די רעזולטאטען וועט אנהייבען ארויס קטמען דאס מאל עטליכע שטונדען שפעטער ווי לעצטע מאל, תוליב וואס מען וועט עס מוזען א סך בעסער ציילען, עס זאל זיך נישט איבער חזר'ען וואס עס איז געשעהן לעצטע מאל.
פאלגענד איז די רשימה פון די פארטייען וואס מיר האבן געשריבען לעצטע מאל, פאר א קנאפע 4 חדשים צוריק
אין מדינת ישראל קומט מארגען פאר וואלן פאר די 120 פארלאמענט זיצען, פאלגענד זאל מען לייגען בלויז וואל רעזולטאטען, אן קיין שום פראפאגאנדע חלילה, ה'"י.
ווי עס גייט אין די מדינה פארמעסט מען זיך נישט דירעקט אויף דאס פירערשאפט פאזיציע, נאר די פירער פון איינע פון די צוויי גרעסטע פארטייען באקומט דאס פרעמיאר אמט, ווער פון זיי עס קען ציזאמען קראצען שטיצע פון 61 ערוויילטע פארלאמענט מיטגלידער אז ער זאל זיין פרעמיאר מיניסטער, באקומט דאס מאנדאט פון פרעזידענט (רובי ריבלין אין דער פאל), און שטעלט ציזאם א קאאליציע רעגירונג פון 61 פארלאמענט מיטגלידער.
אויב מען קען נישט ציזאמען שטעלן שטיצע פון 61, טוט זיך א סעמעטוכע, צי דאס גרעסערע פארטיי וועט דארפן באקומען דאס מאנדאט, אדער דער וואס האט מער פארלאמענט מיטגלידער אין זיין שטיצע.
די פארטייען וואס פארמעסטן זיך זענען ווי פאלגענד:
הליכוד – דער אלגעמיינער רעכטער פארטיי, געגרינדעט געווארן אין 1973, אן האט פארכאפט זאס פירעשאפט אין 1977, ווען איהר פארשטארבענער פירער מנחם בעגין איז געווארן פרעמיאר מיניסטער, דאס איז געווען דאס ערשטע מאל וואס די רעכטע האבן געפירט דאס ממשלה, און פון דאן זענען זיי רוב יארן געווען פירער.
דאס היינטיגער פירער איז ביבי נתניהו, וועלכער זיצט שוין ביים רעדל צען יאר, ער האט מיט זיך א בארג פון קאנטערווערסיע, מיט פארדאכטען אויף קארופציע, אבער איז קריזמאטיש, און גאר שטארק רעספערקטירט ביי די רעכטע וויילער, ווי אויך פארהאסט ביי די אנדערע לאגער.
כחול לבן – א ניי געגרינדעטע פארטיי, וואס פאררופט זיך צענטראל, וועלכע איז אין אמת'ן אריין א קאאליציע פון אנטי נתניהו פארטייען, איהר פירער איז בעני גאנץ, דאס פירער פון דאס חוסן לישראל פארטיי, א געוועזענער גענעראל, און הויפט פון מיליטער, וואס מען רופט דארט א רמטכ"ל, נואמבער 2 איז יאיר לפיד, דאס פירער פון יש עתיד פארטיי, א שטארקע שונא דת, וועלכע האט אין פארגאנגעהייט שוין דורך געפירט שווערע געזעצען קעגן חרדים.
די צוויי האבן געמאכט א דיעל אז אויב זיי ווערן ערוויילט, וועט אין די ערשטע האלב טערמין גאנץ זיין ראה"מ, און אין די צווייטע האלב גאנץ.
#3 איז משה יעלון, א געוועזענען ליכוד מיטגליד, וועלכער איז אויך געווען א רמטכ"ל און אויך א דיפענס מיניסטער, נתניהו האט צי גענומען פון איהם די דיפענס מינעסטערום, האט ער זיך ציקריגט מיט איהם, און געגרינדער דאס תל"ם פארטיי, און #4 איז גבי אשכנזי אויך א געוועזענער רמטכ"ל.
איחד מפלגות הימין – א קאאליציע פון רעכטע מזרח'יסטישע פארטייען, הבית היהודי – ווי מען פלעגט זיי רופן מפד"ל, דער אלגעמיין רעליגיעז ציוני'סטישע פארטיי, אינטער פירערשאפט פון רפי פרץ, געוועזענער טשיעף ראביי פון מיליטער,
איחוד הלאומי – דאס פארטיי פון די חרד"ל'ים, דהיינו מער פרומערע מזרח'יסטן, געפירט דורך דאס פאפולערער סמאטרידזש.
עוצמה יהודית - דאס מתנחל'ישער עקסטרעם רעכטע פארטיי, תלמידים פון דאס עקסטרעמיסט מאיר כהנא.
הימין החדש – א ניי רעכטער פארטיי, רעכטער פון ליכוד, געגרינדער דורך דאס פאפולערער נפתלי בענט – געוועזענער פירער פון הבית היהודי, און מיסיס שקד, דזשאסטיץ מיניסטער, זיי האבן געהאפט צי זיין א געלונגענע פארטיי, אבער מע שעמעקט א דורכפאל.
ישראל בתינו – רעכט - דאס פארטיי פון די רוסישע עולים, געפירט דורך אביגדור ליברמן, געוועזענער דיפענס מיניסטער, וועלכער האט א שטארקע אנטי דת אזשענדע.
כולנו – רעכט – מיט א סאציאלע עקאנאמישע אדזשענדע, אנגעפירט דורך משה כחלון – שר האוצר.
זהות – א נייער פארטיי, און אנפירעשאפט פון משה פייגלין, א געוועזענער ליכוד מיטגליד, א רעליגיעזער מענטש, מיט א אנטי רעליגיע אדזשענדע, וועלכער ציהלט צי אפטיילען רעליגיע פון די הערשאפט, ערמעגליכען צי חתונה האבן שלא עפ"י תורה, און ליגעלייזען מאראוואנע דראג'ס.
העבודה – לינק - וועלכער איז א המשך פון די מפא"י פארטיי, וועלכער איז געווען די ערשטע פארטיי אין הערשאפט, און איז געזעצן ביים רעדל ביז 1973, איהר יעצטיגע פירער איז אבי גבאי.
מרץ – אן אלטער עקסטרעם לינקע און אנטי דת פארטיי.
גשר – דורך מיסיס לוי אובקסיס – מיט א עקאנאמישער אדזשענדע.
חד"ש תע"ל – צוויי אראבישע פארטייען, פון איימאן עודה און אחמד טיבי.
רע"ם בל"ד – צוויי אראבישע פארטייען, בל"ד איז א עקסטרעם לינקע פרייער פארטיי מיט פיל קאנטערווערסיע אינטער זיך, טייל פון איהרע מיטגלידער זענען שוין אנעקלאגט געווארען מיט הילף פאר טעראר, א געוועזענער ח"כ האו אריין געשמאגעלט סעפאון'ס פאר טעראריסטען אין תפיסה, א צוויטע איז געווען אויך די מארמארא שיף פון טערקיי צי עזה.
יהדות התורה – אשכנזי'שער חרדי'שער פארטיי, וואס ערהאלט אין זיך אגדות ישראל און דגל התורה.
ש"ס – די חרדי'שע ספרד'ישער פארטיי.
די חילוקים די מאל איז ווי פאלגענד.
די ראדוקאל רעכטע עוצמה יהודית פארטיי האט זיך אפגעטיילט פון בית יהודי, און לויפט באזונדער.
דאס ימין החדש פארטיי וואס האט דורך געפאלן ביי די פארלאפענע וואלן האט אויפגענומען אלס יו"ר רעביצין שקד אנשטאט בענט, און זיך פאראייניגט מיט הבית היהודי און איחוד לאמוי, זייער נייער נאמען איז - ימינה.
העבודה פארטיי האט אויפגענומען א נייער פירער, עמיר פרץ, און זיך פאראייניגט מיט גשר פון הרבנית לוי.
געוועזענער פרעמיער מיניסטער באראק האט געעפענט א נייער פארטיי, און זיך פאראייניגט מיט די רעדוקאל לינקע מרץ פארטיי, זייער נאמען - מחנה הדמוקרטי.
די אראבישע פארטייען האבן זיך אלע פאראייניגט אינטער איין רשימה.