ליבי ובשרי האט געשריבן:האב איך אמאל געהערט א מעשה אז הרה"ק מסאטמאר האט זיך אמאל געריקט אויפן גאס פאר א שחור, זאגענדיג "איך בין ביי אים אין גלות...." (אשמח למקור מוסמך להנ"ל).
דאס דערמאנט מיך א מעשה.
בערך 25 יאר צוריק (אדער מער) האב איך בייגעוואוינט, ווי א איד גייט אויף די גאס אין ווס"ב, איז אים קעגנגעקומען א גוי, און דער איד האט זיך נישט אפגערוקט גארנישט, און ווען דער גוי האט זיך געמוזט אפרוקן, האט אים דער איד געזאגט "היער איי עם די באס"! (דא בין איך בעה"ב).
עס האט מיך אויפגעשטורעמט, און איך האב דעם איד (אביסל עלטער פון מיר) גע'מוסר'ט אויף דעם, אבער ער האט אפילו נישט פארשטאנען וואס איך רעד, "אויב דערוואגט ער זיך מיך אנצורירן, שריי איך אויס כאפצעם, און עס בלייבט נישט פון אים קיין שריד ופליט"!
די רעדע איז נישט פון עפעס אפפאל מקצה המחנה. מען רעדט פון א היימישער סאטמארער איד, פון וומס"ב, וועלכער איז היינט א מגיד שיעור מפורסם, און ער האט שוין אפילו מוציא לאור געווען א ספר.
ליידער ליידער, וויאזוי מיר קוקן אויס, און וואספארא השקפה מען האט.
און דאס איז שוין אין סאטמאר, וואס דער רבי האט אזויפיל געפרעדיגט דעם איסור פון התגרות באומות און קבלת עול הגלות.
אידן, וועקט אייך אויף.