דריידל האט געשריבן:לעכטל האט געשריבן:דריידל האט געשריבן:הערטס מיך אויס: ווער ס'וויל גיבן צדקה פאר מלמדים וואס מאכן חתונה, איז זייער שיין. אבער דרייטס נישט קיין קאפ אז מ'האט אן התחייבות פאר די נעבעכדיגע מלמדים וואס פארדינען אזוי ווייניג. א מלמד איז פונקט אזא ארבעטער ווי אנדערע ארבעטער און טאמער פארדינען זיי ווייניג איז עס ווייל זייער ארבעט איז נישט ווערד מער, און זיי האבן זיך עס אליינס אויסגעוועלט. א יונגערמאן וואס שטייט ביי א רעזשיסטער און פארדינט ווייניג איז פונקט אזא רחמנות און ס'איז א גרעסערע חיוב אים צו העלפן ווי א מלמד פון די אנדערע עק וועלט
וואס?!
"א מלמד איז פונקט אזא ארבעטער ווי אנדערע ארבעטער און טאמער פארדינען זיי ווייניג איז עס ווייל זייער ארבעט איז נישט ווערד מער..."
איר שעימט זיך נישט צו זאגן אזאנץ,
איר ווייסט וואס מיינט זיין א מלמד אין 2020 ?!
איך שעם מיך ווען איך גיי צו צום מלמד פון מיין זוהן, רעדן צו אים, ווען איך ווייס אז ער ארבעט קמאט בחינם!
קען זיין אז איר האט נישט קיין עצה דערצו - אז מען זאל צאלן מער, מיינט עס העכערן סכ"ל, אבער אוודאי דארף מען זעהן ווי מען קען פארגרינגערן, בפרט ווען עס קומט צו א שמחה.
אז די אטאקירסט מיך אזוי, מוז איך מסביר זיין
ווילסט מיר זאגן אז מלמדים ארבעטן לשם מצוה אויפן חשבון אז ווען זיי וועלן חתונה מאכן וועט מען צאמשטעלן פון צדקה? איז דאס אויסגעהאלטן?
די אדמיניסטראטאר, פאנד רעיזר, און באס דרייווער ווייסט וויאזוי צו פארלאנגן די מאקסימום וואס ער קען און די מוסד צאלט עס. טאמער קען ער ערגעץ פארדינען מער וועט ער פארלאנגן מער פון די מוסד און אז זיי שטעלן זיך נישט צו וועט ער טוישן זשאבס. פארוואס זאל די מלמד נישט טון די זעלבע? די ענטפער איז 1. ס'איז אים באקוועמער צו זיין א מלמד מחמת איזה סיבה אדער 2. ער האט טאקע נישט קיין בעסערע אפפער.
איך זאג נישט אז ס'איז נישט קיין צדקה ארויסצוהעלפן מלמדים חתונה מאכן אבער פארוואס קומען זיי פריער ווי אנדערע אידן וואס מיטשן זיך פונקט אזוי?
יוי רבונו של עולם דער מלמד ארבעט דאך פאר מיר, און פאר מיין קינד, ער דילט מיט די טייערסטע וואס כ'האב אויף די וועלט, וואס א נפקא מינה די סיבה?
וואס איז געשען מיט אונז? מיר זענען שוין אן קיין הרגשים פאר אונזערע קינדער און פאר אונזער אידישקייט? זיי טוען דאך "אונזער" ארבעט, און אונזער איינציגסטע עכטע ארבעט וואס אלע אנדערע זאכן אויף דער וועלט וואס מיר טוען איז דאך נאר צוצוקומען צו דעם תכלית אויפצושטעלן דורות עוסקים בתורה ובמצות!
וואו קען א איד שלאפן רואיג ווען דער מלמד פון זיין קינד מוטשעט זיך? אמת, סדארף זיין באמת פאר יעדן איד, אבער יש דין קדימה בתורה, אויב צאלט ער פולי פולי איבערן קאפ איז דער מלמד טאקע זיין שליח און דער קרעדיט קומט אים, אבער אויב איז דער מלמד אונטערגעצאלט, (און יעדער איז על כרחו א חלק פונעם ציבור, מיר זענען דאך א קהלה, מוסד, נישט קיין פרייוועט רבי אין קרעטשמע) זענען מיר שולדיג אין דעם (כרעד אלץ ציבור)!