אלעס איבער די סטימיוליס פעקעדזש והמסתעף

באריכטן און אנאליזן

די אחראים: אחראי, געלעגער

לעווי
שר האלף
תגובות: 1918
זיך איינגעשריבען אום: זונטאג יוני 22, 2008 12:04 pm

אלעס איבער די סטימיוליס פעקעדזש והמסתעף

תגובהדורך לעווי » מיטוואך ינואר 28, 2009 4:52 pm

ב"ה


איך וויל דא אנהייבן א שמועס איבער די אלעמען באקאנטע סטימיוטליס/בעילאוט פעקעדזש וואס ווערט יעצט שטארק געשטופט אין קאנגרעס דורכן פרעזידענט אבאמא ירום הודו, און זיינע דעמאקראטישע קאלעגן. איך וויל אבער ווידמען די אשכל איבער אלעס און אלעמען וואס איז נוגע דער, און פריערדיגע, און קומענדיגע סטימיוליס/בעילאוט פעקעדזשעס, און לאו דוקא איבער וואס איך רעד נאר אלעס וואס איז נוגע דעם ענין.


די פרשה איז בעצם ארוכה מיני ים, איר פארשטייט אליינס אז א טריליאן דאלער'דיגע סטימיוליס פעקעדזש איז נישט קיין קליינע מעשה. און בעצם זענען שוין געוויסע חלקים איבערגערעדט און אנאליזירט געווארן אין אנדערע אשכולות, און אויב איינער וויל זיך באציען צו די אלךטע שמועסען ווערט מען געבעטן אריין צו צטט'ן יענע תגובות דא אריין.


איך וויל מיך דא באציען צו אפאר ענינים.

ערשטענס, וואס מיינט סטימיוליס? פארוואס עפעס וועלן די פלענער אינעם סטימיוליס פעקעדזש גורם זיין אז די עקאנאמי זאל ווערן בעסער? פארוואס דייקא די זאכן וועלן גורם זיין אז די עקאנאמיע זאל בעסער ווערן, און נישט אנדערע זאכן?


צווייטענס, די פרעזידענט האט נישט אויף געהערט צו פארשפרעכן בשעת'ן קאמפיין אז ער וויל אויף הערן די וואשינגטאנ'ער משוגעת וואס רופט זיך עיר-מארקס. דאס מיינט אז צו א יעדע ביל, ספעציעל פינאנציעלע בילס, ווערן צוגעקלעבט משוגענע פארלאנגען פון א יעדע צווייטע פאליטישאן, און דאס מיינט אז היינט קען מען גארנישט אדורך פירן אין די סענאט און קאנגרעס אנע דעם וואס א יעדע שמויגער זאל צולייגן זייערע קאפריזע פארלאנגן.

למשל ווען פרעזידנעט בוש האט אריין געגעבן א פארלאנג אז די סענאט זאל עפראווען א 50 ביליאן דאללער פאר א דיפענס ביל, האבן די מאיאראטעטישע דעמאקראטן זיך אקעגן געשטעלט די ביל ווייל זיי האבן געהאלטן אז עס פעלט נישט אויס. אבער נאך אפאר וואכן וואס די ביל איז געלעגן אויפן טיש, און א יעדער איינער האט צוגעלייגט זייערע פערזענליכע פארלאנגען, למשל די נו יארק סענאטאר האט געבעטן פאנדינג פאר יאנקי סטאדיום, און די אלאסקער סענעטאר האט געבטן פאנדינג פאר די ברידזש צו קיין ערגעץ, און די קאליפארניע סענעטאר האט פארלאנגט פאנדינג פאר די מצעדי התועבה (עס איז נאר משלים, נישט אמת), און די ביל האט געהאלטן ביי א סך הכל פון 120 ביליאן דאלער, הערשט דעמאלטס איז די ביל פלוצליג געווארן א גוטע און וויכטיגע זאך און עס איז אדורך. דאס מיינט עיר-מארקס!


אבער דא איז אונזער פרעזידענט ארויף געשפרינגן און פון זיין אייגענע גוטהייסונג האט פארשפראכן אז עס וועלן מער נישט זיין אזא זאך ווי עיר-מארקס. א ביל וועט מוזן אדורך גיין אליינס אן די זייטיגע צוטשעפענישן. און אויב ער פארלאנגט א סטימיוליס פעקעדזש וועט אלעס אין די ביל מוזן האבן צוטון מיטן סטימיולעיטין די עקאנאמיע.


מען רעדט דא פון א ביל וואס האט זיך אנגעהויבן ביי אביסל מער ווי 500 ביליאן דאללער צו העלפן סטימיולעיטן די עקאנאמיע. למעשה האלט עס יעצט גאר נאנט צו א טריליאן, און ספעציעליסטן זאגן אז ווען עס וועט למעשה אויסגעטיילט ווערן די געלט וועט עס אנקומען צו כאטש 1.3 טריליאן.


איך האב דערווייל נישט עספיעט צו טרעפן א קאפי פון די סטימיוליס פעקעדזש גופא, און איך בעט אז ווער עס טרעפט עס זאל ארויף שטעלן א לינק ביטע.


די אונטערשטע שורה איז אז מען גייט אריין שטעקן די ביליאנער דאללארן אין די קומענדיגע יאר און א האלב אין פלעצער וואס וועלן סטימיולעיטן די עקאנאמיע. למשל א גרויס חלק וועט גיין פאר קאנסטראקשען און ראוד ארבייט וואס דאס וועט דאך מאכן כך וכך נייע דזשאבס, און אלע קאמפאניס וואס האנדלן מיט די געצייג פאר אזא ארבייט, למשל טראקטאר קאמפאניס און זייערע פארטס מאניופעקטשורס, און די TOOLS, און צעמענט, און פעך, וכו' וכו', וועלן פארדינען אסאך געלט, און אז זיי האבן געלט וועלן זיי קויפן סחורה אין די געשעפטן, און אזוי וועלן די אלע געשעפטן מיט זייערע ארבייטער, און מאניופעטשערס, און אימפארטערס פארדינען. און אזוי וועט עס גיין ווי א גלגל החוזר.


נאך א זאך וועט זיין א סטימיוליס טשעק צו א יעדער איינער כמעט אין אמעריקא, ענליך צו וואס בוש האט געטון פאריאר. א יעדע משפחה וועט פארדינען בערך א טויזנט דאללער, און זיי וועלן עס שפענדן אין די געשעפטן וכנ"ל.


אבער עס קען דאך נישט זיין אז אין א פעקעדזש פון א טריליאן דאללער ליגט נישט ערגעץ באגראבן עפעס א הונט. און איך האב היינט געטראפן צוויי זאכן וואס האבן מיר זייער געמאכטן וואונדערן אויב יענץ איז נישט קיין עיר-מארקס אפשר, און צו עס זענען נישט דא נאך אזעלכע באהאלטענע סודות אין די פעקעדזש, וואס האבן בעצם גאר נישט צוטון מיט סטימיוליס.


איינס, עס איז דא דארט 200 מיליאן דאללער איבער צו מאכן די גראז פון די נאציאנאלע מאלל אין וואשינגטאן, נאך דעם וואס עס איז ציטרויטן געווארן ביי די אינאגרעישאן. איר וועט מיך אודאי מסביר זיין אז דאס וועט למעשה סטימיולעיטין די עקאנאמיע ווייל די אלע ארביטער וואס וועלן דארט ארבייטען, און אלע גארטן סעילס קאמפאניס וואס וועלן פארקויפן די שיינע בלומען א.א.וו.


אויב איר האלט טאקע אזוי דאן ווערט מיר שווער א קשיא, (למען הגאולה זאג איך אז איך האב געהערט די קשיא פון ראש'ן) די קנאקערס אין וואשינגטאן און אונז אלע זענען געווען מלא טענות ווען סיטי גרופ האט גענומען פון די געלט וואס זיי האבן באקומען פון די רעגירונג און זיי האבן געקויפ א פופציג ביליאן דאלער'דיגע קאפעריט דזשעט פאר זייערע קאמפאני פירער. א חוצפה!!! זיי נעמען די רעגירונגס געלט וואס האט געדארפט צו גיין צו העלפן די עקאנמיע און זיי נוצן עס פאר שוואויל טאג!!!


איין מינוט! פארוואס האט איר טענות אויף זיי? זיי העלפן דאך סטימיולעיטן די עקאנאמיע! דורך דעם וואס זיי קויפן די דזשעט איז דא נייע דזשאבס פאר צווי פיילאטס, פלייט אטענדענטס, און אויך די אלע וואס בויען די עראפלאן און אירע פארטס פארדינען און האבן ארבייט. וואס איז דאס אנדערש ווי שפענדען 200 מיליאן אויף גראז און בלומען???


בקיצור, מען זעהט דא אז אסאך אסאך שווערע מיליאנען וועט פארשווענדעט ווערן פאר שטותים און לאקשן בשעת מענטשן נעמען זיך דאס לעבן אין קאליפארניע צוליב די שווערע מצב. איך בין זיכער ווען דער מענטש ווייסט ווען אז די רעגירונג גייט געבן 200 מיליאן איבער צו מאכן די גראז אין וואשינגטאן, וואלט ער זיך בארואיגט, און ער וואלט זיך נישט גע'הרג'ט צוזאמען מיט זיין משפחה.


נעקסט האב איך היינט געזעהן אז אין די פעקעדזש איז דא 335 מילאן דאללער פאר הילף צו פארמיידן די שווערע אומהיילבארער קראנקהייטן וואס קומען דורך שמוץ און נארישקייט. אה! דאס וועט ממש סטימיולעיטן די עקאנאמיע!


נאך א נושא וואס איך וויל שרייבן וועגן איז די עיקרונית'דיגע געפעכט צווישן די דעמאקראטן און די רעפאבליקאנער איבער ווי אזוי צו סטימיולעיטן די עקאנאמיע. בקיצור נמרץ.


די דעמאראטן/אבאמא האלטן אז מען דארף נאכמאכן פרעזידנעט רוזעוועלט וואס האט סטימיולעיטיד די עקאנאמיע דורכ'ן איבער בויען ראודס ברידזשעס און רעילראודס. די רעפאבליקאנער האלטן אז ערשטענס וועט עס נישט צופיל העלפן היינט, ווייל בעצם איז שוין די אמעריקאנער אינפערסטראקטשער פיין אויף געבויט אנדערש ווי דעמאלטס, און די ביזנעסער וואס מאכן געלט פון דעם זענען שוין בערך מסודר. ווי אויך אז די אמעריקאנער רעגירונג איז שוין צו טיף אין די לאך מיט חובות, און צולייגן נאך עקספענסעס צו די בודזשעט דורכן איבער בויען און מארדענערעזירן די שולע געביידעס וועט נאר פארערגערן די עקאנמישע לאגע אין די לאנג ראן. ענדערש טו וואס פרעזידענט רעיגאן האט סוקסעספול געטון צו העלפן די עקאנאמיע. שנייד די בודזשעט, און גיב צוריק געלט פאר די שטייער צאלער, אדער נעם ווייניגער טעקסעס און אזוי ווען מענטשן וועלן בלייבן מיט מער געלט אין זייערע טאשען, וועלן זיי שפענדן מער געלט, וועלן אלע למעשה בעניפיטירן דערפון.


אבאמא פארקויפט זיך אלץ א ביי פארטיזאן מענטש, ער וויל צופרידן שטעלן און ארבייטן מיט ביידע פארטייען.


לאמיך אייך זאגן וואס מיינט ביי פארטיזאנשיפ אין מיינע אויגן, (אנדערש ווי אין אבאמאס אויגן). לאמיר צופרידן שטעלן ביידע פארטייען, אז די דעמאקראטן וואס האבן געוואונען 54 פראצענט פון די פאפולערע שטימען זאלן באקומען 450 ביליאן (פון די איין טריליאן) צו שפענדען אויף ריקאנסטראקשען, נייע גראז אין וואשינגטאן, און פראטעקשאן. און די ריפאבליקאנער וואס האבן באקומען 46 פראצענט פון די פאפולערע שטימען זאלן באקומען 460 ביליאן (פון די איין טריליאן) צו קענען טיילן שטייער שניטן. איז דאס נישט די יושר'סדיגע וועג פון ביי פארטיזאנשיפ?


למעשה וועט אבאמא גיין מיט זיין מהלך פון ביי פארטיזאנשיפ, וואס דאס מיינט אז די דעמאקראטן וועל אנפייפן די ריפאבליקאנער און וועלן באשטעטיגן די ביל דורכן צואווארפן א ביינדל צו די מאדעריט ריפאבליקאנער סענטארן און אזוי וועט די ביל אדורך גיין, און עס וועט זיין הערליכע גראז אין וואשינגטאן, און די שענסטע מאדערנסטע שולעס איבערן לאנד. אבער וואס וועט זיין מיט די עקאנאמיע? ווער ווייסט?


איך חזר נאך אמאל איבער וואס איך האב פריער געשריבן, דער אשכל איז געמאכט צו שרייבן און אנאליזירן אלעס וואס האט צוטון מיט דער נושא, און נישט דוקא וואס איך האב געשריבן.






.
לעצט פאראכטן דורך לעווי אום מיטוואך ינואר 28, 2009 5:40 pm, מאל פאראכטן געווארן 1 סך הכל.
ארויף קריכט מען פאוואליע, אבער אראפ קוילערט מען זיך שנעל!

ליפשיץ
שר חמישים ומאתים
תגובות: 289
זיך איינגעשריבען אום: זונטאג ינואר 11, 2009 2:51 pm

תגובהדורך ליפשיץ » מיטוואך ינואר 28, 2009 5:28 pm

יישר כח לעווי, זייער א שיינער ארטיקל. איך האב אנגעהויבן לערנען דורך דיין ארטיקל אביסל די סוגי' פון סטימיוליס. מער ווייניגער האב איך ב"ה מיטגעהאלטן און פארשטאנען דעם שיעור, אבער צום סוף בין איך עפעס פארפלאנטעט געווארן מיט אן אי הבנה.

וואס פונקטליך איז אבאמא'ס פלאן אלץ ביי פארטיזאן? לויט ווי איך האב אצינד געלערנט פון דיר ליין איך אז ער גייט מאכן א יחץ; דעם קלענערן העלפט וועט ער גיבן פאר זיינע קאלעגע דעמאקראטן, זיי זאלן קענען איבערמאכן די גראז וכדומה, און דעם גרעסערן העלפט וועט ער אוועק לייגן פאר אפיקומן און וועט דאס מיר אפשיקן אהיים קומענדיגן זוממער אזוי ווי זיין פארגייער, מר. בוש, האט מיר צוגעשיקט. (ווייל פאר דעם אנדערן חלק וואס ליגט אין דעם רעפובליקאנער פלאן, שניידן טעקסעס און איינצוימען בודזשעט, פעלט דאך נישט אויס צו 'געבן' געלט. דאס זאגט דאך אז מ'דארף 'שניידן' און 'איינצוימען'...) האב איך גוט פארשטאנען דעם חלק שיעור?

אויך פארשטיי איך נישט פונקטליך וואס די עיר מארקס זענען פארבינדן מיט די איצטיגע פלאן. לויט ווי איך האב געליינט אין דיינע ווערטער האסטו מסביר געווען אז ער האט גענומען די עיר מארקס און דאס אריינגעריקט אלס א חלק פון דעם ארגינאלן דעמאקראטישן 450 ביליאן דאלער'דיגן פלאן. פארשטיי איך גוט?

בכלל האסטו לכאורה מסביר געווען אז ער האט געמאכט א פשרה, און צעטיילט די פלענער אויף העלפט. גוט פארשטאנען?

אוועטאר
איך_הער
סעקרעטאר
תגובות: 18576
זיך איינגעשריבען אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

תגובהדורך איך_הער » מיטוואך ינואר 28, 2009 5:42 pm

לויט ווי איך האב פארשטאנען לעווי'ס דאגה, איז א מ'לייגט אריין עיר מארקס, און מ'טוישט נאמען, צו סטימיולעס, און אזוי מעגעס אריין גיין אינעם פעקעזש, ווייל אלץ עיר מארק, לאטעך אבאמא נישט, סאו מ'שפילט ווידער אויס דעם סיסטעם.

אוועטאר
צוביילטער
שר חמש מאות
תגובות: 539
זיך איינגעשריבען אום: מאנטאג סעפטעמבער 01, 2008 1:09 pm
לאקאציע: אין בעט

תגובהדורך צוביילטער » מיטוואך ינואר 28, 2009 5:44 pm

קודם יישר כח לעווי פארן אראפלייגן אזוי שיין ס'ענין.

דאכצעך מיר אז א חלק פונעם סטימיולוס פעקעדזש איז טאקע שטייער שניטן.

אוועטאר
אלף בית
שר האלפיים
תגובות: 2710
זיך איינגעשריבען אום: מאנטאג נובעמבער 10, 2008 4:37 pm

תגובהדורך אלף בית » מיטוואך ינואר 28, 2009 6:36 pm

דער סטימיולעס פלאן איז אדורך אין קאנגרעס.
244 לטובת, 188 דערקעגן.
די רעפובליקאנער האבן געמאכט פארשינדענע שינוים, וואס האט רעצודירט דעם סכום פון 825 צו 819 ביליאן דאללער.
א גוט ווארט איז אלעמאל גוט

אוועטאר
אלף בית
שר האלפיים
תגובות: 2710
זיך איינגעשריבען אום: מאנטאג נובעמבער 10, 2008 4:37 pm

תגובהדורך אלף בית » מיטוואך ינואר 28, 2009 6:45 pm

דערקעגן זענען געווען 10 שטומעס מער ווי די רעפובליקאנער 178 קאנגרעסלייט. דאס מיינט אז אויך דעמאקראטן האבן געשטימט דערקעגן.
א גוט ווארט איז אלעמאל גוט

אוועטאר
וויכטיג מאכער
שר עשרים אלפים
תגובות: 24571
זיך איינגעשריבען אום: מיטוואך מארטש 12, 2008 6:21 pm
לאקאציע: צווישן טרעק 4 און טרעק 5.

תגובהדורך וויכטיג מאכער » מיטוואך ינואר 28, 2009 7:04 pm

לעווי, כאבעס נאכנישט געליינט, אבער כ'האב הנאה אז דו דערמאנסט מיך... כ'גיי שוין קוקן די פאסט.....
הכונו ל'מעמד אדיר איום אסיפת ה''ניקס'' לטוהר המחנה!!!

אוועטאר
צוביילטער
שר חמש מאות
תגובות: 539
זיך איינגעשריבען אום: מאנטאג סעפטעמבער 01, 2008 1:09 pm
לאקאציע: אין בעט

תגובהדורך צוביילטער » מיטוואך ינואר 28, 2009 9:14 pm

וויכי, וואס האסטו געפונען אין די פאסט, א קרעדיט קארד אפער?


עניוועי, אלע ריפובליקאנער האבן געשטימט קעגן דעם ביל, צוזאמען מיט נאך 11 דעמאקראטן.

לעווי
שר האלף
תגובות: 1918
זיך איינגעשריבען אום: זונטאג יוני 22, 2008 12:04 pm

תגובהדורך לעווי » מיטוואך ינואר 28, 2009 9:49 pm

קודם וויל איך מיך אנטשולדיגן פאר די עולם דא אז איך האב עס נישט געשריבן על דרך ארטיקל און איך האב נישט אלעס קלאר ארויסגעברענגט ואתכם הסליחה. און אויך וויל איך באדאנקן פאר אלע ליינער וואס האבן געליינט, און האבן און גייען זיך באדאנקן.


הרב ליפשיץ, קודם כל צוליב אייערע הערות האב איך אביסל ארום געטוישט די ווערטער. און איך וועל מיך פרובירן בעסער ערקלערן.


'ביי פארטיזאן' מיינט אז ביידע פארטייען, סיי די ריפאבליקאנער און סיי די דעמאקראטן וועלן ארבייטן צוזאמען און זיך אדורך קומען, און די פארטיי מיט די מאיאראטעט וועט נישט ארויף צווינגען זייער דעה אויף די פארטיי מיט די מינאריטעט (אזוי ווי היינט איז געווען אין קאנגרעס), נאר אנשטאט דעם וועלן ביידע פארטייען אביסל נאך געבן איינער פארן אנדערע.


פרעזידענט אבאמא האט פארשפראכן ביי פארטיזינשיפ, דאס מיינט אז ער וועט צופרידן שטעלן ביידע פארטייען, אדערווייל זעהט די דעמאקראטישע פארטיי אויס צופרידן און די ריפאבליקאנער זעהן נישט אויס צופרידן. און די סיבה איז ווייל פרעזידענט אבאמא האט א גאר אנדערע אפטייטש צו ביי פארטינזינשיפ, און ביי אים מיינט עס אז די ריפאבליקאנער בייגן זיך אונטער און נעמען אלעס אן פון די דעמאקראטן.


איך (און אפשר אנדערע אויך) האב מציע געווען די ריכטיגע ביי פארטיזינשיפ אז 46 פראצענט פון די ביל זאל זיין טעקס קאטס און ריבעיטס. למעשה וועט נאר א קליין חלק פון אבאמא'ס סטימיוליס פעקעדזש זיין טעקס קאטס און ריבעיטס, אפשר פינף און צוואנציג פראצענט איך גלייב אז אפילו נישט דאס נאר אסאך ווייניגער, און די איבעריגע גייט גיין פאר אלע זיינע פראגראמן און פלענער, אינקלאדינג די ענוויראמענט פראטעקשאן. (יא, מיר האבן נישט עפעס וויכטיגער קעיר צו נעמען אין די צייט פון א שווערע עקאנאמיע ווען מענטשן שטארבן ווייל זיי ווערן פארפרוירן צוליב'ן נישט עפארדן הייצונג [א מעשה שהי' נעכטן] ווי צו וואטשן אז די גלאבאלע אנווארימונג וואס זעהט זיך אן איבער די גאסן אין די פארגאנגענע חדשים זאל זיך פארבעסערן. און פארדעם וועט אויסגעגעבן ווערן הונדערטער מיליאנען – אדער ביליאנען דאלארן.)


אויף די חלק פון אויסגעבן געלט אויף הייוועיס און ברידזשעס קען מען נאך אפשר אביסל פארשטיין, אבער איבער צו מאכן גראז, און פאבליק סקולס, און פאר פראטעקשאן פאר די קראנקהייטן וכו' דאס איז ריכטיגע עיר-מארקס.


עס איז נישט קיין חילוק פון ווי ער נעמט די געלט פאר די עיר מארקס און פאר אלע זיינע פלענער, עס איז פשוט ארויס געווארפן נאך ביליאנען דאללארן פון געבארגטע געלט, און עס ברענגט דאס לאנד נאך א טריט נענטער צו באנקראפסי.


איך וויל צולייגן נאך איין קליינע נקודה, מענטשן זאגן אז אבאמא וועט געבן 200 מיט עפעס ביליאן פאר טעקס קאטס, און אין דעם ווערט אריין גערעכנט די סטימיוליס טשעקס פאר אלע אמעריקאנער איינוואוינער. מען מוז געדענקן אז א גרויסע חלק פון זיי האבן קיינמאל נישט געצאלט קיין טעקסעס און עס איז נישט קיין טעקס קאט נאר וועלפעיר.


ווי אזוי עס זאל נאר זיין זעהט אויס אז עס גייט אדורך גיין.
ארויף קריכט מען פאוואליע, אבער אראפ קוילערט מען זיך שנעל!

אוועטאר
קרעמער
שר עשרים אלפים
תגובות: 28306
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » דאנארשטאג ינואר 29, 2009 12:24 am

זאג נאר 'לעווי', דו שרייבסט זיך אויך אונטערן פען-נאמען ראש לימבאו? איך ליין יעצט אן ארטיקל אין וואל סטריט דזשורנאל וואו ראש לימבאו שטעלט פאר זיין בייפארטיזאן סטימיולעס פלאן, און ער פארפעלט צו דערמאנען אז דאס איז שוין אויפגעברענגט געווארן ביי א קרעטשמע פאנעל דורך קאנגרעסמאן לעווי פון ניו יארק:
http://online.wsj.com/article/SB123318906638926749.html

אוועטאר
יאנאש
שר שמונת אלפים
תגובות: 8292
זיך איינגעשריבען אום: מיטוואך יוני 28, 2006 8:40 pm
לאקאציע: וואו בינעך טאקע?

תגובהדורך יאנאש » דאנארשטאג ינואר 29, 2009 8:17 am

איך ליין דעם אשכול, און יאך האב זייער הנאה, אבער איך קען נישט מגיב זיין צוליבן נויט אין צייט און קאפ, סאו יהי רצון כאילו איך נעם א טייל אינעם דעבאטע.

לעווי
שר האלף
תגובות: 1918
זיך איינגעשריבען אום: זונטאג יוני 22, 2008 12:04 pm

תגובהדורך לעווי » דאנארשטאג ינואר 29, 2009 9:25 am

הרה קרעמער, ווען איך האב געליינט דיין תגובה בין איך געווארן רויט און פערפל, איך האב נישט געוואוסט ווי אזוי איך וועל מיך קענען פארענטפערן אז איך האב נישט פלעידזשערייזד לימבאו'ס ארטיקל. אבער ווען איך בין אריין אין די לינק און איך האב געזעהן אז די דאטום איז איין טאג נאך דעם וואס איך האב געשריבן מיין ארטיקל האב איך אפגעאטעמט פון איין זייט, און פון די אנדערע זייט האב איך מיך גערעגט א חוצפה פון דער לימבאו אז ער גיבט מיר נישט קיין קרעדיט!!!


אבער ווי גייט נאר די מאמר העולם? GREAT MINDS THINK ALIKE!!!

איך האב נאך נישט אדורך געליינט זיין ארטיקל, ס'לוינט?

יאנאש, בעצם בין איך נישט מוותר, פאר דער איין מאל וועט מען עס אדורך לאזן :wink: . העי, איך אפרישיעיט אז כאשט האסטו גענומן די צייט עס צו ליינען.
ארויף קריכט מען פאוואליע, אבער אראפ קוילערט מען זיך שנעל!

אוועטאר
צוביילטער
שר חמש מאות
תגובות: 539
זיך איינגעשריבען אום: מאנטאג סעפטעמבער 01, 2008 1:09 pm
לאקאציע: אין בעט

תגובהדורך צוביילטער » דאנארשטאג ינואר 29, 2009 10:18 am

וואס האלט די פאלק?

א רעסמוסען אנקעטע ווייזט אז בלויז 42% אמעריקאנער שטיצן דעם סטימיולוס פלאן, קעגן 39% וואס זענען דערקעגן, און 19% האבן נישט קיין מיינונג. אינטערסאנט איז נאר, אז א "נאר טעקס קאט" פלאן וואס די ריפובליקאנער ווילן, האט א גרעסערע שטיצע, 43% קעגן 39% זאגן אז דאס וואלט געווען די ריכטיגע וועג.

אוועטאר
קרעמער
שר עשרים אלפים
תגובות: 28306
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » דאנארשטאג ינואר 29, 2009 10:20 am

לעווי;

האסט זיך שיין ארויסגעדרייט פון די ערגערע פארדאכט וואס איך האב אויפגעברענגט, אז דו ביסט גאר דער זעלביגער וואס פאררופט זיך במקומות אחרים על שם על ראשבאו.

אוועטאר
צוביילטער
שר חמש מאות
תגובות: 539
זיך איינגעשריבען אום: מאנטאג סעפטעמבער 01, 2008 1:09 pm
לאקאציע: אין בעט

תגובהדורך צוביילטער » דאנארשטאג ינואר 29, 2009 2:09 pm

לעווי, קען זיין אז די האסט עס שוין געטראפן, אבער טאמער נישט האסטו דא די טעקסט פונעם ביל.

דער ביל האט 647 זייטן.

לעווי
שר האלף
תגובות: 1918
זיך איינגעשריבען אום: זונטאג יוני 22, 2008 12:04 pm

תגובהדורך לעווי » דאנארשטאג ינואר 29, 2009 2:23 pm

יישר כח קרמער פאר די קאמפלימענט! :oops:

צוביילטער, א שכח פאר די לינק, ווי עס זעהט אויס וועל איך מוזן ווארטען ביז נעקסטער ניטל עס צו אדורך ליינען גרינטלעך. און דערווייל וועל איך מיר מוזן פארלאזן אז מיינע קאנסערוויטיווע קאלעגן וועלן מיך שוין פיטערן די גוטע שטיקלעך דערפון.


פאר דערווייל וויל איך ארויף לייגן א קליפ פון ראן פאול ווי ער רעדט פון דער נושא. עס קומט פון יו טוב. איך קום נישט דא צו אינדארסירען ראן פאול מיט זיינע שיטות, און אודאי נישט אוועק צו מאכן. דער נושא וואס ער שמועסט איבער איז שוין אסאך אויסגעדראשן געווארן דא אין די קרעטשמע, ער איז עס נאר קלאר מסביר בטוב טעם ודעת.

https://rcpt.yousendit.com/647290746/8e ... 48f0bc660a

עס איז גוט פאר זיבן טעג און 100 קליקס.
ארויף קריכט מען פאוואליע, אבער אראפ קוילערט מען זיך שנעל!

ליפשיץ
שר חמישים ומאתים
תגובות: 289
זיך איינגעשריבען אום: זונטאג ינואר 11, 2009 2:51 pm

תגובהדורך ליפשיץ » דאנארשטאג ינואר 29, 2009 2:58 pm

לעווי,

איך בין שוין אינגאנצן צומישט. איר באדאנקט זיך פארן ליינען? איך האב פארשטאנען אז מ'דארף זיך באדאנקען פארן שרייבער, דען ער טוט דאך דאס וואלונטירליך פאר די הנאה וועגן פון די ליינער, און דא קומט איר גאר מהפך זיין הקערה על פיה און זיך באדאנקען פאר די ליינער. עולם הפך ראיתי... פארוואס דען קומען מיר קיין קרעטשמע אויב נישט צו ליינען?

אלנספאל, אדאנק אייך פארן טוישן די פרטים אינעם ארטיקל זעלבסט, עס האט טאקע קלארער געשטעלט דאס בילד. איך מוז אייך זאגן אז איך האב סעפציעל הנאה צו ליינען אייערע אפשאצונגען בכלל און אין פאליטישע ענינים בפרט. עס איז צום דערקענען אז איר זענט נישט סתם א דברן וועלכער רעדט נאך די מקוה שמועסן אדער די היימישע נייעס ברענגער, נאר איר זענט אן אויסגעקאכטער רעפובליקאנער בשיטה. לאמר - איר האט דורכגעטוהן די ענינים על כל צדדיה און געזען אז די רעפובליקאנע אידיאלאיגיע איז מער אויסגעהאלטן און ריכטיג.

איך וויל נאר פרעגן. למעשה, פאר די אויפבלי פון דער עקאנאמיע, ווי עס ליינט זיך פון אייערע ווערטער, איז לכאורה דער רעבופליקאנער מהלך מער פארשטענדליכער, און איר ברענגט א ראי' פון די רעיגן עפאכע וועלכער האט למעשה אזוי געטוהן און עס האט זיך אויסגעארבעט. מיין פראגע איז, צו איז דען דאן אין רעיגנ'ס צייטן געווען א ריסעסיע? ממש צום סוף פון זיין טערמין, אנהויב דעם ערשטן בוש טערמין, האט זיך אפשר אנגעזען שווערע צייטן אויפן האריזאנט, אבער למעשה קיין פולשטענדיגע רעסעסיע איז דאן נישט געווען. טא קען מען טאקע ברענגען א ראי' פון מעשה רעיגן וועלכער האט למעשה נישט געהאט דעם מציאות פון א רעסעסיע, ביז צו מעשה רוזעוועלט וועלכער האט זיך למעשה סעפראוועט מיט א רעסעסיע אויף דעם דעמאקראטישער מהלך?

נישט אז איך מיין אפצופרעגן אייער מהלך, איר ברענגט גראדע זייער גוט ארויס אייער פוינט און וואס עס קוועטש אייך, איך פרעג נאר בתורת אויסשמועס ווי מ'זאגט.

איר האט דאס אזוי גוט צולייגט אז עס גלוסט זיך מיר צופרעגן: זענען טאקע די דעמאקראטן ממש בלינד? זעהן זיי דען נישט ווי אזא סארט מהלך פון אינוועסטירן אין שוואויל טאג אדער סתם מותרות וועט נאר טראגן דעם מצב טיפער אין קרקע ווי איידער פארקערט? עפעס א סברה מוז'ן זיי דאך זיכער האבן, איבערהויפט ווען זיי האבן לצדם א ראי' פון מעשה רוזעוועלט.

אוועטאר
סתם_אזוי
שר ששת אלפים
תגובות: 6112
זיך איינגעשריבען אום: מאנטאג מארטש 24, 2008 4:13 pm

תגובהדורך סתם_אזוי » דאנארשטאג ינואר 29, 2009 3:06 pm

לעווי. מיט וועלכע פראגראם דארף מען עס עפענען?

ליפשיץ. דו האסט נאר געהערט איין זייט פון די מטבע. דו דארפסט אויסהערן וואס די דעמאקראטן האלטן, און נאכדעם באשליסן צו זיי זענען בלינד צו נישט. למעשה איז עס אדורך אין קאנגרעס מיט 244 שטימען. לאמיר אפילו זאגן אז מער וואו האלב האבן עס געטון אן אריינטראכטן. ד.מ. זיי האבן געשטימט דערפאר נאר ווייל אבאמא שטיצט דאס, און זיי ווילן זיין געטרייע דעמאקראטן, איז נאך אבער דא גענוג קאנגרעסלייט וואס האבן עס געטון ווייל זיי האבן געהאלטן אז דאס איז ריכטיג.

און וועגן די שיטות פון רעפאבליקאנער און דעמאקראטן בכלל; איז דאס שוין ברייט געווארן אויסגע'שמועס'ט דא אין קרעטשמע, און טאקע דורך ביידע צדדים. איין זאך זאלסטו וויסן: א דעמאקראט וועט בדרך כלל נישט ווערן א רעפאבליקאנער, און א רעפאבליקאנער וועט בדרך כלל נישט ווערן א דעמעקראט. נישט קיין חילוק וואו שטארק דו וועסט זיי אויפווייזן אז די אנדערע זייט איז גערעכט!
איך האב עס געזאגט.... סתם אזוי. איך האב עס געפרעגט.... סתם אזוי.

ליפשיץ
שר חמישים ומאתים
תגובות: 289
זיך איינגעשריבען אום: זונטאג ינואר 11, 2009 2:51 pm

תגובהדורך ליפשיץ » דאנארשטאג ינואר 29, 2009 3:13 pm

יישר כח סתם אזוי. נו אפשר טאקע זאל זיך יאווען דא א דעמאקראט בשיטה (אזא שטייגער דעמאקראט ווי לעווי אלס רעפובליקאנער), און צולייגן אויף טעלערלעך דעם אנדערן זייט פון דער מטבע.

אוועטאר
סתם_אזוי
שר ששת אלפים
תגובות: 6112
זיך איינגעשריבען אום: מאנטאג מארטש 24, 2008 4:13 pm

תגובהדורך סתם_אזוי » דאנארשטאג ינואר 29, 2009 3:32 pm

דא רעדט מען אביסל פון די חילוקים פון ביידע זייטן. הגם מען רעדט נישט פון סטימיולעס און בעילאוט רעדט מען פון אנדערע זאכן. מען קען זעהן וואו ביידע זייטן האבן גוטע פאונטס.

ווען גייט די סענאט שטימען פאר די סטימיולעס פלאן?
איך האב עס געזאגט.... סתם אזוי. איך האב עס געפרעגט.... סתם אזוי.

לעווי
שר האלף
תגובות: 1918
זיך איינגעשריבען אום: זונטאג יוני 22, 2008 12:04 pm

תגובהדורך לעווי » דאנארשטאג ינואר 29, 2009 4:27 pm

הרב ליפשיץ,

ווען איך שרייב מיך אפ א לאנגע ארטיקל טראכט איך צו מיך אסאך מאל, פארוואס טו איך דאס? וועמען אינטרעסירט וואס איך האלט און וואס עס טוט זיך אפ אין די רעגירונג, און וואס איז די שיטה פון דעם און יענעם? און ווען איך שטעל עס אריין אין קרעטשמע טראכט איך צו מיר אז איך בין זיכער אז קיינער וועט נישט האבן קיין געדולד צו ליינען אזא לאנגע מגילה. (איך האב אלעמאל געהאט א שוואכע סעלף עסטים) ממילא ווען איינער פארציילט מיר אז ער האט עס געליינט פריי איך מיך אז כ'האב עס נישט געשריבן לריק. פארשטייט זיך אז עס א גרעסערע פארגעניגן ווען די שמועס ציט זיך ווייטער און איך בין פאר דעם אויך גאר שטארק דאנקבאר צו אייך און אלע אנדערע.


איך האב נישט ליב ווען מען רופט מיך אן א ריפאבליקאנער (גראדע בין איך רעגיסטרירט אלץ דעמאקראט) ווייל דאן מיינט עס אז איך האלט אזוי ווייל מיין פארטיי האלט אזוי. ענדערש האלט איך מיך פאליטיש און עקאנאמיש קאנסערוויטיוו, און דאס מיינט אז ווען א ריפאבליקאנער נויגט אוועק פון קאנסערוויטיזם אן א גוטע סיבה איז ער ביי מיר פונקט ווי די ליבעראלער. עס האט נישט מיט די פארטיי נאר ענדערש מיט די שיטות.


רעיגאן איז אריין אין אפיס מיט א וואקעלדיגע עקאנאמיע (פארשטייט זיך אז עס איז נישט געווען נאנט צו וואס רוזעוועלט האט געהאט), די אינפלאציע האט געהאלטן ביי כמעט צוועלף פראצענט, אסאך אסאך העכער ווי היינט. ארבייטסלאזיגקייט איז געווען אויפן וועג ארויף, ביי זיבן און האלב פראצענט און עס איז ארויף העכער אין זיין ערשטע יאר מיט א דריי פערטל ביז כמעט צוועלעף פראצענט. רעיגאן האט געהאלטן אז אויב מען נעמט ווייניגער טעקסעס פון די אמעריקאנער בירגער האבן זיי מער געלט צו שפענדן אין די געשעפטן, ווי אויך האבן זיי מער געלט צו אינוועסטן, אטאמאטיש וועלן מער מענטשן באקומען מער דזשאבס, און העכערע געהאלטן, און אזוי וועט עס גיין ווייטער ווי די אויבן דערמאנטע ראד. און עס האט טאקע געארבייט. ווען ער איז געווען פרעזידענט זענען געווארן זעכצן מיליאן 'נייע' דזשאבס, און די GDP (א פרשה פאר זיך) איז געוואקסן אן עוורידזש פון דריי מיט א האלב פראצענט פער יאר. למעשה כאטש די גרויסע שטייער שניטן,איז די רעגירונגס רעוויניו געווען אזוי גרויס צוליב די גוטע עקאנאמיע. אז די רעגירונג האט נאר פארלוירן איין פראצענט פון זייער פריערדיגע רעוויניו.


זענען די דעמאקראטן בלינד? איך האלט אז זיי גייט נישט אן אז זיי פירן דאס לאנד אין די ערד אריין ווייל זיי האלטן אז די וועלט איז צו אנגעוויזן אויף אמעריקא אז די וועלט וועט אויסבעילן אמעריקא ווען זי וועט גיין קראכן, פונקט ווי די אמעריקאנער רעגירונג האט געטון מיט די בענק. ידידי הנסתר יאנאש שליט"א גייט איין טריט ווייטער און האלט אז די היינטיגע פאליטיקאנטן וואס שפענדן אזוי פיל געלט און בויען אויף אזעלכע גרויסע חובות (אפגעזעהן צו זיי זענען דעמאקראטן אדער ריפאבליקאנער) גייט זיי גאנץ ווייניג אן וואס עס גייט געשעהן אין צעהן יאר ארום ווען זיי וועלן שוין זיין צוריק ביי זיך אין דער היים, אבי מען זאל זאגן אז זיי זענען געווען א גוטע פרעזידענט/קאנגרעסמאן וכדו', און געגעבן אסאך געלט פאר די אמעריקאנער בירגער.

קוק דא פאר מער:http://www.yiddishworld.com/forum/index.php?f=6&t=6644


די שיטות פון די ליבעראלן און קאנסערוויטיוון און אלעס אינדערצווישן איז שוין ברייט אויסגעשמועסט געווארן כמה וכמה פעמים דא אין די קרעטשמע, איינע פון די אשכולות האט טאקע סתם אזוי ריכטיג אנגעוויזן, אבער עס איז דא נאך אסאך.





מען קען עפענען די קליפ מיט א VLC פלעיער, אדער מיט מידיע פלעיער קלעסיק.





.
ארויף קריכט מען פאוואליע, אבער אראפ קוילערט מען זיך שנעל!

ליפשיץ
שר חמישים ומאתים
תגובות: 289
זיך איינגעשריבען אום: זונטאג ינואר 11, 2009 2:51 pm

תגובהדורך ליפשיץ » דאנארשטאג ינואר 29, 2009 5:18 pm

יישר כח ר' לעווי. האט נישט אזוי מורא, דער עולם ליינט דא מיט דורשט. ווי איך זע פארמאגט היימישע קרעטשמע מער ליינער ווי שרייבער.

למעשה, ווי איך זע האט איר נאר פארפעסטיגט מיינע ווערטער, אז איר זענט נישט סתם א היימישע פלאפלער וועלכער האט זיך ערקלערט אלס רעפובליקאנער ווייל ער האט אזוי געליינט אין די היימישע אויסגאבעס, נאר איר האט דאס געלערנט און דורך געטוהן בעיון און אזוי צוגעקומען צו דער מסקנה. דעריבער איז טאקע א געשמאק צו הערן אייער צד און מיינונג אין די נושאים. נאכן ליינען אייער היצטיגע צוגאבע, מאכט איר מיך שוין טאקע נייגעריק צו וויסן 'באמת' די אידעלאגיע פון די דעמאקראטישע צוגאנג איבער די עקאנאמיע און איר רעטונג.

לעווי
שר האלף
תגובות: 1918
זיך איינגעשריבען אום: זונטאג יוני 22, 2008 12:04 pm

תגובהדורך לעווי » מאנטאג פאברואר 02, 2009 5:56 pm

א שטיקל אפדעיט:

איך האב נישט מיטגעהאלטן צופיל אין די לעצטערע טעג, אבער איך וועל נאכזאגן וואס איך האב געהערט/ליינט, און אזוי זאלן אנדערע אויך טון.

אויף די קאלמעוואסער פאליטישע-קאפ-לעכל האב איך געהערט פון צוויי אומפארטייאישע באעריכטן, איינס אז קוים פינץ און צוואנציג פראצענט פון די פעקעדזש וועט האבן א דירעקטע השפעה אויפצולעבן די עקאנאמיע. צווייטנס, אז א גרויס חלק פון די געלט (איך געדענק שוין נישט וויפיל) וועט ערשט פארטיילט ווערן נעקסטע יאר.


אויף די אידישע וועלט האב איך געזעהן די פאלגענדע:

150 מיליאן דאלאר פאר בין-האניג אינשורענס און 650 מיליאן דאלאר צו קויפן קארס פאר רעגירונגס אנגעשטעלטע


דאס איז נאך א קליין חלק פון די עיר-מארקס וואס די פרעזידענט האט אפיציעל פארשפראכן אז עס וועט מער נישט עקזיסטירן אין וואשינגטאן. 


היינט האב איך געהערט ווי די פרעזידענט רעדט איבער דאס פארהאנקענונג פון די סטימיוליס פעקעדזש אינעם סענאט. ער זאגט אז עס איז א שאד אז די פעקעדזש זאל נישט אדורך גיין ווען בעצם זענען די חילוקי דעות גאר מינימאל און מען וואלט זיך געדארפט קענען אדורך קומען. עס פאלט אים ניטאמאל ביי אז ער זאל עפעס נאכגעבן דערווייל. ער מוז נישט נאכגעבן ווייל למעשה איז ער פרעזידענט און די דעמאקראטן האבן דאס רוב אינעם קאנגרעס. אבער נאכן רעדן אזוי פיל וועגן בייפארטעזינשיפ וואלט שין געווען צו זעהן א דוגמא.
ארויף קריכט מען פאוואליע, אבער אראפ קוילערט מען זיך שנעל!

אוועטאר
סתם_אזוי
שר ששת אלפים
תגובות: 6112
זיך איינגעשריבען אום: מאנטאג מארטש 24, 2008 4:13 pm

תגובהדורך סתם_אזוי » דינסטאג פאברואר 03, 2009 11:42 am

איך וואלט געקענט באשטיין אז די רעפאבליקנער זאלן ניצן זייער כח פון פיליבאסטערן צו צושטערן די גזירה פון די סטימולעס פעקעטש
איך האב עס געזאגט.... סתם אזוי. איך האב עס געפרעגט.... סתם אזוי.

אוועטאר
וויכטיג מאכער
שר עשרים אלפים
תגובות: 24571
זיך איינגעשריבען אום: מיטוואך מארטש 12, 2008 6:21 pm
לאקאציע: צווישן טרעק 4 און טרעק 5.

תגובהדורך וויכטיג מאכער » דינסטאג פאברואר 03, 2009 6:37 pm

צוביילטער האט געשריבן:וויכי, וואס האסטו געפונען אין די פאסט, א קרעדיט קארד אפער?

קוק דא וועסטע זעהן פון וואס איך רעד. (עיצה טובה, אויב דו האסט נאכנישט געליינט די אשכול, טוה עס דערעך, סא'יז היבש אינטערעסאנט...)

לעווי, דיין אפהאנדלונג, (נישט ארטיקל) האבעך געליינט, און נישט ווייל כ'האמעך נאכנישט באדאנקט, מיינטעס אז כ'האב נישט הנאה געהאט, כ'האב געהעריג הנאה געהאט, ס'איז מיר נאר פשוט נישט אונטערגעקומען זיך צו באדאנקן, יעצו ווילעך דיר זאגן, ס'איז זייער גוט! אויב כ'וועל האבן געדולד, וועלעך שרייבן מיין פוינט אוו וויא....
הכונו ל'מעמד אדיר איום אסיפת ה''ניקס'' לטוהר המחנה!!!


צוריק צו “אידישע און וועלטליכע נייעס”

ווער איז אונליין

באנוצערס וואס דרייען זיך דא: jay, Like news, user, דריידל, הרב_שלום, והוא פלאי, סיפורי צדיקים און 76 געסט