וואס גייט פאר מיטן פרעזידענט עלעקט אבאמא?

נייעס און באריכטן

די אחראים: אחראי, געלעגער

אוועטאר
אלף בית
שר האלפיים
תגובות: 2710
זיך איינגעשריבען אום: מאנטאג נובעמבער 10, 2008 4:37 pm

וואס גייט פאר מיטן פרעזידענט עלעקט אבאמא?

תגובהדורך אלף בית » זונטאג ינואר 04, 2009 1:26 pm

פאר די וואהלן האבן זייער אסאך מורא געהאט פון אבאמא, אז ער קען קיין אויסערן פאליטיק, אנדערע האבן אונז אפילו אפגעשראקן אז ער איז גענויגט צו די טעראריסטן, איך האב געלאכט פון די אלע זאכן, און כ'לייבט אז מי שיש לו מוח בקדקדו האט אויך אפגעלאכט דערפון.

אבער איצט האט זיך אלעס אפגעשטעלט. זינט אבאמא האט געווינען די וואהלן האט ער נישט פארמאכט זיין מויל, ווי ער האט געקענט זאגן א ווארט האט ער אריינגערעדט, עקאנאמיע, פארמאכן גואטנאמא בעי טורמע, און אלעס וואס איז געלגן אויפן טיש.

אבער די לעצטע 8 טאג זינט סהאט זיך אנגעהויבן די מלחמה אין מיטל מזרח, אלע וועלט פירער מאכטפולע און נישט מאכטפולע צוגלייך, לאזן זיך הערן זייערע מיינונגען, אבער באראק חוסעין אבאמא... האט אנגענומען א שטיל שווייגעניש....... אנטשולדיג? אין 16 טאג ארום בוזטו דער אמעריקאנער פרעזידענט ניין? אבער איין סטעיטמענט זיין טיעם ארויסגעגעבן, אז.. דער פרעזידענט עלעקט האלט מיט די אנטוויקלונגען פון די נאנט. שכוח... אפשר קען איינער לערנען פשט וואס דאס מיינט.

שטעלט אייך פאר 9-11-01 10:00 פארמיטאג, דער אמעריקאנער פאלק איז אין פאניק און זיי ווילן הערן וואס זייער פרעזידענט האט צו זאגן, און דאס וואס ווייסע גיט ארויס א בשעיטמענט אז דער פרעזינדענט האלט מיט די אנטוויקלעונגען פון די נאנט, סאיז איבעריג צו וואס פארא ליצנות ס'ליגט אין די ווערטער וואס די אבאמא טראנזישאן טיעם האט ארויסגעגעבן.

איך הייב אן ערנסט מורא צו האבן אז די אלע זאכן וואס מ'האט געזאגט אויפן פרעזידענט עלעקט, צו סליגט נישט דערין עפעס אמת.
א גוט ווארט איז אלעמאל גוט

אוועטאר
lebediger berel
שר חמשת אלפים
תגובות: 5017
זיך איינגעשריבען אום: דינסטאג יוני 17, 2008 11:17 am

תגובהדורך lebediger berel » זונטאג ינואר 04, 2009 1:44 pm

איך האב נישט מורא, כ'ווייס עס, פון וואו האט ער זיך געלערנט וואס צו זאגן ? פון שיקאגא ?
כ'בין מתפלל און מ'האף מיר אז דער לב מלכים ושרים ביד ד' וועט אים גוט פירן ווען ער וועט זיצן אויפן זאטל, ווייל אך און וויי ווער ס'פארלאזט זיך אפילו אויף א טויגליכן בשר ודם
און כל שכן אויף אים
אז מ'לעבט דערלעבט מען

אוועטאר
אלף בית
שר האלפיים
תגובות: 2710
זיך איינגעשריבען אום: מאנטאג נובעמבער 10, 2008 4:37 pm

תגובהדורך אלף בית » זונטאג ינואר 04, 2009 1:49 pm

אה בערל האסט מיך שטארק בראואיגט.
האסט מיר דערמאנט וואס איינער וואס מיר געזאגט ווען ער האט געווינען די וואלן, אז ביז יאנואר 20 קען נאך אבאמא זאגן זיין אייגענעם מיינונג, אבער ווי נאר ער ווערט דער פרעזידענט איז שוין מער נישט בידו צו זאגן וואס ער וויל לב מלכים ושרים ביד ה'.

(אגב, מיינט דער פסוק צו זאגן אז א מלך אדער שר פארלירט גענצליך זיין בחירה?)
א גוט ווארט איז אלעמאל גוט

אוועטאר
צוביילטער
שר חמש מאות
תגובות: 539
זיך איינגעשריבען אום: מאנטאג סעפטעמבער 01, 2008 1:09 pm
לאקאציע: אין בעט

תגובהדורך צוביילטער » זונטאג ינואר 04, 2009 2:00 pm

גראדע קוק איך עס אן ווי א גלונגענע שטיקל פון זיין זייט. אנשטאט צו לאזן הערן א מיינונג און יעדער זאל וויסן אויף וועלכע זייט ער שטייט, פארמאכט ער זיין מויל, און יעדער זאל זיך איינרעדן אז ער שטייט אויף זיין זייט.

אוועטאר
ראמני 08
שר האלף
תגובות: 1911
זיך איינגעשריבען אום: פרייטאג אוגוסט 22, 2008 12:29 pm
לאקאציע: אויפן קאמפיין באס
פארבינד זיך:

תגובהדורך ראמני 08 » זונטאג ינואר 04, 2009 2:11 pm

אלף בית האט געשריבן:אה בערל האסט מיך שטארק בראואיגט.
האסט מיר דערמאנט וואס איינער וואס מיר געזאגט ווען ער האט געווינען די וואלן, אז ביז יאנואר 20 קען נאך אבאמא זאגן זיין אייגענעם מיינונג, אבער ווי נאר ער ווערט דער פרעזידענט איז שוין מער נישט בידו צו זאגן וואס ער וויל לב מלכים ושרים ביד ה'.

(אגב, מיינט דער פסוק צו זאגן אז א מלך אדער שר פארלירט גענצליך זיין בחירה?)

דאכטצעך מיר אז די גמרא אין מגילה שטייט די גמרא דארשנט אויף המן ''בקום עלינו אדם'' אדם ולא מלך. איז רש''י מסביר אז דווקא ביי אמלך איז לב מלכים ושרים ביד ה' אבער א אדם פשוט האט א בחירה איז סאך ערגער כידוע ביי יוסף הצדיק
אויב אזוי דא ביי א אמעריקאנער פרעזידענט איז דאך נישט קיין מלך. א מלך איז נאר ווען סאיז בידו להמית ולהחיות ( סאיז טעקע בידו להחיות (פארדאן בלע''ז) אבער נישט להמית) אויב אזוי וכו'

אוועטאר
lebediger berel
שר חמשת אלפים
תגובות: 5017
זיך איינגעשריבען אום: דינסטאג יוני 17, 2008 11:17 am

תגובהדורך lebediger berel » זונטאג ינואר 04, 2009 2:11 pm

אלף בית כתב
אה בערל האסט מיך שטארק בראואיגט.
האסט מיר דערמאנט וואס איינער וואס מיר געזאגט ווען ער האט געווינען די וואלן, אז ביז יאנואר 20 קען נאך אבאמא זאגן זיין אייגענעם מיינונג, אבער ווי נאר ער ווערט דער פרעזידענט איז שוין מער נישט בידו צו זאגן וואס ער וויל לב מלכים ושרים ביד ה'.

(אגב, מיינט דער פסוק צו זאגן אז א מלך אדער שר פארלירט גענצליך זיין בחירה?)
ליידער ליידער איז דאס אונזער איינציגסטע טרייסט, נאכדעם וואס מ'האט אונז באגליקט מיטן טויש
און אויף דיין שאלה דערך אגב וועל איך דיר מעתיק זיין דעם מלבי"ם
"פלגי מים לב מלך ביד ה' על כל אשר יחפץ יטנו" (משלי כא, א).
"הגם שלב האדם הפרטי נתון ברשותו והבחירה בידו, לא כן לב המלך, אחרי שבבחירתו תלוי אושר הכלל,
ואם יבחר בדרך רע, ישחית רבים ועצומים, לכן לבו זה הכללי הוא ביד ה' והוא בענייני הכלל משולל
הבחירה... כן לב מלך אחר שממעשהו יפלגו ענייני הכלל, אם לשבט אם לחסד, אם למלחמה ואם לשלום הם
ביד ה' ויטה אותם לפי רצונו, בהנהגת הכלל, אם זכו יטהו לטובה, ומהפך ולא ימתין לשנות גמר מעשהו לפי
רצונו, רק תחילת נטית הלב יטה לרצונו כמו שמטים פלגי מים בתחילת הפלגותם".

(מוסר חכמה, מלבי"ם, על אתר).
אז מ'לעבט דערלעבט מען

אוועטאר
אלף בית
שר האלפיים
תגובות: 2710
זיך איינגעשריבען אום: מאנטאג נובעמבער 10, 2008 4:37 pm

תגובהדורך אלף בית » זונטאג ינואר 04, 2009 2:14 pm

יישר כח פארן מיר ענטפערן.

לאמיר אבער נישט פארקריכן, פונעם פאליטישן שטאנדפונקט איז דא א סיבה צו חוסעינ'ס שוויגעניש?
א גוט ווארט איז אלעמאל גוט

אוועטאר
שוועמל
שר עשרת אלפים
תגובות: 14186
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » זונטאג ינואר 04, 2009 2:24 pm

אבאמא'ס שווייגעניש איז נישט קיין סיבה פאר פחד אדער שרעק.

זיין ווארטזאגער האט קלארגעשטעלט "עס איז נאר דא איין פרעזידענט אויף אמאל" עס איז גענצליך איבעריג פאר אבאמא יעצט אריינצורעדן און זאגן א מיינונג אדער שטעלונג וואס אמעריקע האלט.
אין די מינוט וואס בוש וועט ארויסגיין וועט ער זאגן וואס ער האט צו זאגן.
שוש אשיש בה', תגל נפשי באלקי! (ישעיה סא)

אוועטאר
lebediger berel
שר חמשת אלפים
תגובות: 5017
זיך איינגעשריבען אום: דינסטאג יוני 17, 2008 11:17 am

תגובהדורך lebediger berel » זונטאג ינואר 04, 2009 2:26 pm

קודם שכויעך פאר ראמני האסט מיר דערמאנט די רש"י, א שאד טאקע אז דו האסט נישט געווינען,
יעצט וועגן פאליטיק מיין איך אז חוסעין וויל נאך אנהאלטן זיין קרעדיט ביי די מוסלמענער, און ער וויל נישט פארלירן זיין קרעדיט ביי די אמעריקאנער [און די אידן], במילא פרובירט ער צו שווייגן
איך מיין ס'וועט אים העלפן ווי אלע וואס ווילן טאנצן אויף ביידע חתונות, מ'בלייבט צוקריגט מיט ביידע
אז מ'לעבט דערלעבט מען

אוועטאר
אלף בית
שר האלפיים
תגובות: 2710
זיך איינגעשריבען אום: מאנטאג נובעמבער 10, 2008 4:37 pm

תגובהדורך אלף בית » זונטאג ינואר 04, 2009 2:30 pm

ער קען דאך אבער זאגן אז מדארף מאכן שלום אדער מדארף מאכן א פייער אפשטעל און פטור אן עסק.
מיר זעהט אויס אז ער האט מיינונגען וואס וויל נישט מפרסם זיין ברבים
א גוט ווארט איז אלעמאל גוט

אוועטאר
lebediger berel
שר חמשת אלפים
תגובות: 5017
זיך איינגעשריבען אום: דינסטאג יוני 17, 2008 11:17 am

תגובהדורך lebediger berel » זונטאג ינואר 04, 2009 2:40 pm

כשאני לעצמי האלט איך אז זיין מיינונג איז די זעלבע מיינונג ווי דזשערמיי רייט, אודאי וויל ער עס נישט מפרסם זיין
פונקט ווי ער וויל נישט מפרסם זיין די ווידיאוי ווי ער איז געווען אויף א פארטי מיט די פאלעסטינער (פארגעסן די נאמען) און וויליאם עירס וכו'
אז מ'לעבט דערלעבט מען

אוועטאר
הכל בכל מכל
שר חמישים ומאתים
תגובות: 250
זיך איינגעשריבען אום: מוצ"ש נובעמבער 01, 2008 10:11 pm
לאקאציע: ווען ער זיכט א צווייטן

תגובהדורך הכל בכל מכל » זונטאג ינואר 04, 2009 3:16 pm

די ערשטע זאך וויל איך זיך באדאנקען פאר הרב אלף, צוליב וואס ער האט ארויפגעברענגט אויפן טיש דאס וואס קוועטשט מיר שוין פון אנהייב די קריג. און איך האלט מיט די אנטוויקלינגען פונעם אשכול פון די נאנט.....
יא יא הכל בכל מכל איז נאר דא איין באשעפער

אוועטאר
אלף בית
שר האלפיים
תגובות: 2710
זיך איינגעשריבען אום: מאנטאג נובעמבער 10, 2008 4:37 pm

תגובהדורך אלף בית » זונטאג ינואר 04, 2009 3:19 pm

שוועמל האט געשריבן:אבאמא'ס שווייגעניש איז נישט קיין סיבה פאר פחד אדער שרעק.

זיין ווארטזאגער האט קלארגעשטעלט "עס איז נאר דא איין פרעזידענט אויף אמאל" עס איז גענצליך איבעריג פאר אבאמא יעצט אריינצורעדן און זאגן א מיינונג אדער שטעלונג וואס אמעריקע האלט.
אין די מינוט וואס בוש וועט ארויסגיין וועט ער זאגן וואס ער האט צו זאגן.


דעמאלט פארוואס אין עקענאמיע רעדט ער יא אריין, סאיז דאך נאר דא איין פרעזידענט אויפאמאל ?
גואטנאמא בעי טורמע, סאיז דאך נאר דא איין פרעזידענט אויך אמאל ?
און ווי נאך מישט ער זיך פאר די אויבנדערמאנטע סיבה.
אויב איז נאר דא איין פרעזידענט אויף אמאל וואס פשט פונעם סטעיטמענט א דער פרעזידענט עלעקט האלט מיט די אנטוויקלונגען פון דערנאנט?
א גוט ווארט איז אלעמאל גוט

אוועטאר
צוביילטער
שר חמש מאות
תגובות: 539
זיך איינגעשריבען אום: מאנטאג סעפטעמבער 01, 2008 1:09 pm
לאקאציע: אין בעט

תגובהדורך צוביילטער » זונטאג ינואר 04, 2009 3:40 pm

אלף בית, א שוואגעניש איז די בעסטע עצה ווען מען וויל טאנצן אויף ביידע חתונות אויף אמאל, נאך דערצו ווען מ'קען זיך ארויסדרייען מיט א שיינע תירוץ.

זארעכפעפער
שר האלפיים
תגובות: 2167
זיך איינגעשריבען אום: דאנארשטאג אוגוסט 24, 2006 2:28 pm

תגובהדורך זארעכפעפער » זונטאג ינואר 04, 2009 4:03 pm

שאלות חכם חצי תשובה,

ער איז שטיל ווייל ער וויל נישט גיבן זיין שטיצע פאר 'מדינת ישראל'! איז וואס? ווער זאגט אז זיין מיינונג איז אזוי אומריכטיג? ווער זאגט אז ער מוז נאכטאנצן מיט בלינדע אויגן די אלע פאלעסיס פון בוש? יא, ער האלט אז מיט'ן אריינגיין אין עזה און אויסשעכטן הונדערטער ציווילע און אראפווישן פון די מאפע די טעראריסטן וועט מען גארנישט אויפטוהן. עס וועט נישט ברענגען קיין שטילשטאנד מצד די טעראריסטן.

יא, בוש האלט אז ארץ ישראל קומט זיך פאר די יידן, ווי ער האט ערקלערט אין כנסת פארגאנגענעם זוממער אויפווייזנדיג מפי בייבל (אויך מער א דעת תורא) אז אר"י איז מוחזקת לישראל עוד מימות אברהם, און אבאמא איז מחולק דערמיט! סאו וואט?

שכלדיג, אפשר איז ער גערעכט? ס'נישט א מלחמה מיט א 'מדינה' וואס מ'קען אינדענטיפיצירן דעם שונא, ס'איז א מלחמה מיט טעראריסטן. נו, אז די ציונים וועלן זיך א לאז טון און מאכן א חורבן פון איין זייט וועלן אויסוואקסן כאמאסים פון דער אנדערער זייט. טא האלט אבאמא אז לא זו הדרך, מלחמה איז נישט דער וועג. ער טראכט אז אולי ווען מדינת ישראל זאל צוריק געבן און נאכגעבן פאר די פאלעסטינע זייער פארלאנג, וועט דאס פיל מער אויפטוהן ווי א צעיוזשטע מלחמה מיט פאנאטיקערס. סאו וואט.

וואס ציטערט איר אזוי פון דעם אבאמא? סך הכל טראכט ער אנדערש אין די ענינים פון די וואס איר זענט צוגעוואוינט צו הערן פון בוש. נו שוין...
לעצט פאראכטן דורך זארעכפעפער אום זונטאג ינואר 04, 2009 4:07 pm, מאל פאראכטן געווארן 1 סך הכל.

סטיוו שמידט
שר מאה
תגובות: 123
זיך איינגעשריבען אום: מאנטאג סעפטעמבער 08, 2008 4:58 pm

תגובהדורך סטיוו שמידט » זונטאג ינואר 04, 2009 4:06 pm

אלף בית האט געשריבן:
שוועמל האט געשריבן:אבאמא'ס שווייגעניש איז נישט קיין סיבה פאר פחד אדער שרעק.

זיין ווארטזאגער האט קלארגעשטעלט "עס איז נאר דא איין פרעזידענט אויף אמאל" עס איז גענצליך איבעריג פאר אבאמא יעצט אריינצורעדן און זאגן א מיינונג אדער שטעלונג וואס אמעריקע האלט.
אין די מינוט וואס בוש וועט ארויסגיין וועט ער זאגן וואס ער האט צו זאגן.


דעמאלט פארוואס אין עקענאמיע רעדט ער יא אריין, סאיז דאך נאר דא איין פרעזידענט אויפאמאל ?
גואטנאמא בעי טורמע, סאיז דאך נאר דא איין פרעזידענט אויך אמאל ?
און ווי נאך מישט ער זיך פאר די אויבנדערמאנטע סיבה.
אויב איז נאר דא איין פרעזידענט אויף אמאל וואס פשט פונעם סטעיטמענט א דער פרעזידענט עלעקט האלט מיט די אנטוויקלונגען פון דערנאנט?


עס איז זייער פשוט

ביי די עקענאמיע, קען ער אריין רעדן, ווייל עס איז בסך הכל דאמירן בעלמא, מען רעדט פין פלענער וואס מען גייט טיען, אדער וואס מען זאל טיען,
דאס הייסט, מען רעדט פינעם עתיד, נישט פינעם הוה, דעמלאטס מעג ער אריין רעדן, ווייל ער מעג געבן זיין מיינוג וויאזוי זאכן זאלן געפירט ווערען,
און בפרט ווען רוב פון די פלענער, וועט ער דאך דארפן אויספירען, מילא האט ער זיכער די רעכט אריינצירעדן, און ער דארף אריינרעדן, כי לכך נבחרת

משא"כ ביי די מלחמה, איז עס א זאך פינעם הוה, מען וועם אמעריקע זאל היינט יום א ויחי שטיצען, דא טאר ער נישט אריינרעדן, ער מיזט האבן זיינע ווייסע ציינער באהאלטן,
ווייל אמעריקע האט נאר איין פרעזידענט און נישט צוויי און ער קען נישט גיין און קאמפטישען מיט בוש איבער די נושא, און ח"ו אויב ער רעדט אריין, עס קען נאך מאכען די
סיטאציע אסאך ערגער, בעסער אז נאר דער איין איצטיגער פרעזידענט זאל עס פירען, והדברים פשוטים
לעצט פאראכטן דורך סטיוו שמידט אום זונטאג ינואר 04, 2009 4:34 pm, מאל פאראכטן געווארן 1 סך הכל.

אוועטאר
אלף בית
שר האלפיים
תגובות: 2710
זיך איינגעשריבען אום: מאנטאג נובעמבער 10, 2008 4:37 pm

תגובהדורך אלף בית » זונטאג ינואר 04, 2009 4:13 pm

זארעכפעפער האט געשריבן:שאלות חכם חצי תשובה,

ער איז שטיל ווייל ער וויל נישט גיבן זיין שטיצע פאר 'מדינת ישראל'! איז וואס? ווער זאגט אז זיין מיינונג איז אזוי אומריכטיג? ווער זאגט אז ער מוז נאכטאנצן מיט בלינדע אויגן די אלע פאלעסיס פון בוש? יא, ער האלט אז מיט'ן אריינגיין אין עזה און אויסשעכטן הונדערטער ציווילע און אראפווישן פון די מאפע די טעראריסטן וועט מען גארנישט אויפטוהן. עס וועט נישט ברענגען קיין שטילשטאנד מצד די טעראריסטן.

יא, בוש האלט אז ארץ ישראל קומט זיך פאר די יידן, ווי ער האט ערקלערט אין כנסת פארגאנגענעם זוממער אויפווייזנדיג מפי בייבל (אויך מער א דעת תורא) אז אר"י איז מוחזקת לישראל עוד מימות אברהם, און אבאמא איז מחולק דערמיט! סאו וואט?

שכלדיג, אפשר איז ער גערעכט? ס'נישט א מלחמה מיט א 'מדינה' וואס מ'קען אינדענטיפיצירן דעם שונא, ס'איז א מלחמה מיט טעראריסטן. נו, אז די ציונים וועלן זיך א לאז טון און מאכן א חורבן פון איין זייט וועלן אויסוואקסן כאמאסים פון דער אנדערער זייט. טא האלט אבאמא אז לא זו הדרך, מלחמה איז נישט דער וועג. ער טראכט אז אולי ווען מדינת ישראל זאל צוריק געבן און נאכגעבן פאר די פאלעסטינע זייער פארלאנג, וועט דאס פיל מער אויפטוהן ווי א צעיוזשטע מלחמה מיט פאנאטיקערס. סאו וואט.

וואס ציטערט איר אזוי פון דעם אבאמא? סך הכל טראכט ער אנדערש אין די ענינים פון די וואס איר זענט צוגעוואוינט צו הערן פון בוש. נו שוין...


אנדערש פון בוש
אנדערש פון קלינטאן
אנדערש פון בוש דער ערשטער
אנדערש פון רעיגען
אנדערש פון קארטער
אנדערש פון פארד
אנדערש פון ניקסאן
אנדערש פון קענעדי
אנדערש פון אייזענהאוער
אנדערש פון טרומאן
אפשר איז דאס די טשענדש וואס ער ברענגט קיין אמעריקע?
פונעם תורה'דיגן שטאנדפונקט ביזטו גערעכט, איך האלט אויך אז מדינת ישראל טאר נישט אריינגיין עזה, איך האלט אויך אז ארץ ישראל איז נישט מוחזק פאר אידן פאר דער גואל צדק וועט קומען.
אבער פונעם פאליטישן שטאנטפונקט. גייט ער אננעמען די פאליסיס פון רוסלאנד, אדער איראן?
א גוט ווארט איז אלעמאל גוט

זארעכפעפער
שר האלפיים
תגובות: 2167
זיך איינגעשריבען אום: דאנארשטאג אוגוסט 24, 2006 2:28 pm

תגובהדורך זארעכפעפער » זונטאג ינואר 04, 2009 4:18 pm

ניין, ער נעמט אן דעם מהלך פון בוש אין אנהויב פון זיין ערשטן קאדענץ. בוש האט אין תחילת אויך געוואלט אנענעמען די פאליסי, אבער די ציוניסטישע לאביאיסטן, באגלייט מיט דעם 9/11, האבן אים אריינגעפירט אין אן אנדער מהלך. נו, ער איז נאך נישט אזוי בעאיינפלוסט פון די איזראעלישע לאבאייסטן. און יא ער קומט פון אן אנדער חדר ווי די אלע אויבנדערמאנטע, און ער קוקט דערווייל אויף די זאך מיט אנדערע ברילן. און אדרבה, וואו איז אמעריקע אנגעקומען מיט די אלע פאלעסיס, בשייכות צו מדינת ישראל, אנגעהויבן פון טרומאן און געענדיגט ביי בוש???

אוועטאר
חייקל
שר חמש מאות
תגובות: 628
זיך איינגעשריבען אום: מאנטאג סעפטעמבער 15, 2008 5:41 pm
לאקאציע: ביים טישל ווי ס'ליגט די געשמאקע תיקון יי"ש מיט לקח לחיים!

תגובהדורך חייקל » זונטאג ינואר 04, 2009 4:27 pm

מיר קוועטשט שוין אויך די קשיא פון ערשטן טאג, "וואו איז באראק אבאמא?"

די וואס זאגן אז ער שווייגט ווייל ער איז נאכנישט פרעזידענט ביז יאנאוואר 20, אזוי?
אינטערסאנט אז ער האט שוין געזאגט מיינונגן נוסח פרעזידענט נאך איידער ער האט געווינען די וואלן, און נאך מער נאכן' געווינען, האט ער זיך געלאזט הערן, זייער פרעזידענטיש, פיל מער ווי סיי וועלכער פרעזידענט-עלעקט ביז היינט, דער תירוץ איז געווען אפשר, אז מיר שטייען אין נישט-געוענליכע שווערע צייטן, מיט אלעס וואס שפילט זיך אפ איבער די וועלט, די עקאנאמיע, טעראר, א.א.וו.

אויב'זשע אזוי, ווי ביזטו יעצט, ער באקט זיך אונטער זון אין די שווימהויזן , און האט גארנישט קיין מיינונג?

און צו זארעכפעפער טייערער, בוש און אבאמא האבן ביידע קיין ויואל משה און על הגאולה נישט געלערנט (ניטאמאל דעם פארקירצטן ילקוט מאמרים), ווען דו לייגסט דעם פראבלעם פון ציונות אין א זייט אויף א מינוט, און נוצט בלויז לאגיק, זענען דען די ציונים נישט הונדערט פראצענט גערעכט, ווען נישט וואס איינער איז א פארקרימטער ליבעראל, און פארקויפט מיט אנטיסעמיטישע און ליבעראלע נגיעות פאר די (נעבעכדיגע)[טערארסיטישע] מוסלעמענער, ס'לייגט זיך בכלל נישט אויפ'ן דעת צו האלטן אז כאמאס איז גערעכט דא.

ס'רוב זושרנאליסטן, און דיפלאמאטן היינט זענען יא פון די לעצטע, אריינגערכענט די יו ען פירער, וועלכע האבן נאך נישט געפונען פאר וויכטיג מוחה זיין אויף די רציחות פון די אראבישע טערארסיטן קעגן אומשולדיגע ציווילע מענער פרויען און קינדער, אבער וועלן שטענדיג זיך איילן צו פארדאמען מדינת ישראל ווען זי נעמט אונטער אן אקציע אין זעלבסט פארטיידיגונג.

ס'מערהייט פון די האבן נישט פארדאמט קיין שום טעראריסטישע אטאקע איבער די וועלט, אדער אין מיט מזרח, פון זעלבסטמארד אטאקע אין קאפעי הייזער און באס סטאפס, די סעפטעמבער עלעווען רציחה ביז די מומביי שחיטה, קיין מוק הערט מען נישט פון זיי, יא, ווילדער טענץ אין די גאסן מיט יובל'דיגע שיסערייען טויט צו אמעריקע האבן מיר יא געזעהן...

כ'האב געלייגט א לינק אין אשכול פון די אקציע צו אן ארטיקל געשריבן דורך אן א עגיפטישער אראבישע זושרנאליסט פון די איינציגסטע וואס זענען נישט פארבלינדעט צו זאגן שטענדיג אז די טעראריסטן זענען גערעכט בלויז ווייל זיי זענען מיינע ברודער-אראבער, לייענט דעם ארטיקל און ער ברענגט אזוי קלאר ארויס ווי די שכל'דיגע לאגיק איז אז מדינת ישראל איז גערעכט, און כאמאס זענען בלויזע בלוט דורשטיגע טעראריסטן, וואס קימערן זיך נישט פאר זייערע אייגענע בירגער.
עגיפטן איז קעגן זיי, פאטאך-אבאס איז קעגן זיי. (נטורי קרתא איז מיט זיי...)

אלזא, אוודאי מיר ווייסן דעם סוד פון "והיא לא תצלח", און דער הארבער עונש פון עובר זיין אויף די שלש שבועות רח"ל, אבער לאגיש שכל'דיג ווען די צוויי מדינות וואלטן געווען א שטייגער פראנקרייך מיט טערקיי, איז קלאר אז די מדינה איז גערעכט און האנדלט אין זעלבסט פארטיידיגונג.

ממילא אויב דער כאריזמאטישער "באראק אבאמא" האלט טאקע אז כאמאס איז גערעכט אין דעם קאנפליקט, איז ביטער ווי א גאל, און ס'שיינט אז אלע לשון הרע'לעך וואס מ'האט אנגערעדט איף איהם זענען אמת, ער איז א תלמיד מובהק פון דזשערעמי רייט דער וויסטער צודרייטער אנטי אמעריקע און אנטיסעמיט.

צום שלוס, זיכער איז לב מלכים ושרים ביד ה', ס'שטייט שרים אויך נישט נאר נאר מלכים, אפילו לו יהא ווילסט זאגן ס'מיינט נאר א מלך, איז ער דאך א שר זיכער, אבער בפשטות מיינט דאס יעדער מנהיג און מושל, חוץ אז איינער וועט אנווייזן פון די מפרשים וואס זאגן אנדערש.
נישט יעדן טאג רעגנט... אט קומט ארויס די זוהן פון אונטער די וואלקענעס - לא יהי' לעולם אפילה - יזרח לנו במהרה!

סטיוו שמידט
שר מאה
תגובות: 123
זיך איינגעשריבען אום: מאנטאג סעפטעמבער 08, 2008 4:58 pm

תגובהדורך סטיוו שמידט » זונטאג ינואר 04, 2009 4:29 pm

זארעכפעפער האט געשריבן:ניין, ער נעמט אן דעם מהלך פון בוש אין אנהויב פון זיין ערשטן קאדענץ. בוש האט אין תחילת אויך געוואלט אנענעמען די פאליסי, אבער די ציוניסטישע לאביאיסטן, באגלייט מיט דעם 9/11, האבן אים אריינגעפירט אין אן אנדער מהלך.


נער'ישקייטען, זארעכ ביסט אויסדריקליך נישט גערעכט,

בוש האט געקענט אננעמן די מהלך, ווייל בשעתו ווען בוש איז געווארן פרעזידענט איז נישט געווען קיין מלחמה, אין פרידענס צייטען { און מיטל מזרח הייסט פרידענס צייטען ווי לאנג נאר 100 מענטשן שטארבן א חודש } האט בוש געקענט טיען וואס ער האט געוואלט, אבער אלמלא עס וואלט געווען דאן א מלחמה, וואלט בוש אויך געמיזט נעמען א שטעלונג, און אויב אבאמא וואלט יעצט געווען פרעזידענט וואלט ער אויך גענימען א שטעלונג

איך האב שוין געשריבען דא די סיבה פין זיין { אבאמא'ס } שווייגען אין לדעתי איז נישט דא נאך א סיבה, און עס איז זייער גוט אז ער שוייגט, און אזוי דארף עס צי זיין

עס איז נישט דא קיין סיבה צי פארשפרייטען שרעק צווישן ציבור כאילו אבאמא מיינט דא עפעס

אוועטאר
שוועמל
שר עשרת אלפים
תגובות: 14186
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » זונטאג ינואר 04, 2009 4:38 pm

אלף בית איז דורש:
למה אתה "בוש", לכך נבחרת ...
פארוואס עפעס זאל בוש אריינרעדן דא, זאל אבאמא
שוש אשיש בה', תגל נפשי באלקי! (ישעיה סא)

זארעכפעפער
שר האלפיים
תגובות: 2167
זיך איינגעשריבען אום: דאנארשטאג אוגוסט 24, 2006 2:28 pm

תגובהדורך זארעכפעפער » זונטאג ינואר 04, 2009 4:50 pm

אלזא, ערשטענס אלס איד אויס איז ביי מיר נישט פאראן צו לייגן תורה אין דער זייט און טראכטן בלויז לאגיק. מיין שכל קען נישט אוועק לייגן אין דער זייט פאר קיין איין מינוט א מחשבה שלא עפ"י תורה; נישט ווען עס האנדלט זיך ביים ולא תתורו אחרי לבבכם און נישט ווען עס האנדלט זיך ביים ולא תתורו אחרי עיניכם. פונקט ווי ביים לעצטן פאל פארשטייסטו אז וואס אימער ס'זאל דיר נאר אונטערקומען צו טראכטן וועסטו נישט זאגן איך לייג א מינוט אוועק די תורה און כ'טראכט לאגיק, דאס זעלביגע איז ביים אחרי לבבכם אויך.

דערנאך, איך בין טאקע א סאטמארער פאנאטישער מצומצם (שוין, נעבעך, ווא-קע-טאן) אבער מעשוגע בין איך נישט (אפשר יא? ס'דאך היינו הך, א שוטה און א פאנאטיקער = מעשוגענער, נישט אזוי?). איך האלט נישט איין מינוט אז בוש אדער אבאמא האבן געלערנט דעם ענין פון ויואל משה און על הגאולה ועל התמורה, ניטאמאל פאר א וויץ איז דאס גוט. אבער דאס איז קלאר יא אז בוש האט געלערנט בייבל, און ער און אלע זיינע צוגלייכער פארשטייען אלע היינטצוטאגס אז פאר יידן קומט זיך א לענדל פונקט ווי עס קומט זיך אלע אנדערע פעלקער. אבאמא ווייטער האט געלערנט אן אנדער סארט בייבל און האלט אנדערש, אז ארץ ישראל מעגליך קומט פאר 'זיינע' ברידער די פאלעסטינים/פלישתאים.

דעריבער אלס איד אויס טראכטנדיג אין דעם ענין איז מיר אויסגעקומען אז מיר רעדן נישט אצינד צי חאמאס זענען בלוט דורשטיגע צי נישט, קלאר אז יא. די אראבערס זענען רוצחים, אידיש בלוט איז ביי זיי הפקר. זיי ווארפן מיסל'ס קיין מדינת ישראל אן קיין ציל און חשבון. אמת ואמת. אבער, די אלע אראבישע גרופעס וואס דו האסט אויסגערעכנט גיבן נישט קיין רעכט פאר די ציונים, זיי זאגן בלויז אז כאמאס איז זיך אליין שולדיג און זיי זענען סתם בהמות אן קיין חשבון. אבער צי די מדינה וועט עפעס האבן פארדינסטן דערפון, צי ס'וועט עפעס אויפטוהן? אךך... וואס, וואו, ווען. און פארוואס נישט? ווייל אויף זאך וואס שטייט נגד רצונו ית', איז נישט שייך אויסצורעכענען דרך הטבע'דיגע ענינים. דעריבער קוקן זיי אזוי אויס היינט.

און נאכאמאל, מיר רעדן בלויז צי די מלחמה, וואס די אזוי גערופענע באשיצער פון אונזער הייליג לאנד פירן אצינד מיט זייערע שכנים, וועט דאס טאקע ברענגען דעם רעזולטאט אויף וואס זיי טריאומפירן אז בלויז זיי קענען באשיצן דאס לאנד? ניין! היינט הארגעט ער דעם טעראריסט, און מארגען וועט אויפשטיין דער טעראריסט פון א צווייט בונקער און ערשט מאכן אביסל קרבנות ישראל ה"י און דערנאך נאך וואס דאס וועט שוין האבן געקאסט נעבעך נאך א שיינע פאר אידישע פארלוסטן וועלן זיי אריינגיין אין א פריש מלחמה צו טרעפן דעם פרישן טעראריסט. אזוי שפילן זיי נעבעך קאץ און מויז אהין און צוריק, ווען ביני לביני נישט נאר וואס זיי קענען נישט באשיצן דאס פאלק היושב בארצינו הק' נאר עס קאסט ליידער כסדר נאך און נאך פרישע אידישע קרבנות ה"י.

אוועטאר
וויכטיג מאכער
שר עשרים אלפים
תגובות: 25397
זיך איינגעשריבען אום: מיטוואך מארטש 12, 2008 6:21 pm
לאקאציע: צווישן טרעק 4 און טרעק 5.

תגובהדורך וויכטיג מאכער » זונטאג ינואר 04, 2009 5:13 pm

סטיוו שמידט האט געשריבן:עס איז זייער פשוט

ביי די עקענאמיע, קען ער אריין רעדן, ווייל עס איז בסך הכל דאמירן בעלמא, מען רעדט פין פלענער וואס מען גייט טיען, אדער וואס מען זאל טיען,
דאס הייסט, מען רעדט פינעם עתיד, נישט פינעם הוה, דעמלאטס מעג ער אריין רעדן, ווייל ער מעג געבן זיין מיינוג וויאזוי זאכן זאלן געפירט ווערען,
און בפרט ווען רוב פון די פלענער, וועט ער דאך דארפן אויספירען, מילא האט ער זיכער די רעכט אריינצירעדן, און ער דארף אריינרעדן, כי לכך נבחרת

משא"כ ביי די מלחמה, איז עס א זאך פינעם הוה, מען וועם אמעריקע זאל היינט יום א ויחי שטיצען, דא טאר ער נישט אריינרעדן, ער מיזט האבן זיינע ווייסע ציינער באהאלטן,

ווייל אמעריקע האט נאר איין פרעזידענט און נישט צוויי און ער קען נישט גיין און קאמפטישען מיט בוש איבער די נושא, און ח"ו אויב ער רעדט אריין, עס קען נאך מאכען די
סיטאציע אסאך ערגער, בעסער אז נאר דער איין איצטיגער פרעזידענט זאל עס פירען, והדברים פשוטים


סטיוו, איי דאונט געט איט! וואס איז די מלחמה נוגע היינט פאר אבאמא, [אלס ציווילער בירגער] אויב נישט דאמירן בעלמא?

עניוועי, מיין מיינונג איז, (איינער איז אינטערעסירט? הא? ניין? וועלעך דוקא יא זאגן!) אבאמא-וועלעכער האט געמאכט זייער אסאך טעותים דורכאויס זיין קאמפיין, א חלק האטער צוריקגעצויגן, (שטייצעך ער האט נישט פלעין צוריקגעצויגן, ער האט נאר מער "ארויסגעברענגט" וואס ער האט געמיינט צו זאגן) און א חלק איזער געשטאנען ביז די לעצטע מינוט-האט געמאכט זייער א גוטע דיסיזשען, מיט'ן נישט רעדן, ווייל פארוואס דארף ער רעדן, ווען ער קען שווייגן? ווי וויינעגער ער רעדט, אלס ווייניגער מענטשען וועט ער אויפברויזן...........
הכונו ל'מעמד אדיר איום אסיפת ה''ניקס'' לטוהר המחנה!!!

אוועטאר
חייקל
שר חמש מאות
תגובות: 628
זיך איינגעשריבען אום: מאנטאג סעפטעמבער 15, 2008 5:41 pm
לאקאציע: ביים טישל ווי ס'ליגט די געשמאקע תיקון יי"ש מיט לקח לחיים!

תגובהדורך חייקל » זונטאג ינואר 04, 2009 5:22 pm

זארעכפעפער האט געשריבן:אלזא, ערשטענס אלס איד אויס איז ביי מיר נישט פאראן צו לייגן תורה אין דער זייט און טראכטן בלויז לאגיק.
ן .


חס ושלום, אוודאי נישט! :mrgreen: גיוואלד! חלילה..!!
טראכט נאר אלמלא אסרה תורה וואס וואלט געווען דער לאגישער פאליטישע מיינונג אין דעם קאנפליקט, דער רבי האט דאס אויך אויסגעשמועסט, ווען ער האט גערעדט איבערן מצב.
אדער בעסער געזאגט, ווי כ'האב דערמאנט, טראכט למשל ווען דאס וואלט געווען צווישן פראנקרייך און טערקיי, וואס וואלסטו דאן געהאלטן.

זארעכפעפער האט געשריבן:. אבאמא ווייטער האט געלערנט אן אנדער סארט בייבל און האלט אנדערש, אז ארץ ישראל מעגליך קומט פאר 'זיינע' ברידער די פאלעסטינים/פלישתאים.
.


אינטערסאנט, מעגליך אז דו ווייסט נישט, אבער דאס איז דער זעלבער בייבל ווי ס'האבן געלרענט אזעלכע ווי מוחמוד אטטא, און אלע אנדערע זעלבסטמערדער און בלוט דורשטיגע קאניבאלישע רוצחים ה' ישמירנו מהם


זארעכפעפער האט געשריבן:און נאכאמאל, מיר רעדן בלויז צי די מלחמה, וואס די אזוי גערופענע באשיצער פון אונזער הייליג לאנד פירן אצינד מיט זייערע שכנים, וועט דאס טאקע ברענגען דעם רעזולטאט אויף וואס זיי טריאומפירן .


דאס איז בכלל נישט די טעמע פונם שמועס, ווייל ווי געזאגט האט דאך אבאמא נישט געלרענט באנינז אין חדר...
נישט יעדן טאג רעגנט... אט קומט ארויס די זוהן פון אונטער די וואלקענעס - לא יהי' לעולם אפילה - יזרח לנו במהרה!

גד
שר מאה
תגובות: 170
זיך איינגעשריבען אום: מיטוואך פאברואר 20, 2008 12:47 am

תגובהדורך גד » זונטאג ינואר 04, 2009 5:26 pm

אלזא, זענען זיי גערעכט, און יעדע מדינה וואלט דאס געטון די זעלביגע, און מ'וואלט נארמאלערהייט טאקע יעדן פארשטאנען אזוי.

אבער דער געפעכט איז פון היינט נישט געבוירן, דער געפעכט איז אן אלטער, דער געפעכט האט שוין אפגעטון איר שאדן, דער געפעכט האט שוין גורם געווען, מיליאנע פארביסענע פיינט, אין די גאנצע וועלט קעגן די מדינה'לע, נישט קיין חילוק וואו גערעכט אין די וועלט די מדינה זאל נאר זיין, [און וואו גערעכט קען שוין זיין א זאך וואס טאר נישט עקזיסטירן, נאר אפילו ס'וואלט יא געמעגט],
היינט איז שוין נישט קיין חילוק וואס די מדינה טוט, אויב די מדינה טוט נאר וואס עפעס א משהו, צינדט זיך גראד אן א העלישער פייער אין די גאנצע וועלט אנטקעגן זיי, מ'נוצט נישט קיין איין רגע לאגיק, אויב זיי זענען גערעכט צי נישט, זיי טארן נישט טון, דאס איז דער מצב, דאס איז די תוצאה, פון דעם קליין לענדל ארומגענומען מיט הונדערטער מיליאנער שונאים, להבדיל ווי שה אחת בין שבעים זאבים, נאר ס'פעלט די הבטחה פון נצח מדינה לא ישקר, פארקערט גאר, ס'איז דא א הבטחה פון ורוח הטומאה אעביר מן הארץ, השי"ת ירחם שיהי' במהרה ע"י מלך המשיח בלי שום צער ונזק לשום יהודי

אלנפאלס, אויב די מדינה זאל באהאגלט ווערן יומם ולילה מיט מיסילס מיט ל"ע הונדערטער קרבנות, און זיי וועלן צוריקשיסן אויף אפאר כאמאס פירער, און א קינד נעבן דעם איז גע'הרג'ט געווארן נאר בטעות, וועסטו אין די וועלט נישט זען און נישט הערן, נאר בילדער פון דעם גע'הרג'ט קינד, און צענדליגער מיליאנער גוים, [לאו דוקא אראבער] וועלן ווילדעווען און האסן, אנטקעגן אלע אידן אין די וועלט אשר תוצאותיו מי ישורנה, אפגעזען צי עס איז גערעכט צי נישט, דאס איז דער פרייז פון די מדינה, און אז די מדינה וועט גיין אין הרג'נן אפאר פירער פון כאמאס, וועט ווערן נייע פירער, און אז מ'וועט הרג'נן טויזנטער קעמפפער, וועט אנקומען נייע קעמפפער, מ'וועט אויסראטן געווער זאפאסן, וועט מען טראנספארטירן פרישע געווער הי' לא תהי', רחמנא לשזבן...,די מענטשן האבן קיין מורא פון טויט, מ'גרופירט זיך אין די מאסן אויף זעלבסטמארד, איז וואס איז די ציל פון צוריקבאמבאדירן? מענטשן מיט שטיצער איז דארט דא גענוג ליידער... לאז זיי שוין זיין גערעכט, וואס ווערן זיי פון דעם געהאלפן? אויסער אביסל סימפאטיע פון בלומבערג... א ענד פאר די שטרייטן צווישן די צוויי לאגערן, איז נישט פאראויסגעזען אינעם צוקונפט, אין להמדינה הלזה זכות קיום, וואס איז שייך צו טון, כלל ישראל דארט און אין די וועלט דארף גרויס רחמים, איבעראל וואוינט מען היינט צווישן די, סיי אין אנטווערפן איז שיער געווען ראיאטן, אין לאנדאן ציטערט מען פון זיי, דא אין ניו יארק איז אויך דא גענוג ליידער, און אפילו פון די נישט-ישמעאלים הערט מען יעצט ווילדע לאזונגען אויף אידן השם ירחם.
איעדער איד דארף זיך בין תנור וכיריים אויסוויינען פארן בוכ"ע ס'זאל נעמען א סוף, און טאקע בקרוב ממש, צו די אלע צרות. אבל לא בחיל, כי היא לא תצלח.


צוריק צו “אידישע און וועלטליכע נייעס”

ווער איז אונליין

באנוצערס וואס דרייען זיך דא: MauiBot, PetalBot, ווערעצקי און 16 געסט