מיללער האט געשריבן:כד רגיז רעיא על ענא עביד לנגדא סמיתא (בבא קמא נא.)
ווען דער פאסטוך רעגט זיך אויף אויף די שאף שטעלט ער אין שפיץ פון די סטאדע א בלינדע שעפעלע, וואס גייט מיטן קאפ אין וואנט, און אלע גייען איר נאך.
מענטשן האבן געווארנט ביי די וואלן, אמעריקא, איר ברענגט אריין א מענטש אין ווייסן הויז וואס באלאנגט אין אן אנטשטאלט, אבער אז דער פון אויבן וויל שטעלט ער א בלינדען אין שפיץ און יעדער גייט נאך.
אמעריקא אמעריקא, שיין זיך דערלעבט.
איין זאך, איך פארגין אים נישט קיין אימפיעטשמענט עס איז א בזיון פאר די קאנסטיטוציע איר צו נוצן ארויסצולייגן א וואנזיניגען פונעם אוועל אפיס, ער דארף ארויסגיין מיט די אמביולאנס איינהייט וואס פירט אריין אין בעלוויו.
אמעריקא אין די האנט פון א נארסיסיסט, אמעריקא אונטער א פרעזידענט וואס פירט דאס לאנד מיט איין שורה'דיגע טוויטער קינדערוויצן, פאסט פאר קאמיקס ליינער יארגאנג, אמעריקא אונטער א פירער וואס ליידט אויף אטענציע דעפעציט אויף שטאפלען וואס אפי' אין די כ' יארן האט מען שוין אזא איינעם געטראגן צו חדר עזרה און חינוך מיוחד, אמעריקא מיט איינעם אין שפיץ וואס ליידט אויף א טעמפער באגלייט מיט צוקערפולע געטראנקען וואס מאכט אזא איינעם הייפער און ווילד, און צו דעם האבן מיר זיך דערלעבט.
הלוואי איז די וורודווארד בוך און דער טיימס ארטיקל די אנהייב פון די ענדע, ווען די אינערליכע שטאב איז שוין מיד-נ-קראנק און וועלן סטראטעגיש ארויסלאזן אזעלכע סטעיטמענטס וואס וועט אדער ארויספירן דעם פרעזידענט מיט א נערוון צוזאמענברוך, אדער דורך א ריכטער/דאקטאר וואס וועט אורטיילו אז ער איז נישט פעיאיג צו פירן דאס לאנד.
די רב'ס תגובה איז שנעל געווארן באגראבן צווישען די בלעטער האבעך עס נאכאמאל ארויפגעברענגט.
ליינעדיג כסדר אייוועלט ווי די רוב עולם דא יובעלט יחי המלך, ווי קלוג אין ווי מעכטיק טראמפ איז, אז ס'איז ממש שווער צו שרייבן עפעס קריטיק.
עס איז געוואלדיג צו ליינען די אשכול אז עס זענען נאך היימישע וואס האלטן פין טראמפ די זעלבע ווי יעדע נארמאלע מענטש האט געהאלטן פאר צען יאר צוריק.
ער איז די זעלבע טראמפ וואס מיר אלע געדענקן פין קינדווייז אן, ער איז די זעלבע וואס האט משוגע געמאכט די לאנד וועגן אבאמא'ס געבוירטס שיין, די זעלבע צמאי צמי, אני ואפסיניק,
נישט קיין ראסיסט, נישט קיין קאלושעניסט, נישט קיין דיקטאטור, פשוט א ליגעל נארסיסט.