איראן איז מודה אין זייער סעפטעמבער 11 ראלע

[זונדל שאלאמאן]

יעצט ווען עס הערשט אן אפענער רוגזה צווישן די פאראייניגטע שטאטן און איראן, הייבן אן ארויסצוקומען די אפענע קארטן איבער די ראלע וואס איראן האט געהאט ביי די ריזיגע סעפעטמבער 11 אטאקעס אין יאר 2001 אויף עטליכע גרויסע אמעריקאנע צילן, צווישן זיי די צווילינג טורעמעס אין ניו יארק און די פענטעגאן, וואס האבן געברענגט טויזענטער פאטאליטעטן, און גאר שטארק אראפגעברענגט די כבוד פון אמעריקע און איר פארשעמט פאר די גאנצע וועלט, זייענדיג די אטאקע וועלכע האט געפירט צו די לאנג פארצויגענע קאמף קעגן טעראר, א קאמף וואס איז נאך ביז היינט נישט פארטיג.

מוכאמאד דזשאוואד לארידזשאני, א הויכער סעקרעטאר אין די יוסטיץ מיניסטעריום פון די איראנער “מענטשן רעכט קאנסול”, האט געזאגט נעכטן אין אן אינטערוויו פאר די איראנער פרעסע, אז איראן איז געשטאנען צו די רעכטע האנט פון על קעידא טעראריסטן וועלכע האבן דורכגעפירט די אטאקעס אויף אמעריקע, און זיי צוגעשטעלט שוץ.

לויט לארידזשאני האט די אינטעליגענט סערוויס פון טעהאראן צוגעשטעלט אין געהיים הילף פאר די טעראריסטן, אז זיי זאלן קענען רייזן צו אנדערע לענדער רואיגערהייט, אן א שרעק אז די אמעריקאנער שפיאנאזש אגענטורן זענען אויף זייערע שפורן.

דורכאויס דעם אינטערוויו האט ער דערציילט אז די על קעידא קעמפער האבן גערייזט צווישן אזעלכע לענדער ווי סאודיע אראביע און איראן. יעדע מאל וואס זיי זענען אריינגעקומען אין די איראנע גרעניצן סיי דורך די לופט און סיי דורך די יבשה, האבן די איראנער מסכים געווען נישט צו זיגלען זייערע פאספארטן.

די טעראריסטן האבן געטוישט פליגער’ס און געווען אין טעהאראן פאר צוויי שעה איידער זיי זענען געפארן ווייטער צו אטאקירן אמעריקע, און איראן האט זיי ארויסגעהאלפן צו פארלאזן דאס לאנד אונטער די אויפזוכט פון די איראנע אגענטורן.

אזוי אויך האט ער דערציילט אז איינע פון די פילאטן וואס האבן דורכגעפירט די סעפטעמבער 11 אטאקעס, איז געפלויגן אין איראן נעבן א גרויסער חיזבאללא באאמטער, און אזוי ארום האט ער אים געגעבן די געלעגנהייט זיך צו באשיצן פון די פיינטליכע רעגירונגען וואס האבן נאכשפיאנירט די טעראריסטן.

ביי איינע פון די מאמענטן אין דעם אינטערוויו האט דער איראנער באאמטער דערציילט אז איראנע שפיאנאזש אגענטן זענען געווען כסדר אין פארבינדונג מיט די על קעידא גענעראלן, און זיי געהאלפן אויף טריט און שריט.

דאס אז א גרויסער איראנער באאמטער האט נעכטן צום ערשטן מאל מודה געווען אז איראן האט געשפילט א ראלע אין די אטאקעס, באשטעטיגט די באשולדיגונג וואס אמעריקאנע שפיאנאזש קוועלער באשולדיגן שוין לאנג איראן, אבער ביז היינט האט דאס איראן שארף אפגעלייקנט, אין די צייט וואס אמעריקע האט געהאט פארשידענע באווייזן אז איראןהאט יא געהאט פארבינדונגען מיט אסאמא בין לאדין.

ווען די פאראייניגטע שטאטן האט געכאפט אסאמא בין לאדין אין די אקציע אין יאר 2011 און קאנפיסקירט הויפענעס מיט דאקומענטן, האט זיך ארויסגעשטעלט אז אל קעידא אגענטן האבן באקומען טרענירונגען אין חיזבאללא לאגערן, און איראן איז געווען גרייט צו שיקן געלט און וואפן פאר על קעידא, אין אויסטויש צו אטאקירן אמעריקאנער און מערב וועלט צילן.

אין א דאקומענט געשריבן מיט בין לאדין’ס אייגענע האנטשריפט, ווערט געשילדערט וויאזוי מען דארף רעאגירן צו טעהאראן ווען עס קומט צו פארהאנדלונגען. אין די דאקומענט שרייבט דער גרינדער פון אל קעידא אז אין פאקט האט איראן געשפילט א גרויסע ראלע צום סוקסעס פון זיין טעראר גרופע אין מיטל מזרח, און דערפאר זאל מען זיין געווארנט נישט צו טון סיי וואס עס קען אויפברויזן די רעזשים פון כומעני.

עס איז אינטערעסאנט צו באמערקן אז א מאנאט צוריק האט א געריכט אין ניו יארק געאורטיילט אז איראן דארף באצאלן זעקס ביליאן דאלער, אלס א פארגיטיגונג פאר די פאמיליעס פון די סעפטעמבער 11 קרבנות, נאכדעם וואס די געריכט האט געזען באווייז אז איראן האט געהאלפן די אל קעידא טעראריסטן זיך גרייטן צום אטאקע.

קרעדיט - אידישער ווינקל

[יענקעלע]

Wow! און מיט נארט קאריע זאל מען נישט פארהאנדלען אבער מיט זײ יא!...

[לייפציק]

אויב איז עס אמת הייבט אן צו שטימען פארוואס ס'איז אזוי געגאנגען אין לעבן פאר אבאמא צו מאכן א דיעל מיט זיי.

והשנית (אביסל א סתירה מיט'ן אנהייב) מ'האט נישט געדארפט קיין הילף פון איראן, אמעריקע איז געווען צודרייט, ס'איז געווען אלע סימנים פאר א אטאקע, אומצאליגע ווארענונגען, און זיי זענען אלע געווען "אין" אמעריקע, מ'האט נישט געדארפט קיין הילף פון איראן דאס אפצושטעלן, עס וואלט געקענט געטון ווערן אומצאליגע מאל, מיט א טראפעלע אויפמערקזאמקייט, נאר אויף די אופן ווי אזוי די וועלט האט דעמאלטס געקוקט אויף טעראר, האבן זיי געקענט פליען דירעקט, אן איראן, און מיט געזיגלטע פאספארטן, און גארנישט וואלט נישט געווען.

[Goodmorning]

פון וואו נעמסטו דאס גוגל ווייזט גארנישט.

[אלי' מקוה יוד]

וואסערע בענעפיט האט איראן פון יעצט ארויסקומען דערמיט אין פובליק? סתם זיך צו רייצן?

[Naftule]

פון וואו נעמסטו דאס גוגל ווייזט גארנישט.

Mohammad-Javad Larijani

Google this name

[Think and Thank]

פון וואו נעמסטו דאס גוגל ווייזט גארנישט.

כאב געטראפן אויף גוגל:
http://english.alarabiya.net/en/feature ... ckers.html

[פארשטייסט?]

מיין עיקר שאק אין דעם ארטיקעל איז אז איראן האט געארבעט צוזאמען מיט סאדיע אראביע אויף די סעפטעמבער עלעווען אטאקעס.

איז דער לארידזשאני ארויס געקומען קעגן די איראנע גאווערמענט?

[שלומה]

מיין עיקר שאק אין דעם ארטיקעל איז אז איראן האט געארבעט צוזאמען מיט סאדיע אראביע אויף די סעפטעמבער עלעווען אטאקעס.

איז דער לארידזשאני ארויס געקומען קעגן די איראנע גאווערמענט?

וואס איז די גרויסע שאק די ווייסט נישט וואס איז אן אראבער ווען איך בין גיט מיט דיר וועלאיך אלעס טין פאר דיר מארגען ווען איך בין צוקריקט מיט דיר וולאיך פארדאמען דאס וואס מיר האבען צוזאמען געטין
(אמעריקע וועט באופן כללי נישט פארדאמען א זאך וואס זיי אליין האבען געהאט א יד)

[נו שוין]

Wow! און מיט נארט קאריע זאל מען נישט פארהאנדלען אבער מיט זײ יא!...

אויך מיט סעודי אראביע פון ווי די 19 טעראריסטן קומען, און סעמי באקומען שטיצע פון די סוני בעערדע.

[Goodmorning]

איך קען אין ערגעץ נישט אריין אבער איך זע אזא העדליין Saudi-owned Al-Arabiya under fire for claiming Iran 'confessed' t
https://www.alaraby.co.uk › english › news
איראן און סעודיע אראביע זענען דאך בלוט שונאים וויאזוי האבן זיי געארבייט צוזאמען?
אויב עס איז אמת פארוואס רעדט נישט די טראמפ אדמיניסטראציע פון דעם?

איראן האט גענוג בלוט אויף אירע הענט דורך חיזבאללה ,אבער פארוואס זאלן זיי ארבעטן מיט סוניס וועמען זיי האבן פיינט?

[ווער איז דאס]

והשנית (אביסל א סתירה מיט'ן אנהייב) מ'האט נישט געדארפט קיין הילף פון איראן, אמעריקע איז געווען צודרייט, ס'איז געווען אלע סימנים פאר א אטאקע, אומצאליגע ווארענונגען, און זיי זענען אלע געווען "אין" אמעריקע, מ'האט נישט געדארפט קיין הילף פון איראן דאס אפצושטעלן, עס וואלט געקענט געטון ווערן אומצאליגע מאל, מיט א טראפעלע אויפמערקזאמקייט, נאר אויף די אופן ווי אזוי די וועלט האט דעמאלטס געקוקט אויף טעראר, האבן זיי געקענט פליען דירעקט, אן איראן, און מיט געזיגלטע פאספארטן, און גארנישט וואלט נישט געווען.[/quote]

דאס איז די רייע אז סקען זיין סיז נישט אמת די מעשה

[פארשטייסט?]

מיין עיקר שאק אין דעם ארטיקעל איז אז איראן האט געארבעט צוזאמען מיט סאדיע אראביע אויף די סעפטעמבער עלעווען אטאקעס.

איז דער לארידזשאני ארויס געקומען קעגן די איראנע גאווערמענט?

וואס איז די גרויסע שאק די ווייסט נישט וואס איז אן אראבער ווען איך בין גיט מיט דיר וועלאיך אלעס טין פאר דיר מארגען ווען איך בין צוקריקט מיט דיר וולאיך פארדאמען דאס וואס מיר האבען צוזאמען געטין
(אמעריקע וועט באופן כללי נישט פארדאמען א זאך וואס זיי אליין האבען געהאט א יד)

לויט וואו איך פארשטיי איז איראן דער אימאפיציעלע טאטע פון אלע שאיטן און סאדיע אראביע פון די סוניס, זיי זענען שוין בלוט שונאים איבער טויזענט יאר