פארק, (יא. 'וויליאמסבורג' קאר סערוויס, אויף די 'בארא פארקער' גאסן) אין דאס הארץ האט מיר געקוועלט. ב"ה זיין הארעוואניע צאלט זיך אויס.

[שטיקל גבאי]

עדווערטייזמענט