מי מילל ומי פילל? - באראק אבאמא פרעזידענט

אנאליזן און דעבאטעס

די אחראים: יאנאש,אחראי,געלעגער

ווייסעך וואס
שר חמש מאות
תגובות: 625
זיך איינגעשריבן אום: מיטוואך נאוועמבער 05, 2008 7:06 pm

מי מילל ומי פילל? - באראק אבאמא פרעזידענט

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווייסעך וואס »

שוין יעדער איז שוין אויסגעניכטערט פון דעם שאק! עס האט זיך שוין אנגעהויבן צו פארדייען!

דאס איז עס, עס איז א געשעהנער פאקט, אונזער קומענדיגער פרעזידענט איז א אפריקען אמעריקען, ווילעך יא, ווילעך נישט!!!

וויסעךדעך אז יעדער וועט זאגן: וואס שאק ווען שאק, איך האב גלייך געוואוסט אז ער וועט עס מאכן, איך בין גארנישט געווארן איבעראשט אז ער האט עס געמאכט, איך האב פון אנפאנג אן געהאלטן אז ער וועט עס מאכן, נאך ווען ער איז געלאפן קעגן הילערי, איז ער שוין ביי מיר געווען א זיכערע געווינער.

יא יא!!! יעצט קענסטו זאגן וואס דו ווילסט.

למעשה איז דער לאזונג געווען אין די גאס, אז אפי' די אנקעטעס האבן אים אין לעצטע צייטן געגבן א אויבער האנט איבער מקעין, האט נאך מקעין א טשעינס, פארוואס? ווייל ווען דער וויילער וועט זיין באהאלטן אונטערן פיהאנג וועט ער נישט קענען פועלן ביי זיך אראפ צו דרוקן ס'קנעפל פארן שחור, יא! ווען די אנקעטע נעמער רופן אפ עימיצען וועט ער נישט וועלן שפילן קיין ראסע שפיל, אבער אין בודקע טוט ער ווי זיין ארגינעלע מיינונג דיקטירט אים.

עס איז כולי עלמא מודי אז ווען אבאמא האט אויף געטרעטן ביי די דעמאקראטישע קאנווענשאן ווען קערי איז געלאפןאון '04, און מאנכע האבן דעמאלט געוואלט פאראויס זאגן אז אויב קערי פארלירט, וועט אבאמא זיין דער דעמאקראטישער קאנדידאט און '08, איז יענער אוועק גאמאכט געווארן מיט ביידע הענט: ווייסט נישט וואס דו רעדסט אמעריקע איז נאך נישט גרייט פאר א שווארצען פרעזידענט, און טייל האבן נאך צוגעברענגט דעם פאקט אז יוסל ליבערמאן האט עס אויך נישט געמאכט, אפי' ווען גאור האט אים אויסגעקליבן אלס זיין וויצע, איןדער פאלק איז געווען זייער אנטוזיאסטיש צו דעם בייפאל, למעשה, ווען ער איז אליין געלאפן פאר פרעזידענט איז ער זייער שנעל אראפ פון די מאפע, פרוואס? ווייל דער אמעריקאנער פאלק איז נאך נישט גרייט געווען פאר א אידישען פרעזידענט.

איז מיר זייער שווער וואס איז דא געשעהן? ווי אזוי איז דאס צושטאנד געקומען?

לאמיר דא צולייגן די זאך! צוזאם שטעלן א ליסט פון פאקטארן וואס האב צו געברענגט צו דעם מצב ווי מיר זענען!

איך ברענג ארויס אויפן שפיץ גאפעל עטליכע פון זיי, זאל דער עולם צו לייגן וואס איך פארפאס (די צווייטע פיי מיט א פינטל). און לאמיר דא אויסשמועסן מער באריכות יעדע פרט, ווי אזוי איז עס צושטאנד געקומען, און צו עס וואלט געווען א מעגליכקייט דאס צו פארמיידען.

1. שוואכע עקנאמיע.
2. איינזייטיגע מידיע.
3. קעגענרשאפט צו די מלחמה.
4. דער פאלק איז שוין זאט פון 8 יאר אונטער א רעפובליקאנער ווייסן הויז.
5. מקעינ'ס עידש.
6. פעילין'ס קאנסעוועטיזם.
7. אבאמא'ס צויבער קראפט.

תן לחכם ויחכם עוד..... ברענגט ארויף אייערע מיינונגען, און לאמיר עס צו לייגען אויף קליין געלט.
תכלית הידוע שלא נדע
אוועטאר
סתם_אזוי
שר ששת אלפים
תגובות: 6112
זיך איינגעשריבן אום: מאנטאג מארטש 24, 2008 4:13 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סתם_אזוי »

איך האלט אז סיבה איינס, צוויי, און זיבן האט עס די מערסטע צוגעברענגט. (צוויי און זיבן איז מער וויינייגער די זעלבע זאך).
סיבה דריי ווייס איך נישט צו עס איז בכלל נאך דא. (קרעדיט פאר בוש? עה!, ער איז נאר שילדיג אויף אלעם!)
איך האב עס געזאגט.... סתם אזוי. איך האב עס געפרעגט.... סתם אזוי.
ווייסעך וואס
שר חמש מאות
תגובות: 625
זיך איינגעשריבן אום: מיטוואך נאוועמבער 05, 2008 7:06 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווייסעך וואס »

האבעך איצט אויסגעשמועסט די טעמע אין שול ביי מנחה מעריב, זאגט מיר מיין ידי א טיפן דערהער וואס דא איז פארגעקומען, איך האב נאך נישט געקענט פועלן ביי מיר צו אגריען מיט אים איגאנצען, אבער עפעס זאגט ער,

וזה לשונו (בערך):

די טיפע דענקער פון די אמעריקאנער פיליזאפיע וואס רופט זיך "דעמאקראטיע" גלויבן אז דער אפטייטש פון דעם צויבער ווארט "דעמאקראטיע" איז: אז יעדע זאך, יעדע געשעהניש - ווי אויפאלענד און ווי קאמיש עס זאל נאר נישט זיין - אבער עס ברענגט ארויסדי אייגענארטיקייט וואס קען געווענליך נישט פאסירן אין אנדער לאנד, אבער בי אונז אין אמעריקע איז עס יא געשהן, אט דאס איז דעמאקראטיע, עס מוז נישט האב צו טוען מיט פרייהייט בכלל נישט.

גוט ער מיר אן עקזעמפל:

ביי די 2000 וואלן איבערקערעניש, ווען אמעריקע האט פאר עטליכע טעג נישט געוואסט ווער עס האט געווינען די וואלן און ווער עס גייט זיין דער פרעזידענט, וואס על אף גאור האט באקומען מער פאפולערע שטימען ווי בוש, איז עס האבער געווען מוטל בספק, ווייל מען האט זיך געקריגט אויף די פאלארידע עלעקטאראל שטימען, האבן די דענקער ארויס געברענג דעם פאקט: אז אין א צווייט לאנד וואלט שוין לאנג געווען ראיאטן און ערנסטע פראטעסטן דורך די 2 צדדים, אבער אין אעמריקע ווי עס הערשט דעמאקראטיע, איז דער גענצער פאלק געזעצן איינגעהאלטן און געווארט אויף א פסק פון די העאכסטע ריכטער.

די בהמות זענען נאך געווען שטאלץ מיט די גאנצע זאך, די וועלט האט געלאכט פון דעם אמעריקאנער סיסטעם פון ערוועלן א פרעזידענט דורך עלעקטארעל וואטס, אפי' ס'רוב פאלק וויל דעם עפעס אנדערש, זי האבן אבער ארויס געגראבען דעם געוואלדיגען אויף טוע, גיטס א קוק ביינונז איז מען איינגעהאלטן.

לענינינו: דאס אז א אמעריקאנער שחור קען אנקומען צו ווערן פרעזידענט איז א געוואלדיגער אויפטוע פאר זייער שיטה, לאמר: גיב א קוק אין אמעריקע קען יעדער אין אלעס געשעהן.

און אבאאמ האט טאקע מיט אויסגעבראכן זיין זיג רעדע, יעס ווי קען,

דער ידיד מיינער האלט אז דאס איז די סיבה פארוואס די מידיע איז געווען אזוי איינזייטיג.

עכ"פ עס לאזט זיך דיבעיטן
תכלית הידוע שלא נדע
הכל בכל מכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך הכל בכל מכל »

האט זיך עס דען געגלייבט אז די ווייסע הויז זאל ווערן א אראבישן מעטשעטש
אטעטשמענטס
mail.jpg
mail.jpg (11.74 KiB) געזען 3612 מאל
זאנוויל

  • ציטיר
  • צו לייגן א דאנק דארפט איר זיין אריינגעלאגט

תגובה דורך זאנוויל »

הרב ווייסיך וואס, זייער פיין ארויס געברענגט.

באמת קען מען יעדע נקודה וואס דו האסט געשריבן, דעבאטירן בלעטער אויף בלעטער.

אבער עפעס אויפן שפיץ גאפל.

נקודה 3 האט אפשר געשפילט א ראלע אנפאנג פון די פריימעריס, ווען קלינטאן האט געדרייט מיטן צינג און נישט געזאגט קלאר אז זי וועט ארויס ציען די טרופן פון איראק, אבער ער איז געשטאנען מיטן שופר אין די האנט און געשריגן, איך וועל ארויס נעמן די טרופן פון איראק! און פארשטיי זיך אז דאס האט שטארק געצויגן צי אים די יונגע לינקע אנטי מלחמה ליבעראליסטן, אבער אין די לעצטערע חדשים האט עס בכלל נישט געשפילט קיין ראלע(פארשטייט זיך אז די מידיא האט פארגעסן צי געבן קרעדיט פאר מקעין אויף זיין ריכטיגע צוגאנג).

נקודה 6, האט אויך לכאורה בכלל נישט געשפילט קיין ראלע, נאר גאר פארקערט געהויבן דעם מקעין לאגער, ווער געדענקט נישט די ערשטע דריי וואכן נאך איר אויסוועלן ווען מקעין איז צים ערשטן מאל אנגעקומען העכער אבאמא אין די פאולס.

וועם דען האט מקעין געדארפט ארויס ציען פון די מייזן לעכער אויב נישט די קאנסערוועטיוון? די ליביראלן?

***
איבער דעם טיפן דענקער וואס די ברענגסט נאך, זאג אים בשמי: זאל די גאנצע וועלט לאכן און איך לאך פון זיי, יא! איך בין אויסדריקלך שטאלץ מיט אונזער לאנד אמעריקא, און ווי אזוי אונזער לאנד האט זיך אויפגעפירט א טאג נאך די וואלן פון בוש-גאר(און ווי אויך איז מיר א הנאה צו זען אז אונזער לאנד האט געקענט אוועק קוקן פון די נארישע ראסיסטישע סענטימענטן, און אויסוועלן א פרעזידענט אפגעזען וועלכע קאליר ער איז), עס איז א שיין און א פראכט פאר אונז, און זאל זיך די גאנצע וועלט אפלערנן ווי אזוי מען פירט זיך אויף אין אזעלכע צייטן.

אמת קען זיין אז די סיסטעם מעג שוין האבן טשענזשעס, אבער ווי לאנג דאס איז די סיסטעם וועט זיך די גאנצע לאנד צושטעלן צי דעם, און איינהאלטן דאס געזעץ און איינהאלטן די אייגענע אויפברויז.

גאד בלעס אמעריקא!!!
אוועטאר
איך_הער
סעקרעטאר
תגובות: 18580
זיך איינגעשריבן אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך איך_הער »

ווייסעך וואס, זייער שיין ארויס געברענגט דיינע פוינט'ס, און א יישר כח דערפאר, און לגבי פוינט דריי, איז אזוי ווי זאנוויל שרייבט שוין, אז ביים ענדע פון די וואלן פעריאד האט מען נישט געהערט דערפון קיין איין ווארט.

סיז זיכער אז פוינט איינס האט געהאט א שטארקע עפעקט, אבער איך וואלט געהויבן פוינט צוויי העכער דעם, און ווי אויך פוינט זיבן, וואס איך וואלט צוגעלייגט דערצו, 'און זיין געלט מאשין'.

נאך איין פוינט וואס דו האסט נישט ארויס געברענגט, איז דאס איינגעהאלטנקייט פון דעם העלד מעקעין, אז אנשטאט צו נעמען די רייט, א.ד.ג. שופר און טרומפייטערן דערמיט אין די לענג און אין די ברייט, האטער גענומען זשאו דעם פלאמבער, וואס כאטש ס'האט געמאכט גאנץ א גוטע ווינט, אבער נישט גענוג שטארק אוועק צו בלאזן דעם שחור.

איך גיי נישט אריין דערין, צו דאס וואלטעם יא אדער נישט געהאלפן, איך האבעס בעיקר געשריבן, אלץ נאך א פוינט וואס צו דעבאטירן.
ווייסעך וואס
שר חמש מאות
תגובות: 625
זיך איינגעשריבן אום: מיטוואך נאוועמבער 05, 2008 7:06 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווייסעך וואס »

איך_הער האט געשריבן: נאך איין פוינט וואס דו האסט נישט ארויס געברענגט, איז דאס איינגעהאלטנקייט פון דעם העלד מעקעין, אז אנשטאט צו נעמען די רייט, א.ד.ג. שופר און טרומפייטערן דערמיט אין די לענג און אין די ברייט, האטער גענומען זשאו דעם פלאמבער, וואס כאטש ס'האט געמאכט גאנץ א גוטע ווינט, אבער נישט גענוג שטארק אוועק צו בלאזן דעם שחור.


איך פארשטיי נישט דיין פוינט "איך הער", מיינסט אפשר צו זאגען אז וועגן דעם האט עס אבאמא געמאכט, ווייל מקעין האט אים נישט גענוג שטארק אראפגעריסען, איי דאנט טינק אז דאס איז נאך א סיבה וואס האט אים אריינגעברענגט.

אדרבה זיי עס בעסער מסביר.
תכלית הידוע שלא נדע
אוועטאר
איך_הער
סעקרעטאר
תגובות: 18580
זיך איינגעשריבן אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך איך_הער »

איינע פון די סיבות פארוואס קערי האט פארלוירן, איז געווען ווייל מ'האט געהאקט שטיקער אין אים, וועגן די סוויפט באוטס, אקאראט וואלט דאס מעקעין געדארפט טון מיט אלע שמוץ וואסיז געווען אויף אבאמא, איז דא א טשענס צו זאגן אז ס'וואלטעם עפעס געהאלפן, עטליסט דאסיז מיין מיינונג, דערפאר האבעכעס ארויס געלייגט דא, אז מ'זאלעס קענען דעבאטירן.
הכל בכל מכל

  • ציטיר
  • צו לייגן א דאנק דארפט איר זיין אריינגעלאגט

תגובה דורך הכל בכל מכל »

לדעתי איז די עיקר נומער 1 און נומער 2
נומער 6 קען זיין וויל דימידיא האט איר שטארק אראפגעריסן און דאס האט אפשר אוועקגענומען וויילער אבער נישט איר קאנסערוואטיזעם נאר איז זאנוויל גערעכט אז פארקערט דאס האט מוסיף געווען
אבער די ענין פון מלחמה האט איהם דאכט זיך מיר אויף למעשה נישט געשטערט וויל מען האט אין די לעצטערע וואכן נישט דערמאנט אויב יא איז נאר די רעפובליקאנער געשטימטע אויך איז ווען סאיז געווען די מלחמה מיט גרוזיע איז מעקעין אויך אביסל ארויף אין די פאולס פאר 2-3 טעג
איך ממין אז ווען די מלחמה וואלט געווען פאר דיוואלן נענטער אביסל וואלט מעקעין געהאט בעסערע שאנסן וויל אויף מלחמה ענינים טראסט מען איהם מער
אוועטאר
סאכדעס
שר שלשים אלף
תגובות: 31438
זיך איינגעשריבן אום: דינסטאג יוני 27, 2006 2:15 pm
לאקאציע: אלעמאל נאנט צו התאחדות
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך סאכדעס »

מיין דעה איז: 2 און 7, דאס אמעריקאנער פאלק פארשטייט נישט עפעס אנדערש.

אגב, ווייסעך וואס, עס איז א שיינער ארטיקל.
פקודתו פון התאחדות שמרה רוחי!
ווייסעך וואס
שר חמש מאות
תגובות: 625
זיך איינגעשריבן אום: מיטוואך נאוועמבער 05, 2008 7:06 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווייסעך וואס »

לאמיר זעהן די צווייטע זייט פון די מטבע.

איז דען דא איין אויפריכטיגע סיבה פון זיין זייט פארוואס ער האט עס געמאכט?

וואס זענען באמת זיינע מעלות?

1.פירערשאפט עקספיריענס?
2.מיליטערישע עקספיריענס?
3. לעגעסלאטיווע עקספיריענס?
4. געלט? (ר'איז נישט דער גרויסער עושר)

איז וואס יא רבונו של עולם?
וואס פארא גוט יאר האט געטריבן די שוטים אים צו קלויבען???
תכלית הידוע שלא נדע
אוועטאר
סתם_אזוי
שר ששת אלפים
תגובות: 6112
זיך איינגעשריבן אום: מאנטאג מארטש 24, 2008 4:13 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סתם_אזוי »

ער איז ארומגענומען מיט א גוטע סטעף. און בכלל אויב איז ער אזא גרויסע גארנישט, וויאזוי האט ער געווינען? מוז זיין אז ער האט קוואליפאקאציעס. נו, אפשר וועט ער עס גוט אויסנוצן די נעקסטע פיר יאר, און אינאיינעם מיט זיין סטעף וועט ער זיין זייער א גוטע פרעזידענט.
איך האב עס געזאגט.... סתם אזוי. איך האב עס געפרעגט.... סתם אזוי.
לעווי
שר האלף
תגובות: 1925
זיך איינגעשריבן אום: זונטאג יוני 22, 2008 12:04 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך לעווי »

דזשאן מקעין איז נעכטן געווען אויף די .י לענעראוויטש שאו, (רעקאמענדירט צו זעהן) און דזשעי לענאו האט אים געפרעגט וואס ער האלט פארוואס ער האט פארלוירן, וואס האט ער געטון ראנג, און וואס וואלט ער געטוישט ווען ער קען ווען צוריק דרייען די זייגער.

האט דזשאן מקעין געענטפערט, אז ער האט געליינט הונדערטער ביכער איבער פרעזידענטליכע עלעקשאנס, און א יעדע בוך שרייבט הונדערט סיבות און פאטשעס וואס די פארלירער האט געטון נישט גוט, און אלעס וואס די געווינער האט געטון איז געווען פונקט גוט. עס גייט אבער נישט אזוי, ביידע זייטן פירן א גוטע קאמפיין, און ביידע זייטן מאכן טעותים, אבער דער וואס געווינט זעהט מען נאר זיינע גוטע זאכן, און דער וואס פארלירט זעהט מען נאר זיינע מיסטעיקס.

דזשעקי קענעדי האט אמאל געזאגט, "אין א פאליטישע קאמפיין האט דער געווינער טויזנט עלטערן (DADYS), אבער די לוזער איז איין לאנגווייליגע ממזר".
ארויף קריכט מען פאוואליע, אבער אראפ קוילערט מען זיך שנעל!
אוועטאר
סתם_אזוי
שר ששת אלפים
תגובות: 6112
זיך איינגעשריבן אום: מאנטאג מארטש 24, 2008 4:13 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סתם_אזוי »

ער האט א גוטע פאונט. ביידיוועי, אזוי האט ער זיך שיינערהייט ארויסגעדרייט פון געבן אן ענטפער...
איך האב עס געזאגט.... סתם אזוי. איך האב עס געפרעגט.... סתם אזוי.
ווייסעך וואס
שר חמש מאות
תגובות: 625
זיך איינגעשריבן אום: מיטוואך נאוועמבער 05, 2008 7:06 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווייסעך וואס »

[quote="סתם_אזוי"און בכלל אויב איז ער אזא גרויסע גארנישט, וויאזוי האט ער געווינען? מוז זיין אז ער האט קוואליפאקאציעס[/quote]

סתם אזוי! אפשר קענסטו דא אויסרעכנען די קוואליפאקאציעס וואס מוז זיין אז ער האט!!!
תכלית הידוע שלא נדע
אוועטאר
סתם_אזוי
שר ששת אלפים
תגובות: 6112
זיך איינגעשריבן אום: מאנטאג מארטש 24, 2008 4:13 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סתם_אזוי »

איך ווייס נישט. אבער ווען סתם א מענטש אדער אפילו א סענעטאר זאל זיך אויפשטעלן און לאזן וויסן אז ער לויפט וועט ער געווענליך נישט געווינען. און אז ער האט יא געווינען, מוז זיין אז ער האט עפעס מעלות. און די מעלות וועט ער נוצן אלס פרעזידענט, און לאמיר האפן אז צום גוטן.
איך האב עס געזאגט.... סתם אזוי. איך האב עס געפרעגט.... סתם אזוי.
ווייסעך וואס
שר חמש מאות
תגובות: 625
זיך איינגעשריבן אום: מיטוואך נאוועמבער 05, 2008 7:06 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווייסעך וואס »

טאקע דאס איז וואס דרוקט מיך, איך וויל וויסען וואס זענען די מעלות?

האלא! קיינער ווייסט נישט? עטס האטס אדך אים אויסגעקליבן מסתמא ווייל ער האט מעלות, נו, זאג שוין וואס זענען זיי!

לאמיר דערציילן, לאמיר דערציילן, די מעלות פון .........
תכלית הידוע שלא נדע
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

א גוטן ר' ווייסעך וואס. זייער א שיינער ארטיקל און גאנץ גוטע אנאליזן.

לדעתי זענען די סיבות: 3, 4 און 7.

איך וויל נאר ארויסברענגען א צוויי-דריי זייטיגע פונקטן וואס מיר שטערט (אפשר קומט דאס נישט אין דעם אשכול, והמנהלים יעשו כטוב בעיניהם). ערשטנס, דאס נארישע צעבראכנקייט וואס מ'זעט ביים היימישן עולם. מי מילל ומי פילל אז אידן מיט בארד און פיאות זאלן זיין ווי א שטיק אמעריקאנער, עד כדי כך אז אויף צומארגענס פון די וואלן האט מען געקענט זען אידן דרייען זיך ארום מרה שחורה, מיט אראפ געלאזטע נעזער, כאילו ווייסעך וואס דא האט פאסירט. אינגעלייט האבן דאס גענומען אזוי פערזענדליך אזש עס האט זיך געקענט אויסדוכטן כאילו דער מצב איז עפעס נורא נוראות, ס'הייסט אמאבא וועט באזיצן 'מיין' לאנד? א שחור וועט באזיצן 'מיין' שטאלצע פאלאץ הנקרא "דאס ווייסע הויז"?

האלאו, אינגערמאן, מיר זענען נישט אמעריקאנער, מיר זענען בלויז צייטווייליגע איינוואוינער אין גלות אמעריקע. יא, איך פארשטיי אויך גאנץ פיין אז ס'איז געווען היסטארישע וואלן. איך בין אויך געווען נייגעריק מיטצוהאלטן דעם פארמעסט. אבער, ביז לאומיות. איך האב דאס נישט גענומען פערזענדליך און איך בין נישט שטאלץ און נישט צעבראכן ווען דאס פאלק קלויבט זיך א פירער לויט זייער געשמאק, און ווייסט פארוואס? ווייל איך בין א איד און נישט קיין אמעריקאנער!

צווייטנס, מכח א אידישן שטאנדפונקט בין איך שוין גארנישט אזוי זיכער אז דער אבאמא איז אזוי שלעכט. ער איז אפשר נישט אזוי פריינטליך צו 'מדינת ישראל', אבער צו אידן אין אלגעמיין דוכט זיך איז ער שוין גארנישט אזוי שלעכט. שמעתי בשם די ארטאדאקסישע קהלה פון טשיקאגא, דאס פלאץ וואו אבאמא האט געדינט אלס סענאטאר, אז אין לויף פון די יארן איז דער איינציגסטער סענאטאר פון וועמען זיי האבן גענאסן טובות געווען נישט קיין אנדערער ווי אונזער פרעזידענט אלעקט מר. אבאמא ירום הודו.

עס איז שטארק מעגליך אז דער אנבליק וואס דער היימישער עולם האט אז אבאמא איז נישט אזוי איי איי איי צו אידן, שטאמט פון די ציונים. זיי האבן געשריבן א טאג נאך די וואלן "ימים רעים באים לישראל"... און אלץ פארוואס? ווייל עס זענען פאראן הוכחה'ס אז אבאמא איז נוטה צו איסלאם. נו, הרבה יש לדון צו אמעריקע דארף זיך ארומקריגן מיט האלב מידל-איסט אלעס בכדי צו דעקן איין קליינטשיגע מדינת ישראל.

וואס איין זאך איז זיכער, אבאמא קומט פון אן אנדער חדר ווי דער אלגעמיינער אמעריקאנער און ער האט אן אנדער בליק אויף די וועלט מאפע ווי זיינע פארגייער. פון אבאמא'ן וועסטו ווארשיינדליך נישט הערן אז ער זאל האבן געזאגט א דרשה אין כנסת אז ישראל געהערט פאר די אידן, ציטירנדיג פון בייבל אז דער אויבערשטער האט געזאגט פאר אברהמ'ן "לזרעך אתן את הארץ הזאת", כמו שאמר בוש בקיץ העבר.

הרבה הרבה יש לדון על זה, ואכמ"ל. און פאר די אלע וואס די בלוט וועט ארויפקומען אין קאפ ליינענדיג מיינע ווערטער, טוה איך שוין מקדים זיין: זינט מיין צייט איז געענגט בין איך נישט ביכולת מאריך צו זיין, און מיינע ווערטער זענען געשריבן אין שנעל. אבער, עוד אשיב אויב איך וועל זען א נויט דערין. און אז נישט איז דאך אודאי גוט...
איזאק
שר האלפיים
תגובות: 2324
זיך איינגעשריבן אום: מאנטאג פעברואר 12, 2007 11:55 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך איזאק »

אה, א מחיה, ענדליך א נארמאלע אנאליז.

א דאנק זארעך.
אוועטאר
סתם_אזוי
שר ששת אלפים
תגובות: 6112
זיך איינגעשריבן אום: מאנטאג מארטש 24, 2008 4:13 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סתם_אזוי »

ר' זארעכ, איך האלט פונקט וואו דיר. ווער האט געזאגט ער איז שלעכט? האסט שוין אמאל געטרייט? און אז עס איז יא שלעכט, האלטסטו אז מיט דעם וואס דו וועסט דיך דרייען מיט די נאז אראפ וועט מען אימפיטשען, הרגנען, ריזיינען, אדער עפעס אנדערש? אז די אמעריקאנער פאלק האט אום אויסגעקליבן, איז א סימן אז ער איז פונקט גוט פאר די אמעריקאנער פאלק. אויב ביסטו א איד דארף עס דיך נישט אינטערעסירן. און אויב האלטסטו דיך פאר אן "אמעריקאנער" נעם אים אן נאר ווייל די אנדערע אמעריקאנער האבן אים אויסגעקליבן.

אגב: פארוואס האלטסטו אז סיבה 3 האט געהאט אן עפעקט? אויב עפעס האט עס נאר געהאלפן מ'קעין.
איך האב עס געזאגט.... סתם אזוי. איך האב עס געפרעגט.... סתם אזוי.
זאנוויל

  • ציטיר
  • צו לייגן א דאנק דארפט איר זיין אריינגעלאגט

תגובה דורך זאנוויל »

יש"כ ר' זרח א הערליכע אנאליז, און יש"כ פארן אויפהייבן די אראפ געלאזטע נעזער פון כלל ישראל...

נקודה דריי זע איך נישט פון ווי דו נעמסט צי זאגן אז דאס האט געהאלפן פאר אבאמא? חוץ אויב דו רעדסט אין די התחלה פון די פריימעריס קעגן קלינטאן, ווייל שפעטער איז עס מער נישט געווען אויפן טיש בכלל, און עס האט נישט אויסגעמאכט פאר קיינעם נישט פאר מקעין און נישט פאר אבאמא(סתם אזוי, ביסט מסכים).

איין זאך יא ביי די פריימעריס האט עס געהאלפן פאר מקעין קעגן ראמני אין פלארידא, ווי מקעין האט פראבירט ארויף צי שמירן אויף ראמני אז ער האט געוואלט געבן טיים טעבעלס פאר די מלחמה.
ווייסעך וואס
שר חמש מאות
תגובות: 625
זיך איינגעשריבן אום: מיטוואך נאוועמבער 05, 2008 7:06 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ווייסעך וואס »

אשכויעך זארעכפעפער באמת זייער גוטע פוינטס ארויסגעברענגט. בפרט וואס איז נוגע פאר אחינו בני ישראל. ישר כח.
אבער במחילת כבודך בוזטו אוועקגעפארן פון מיין פוינט אויף וואס דער אשכול איז געצילט.
איך וויל נישט אריין גיין צו ער איז יא גוט און צו ער וועט זיין גוט,
מיין עיקר זאך וואס ווינדערט מיך איז: ווי אזוי און פארוואס איז געשעהן אזא היסטארישער אויסקום, מיך ווינדערט ווי אזוי האט ער עס באוויזען, ווען אנדערט האלבען יאר וואלט קינער נישט פארגעזאגט אז ער האט א ערנסטע טשעינס עס צו מאכן.
איך וויל פארשטיין וואס איז געווען דער שליסעל פאר זיין היסטארישער דערגרייכונג. וואס האט ער געטוען עפעס ספעציעל, אדער וואס האט מקעין נישט גוט געטוען.
גאט איט?
תכלית הידוע שלא נדע
אוועטאר
סתם_אזוי
שר ששת אלפים
תגובות: 6112
זיך איינגעשריבן אום: מאנטאג מארטש 24, 2008 4:13 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סתם_אזוי »

איך מיין אז עס איז די מידיא'ס קרעדיט. נישט אז זיי קומט זיך די גאנצע ש'כח, באט עפעס האבן זיי זיכער אויסגעמאכט.
איך האב עס געזאגט.... סתם אזוי. איך האב עס געפרעגט.... סתם אזוי.
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

אזוי גייט עס. איינמאל מ'פאלט אריין מיט א תגובה ווערט מען עדיקטעט צו שרייבן ווייטער, כאטש וואס מ'פארמאגט נישט קיין ברעקל צייט דערצו...

איר פרעגט פארוואס איך האב אנגעגעבן סיבה דריי? פשוט, סיבה דריי און פיר איז אביסל פארבינדן (אפשר נישט?).

אווער אלל מיין מיינונג:
איך בין גארנישט אזוי אנציקט פון דעם פרעזידענט בוש. שוין באלד ביים אנהויב פון זיין ערשטן טערמין (וואס גראדע האט ער דאן פארמאגט אזוי פיל עקספיריענס ווי דער היינטיגער אבאמא... און אפשר נאך ווייניגער, א שטייגער: ער האט ניטאמאל געקענט די וועלט מאפע...).

אין מיינע אויגן די סיבה פארוואס בוש איז ביי זיינע ביידע טערמינען אריינגעקומען "אזוי שמאל", אנדערשט ווי זיינע פארגייער; בוש דער ערשטער; קלינטאן; רעיגן וכו' וכו', איז פשוט. בוש האט ביי זיינע ביידע עלעקשאנ'ס נישט פארקויפט גארניקס! ער איז נישט קיין ספעציעלער רעדנער, נישט קיין ספעציעלער פירער, נישט קיין אידיאלאג, גארניקס גארניקס א חוץ א זון פון אן אינטיליגאנטן געניטער פרעזידענט. זיין ערשטע טערמין האט ער געוואונען צוליב די דעמאלטדיגע קלינטאן סקאנדאלן, ווען א טייל פון פאלק איז געווען אביסל פארעקלט פון די קלינטאנ'ס, און זיין צווייטע טערמין צוליב די איראקע'ר מלחמה וועלכע איז נאך דאן געווען היבש פארנעפלט...

פארשטיי מיך גיט. אין מיינע אויגן איז בוש גארנישט אזא העלד איבער די מלחמה אנטקעגן די טעראריסטן. קיין שום פרעזידענט וואלט אנדערשט נישט געהאנדעלט. יעדער נארמאלער פרעזידענט וואלט נאך די 9/11 געטוהן בערך דאס וואס בוש, קיין צוויי ברירות איז סייווי נישט געווען.

איך האב שוין אמאל געשריבן דא צווישן די שפאלטענעס פון די קרעטשמע איבער זיין מלחמה מיט איראק. די וועלכע שאלן און יובל'ען מיט דעם בוש'ן, קומט דאס בלויז מחמת זיי האבן נישט געליינט, געהערט אדער מיטגעלעבט א נארמאלן פרעזידענט אין קריגס צייטן, א שטייגער ווי זיין פאטער דער ערשטער בוש...

יא, דאס פאלק ווייסט נאך נישט פונקטליך פארוואס מ'איז אריין מיט א מלחמה אין איראק. במקום וואס זיין טאטע האט גוט פארשטאנען אז כוסעינ'ען דארף מען בלויז צוימען אין זיינע גבולים און אים נישט אונטערברענגען, איז געקומען דער בוש השני און אנגעדרייט אויפן פאלק א מעשה מיט וואפן און אריינגעפירט דאס לאנד אין א קריג על לא דבר! וואס אזוי שווער צו פארשטיין אז דאס פאלק איז שוין זאט דערפון?

וואלט ווען אין די לעצטעריגע תקופה געווען עפעס א צייכן פון די סי איי עי איבער אן אטאקע רח"ל אדער ווער רעדט נאך ווען עס וואלט ווען טאקע עפעס פאסירט אויסטערליש ה"י וואלט איך פארשטאנען אז די רעפובליקאנער וואלטן געהאט אויף וואס צו רייטן אבער ב"ה אלעס איז רוטין און עס האט נישט פאסירט קיין באזונדערס טא פארוואס מלחמה'ס?

איך פארשטיי גוט אז די רעפובליקאנער זענען די וועלכע שטעלן זיך אהער אלס בעסערע דיפענדערס פאר דאס לאנד, אבער איז דען דאס טאקע אזוי? איז ווילסאן (ערשטע וועלט קריג) געווען א רעפובליקאנער? איז רוזעוועלט (צווייטע וועלט קריג) געווען א רעפובליקאנער? איז קענעדי (ביים סטראשן רוסלאנד מיט אן אטאם) געווען א רעפובליקאנער? שטותים און לאקשן! די מעשה איז נאר אז קארטער האט גוט אנגעזעצט און פארשווארצט די דעמאקראטן ביי די איראנע משכונות און רעיגן איז דאן געקומען ווי א ישועה פאר די רעפובליקאנער און פאר דאס לאנד, דערויף דער ערשטער בוש מיט זיין דערפאלגרייכער איראקער קריג און דערויף דער היינטיגער בוש (מיט זיינע דורכפעלער), דעריבער איז ביים יונגנט עפעס פארבליבן דאס בילד אז פאר דיפענס איז רעפובליקן בעסער.

ווייסעך וואס, איך האב אצינד נאכן אפקלאפן מיין תגובה (אין ווארד) געמערקט דיין לעצטע תגובה דא. איך מיין אז מיט מיין אויבנדערמאנטע תגובה ווערט אביסל פארענטפערט דיין פראגע.
אוועטאר
סתם_אזוי
שר ששת אלפים
תגובות: 6112
זיך איינגעשריבן אום: מאנטאג מארטש 24, 2008 4:13 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סתם_אזוי »

איך האלט אינגאנצן נישט אזוי. אבער, איך האב נישט אזא גוטע שפראך וואו דיר, און אויב איך וועל מיך טענה'נען וועסטו זיין די געווינער. איך וועל עס איבערלאזן פאר ווען איך וועל האבן אביסל צייט, און מיין קאפ וועט זיין קלארער און דעמאלטס וועל איך שרייבן מיין ענטפער.

דערווייל מוז איך דיר געבן א קאמפלימענט. דו האסט א גוטע פעדער, און דו ביסט אן אויסערגעווענליכע גוטע שרייבער. שרייב וואו מער די קענסט!
איך האב עס געזאגט.... סתם אזוי. איך האב עס געפרעגט.... סתם אזוי.
שרייב תגובה

צוריק צו “נייעס קאך לעפל”