נייעס און אנטוויקלונגען בנוגע ספעיס און העכערע רוימען

[Think and Thank]

ש'כח דערבארומדיג'ער פאר דיינע קלארע, געשמאקע באריכטן.

[ממה נפשך]

די קאפסול האט אראפגעקראכט מיט א פעסטקייט אבער זיי האבן עס ביידע איבערגעלעבט, צו פארדאנקען די קאפסולס פאראשוט וואס האט עס אביסל פארשטייטערט.

[זאכליך]

לויט די ערשטע שפעקולאציעס איז די פראבלעם געשען וויבאלד איינס פון די 4 בוסטערס האבן זיך נישט אפגעטיילט ווי עס באדארף צו זיין.

די סויאָז ראקעט נוצט 4 ארויפגעבינדענע בוסטערס וואס טרייבט די ראקעט פאר די ערשטע 2 מינוט פון די רייזע, נאך 2 מינוט טיילט זיך עס אפ. דאס אפטיילן איז זייער אינטערעסאנט און ווערט אנגערופן די קאראלאוו קראָס, על שם פון די רוסישע ראקעט אינדזשעניר סורגעי קאראלאוו וואס האט דעזיינט די סויאָז ראקעט נאך אין די ערשטע יארן פון די ספעיס רעיס, און ער האט דעזיינט די אפטיילן פראצעדור.

יעדע בוסטער טיילט זיך אפ, און הייבט זיך דרייען רינגס און ארום, ביז ס'ווערט פארשוואונדן.



ווי מ'קען זעהן טיילט זיך קודם אפ די אונטערשטע באהעפטונג, און דערנאך די אויבערשטע, ביי די אויבערשטע שפריצט ארויס א מין גאז וואס מאכט אז ס'זאל זיך נעמען דרייען.

די שפעקולאציע איז אז ביי איינע פון די בוסטערס האט די אויבערשטע וואלוו וואס דארף מאכן ס'זאל אנהייבן שפריצן גאז נישט געארבעט, און אנשטאט ס'זאל אוועקפליען און זיך דרייען, איז די בוסטערס צוריקגעפאלן צו די ראקעט און עס צוקראצט.

ס'איז נישט זיכער וויפל שאדן ס'האט געמאכט פאר די ראקעט, אבער די אויטאמאטישע עבארט סיסטעם וואס איז געמאכט צו באשיצן די אסטראנאטן אין פאל פון נויט, איז גלייך געווארן אקטיוויזירט און אוועקגעשאסן די קאפסול אוועק פון די ראקעט און עס אנגעגרייט פאר די עמוירדזשענסי לאנדונג.

[ממה נפשך]

אינטערעסאנט!

פארוואס עפעס דארף זיך עס דרייען, זאל עס אראפפאלן גראד און פארטיג?

#רוסישע קעפ

[קניידל פארעם]

אינטערעסאנט!

פארוואס עפעס דארף זיך עס דרייען, זאל עס אראפפאלן גראד און פארטיג?

#רוסישע קעפ

לכאורה אויב ס'דרייט זיך נישט קען עס נישט אראפ פאלן תיכף ווייל די מאטארן שטופן דאס ארויף, און ס'קען שעדיגן דעם ראקעט, אזוי ווי ס'געשעהן אין אונזער פאל.

[ממה נפשך]

China Plans to Launch an 'Artificial Moon' to Light Up the Night Skies

[נו גוט נו שוין]

רעגן האבן זיי שוין... יעצט א לבנה....

[ווייזער]

ברוך דיין אמת... - קעפלער טעלעסקאופ נסתלק געווארן אין יונגען עלטער.

יא, דאס איז די טרוקענע נייעס וואס נאס"א האט ארויסגעגעבן איבער די פריהצייטיגע פטירה פון "קעפלער". דער טעלעסקאפ וועלכעס האט געעפנט א וועלט מיט חידושים איבער ביליאנען, ביליאנען נייע פלאנעטן וועלכע דרייען זיך אונטער די נאז.

אקעי, נישט ממש אונטער די נאז, נאר אין אונזער האנט-פלאך. אין אונזער מיליקי וועי גאלאקסיע.

קעפלער טעלעסקאפ האט געכאפט פארטל זיך צו "פארקלאצן" אויפן איין פלאץ אויפן הימל, פאר שעות לאנג, יא. חדשים חדשים אין איין ציה און גלאצן אויפן הימל, און וואס מער מ'קלאצט אויפן הימל, האט די טעלעסקאפ אנגעהויבן אנאליזירן מער און מער דאטא פון ביליאנען פלאנעטן וועלכע דרייען זיך ארום די ביליאנען שטערן אין אינזער גאלאקסיע, אביסלע ארויסציר פונעם סאלאר סיסטעם.

דער סאלאר סיסטעם איז אונזער הויז. דא איז די שמש וירח, און די באקאנטע פלאנעטן, מאדים/מארס - שבתאי/סעטורן - צדק/זשופיטער וכו'. וועלכע געפונען זיך אלע אין א קליינעם טייל פון אונזער היים גאלאקסיע "מילקי וועי".

אלנפאלס, קעפלער וועמען מ'האט אפגעשפיקט אין די הויכע רוימען בערך צען יאר צוריק, האט אנגעהויבן 'באמערקן', אז ארום די צענדליגער ביליאנען שטערן וועלכע געפונען אין אונזער גאלאקסיע, דרייען זיך ארום פלאנעטן, און אסאך פון די פלאנעטן זענען XO-פלאנעטן (עקסאפלאנעטן) וועלכע ענדלען גאר שטארק אין פארם, סייז, לאקאציע, ווי אונזער ערדישע פלאנעט, וועמען מיר רופן "וועלט", אין היימישן מאמע לשון.

די עקסאו-פלאנעטן וועלכע קעפלער האט געונען, האבן גאר אסאך ענליכע שטריכן צו אונזער ערדישן פלאנעט, מיט זייער נאענטקייט צו זייער היים-שטערן מיליאנען מייל אוועק, און די בערכ'דיגע אטאמישע, כעמישע ווירקונגען גענוי ווי פלאנעט ערד, וואס איז געווען רעוואלוציאנערע נייעס אין די קאסמישע וויסנשאפט.

א לענגערע אפהאנדלונג וכל מעשה תקפו וגבורתו פון קעפלער, וועט נאכקומען. דערווייל, האב מיר און זיי מיר.

[צוקער וואסער]

שכח זייער אינטרעסאנט.

[שמואל שמעלקא]

מיר וועלן ווארטן מיט געדולד, אבער פליז נישט צו לאנג !

[אברך]

@ווייזער,איר קומט אריין געשמאק און קלאר.

אפשר קענט מער מסביר זיין וויאזוי שטארבט א טעלעסקאופ? איז דאס נישט א פארגעשריטענע קוקער מיט א סופר קאמפיוטער צו אנאליזירן וואס ער זעהט?

(איך בין אן אמעארעץ דערין)

[ווייזער]

@ווייזער,איר קומט אריין געשמאק און קלאר.

אפשר קענט מער מסביר זיין וויאזוי שטארבט א טעלעסקאופ? איז דאס נישט א פארגעשריטענע קוקער מיט א סופר קאמפיוטער צו אנאליזירן וואס ער זעהט?

(איך בין אן אמעארעץ דערין)

די קעפלער טעלעסקאפ איז אויסגעלאפן פון גאזאלין. פשוטו כמשמעו.

קעפלער האט אנגעהויבן די מיסיע אין ספעיס אין 2009 למס׳ (קנאפע 10 יאר צוריק) - און האט אנגעהויבן מיט א נייע מהלך פון גלאצן אויף א סטרעטש שטערנס.

4 יאר אין איין ציה, האט עס געקלאצט, און אין די פיר יאר האט נאסא זיך איבערצייגט א נייע ערפינדונג, וואס די וועלט האט בכלל נישט געוואוסט ביז ממש לעצטנס.

אלע שטערנס אין די מילקי וועי גאלאקסיע פארמאגן פלאנעטן וועלכע ארביטן זיי. איין פלאנעט איז נענטער צו איר מוטער-זון / שטערן, און איין פלאנעט איז ווייטער.

מ׳רעדט פון די ביליאנען שטערן / און א קיימא לן פון ביליאנען פלאנעטן, צענדליגער טויזנטער ליכט-יאר אוועק, און די פיצינקע פלאנעטן קען מען נישט זעהן אפילו דורך די גרעסטע טעלעסקאפן,

וואס די שטערנס און אירע ארביטירנדע פלאנעטן באצוועקן, באווירקן, באדייטן איז דערווייל נישט באוואוסט פאר אונז, זחוחי לב, נמוכי קומה וחסירי דעה. וואס מיר ווייסן איז כאפס וכאין, ממש גארנישט. ממילא דאס אז מיר פארשטייען נישט זייער צוועק, איז לא מעלה ולא מוריד.

קעפלער האט אסער געעפנט א פרישע געיעג פאר די פלאנעטן האנטער צו פארשן אזעלכע עקסאו-פלאנעטן וועלכע זענען ווי צווילינג שוועסטער צו פלאנעט ערד, און זעהן וועלכע קאסמישע קאנדידאטן דארט ארויף, ביליאנען-טריליאנען מייל, פארמאגן די אייגנשאפטן פןן אונזער ערדישע ערד, דאהי על אדמת נכר.

מילי-מיליאנען דאלאר גיסן די חמורים אוועק לטמיון, צו כאפן דעם טאטער פלאנעט, און מאכן רעדי פלענער ווען זיך אריבערצוקלייבן אהין...

נו, די מאווינג טראקס זענען רעדי פאר די 100 טריליאן מייל רייזע. ויסעו.

העי, סארי, קעפלער איז ליידער געשטארבן... מ׳בלייב מיר אלע דא!

[קניידל פארעם]

THענקס מר. ווייזער יר"ה פאר די באריכט, און פאר דער געשמאקער אויסלייג דערפון!

[שואלכענין]

אויב קעפלער איז געשטארבן, וועט מען העכסט ווארשיינליך שיקן אן אנדערע, נאכמער סאפיסטיקירטע טעלעסקאופ.

האלט אייך רואיג, מען בלייבט נישט דא...

[דערבארומדיג'ער]

-בילתי מוגה-


ספעיס עקס האט באקומען אין מארטש די אויטאריזאציע פון די FCC ארויסצושיסן 4,425 סעטעלייטס אין ספעיס פאר זייער געפלאנטע אינטערנעט סיסטעם, אבער FCC האט נישט געוואלט ערלויבן די 2טע פאזע פון 7518 סעטעלייטס וואס ספעיס עקס האט געוואלט ארויסשיקן צוליב'ן זארג איבער צופיל ספעיס זשאנק וואס דאס קען אנמאכן.

ספעיס זשאנק איז שוין יעצט א ערענסטע פראבלעם מיט וואס מען דארף זיך ספראווען, ווען מען שיסט ארויף א ראקעט דארף מען אבאכט געבן עס זאל זיך נישט אנשטויסן אין א אומקאנטראלירטע שטיק ברוכווארג וואס איז געבליבן שריים פון א אויסגעדינטע סעטעלייט וכדו'
שוין געווען אמאל ווען די אסטראנאטן אין די אינטערנאציאנאלע ספעיס סטאנציע זענען פארארדענט געווארן צו בלייבן אינעווייניג אין די סטאנציע ווייל א שטיקל זשאנק איז געפלויגן נאנט צו די סטאנציע, צומאל האט שוין א "ברעקל" פון אייזן אריינגעקראכט אין איבערגעלאזט א שפאלט אין די גלאז ביי די ספעיס סטאנציע (זע בילד)

לעת עתה איז דא ארום 3700 סעטעלייטס אין ספעיס, 2600 פון די סעטעלייטס זענען מער נישט אקטיוו, איצט לאמיר זיך פארשטעלן אויב וועט ספעיס עקס ארויסשיסן א דראמאטישער צאל פון 12000 פרישע סעטעלייטס, דאס מיינט אז זיי ווילן ארויסשיסן אין די קומענדיגע פאר יאר בערך 3 מאל מער סעטעלייטס פון וויפיל די וועלט האט שוין ארויסגעשיקט זינט רוסלאנד האט ארויסגעשיקט דעם ספוטניק אום אקטאבער 57' למס'
נו, אויב האט מען שוין געהאט פראבלעמען מיט ספעיס זשאנק ביז יעצט, וואס וועט שוין זיין ווען די צאל סעטעלייטס וועט זיך פארטריפלען!?

און אז די FCC האט נישט מסכים געווען, קען ספעיס עקס נישט פארגיין מיט זייערע פלענער, וואס טוט מען?
ספעיס עקס האט געטוישט זייערע פלענער צו האלטן די סעטעלייטס ביי א נידריגן ארט אין ספעיס, אנטשטאט האלטן די סעטעלייטס ביי א הייעך פון ארום 745 מייל, וועלן זיי עס האלטן ביי א פיל נידריגערע הייעך פון ארום 325 מייל, די אויפטו איז אז אויב עס שטארבט אפ ווען עס איז הויך 300 מייל פאלט עס שנעל אריין אין די ערד'ס אטמאספערע, אין עס ווערט פארניכטעט שנעלערהייט, משא''כ אויב זיי געפינען זיך זייער הויך, דאן קענען זיי זיך ארומדרייען דארט פאר לאנגע יארן, אנשאפנדיג פראבלעמען פאר די גאנצע ספעיס אינדוסטריע.

היינט האט ספעיס עקס באקומען די פרייליכע נייעס אז די FCC האט אנגענומען און באשטעטיגט זייער נייע פלאן, געבענדיג די ערלויבעניש ארויפצושיקן די דראמאטישע צאל פון 12000 סעטעלייטס.
----

מאסק'ס גאנצע פלאן אין ציהל דערמיט איז: ספעיס עקס זאל מאכן גענוג און נאך געלט אז מען זאל קענען אויפבויען א מענטשליך באוואוינטע געגנט אויף מארס...
נאכאמאל, אביסל קלארער, ספעיס עקס זאל פארדינען גענוג געלט, און מען זאל נישט דארפן צוקומען צו די סטאק מארקעט... ווייל נאר אזוי קען מען אנקומען מיט זיין גראנדיעזע וויזיע, משא''כ אויב וועט ספעיס עקס זיין אויף די סטאק מארקעט, וועלן זיי זיין משועבד צו אינוועסטארס (זיי האבן איצט נאר פרייוואטע אינוועסטארס)

[קניידל פארעם]

יישר כחכם @דערבארעמדיגער.

און דוד המלך האצעך נאך געוואונדערט פארוואס מ'דארף משוגעים אויף דער וועלט..., שטעל דיר פאר ווען מאסק זאל ווען זיין נארמאל, וואלט די וועלט נישט הנאה געהאט פון די אלע "זייטיגע" בענעפיטן מיט וואס ער קומט אויף, אלעס כדי צו זיין גרייט צו זיין עיקר ציהל

[צל עובר]

גוט....

[טשיפקא]

China Plans to Launch an 'Artificial Moon' to Light Up the Night Skies

שוין, העלמער האבן א לבנה made in China,
העט עס מסתם קומען מיט א built-in קידוש לבנה סיסטעם.

[ממה נפשך]

די 12000 סעטעלייטס איז געצילט צוצושטעלן היי ספיד אינטערנעט אויף א גלאבאלע פארנעם. (זע דא מער איבער די Starlink פראיעקט)

דו מיינסט צו זאגן אז ער גייט מאכן גענוג געלט אזוי וועט ער ווייטער קענען אנגיין מיט זיין וויזיע צו באוואוינען מארס.

גייט ער מאכן געלט דערפון, מיינט דאס אז ער גייט ווערן א אינטערנעט פראוויידער אזוי ווי ווערייזן?

[ממה נפשך]

יישר כח פארן עס אזוי שיין אראפשרייבן.

[דערבארומדיג'ער]

גייט ער מאכן געלט דערפון, מיינט דאס אז ער גייט ווערן א אינטערנעט פראוויידער?

נו וודאי, פון דעם רעדט מען דאך

[לאלתר לחיים]

דאכצעך ס'געווען די וואך אין די נייעס אז רוסלאנד האט ארויף געשיקט צום ספעיס א נוקלעאר שיף.
איינער מיט מער אינפארמאציע ביטע?

[Wow a1]

גייט ער מאכן געלט דערפון, מיינט דאס אז ער גייט ווערן א אינטערנעט פראוויידער?

נו וודאי, פון דעם רעדט מען דאך

וואס גייט זיין די מעלה דערפון מער ווי די אלע ביז היינט?

[דערבארומדיג'ער]

גייט ער מאכן געלט דערפון, מיינט דאס אז ער גייט ווערן א אינטערנעט פראוויידער?

נו וודאי, פון דעם רעדט מען דאך

וואס גייט זיין די מעלה דערפון מער ווי די אלע ביז היינט?

i dont know exactly

i think that cable internet will be faster but starlink will be much faster on phone/tablet

it will be all over the world so you need only 1 plan and you can travel everywhere with that internet plan

also this will work in rural areas where there is no internet service it, billions of people around the wrold still does not have internte

if i remember well: musk said it will be around 10 GBPS

[דערבארומדיג'ער]

היינט ווערט אפגעצייכנט די 20'טע אניווערסערי פון די אינטערנאציאנאלע ספעיס סטאנציע, די סטאנציע איז געבויט געווארן, און ווערט אויפגעהאלטן בשותפות דורך מערערע לענדער אינאיינעם.

דער סטאנציע איז מיט די יארן כסדר געווארן פארגרעסערט, אסטראנאטן האבן זייענדיג און ספעיס צוגעבויט נאך און נאך חלקים ביז עס קוקט אויס אזוי ווי עס שטייט היינט.