דאן איז ווי א מלאך המושיע ערשינען איינער מיטן נאמען "פאליק", און געעפנט דעם "צענטראלע עלעקשאנס-פרא טראמפ אשכול".
מיר האבן געוויסט אז וואס ער פארקויפט איז נישט מער ווי פאלשע חלומות און דמיונות, און פארט האט עס אונז געשמעקט, אריינצוקומען און שעפן אביסל חיזוק.
הוי... פאליק'ל פאליק'ל וואו ביסטו,
היינט ווען מ'דארף נאכאלס חיזוק, און מיט די שוואכע אנקעטע נומערן נאך מער. עפענען מיר דעם אשכול פאר דעם צוועק: מי שיש לו איזה דבר וואס קען ברענגען עפעס גינסטיגע נייעס, אנאליזן, אבזערוואציעס, אויפפאסונגען, יבא הנה.
איך וועל מעתיק זיין וואס פאליק האט בשעתו געשריבן ביים עפענען דעם "צענטראלע עלעקשאנס-פרא טראמפ אשכול"
פאליק האט געשריבן:קודם וועל איך מקדים זיין וואס צווייפל האט געשרבן ווען ער האט געפענט די געלונגענע פריימערי רואיגע ווינקל אשכול וואס האט למעשה מצליח געווען מיט אריבער 80 בלעטער
"דיזע אשכול ווערט געעפנט מיט א ריין גוטע כוונה.
אין די גרויסע פריימערי אשכול, גייען פארשינדענע ניקס דורך א שווערע איבערגאנג, זיי מוזן איצט טראנספערמירן זייער שכל, זייערע בליקן, און זיך צוגעוויינען צום פריש אנטוויקלטן מציאות.
דעריבער בייזערן זיי זיך אויף יעדע קלייניקייט, ווי יענער אנגעווייטאגטער איד, וועלכער שרייט א גאנצן טאג, סאיז צו הייס, סאיז צו קאלט, מאך קלענער די עירקאנדישן, מאך גרעסער די ערקאנדישן, שטילער די מוזיק, העכער, נידעריגער, שרייען אויפן בעל תפלה, דאווען שטייטער, דאווען שנעלער, וועלכע ביישויער מיינען אז אט די קלייניקייטן זענען דאס וואס רייצן דעם אידנס קוריאזקייט.
נאדערווייל זענען דאס בלויז סימפטאמס פון אינערליכע אויפברויז, אמאל צוליב עפעס א איבערלעבעניש, אמאל צוליב א באגרעניצטקייט אין מח וכו'.
ע"כ, ביז אט די אלע חשוב'ע ניקס וועלן ענדיגן צו צוגעוואוינען זייערע טראכט אפאראטן צום נייעם וועטער, ווער דורך הילף, און ווער דורכן אייגענעם אמיון סיסטעם, איז מיר באקוועמער צו שטיין דא אין א זייט, א שטילע ווינקל, אויסלופטערן מיינע מחשבות, (עס איז שטארק נישט מענטשליך צו שטיין פארנט פון א צווייטן און באטראכטן אים בשעת'ן אריבערגיין פיזישע אדער גייסטישע טוישונגען, למשל בשעל'ן עסן, שלאפן, הוסן, איבלען, פארשעמט ווערן, ביי א קראנקן אין שפיטאל בשעת'ן וכו', א כעס אויסברוך וכדו').
ע"כ, וועלן מיר שטיין דא אין די זייט און שמועסן רואיגערהייט, און לאזן די אידן דארט צו זיך קומען, רואיגערהייט.
און אדרבה, טראכט, און שרייבט און לייגט צו אייערע געדאנקען." ע"כ לשונו הזהב
יעצט וועל איך אביסל מוסיף זיין מיט איין קליינע בקשה צו די אלע אנטי טראמפ'ס וואס גאנבענען זיך אריין דא!
יא די אשכול איז געפענט געווארן פאר טראמפ פראפעגאנדע און דא וועל מיר אויפרייסן ווען עס גייט גוט און ספינען ווען עס גייט נישט גוט און די אלע ווערטע נאכדעם וואס א משלנו זאגט עפעס ווי למשל משוגע, צודרייט, צופידלט, קליינע קינד, נורסערי, צושויבערט, פארהאסט, ראסיסט, צוטראמפ, פאריקט בלא בלא בלא בלא....... איז אין כאן מקומו. דא איז באתרא דמר און מען זאל האבען דרך ארץ
און איך וויל בעטן וותיק וחסיד: זיי ממשיך דא מיט א רואיקייט, עס איז דא צענדליגער ניקים און לייענער'ס וואס ווילן וויסן וואס טראמפ האט געזאגט און זיי ווילן לייענן זיינע טוויטס און די אויסצוגן פון זיין דרשה. ביטע ממשיך זיין און מוסיף זיין און לאזען דא הערען אלעס ארום אונזער קומענדיגער פרעזידענט אדונינו הגדול הקיסר "דאנאלד טראמפ" יר"ה
יישר כוחכם בתקוה להבנה