אומרוען און אטאקעס אין א"י; קאנסטענט אפדעיטס

[כאפצעם]

די מצב אין ארצינו הקדושה ווערט ליידער מער און מער אנגעצויגן פון טאג צו טאג און ס'ווערט ממש מקוים דער 'אין לך יום שאין קללתו מרובה מחברתו' ווען מ'הערט טאג טעגליך האר-אויפשטעלנדע געשיכטעס פון אטאקעס און פאניק וואס די איינוואינער דארט גייען אדוירך.

דער אשכול וועט זיין געווידמעט פאר דעם צוועק צו אפדעיטן ווען ס'קומט פאר סייוואספארא אטאקע צו אומרוען אין ארץ ישראל אזוי אז די חברים פון אונזער וועלטל זאלן אויך קענען מיטהאלטן און מיטפילן די שרעק וואס אונזערע ברודער דארטן גייען ליידער אריבער טאג טעגליך.

היינט זינטאג איז געווען א גאר שווערער טאג ווען עס זענען פארגעקומען עטליכע אטאקעס אויף אומשילדיגע איינוואינער און אזוי אויך שווערע אומרוען אין מזרח ירושלים.

די אומרוען אין מזרח ירושלים איז היינט ווייטער אנגעגאנגען אויף א שטארקן פארנעם אין די 'בית חנינה' געגנט ווי די ארטיגע פאלעסטינער באפעלקערונג ברויזט געפערליך אויף די פאליצייאישע שיסעריי וואס האט אומגעברענגט א 22 יעריגער פאלעסטינער אין די געגנט.

די פראטעסטן און ראיאטן האלטן שוין אן צום 2'טן טאג און היינט זענען ווייטער געמאכט געווארן פרישע ארעסטן.

[כאפצעם]

.

[כאפצעם]

גאר שאקירענד איז געווען ווען די פאלעסטינער האבן היינט אויפגעהאנגען א גרויסן ביל-באורד אין צענטער פון 'בית חנינה' וואס טוט מיטיגן פאלעסטינער יוגענטליכע אדוירכצעפירן טויטליכע קאר טעראר אטאקעס אויף איזריעלער איינוואינער.

[כאפצעם]

א פרישע טעראר אינצידענט האט זיך היינט אפגעשפילט אויפן שאסיי נומער 444 ווי עטליכע פאלעסטינער זענען באפאלן א קאר-וואס האט זיך אפגעשטעלט אין דער זייט- און ארויסגעשלעפט דעם איזריעלער דרייווער און אים צעשלאגן מיט מערדערליכע קלעפ,
דער דרייווער האט באוויזן זיך אויסצורייסן און אנטלויפן.

די פאלעסטינער האבן דערנאך גענומען זיין קאר און אנגעצינדן אין פלאמען אינמיטן דעם שאסיי.

פאליציי איז אין א געיעג נאך די פארברעכער.

[כאפצעם]

א אגד באס אויפן וועג פון ירושלים קיין תל אביב איז היינט באווארפן געווארן מיט שטיינער דוירכפארנדיג א פאלעסטינער דארף,
ס'איז ב"ה נישט געווען קיין ערענסטע פארוואונדעטע.

[כאפצעם]

ניסים איז היינט געווען אין 'בת ים' ווען די פאליציי האט באצייטענס אנדעקט צוויי באמבעס גרייט אויפצורייסן אין גאס.

די פאליציי ההאט אפגעשלאסן די געגנט און נייטראלעזירט די באמבעס.

[הלשון]

כאפצעם, שכח פאר דיינע אינטרעסאנטע אשכולות, באריכטן, בילדער, און וואס נישט!

אין קען נישט נאכיאגן צו באדאנקן, ווייל דו הערסט נישט אויף צו גיסן פרישע עמערס מיט רייכע סחורה.

קיפיראפ!

[בערקא]

טענקס ע לאט כאפצעם פאר דיינע כסדר׳דיגע אפדעיטס_רייכע שלל פון בילדער

[קהת]

א חייל איז געווארען געשטאכען און איז שווער פארוואנדערט דורך אן אראבער ביי א באס סטאנציע אין תל אביב, פאליציי האט געכאפט די אראבער.

[ראשית]

טענקס כאפצעם פאר אלע אפדיעטס סיי דא סיי איבעראל די לעבסט אויף די וועלטעל

[קהת]

נאך א פרוי איז יעצט געווארען געשטאכען, מען האט געכאפט די אראבער

[newsman]

@KolHaolam: ISRAEL: BREAKING - Another terror attack just occurred at the Alon Shvut intersection where a terrorist stabbed 2 Israelis.

m.twitter.com/KolHaolam

[משה יענקל]

אראפ מיט די אשכול זאפארט!!

רח"ל וואס עס גייט פאר!!

[newsman]

@KolYisrael: Update: Girl died in the stabbing attack. HY"D!!

m.twitter.com/KolYisrael

[צווייפעל]

רח״ל.

לויט ווי מדינת ישראל לייזט די פראבלעמען וועט מסתם קומען נייע געזעצן וויזוי צו פאבריצירען מעסערס, לכאו׳ מיט עפעס א דיקע זאך ביים שפיץ, אז מזאל נישט קענען שטעכן...

[כאפצעם]

לויט ווי די פאליציי זאגט יעצט איז דער טעראריסט אנגעקומען מיט א קאר צום באס סטאנציע-ביי שאסיי נומ. 60 נעבן גוש עציון (דאס איז די זעלבע היטש פלאטץ ווי די דריי בחורים זענען פארכאפט געווארן ל"ע), ער איז ארויס פון קאר און זיך תיכף גענימען צו די אטאקע ווי ער האט געשטאכן 3 מענטשן ה"י, די פאליציי האט געשאסן און פארוואונדעט דעם טעראריסט און ער ווערט יעצט האספיטאליזירט.

בילדער; די שוידערליכע צענע פון די אטאקעס:

[newsman]

@KolHaolam: ISRAEL: TERROR CONTINUES - A Palestinian terrorist was now apprehended on the Light Rail in Jerusalem attempting to stab a security guard.

[green]

רבותי!
שטייטס ווייט פון זיי, סנישט קיין קינדער שפיל

[כאפצעם]

דער מדינת ישראל סאלדאט 'גלעד גאלדמאן' וועלעכע איז לייכט פארוואונדעט געווארן היינט צופרוה אין תל אביב ווען א פאלעסטינער האט אים געשטאכן,
זאגט פאר די פרעסע:
"כ'האב אים געגעבן א געזונטן זעץ אין פנים"!

בילד; גאלדמאן רעדט צו די פרעסע פון זיין שפיטאל בעטל:

[כאפצעם]

אפדעיט:
ס'ווערט יעצט באריכטעט אז דער טעראריסט וואס האט דוירעכגעפירט די שרעקליכע שטעכעריי אטאקע איז א חאמאס מיטגליד.

דער טעראריסט:

[כאפצעם]

אפדעיט:

AFP באריכטעט אז דער טעראריסט איז געשטארבן פון זיינע וואונדן אין שפיטאל.

נקום נקמת.

[קהת]

אפדעיט:
ס'ווערט יעצט באריכטעט אז דער טעראריסט וואס האט דוירעכגעפירט די שרעקליכע שטעכעריי אטאקע איז א חאמאס מיטגליד.

דער טעראריסט:

און מען האט עהם שוין צוויי מאל ארויסגעלאזט פון תפיסה אריין גערעכענט ביי שליט דיעל

[newsman]

@KolHaolam: ISRAEL: A bus driving near Chura, in southern Israel, was just hit with rocks, 1 passenger was lightly injured.

m.twitter.com/KolHaolam

[כאפצעם]

אוי וויי!!!

[כאפצעם]

יעצט קען מען ערווארטן-אויב איז נישט געווען גענוג ראיאטן ביז יעצט- שווערע אומרוען אין די מערב ברעג און ירושלים צוליב'ן טויט פון דעם היינטיגן טעראריסט.

#קראנק