נייעס און נאטיצן פון די אמעריקאנע געריכטן
די אחראים: יאנאש,אחראי,געלעגער
-
- ק.נ.א. וואשינגטאן קארעספאנדענט
- תגובות: 40521
- זיך איינגעשריבן אום: מאנטאג מאי 14, 2018 10:02 pm
הכל הבל האט געשריבן:הכל הבל האט געשריבן:פייווישעל האט געשריבן:קענסט אריין קומען מיט א באריכט אויף די וויין קעיס וואס מגייט הערן מאנטאג
נישט מאנטאג, מיטוואך
און אי"ה וועט נאכקומען א באריכט דערוועגן גענוג פרי איר זאלט זיין גרייט מיט אייער היימארבעט איבער די קעיס אין צייט
די 18'טע אמענדמענט צום קאנסטיטוציע האט געלאזט אין גאנג א פעדעראלע אפעראציע צו אינפארסירן די דאן פארבאט אף אלקעהאל אין די פאראייניגטע שטאטן
די פראבלעם איז געווען אז אין לויף פון די יארן האט זיך ארויסגעשטעלט אז די רעגירונג האט נישט עכט געהאט די מעכאניזם און מעגליכקייט אפצושטעלן די באנוץ און האנדל פון אלקאהאל און צוליב די אמענדמענט האט זיך צובליהט די שווארצע מארקעט פון אלקאהאל וועלכע האט אלץ רעזולטאט פארמערט פארברעכן
אין א ריקצוג האבן די סטעיטס באשטעטיגט די 21'סטע אמענדמענט וועלכע איז די איינציגסטע אמענדמענט צוריקצודרייען א פריערדיגע אמענדמענט
די 21'סטע אמענדמענט טוט צו ערשט ווי געשריבן צוריקדרייען די 18'טע אמענדמענט און אבער יא ארויפלייגן א פעדעראלע פארבאט צו אימפארטירן אלקאהאל צו סטעיטס וועלכע פארמאגן סטעיט פארבאטן אויף אלקאהאל און אין אלגעמיין לאזן די מאכט פאר סטעיטס צו פארבאטן און/רעגולירן אלקאהאל
מיט די צייט איז די צווייטע טייל געווארן מער ווייניגער אומרעלעוואנט זינט אלע סטעיטס האבן לעגאליזירט אלקאהאל אבער עס איז יא פארבליבן די רעכט פאר געוויסע סטעיטס וועלכע טוען נאך רעגולירן די האנדל פון אלקאהאל מיט פילע פארשריפטן
דא קומט אבער אריין א באזונדערע געזעץ וועלכע ערלויבט די רעגירונג צו קאנטראלירן די האנדל צווישן סטעיטס און אויסלענדישע פירמעס און אויך די האנדל צווישן איין סטעיט און די צווייטע
צום ביישפיל קען די רעגירונג פארבאטן פון סטעיטס ארויפצושטעלן געוויסע פארשריפטן אויף פירמעס וועלכע אימפארטירן פראדוקטן אריין אין די סטעיט אויב די סטעיט פארלאנגט נישט די זעלביגע פון פירמעס וועלכע זענען באזירט אין די סטעיט
די אויבנדערמאנטע ערשיינונג פלעגט זיין די שטייגער ווען פארשידענע סטעיטס האבן געזוכט צו פארשטארקערען די מאנאפאל פון לאקאלע ביזנעסער אבער די רעגירונג האט עס פארבאטן אלץ דיסקרימינאציע אויף אוט אף די סטעיט ביזנעסער וועלכע זוכן צו מאכן ביזנעס אין די סטעיט זינט די פעדעראלע רעגירונג האט אן אינטערעס צו פארשטארקערן די ביזנעס אקיטוויטעטן נאציאנאל און פארמערן קאנקורענץ
איצט צו די ספעציפישע קעיס, טענעסי פארלאנגט אז כדי צו באקומען א לייסענס צו פארקויפן אלקאהאלישע געטראנקן דארפן אפליקאנטן וואוינען מינימום צוויי יאר אין די סטעיט און צו באנייען א לייסענס דארף מען וואוינען צען יאר
די דיסטריקט קאורט און דערנאך די 6'טע סירקוט קאורט האבן געאורטיילט אז די סטעיט געזעץ פארלעצט די אויבנדערמאנטע געזעץ און איז דיסקרימינאציע שרייבנדיג אז דאס וואס די 21'טע אמענדמענט ערלויבט סטעיטס צו רעגולירן אלקאהאל פארקויף באדייט נישט אז די סטעיט קען נוצן די רעכט און זיך דאדורך באפרייען פון די לעצטע ווארט וועס די פעדעראלע רעגירונג האט אויף האנדל אין די סטעיטס און זייער פארבאט אויף אוט אף די סטעיט דיסקרימינאציע
די סטעיט האט אויך פרובירט אויסצוטייטשן אן אלטע סופרים קאורט אורטייל אויף א וועג וועלכע טייטשט אויס די פעדעראלע רעגירונגס מאכט אין אזעלכע פעלער באגרעניצט צו אלקאהאל פראדוצירער אבער די 6'טע סירקוט קאורט האט עס אפגעוארפן זאגנדיג אז עס איז פונקט אזוי רעזערווירט פאר אלקאהאל האולסעילער און ריטעילער
די סופרים קאורט וועט מיטוואך אויסהערן מונדליכע ארגומענטן אין די קעיס
- lebediger berel
- שר חמשת אלפים
- תגובות: 5249
- זיך איינגעשריבן אום: דינסטאג יוני 17, 2008 11:17 am
- Think and Thank
- שר חמשת אלפים
- תגובות: 5681
- זיך איינגעשריבן אום: דינסטאג יאנואר 09, 2018 11:08 pm
פארטראכטער האט געשריבן:הכל הבל האט געשריבן:קיינער ערווארט עס נישט
די זאך איז אז איר געזונט צושטאנד קען דערפירן דערצו אפגעזעהן צו זי וויל אדער נישט
נישט פארגעסן די אלטע אנגענומענע מעקאנעל פרעקטיס, אז מען נאמינירט נישט קיין נייע סופרים קארט ריכטער אין א עלעקשאן יאר...
מיינסט אודאי די ביידען פרעקטיס.
אלעס וואס איך שרייב צו פארענטפערן די מדינה איז נאר אלס פאליטיק, כאילו ס'וואלט געווען א גוי'אישע לאנד. למעשה טאר די מדינה נישט עקזיסטירן קיין רגע און דעריבער וועט קיין שום העברת פי ה' נישט מצליח זיין. די אייציגסטע וועג ארויס איז גענצליך אויפגעבן די מדינה.
-
- ק.נ.א. וואשינגטאן קארעספאנדענט
- תגובות: 40521
- זיך איינגעשריבן אום: מאנטאג מאי 14, 2018 10:02 pm
סופרים קאורט ערלויבט די טראמפ אדמיניסטראציע פאראויסגיין מיטן אוועקנעמען בריות משונות פון ארמד פארסעס אין מיליטער
געריכט וועט נישט אויסהערן מונדליכע ארגומענטן אבער שענקט סטעי אויף פארבאט וועלכע האט צוריקגעהאלטן די אדמיניסטראציע פון עס לאזן אין גאנג
געריכט וועט נישט אויסהערן מונדליכע ארגומענטן אבער שענקט סטעי אויף פארבאט וועלכע האט צוריקגעהאלטן די אדמיניסטראציע פון עס לאזן אין גאנג
לעצט פארראכטן דורך הכל הבל אום דינסטאג יאנואר 22, 2019 9:43 am, פארראכטן געווארן 1 מאל.
-
- ק.נ.א. וואשינגטאן קארעספאנדענט
- תגובות: 40521
- זיך איינגעשריבן אום: מאנטאג מאי 14, 2018 10:02 pm
נודניק האט געשריבן:הכל הבל האט געשריבן:געריכט אנטזאגט זיך אויפצונעמען די דאקא קעיס פארן איצטיגן טערמין
גיט אדער שלעכט פאר טראמפ?
(כווייס נישט וואס די קעיס איז)
עס איז אן אנטוישונג פאר די אדמיניסטראציע וועלכע האט געשטרעבט אז די העכסטע געריכט זאל איבערהיפן די נידריגע געריכטס ענדגילטיגע אורטייל און מעגליך לאזן דעם פרעזידענטליכע עקזעקוטיווע שריט אין קראפט און דאדורך צווינגען דעמאקראטן צו פארהאנדלען איבער אימיגראציע אונטער פאליטישע דרוק