וויכטיגע וואלן אין מאנסי - ראקלענד קאונטי

[רוצה לדעת]

זעענדיג די גליונות 'עתידינו'
האב איך דעם לעצטן גליון, דא איבערגעברענגט לטובת הציבור (ווייל איך האלט אז ס'איז זייער וויכטיגע און ריכטיגע ווערטער).

פון דא אין ווייטער איז די ווערטער פונעם גליון עתידינו.

אין די פריערדיגע גליונות האבן מיר מיטגעהאלטן א שמועס פון חיים און דוד, איבערן מצב דא אין מאנסי, אין וועלכע זיי קומען צו די מסקנא אז עס מוז זיין א וועג שלום צו מאכן מיט די שכנים. אין דעם פריערדיגן גליון איז אויסגעשמועסט געווארן, אז די מאטיוון וואס האבן געטריבן די שכנים צו פרובירן איינפירן א "ווארד" סיסטעם דא אין ראמאפא האבן גארנישט געהאט צו טון מיט אנטיסעמיטיזם, אויך האט מען גערעדט איבער די אומצופרידנהייט וואס הערשט ביים היימישן ציבור מיט די טאון ווירטשאפט, און מיר האבן צוגעברענגט א אונטערוויאו פון דעם דעפיוטי מעיאר פון ניו סקווירא אין וועלכע עס ווערט קלאר ארויסגעברענגט אז אפילו מיט אזעלכע מענטשן ווי "עד דעי" קען מען טרעפן די ריכטיגע שפראך.


חיים: א גוטן אוונט דוד, האסט אפשר יעצט א פאר מינוט?

דוד: מיר דארפן דאך רעדן, יעצט אויף די מינוט האב איך אביסל צייט, לאמיר הערן צו דו האסט עפעס חידושים.

חיים: נישט קיין גרויסע חידושים, נאר מיר דאכט זיך אז יעצט האבן מיר א גוטע געלעגנהייט צו ברענגען א שטיקל טויש אן דעם וואס עס זאל קאסטן א פרייז. איך וויל דיר ערקלערן וואס איך מיין.

ווי מיר האבן לעצטע וואך גערעדט שטיין יעצט איין זיץ אין דעם טאון קאונסיל אפן, עס פארמעסטן זיך דערויף 2 קאנדידאטן, איינער פון זיי מיט'ן נאמען "וויליאם וועבער" ווערט אינדארסירט דורך "פרעזערוו ראמאפא" און העכסט ווארשיינליך וועט דא אין מאנסי פארקומען א גרויסן קאמפיין לטובת זיין קעגנער מיט'ן נאמען "ראססמאן".

אין די טאון איז דא פיר קאונסיל לייט און צוזאמען מיט'ן סופערווייזער איז דאס פינעף, דאס מיינט אז אפילו אויב יעצט וועט געווינען איינער פון "פרעזערוו ראמאפא" האט ער נאך אלץ נישט די מעגליכקייט אונז צו שעדיגן מיט סיי וואס וויבאלד ער האט קעגן זיך "פיר" אנדערע וואס פארטרעטן אונזער ציבור, ווייטער פון די אנדערע זייט קען אזא געווינס גאר אסאך אויפטון צו בארוהיגן אביסל די געמיטער אזוי ווי מען האט דאס אביסל געקענט זעהן ביי די סקול בארד.

דוד: האסט מיר טאקע געזאגט פאריגע וואך עפעס וועגן די סקול באורד, וואס איז דארט געווען?

חיים: די ערשטע האלב האסטו דאך זיכער מיטגעהאלטן, וויאזוי אין די לעצטע צען יאהר האט מען צוביסלעך אריינגעוועלט אינעם סקול באורד איין איד נאכן אנדערן, ביז פון די ניין באורד מעמבערס זענען 7 געווען אידן! די סיבה פארוואס מען האט דאס געטון איז געווען ווייל אונטער די אלטע סקול באורד איז געווען זייער שווער פאר די היימישע מוסדות צו באקומען פאנדן פון די סקול דיסטריקט – אפי' אזעלכע צו וואס מען איז געזעצליך געווען בארעכטיגט, אזוי אויך איז געווען גאר שווער צו ווערן אפראווד פאר טעראפי וואס זאל ווערן באצאלט דורך די סקול דיסטריקט.


צו האט איר זיך געוואונדערט...
· וואס איז געווארן מיט די שטורעם וואס איז פארגעקומען ארום די סקול באורד?
· וואס ווילן די "פרעזערוו" חברה? צו קען מען מיט זיי אדורכקומען?
· וואס איז דער מצב היינט אין די טאון באורד נאך יארן זיך שלאגן קעגן "פרעזערוו ראמאפא"? זענען מיר צופרידן וויאזוי עס איז?
· אויב מיר וועלן ווייטער פארזעצן זיך צו שלאגן, וואו קענען מיר האפן צו אנקומען?
· אויב מיר וועלן ארויסגיין קומענדיגע וואך דינסטאג פר' לך-לך שטימען פאר'ן קאנדידאט "וויליאם וועבער" פאר טאון קאונסיל, וועט דאס אונז שאטן אדער בענעפיטירן?
אין דעם גליון (און אין די פריערדיגע גליונות) קענט איר בעז"ה באקומען א קלארן ענטפער אויף די אלע שאלות. און פארשטיין אז די בעסטע זאך וואס איר קענט טון צו העלפן זיך מיט דעם גאנצן יהדות החרדית אין מאנסי איז:
ארויסצוקומען דינסטאג פר' לך-לך שטימען פאר'ן קאנדידאט וויליאם וועבער פאר טאון קאונסיל

אין די לעצטע פאר יאר זייט מען האט אריינגעוועלט היימישע אידן אויפן סקול באורד האט זיך דאס דראסטיש געטוישט, אבער עס איז געקומען מיט א טייערן פרייז, די גוים ארום אונז האבן אנגעהויבן צו פארפירן אז די סקול באורד נעמט אוועק געלטער פון די פובליק שולעס, און שניידט פון זייערע פראגראמען און לימודים כדי צו קענען געבן מער געלט פאר די פריוואטע און רעליגיעזע מוסדות. פארשטייט זיך אז אונזערע "עסקנים" האבן געשריגן אז דאס איז בלויז "אנטיסעמיטיזם" און אז דאס איז א שטורעם אין א גלעזל וואסער אונטערגעצינדן דורך עטליכע פראוואקירער, אבער דאס האט ווייניג וואס געהאלפן, דער שטורעם איז געווארן נאר גרעסער און שטערקער, מענטשן וואס האבן קיינמאל נישט געהאט קיין געשפאנטע באציאונגען מיט אונזער ציבור, ווי די שווארצע און ספאנישע שכנים, זענען געקומען צו די באורד מיטינגס און פארפירט, די היץ קעגן אונזער ציבור איז אין יענע צייט – בערך 3 יאר צוריק ארויף אויפן העכסטן גראד, ווען יעדן טאג איז געקומען מצד די שכנים פרישע באשולדיגונגען קעגן אונז איבער די איינזייטיגע און קארופטירטע האנדלונג פון די סקול באורד און פון די טאון, ווי אויך קעגן אונזער ציבור בכלליות, אין רעזולטאט פון די שרעקליכע העצערייען איז געקומען דאס אומערווארטעטע ווען עד דעי האט געווינען דעם וואל פארמעסט פאר קאונטי עקזעקוטיוו און ווען דער רעפערענדום צו צוטיילן ראמאפא אין ווארד'ס האט זיך געענדיגט מיט זייער א שמאלע וואל אויסגאנג.
ווי איך האב דיר פריער געזאגט האבן די עסקנים פון אונזער ציבור געשריגן אז דאס איז אלץ ריין אנטיסעמיטיזם און פוסטע העצערייען, און דאס זעלבע האבן זיי געשריגן ווען דער גוי'אישער ציבור האט געפאדערט צו שטעלן א "מאניטאר" – א מענטש וואס זאל האלטן אן אויג אויף וואס דער סקול באורד טוט, און ער זאל קענען אפהאלטן די סקול באורד פון טון זאכן וואס לויט זיין מיינונג איז דאס נישט ריכטיג אדער אומ'יושר'דיג. די עסקנים האבן געשריגן אז אזא "מאניטאר" וועט אוועקנעמען אונזער יושר'דיגע וואל כח(?), און אפי' צו א מאניטאר וואס זאל נישט קענען אריינרעדן אין די באשלוסן פון די סקול באורד האבן זיך די "עסקנים" אויך מתנגד געווען מיט די טענה אז דאס עצם שטעלן אזא מאניטאר לייגט ארויף א נאסע ליילעך אויף גאנץ מאנסי און טוט באשטעטיגן אז דער מאנסי'ער אידנטום מיט זייערע ערוועלטע באאמטע זענען קארופטירט און מען דארף זיי נאכקוקן, און דאס וועט געבן שטאף פאר די שונאי ישראל צו העצן קעגן אונז.

וואס איז אבער געווארן צום סוף? מען האט ב"ה יא געשטעלט א מאניטאר, און דער סקול באורד האט געטוישט דעם טאן, אנשטאט וואס ביז יעצט האבן זיי איגנארירט די גוי'אישע באפעלקערונג מיט זייערע טענות, האבן זיי זיך אנגעהויבן צו רעכענען דערמיט, און אנשטאט וואס ביז היינט האט מען ביי יעדע נייע סקול בודזשעט זיכער געמאכט אז דער היימישער ציבור שטימט עס אנידער, און נאכדעם האט מען נישט געהאט גענוג געלט צו באצאלן פאר די פובליק סקול פראגראמען וואס די גוים האבן פארלאנגט, און צו פאררעכטן די פארנאכלעסיגטע פובליק שולע געביידעס, האט מען ביי די לעצטע וואלן אדורכגעלאזט דעם נייעם בודזשעט בשתיקה, נישט מאכנדיג קיין קאמפיין ביים עולם ארויסצוקומען שטימען דערקעגן, אזוי איז די בודזשעט רעפערענדום גרינג באשטעטיגט געווארן, און מיט'ן נייעם בודזשעט איז שוין געווען געלט צוריקצושטעלן פארשידענע פראגראמען ביי די גוי'אישע שולעס וכדו', אויך האט מען געלאזט איינע פון די גוי'אישע קאנדידאטן באזעצן א ליידיג געווארענער זיץ אויפ'ן סקול באורד, און מען האט אויפגענומען א נייעם סופעראינטענדענט וואס זאל פארפיגן איבער אלע פאבליק שולעס און מען האט אויפגענומען א נייע אדוואקאטן פירמע, צו די צופרידנהייט פון די גוי'אישע באפעלקערונג וואס האבן געשפירט אז די נייע סופעראינטענדענט און די נייע אדוואקאטן זענען מענטשן צום טיש וואס האבן אן אפן אויער צו זייערע געברויכן. אזוי צוביסלעך האט זיך די היץ געזעצט.

ב"ה מיר האלטן היינט אין א מצב אז כמעט אלע אפי' די גרויסע היץ קעפ פון פרעזערוו ראמאפא זאגן אז זיי זענען צופרידן מיט וויאזוי דער סקול באורד פירט זיך, און ב"ה אז די מוסדות התורה קענען ווייטער געניסן פון זייער פולע בארעכטיגטע שטיצע פון די סקול דיסטריקט. דאס מיינט אז מיט אביסל פארשטענדעניש און מיט אביסל זיך רעכענען מיטן גוי'אישן ציבור ארום אונז, האט מען ב"ה באוויזן צו טוישן דעם גאנצן אטמאספער צו א רואיגע און פרידליכע צוזאמענארבעט. צו האבן מיר באצאלט א פרייז דערפאר? יא, די טעקסט איז געווארן געהעכערט מיט נאך א קלייניגקייט, אבער אז מען האט געקענט בארוהיגן אביסל די שרעקליכע שנאה וואס האט זיך אנגעהויבן בויען ארום אונז, וואס פירט ליידער צו גאר טרויעריגע און שרעקליכע נאכפאלגן, איז דאס בלי ספק יצא שכרו בהפסדו.

דוד: צו מיינסטו אז מען וואלט געקענט מאכן אזא שטייגער טויש אויך אין די טאון?

חיים: איך האלט קלאר אז יא! איך וועל דיר דערציילן א סוד, עס איז מיר ב"ה געלונגען זיך צו פארבינדן מיט עטליכע פון די גרויסע היץ קעפ פון "פרעזערוו ראמאפא", ווי אויך מיט פארשידענע עסקנים פון אונזער ציבור דא אין מאנסי, כולם פה אחד מודים אז די אלע שכנים ארום אונז זעהן שוין איין אז די מלחמה אונז צו פארטרייבן אדער אפצושטעלן אונזער פארשפרייטונג איז א פארלוירענע, זיי זוכן דאס מער נישט און זיי האבן שוין אויפגעגעבן דערויף, יעצט גייט דאס בעיקר אין צוויי זאכן.

ערשטנס, ווילן זיי פשוט פארטרעטערשאפט! זיי ווילן מען זאל זיך מיט זיי רעכענען אין די טאון, זיי ווילן אז די טאון זאל אדרעסירן זייערע טענות און זייערע פראבלעמען, נאך אלעם זענען זיי דא איינוואוינער פונקט ווי אונז און זיי זענען בארעכטיגט דערצו.

צווייטנס גייט עס אביסל אין נצחון, נאכן פירן אזויפיל יארן א מלחמה פאסט נישט סתם אזוי זיך אויפצוהייבן איבערלאזן דעם פראנט און זיך אוועקציען פון דא, דערפאר פירן זיי א פאר'עקשנ'טע און ביטערע מלחמה און ווען זיי זעהן אז זיי זענען נישט מצליח מיט די לאקאלע טאון רעגירונג גייען זיי אין די קאונטי און אין די סטעיט וואו זיי טרעפן ליידער יא אפענע טירן, און פון דארטן טיילן זיי אונז אויס צרות, כאטשיג טיילמאל פארדינען זיי גארנישט דערפון, אבער ווי געזאגט דאס גייט שוין אין נצחון.

דערפאר, ווען מיר קומען און מיר שטרעקן אויס א האנט פאר שלום און מיר זענען גרייט צו ארבעטן מיט זיי אז מען זאל זיך רעכענען מיט זיי, און מיר זענען גרייט זיי צו לאזן האבן רעפרעזענטאציע, און מיר פראבירן צו אדרעסירן די טענות וואס זיי האבן, זענען זיי אונז גרייט אנטקעגן צו קומען מיט ביידע הענט, ווייל אזוי גייען זיי ארויס די געווינערס בדרך כבוד. און אפי' מיר וועלן אפשר מוזן צאלן א פרייז דערויף (מן הסתם נישט, אבער אפי' אויב יא) וועט דאס זיין גאר א קליינע פרייז קעגן די אלע צרות צרורות וואס מיר האבן אצינד אויסצושטיין פון אלע ארומיגע וואס שארפן זיך די ציין אונז איינצושלינגען.

דוד: אבער אויב וועלן מיר יעצט שטימען פאר איינעם פון זייערע מענטשן וועלן נישט אונזערע פריינט אין די טאון באורד שפירן אז מיר לאזן זיי פאלן? אז מיר האבן זיך אויסגעדרייט מיטן רוקן צו זיי?

חיים: בכלל נישט, מען רעדט נישט דא אז מען זאל גיין שטימען קעגן איינעם וואס איז שוין יעצט אויפן באורד, מען רעדט דאך פון א ליידיגן זיץ, און יעדער קען פארשטיין אז דאס מיינט נאכנישט אז מיר וועלן לאזן פאלן די יעצטיגע טאון באורד מיטגלידער וואס האבן אונז געהאלפן אין די פארגאנגענהייט.

איך וועל דיר זאגן נאך א זאך, עווענטועל וועט מען ממילא דארפן אדרעסירן די אלע טענות וואס די "פרעזערוו" חברה האבן קעגן די טאון, ווייל זעהנדיג אז מיט די וואלן קומען זיי נישט אן, האבן זיי אנגעהויבן מיט מסירות אין די העכערע פענסטער אזוי ווי איך האב דיר פריער געזאגט, און עס האלט דארטן אז דער פייער אינספעקטאר פון די טאון איז געווארן ארעסטירט און אנגעקלאגט אויף קארופציע, און מען האט געמוזט נעמען א נייעם אינספעקטאר וואס זוכט זיך נישט קיין צרות, און איז גאר שטרענג מיט די אינספעקשאנ'ס, אויך האט די טאון באורד די לעצטע שטיק צייט כמעט אויפגעהערט צו אפראוון פרישע פערמיטן צו בויען וכדו', בכלל איז די ווירטשאפט אין די טאון זייער שטרענג און שווער די לעצטע פאר חדשים צוליב די שרעקליכע דרוק און שיקאנירונגען פון די גוי'אישע שכנים, והשתא דאתית להכי, פאר וואס זאלן מיר ווארטן ביז עס געשעט מחמת הכרח און דעמאלטס גייט עס שוין בכל חומר הדין אז גארנישט רירט זיך נישט און מען האט מורא פארן אייגענעם שאטן – אגב, ווי עס זעהט אויס גייט דער סופערווייזער סט. לאורענס גיין זיצן אויך צוליב פארשידענע קארופציע קלאגעס – אויב אזוי, פארוואס זאלן מיר נישט ענדערש אויסשטרעקן א האנט פאר שלום, און זעהן זיך אדורכצוקומען מיט זיי, אזוי וועט יעדער פארדינען דערפון.

און אז מען רעדט שוין, לאמיר הערן, דו האסט זיך דאך אביסל אינטערעסירט דערויף, וואס פארלאנגען זיי שוין?

דוד: זיי פארלאנגען פארשידנס, זיי ווילן אז יעדע הויז אייגנטומער זאל צאלן באזונדערע טעקס פאר יעדע טענענט וואס ער האט.

חיים: איך האב טאקע געהערט אז אסאך הייזער וואס מען איז געוואר געווארן אז עס איז דא דארט נאך טענענטס איז די טעקס ארויף.

דוד: דאס איז גראדע א חידוש, ווייל מען רעדט דאך דא פון אומלעגאלע דירות וואס ווי איך וואלט פארשטאנען וואלטן זיי געדארפט פארלאנגען מען זאל די טענענטס ארויסווארפן, למעשה, פארלאנגען זיי נאר אז דער לענדלארד זאל באצאלן טעקס.

חיים: מען קען עס גראדע פארשטיין, איינע פון זיי האט מיר ערקלערט, אז זיי ווייסן אז מען קען נישט ארויסווארפן הונדערטער און אפשר טויזנטער פאמיליעס אויפן גאס, אבער אזויפיל יא - למעשה יעדע משפחה קאסט פאר די טאון סוער, גארביטש, נאך פאליציי קראפט, נאך ארבעט פאר די פייער דעפארטמענט, פרישע ראוד'ס, סיידוואלקס, און אלע אנדערע סערוויסעס וואס די טאון שטעלט צו, ממילא האלטן זיי אז עס איז נישט מער ווי "יושר" אז יעדער זאל צאלן זייער יושר'דיגן חלק פאר די טאון, וואס איז מיר אבער יא געווען א שטיקל חידוש איז, אז די טעקס איז געהעכערט געווארן דורך א טאון באורד וואס דארף אפיציעל צו פארטרעטן "אונזערע" אינטערעסן, זעהט אויס אז זיי האבן שוין נישט געקענט שטיין אין די דרוק אזוי ווי איך האב דיר שוין פריער געזאגט, אז צום סוף מוז מען ממילא אלעס נאכגעבן, אויב נישט אויפן גוטן וועג דאן אויפן שווערן וועג.

דוד: זיי פארלאנגען אויך אז מען זאל מער לייגן א דגוש אויף פייער אינספעקשאנס און אויף אנדערע סעיפטי אישוס.

חיים: דאס האלט איך איז בלויז א מיטל שווער צו מאכן דאס לעבן, איך גלייב אז ווען מען וועט זיי נאכגעבן זייערע פאר זאכן וועלן זיי פארגעסן פון די "סעיפטי" אדער עכ"פ עס נישט אזוי שטארק נאכקוקן. ווען עס קומט צו בויען סיידוואלקס זעה איך נאכנישט אז זיי זאלן זיין אזוי באזארגט פאר "סעיפטי", אבער אפי' אויב מיינען זיי עס יא ערנסט, וואס האבן מיר שוין צו פארלירן? ממילא האלטן מיר שוין אויף א מצב אז מיר האבן א שטרענגער פארביסענער פייער אינספעקטאר אין די טאון ווי איך האב דיר פריער געזאגט, און אפי' די קאונטי אינספעקטארס האבן שוין א נאז דא, און עס זעהט זיך נישט אן קיין טויש אינעם האריזאנט, מיר שטייען אויס בלויז צו פארדינען פון זיך דורכקומען מיט זיי. דרך אגב, איך מיין אז אין די סיטי איז נאך צו יעדע צייט אזוי שטרענג מיט די אינספעקשאנס און מיט סעיפטי אישוס, און ב"ה מען לעבט דערמיט, איך זאג נישט אז עס איז גרינג, אבער עס איז נישט עק וועלט. עס לוינט נישט וועגן דעם זיך איינצוקויפן א גאנצע שטאט מיט שונאים.

דוד: זיי טענה'ן אויך אז מען בויט צופיל און אן קיין חשבון און אז מאנסי קען נישט פארנעמען אזויפיל, זיי טענה'ן אז מען טאר נישט לאזן אזויפיל בויען.

חיים: זענען זיי דען נישט גערעכט? גיי היינט צו יעדן אינגערמאן וועט ער דיר זאגן די זעלבע זאך, מאנסי איז נישט אויסגעשטעלט צו פארנעמען אזויפיל איינוואוינער אין אזא קליינע פלאץ, און אויב שטופט מען יא אריין איז דער רעזולטאט, סכנה'דיגע ראודס, שווערע טרעפיק, שמוציגע גאסן, פארפעסטעטע לופט, קיין הרחבת הדעת, טייערע דירות, הויכע טעקסעס, און אזוי ווייטער אלעס וואס איז פארהאן אין די שטאט פון וואו מען איז אנטלאפן, חוץ פון דעם האט די טאון גרויסע פראבלעמען מיט די סוער סיסטעם און נאך זאכן וואס דער ציבור האלט נישט מיט, וואס קאסטן אפ שווערע געלטער פאר די טאון יאר יערליך.

דוד: אבער אז מען וועט נישט לאזן בויען וועט דאך נישט זיין קיין דירות פאר'ן ציבור?

חיים: וועט מען זיך אויסברייטערן, מען שפרייט זיך סיי ווי אויס אויף אלע זייטן אין עירמאנט, טשעסטנאט רידזש פון איין זייט און אין ניו העמסטעד, ספרינג וואלי פון די צווייטע זייט, א.א.וו. די אידן פון שטאט וועלן העכסטנס זיך ציען מער אויף בלומינבערג, לעיקוואוד, סט. פאלסבורג, אדער אנדערע אידישע ישובים וואס אנטוויקלען זיך ב"ה זייער שיין און האבן נאך אסאך פלאץ, בכל אופן מיין איך אז זיך אריינשטופן אין לעכעלעך און מאכן פון מאנסי א צווייטע וויליאמסבורג איז נישט די בעסטע עצה...

דוד: זיי טענה'ן אויך אז די טאון איז רואינירט פינאנציעל און די יעצטיגע ווירטשאפט איז שולדיג דערין, און דאס קלאפט אויס אויף אלע איינוואוינער אין פארם פון הויכע טעקס.

חיים: איך ווייסט נישט צו זיי זענען נישט גערעכט, און איך ווייס נישט וואס זיי פלאנען צו טון דערצו. אבער מענין לענין באותו ענין, ווען "עד דעי" איז געלאפן פאר קאונטי עקזעקוטיוו האט ער געשטעלט זיין קאמפיין אויף צוויי פלאטפארמעס, איינס אפצושטעלן "אווער דעוועלאפמענט" וואס מיט דעם האט ער בעיקר געצילט אונזער ציבור, און דאס צווייטע צו צוריקשטעלן די פינאנציעל געבראכענע קאונטי אויף די פיס. ביי אונז אידן האט מען פארשטייט זיך ביזן היינטיגן טאג נאר גערעדט פון די ערשטע זאך, און מען האט עס אהערגעשטעלט כאילו דאס איז געווען זיין איינציגסטע אגענדע, פאקטיש אבער האט ער זיך גאר שטארק אריינגעלייגט אינעם צווייטן נושא פון די קאונטי'ס פינאנצן, - נאך מער ווי אין אווער דעוועלאפמענט, און די קאונטי שטייט היינט צו טאגס פיל בעסער פינאנציעל ווי פאר 3 יאהר צוריק ווען ער האט איבערגענומען די לייצעס. ממילא קען איך גלייבן אז זיי האבן עפעס א פלאן וויאזוי מען קען דעם טאון אויך צוריקשטעלן אויף די געהעריגע רעלסן.

דוד: זיי האבן אויך אן אגענדע קעגן די "פראוד" – וואס אסאך מענטשן נעמען שטאטישע פראגראמען מער ווי זיי זענען בארעכטיגט, אדער איז מען זיי חושד אז זיי טוען אזוי, און פון דעם האבן ליידער אסאך אחבנ"י שווערע פראבלעמען די לעצטע שטיקל צייט, אויך איז דא אסאך פון זיי וואס ווילן זיך אריינמישן אין די לימודים פון אונזערע מוסדות וכדו', דאס איז שוין נישט קיין זאכן וואס מען קען אוועקמאכן.

חיים: די זאכן זענען גראדע נישט נוגע אויפן יעצטיגן פארמעסט, וויבאלד דאס האט גארנישט מיט די טאון, און אפילו זיי זאלן געווינען דעם "גאנצן" טאון באורד קענען זיי אויך גארנישט טון דערצו. אבער לאמיר דיר זאגן, די "סאושעל סערוויסעס פראוד" גייט זיי נישט אזוי שטארק אן, און וואס מען לערנט אין אונזערע מוסדות גייט זיי נאך ווייניגער אן, עס איז נאר אויף אזויפיל גוט, אז ווען זיי פירן א מלחמה קעגן אונז האבן זיי מיט וואס אונז צו פייניגן, און ווען די לופט איז הייס און אנגעצויגן טרעפן אלע אונזערע שונאים א מקום מוכשר אונז צו ענג מאכן, וויבאלד עס איז פאפולער אין די גוי'אישע גאס צו זיין קעגן אידן. עס איז ממש שאקירנד ווי פאליטיקאנטן וואס זיי וואלטן נארמאלערהייט געדארפט אוועקשטיין מיילן פון אזעלכע זאכן שטעלן זיך היינט ארויס קעגן אונז אפענערהייט – אריינגערעכנט דער סענאטאר קארלוטשי פאר וועמען אונזערע עסקנים הייסן גיין שטימען - פארוואס טאקע מען הייסט גיין שטימען פאר איהם זאלסטו מיר נישט פרעגן, ווייל איך ווייס נישט - אבער ביי יעדע זאך וואס איז דא קעגן דעם חרדי'שן ציבור, צו איז עס א פראטעסט, צו א קאמפיין, צו א געזעץ, מאניטער, פובליק סקול לימודים אין די מוסדות וכדו', אלץ איז ער א חלק דערפון, אין די צייט וואס צווישן זיינע חברים אין ניו יארק סענאט פארשטייט מען אפי' נישט די לאגישקייט פון די אלע זאכן, נאר וויבאלד דא אין די געגנט איז פאפולער צו זיין קעגן פרומע אידן שטעלט ער זיך אויף יענע זייט.

דער עיקר וואס איך וויל צוקומען איז, אז אויב וועלן מיר זיך באווייזן אדורכצוקומען מיט אונזערע שכנים בנוגע די טאון וועלן אויטאמאטיש רוב פון די פראבלעמען פארשוואונדן ווערן וויבאלד עס וועט מער נישט זיין אזוי פאפולער צו זיין קעגן אידן, און די אלע ריכטיגע צרה לייט וועלן מער נישט טרעפן דא קיין בלינדע שטיצע פאר זייערע אנטיסעמיטישע אגענדעס, אזוי אז א שלום'דיגע לעזונג צו דעם לאקאלן קאנפליקט קען נאר זיין א טובה.

דוד: די מסקנא וואס איך נעם ארויס פון אלעס וואס מיר האבן אצינד גערעדט, איז אז סיי שכל'דיג און סיי תורה'דיג איז דער ריכטיגסטער און פראקטישסטע עצה אין יעצטיגן מאמענט ארויסצוגיין קומענדיגע וואך דינסטאג שטימען פאר "וויליאם וועבער" פאר טאון קאונסיל, וואס דאס מיינט לכאורה אויסשטרעקן א האנט פאר שלום.

חיים: מיין מסקנא איז די זעלבע ווי דיינס, און איך האב דאס קלאר געהערט פון איינעם פון זייערע שישקעס, אז אזעלכע וואל רעזולטאטן וועלן אויפגענומען ווערן זייער פאזיטיוו, און וועלן באטראכט ווערן אלץ א רוף פאר שלום.

דוד: (כאפט א בליק אויפן זייגער) אוי! עס איז שרעקליך שפעט געווארן, איך האב גארנישט באמערקט ווי די צייט לויפט פארביי.

חיים: איך פארשטיי אז דו יאגסט זיך שוין, אבער איידער דו גייסט וויל איך דיר נאך איין זאך ערקלערן.

יעדע זאך האט א פרייז! צו האבן א נארמאלע געזונטע רעגירונג, האט א פרייז. מען איז אביסל באגרעניצט, מען קען נישט טון וואס מען וויל, מען מוז זיך צושטעלן צו געזעצן. פון די אנדערע זייט צו האבן אן אונטערגעקויפטע רעגירונג וואס לאזט טון וואס מען וויל האט אויך א פרייז! – זאכן ווערן צופארן, סערוויסעס ווערן נישט געהעריג צוגעשטעלט, און אלעס גייט כאדאראם, ווער ליידט דאס מערסטע? די איינוואוינער אליינס, און דערפאר קלויבן נארמאלע מענטשן אויס ענדערש צו האבן א געזונטע אוועקגעשטעלטע געזעץ-באזירטע רעגירונג, ווי איידער א קארופטירטע אונטערגעקויפטע רעגירונג. און דאס זעלבע איז גילטיג דא אין די טאון, מיר דארפן האבן א טאון באורד וואס פונקציאנירט לטובת די איינוואוינער, און לאזט נישט טון זאכן וואס וועלן שווער מאכן און פאלן צולאסט אויף די איינוואוינער פון די טאון! נישט אויף דעם דארפן מיר א טאון באורד אויף צו לאזן יעדן בויען און מאכן וואס ער וויל, און ווען מענטשן קומען בעטן הילף זאל נישט זיין צו וועם צו רעדן.

[רוצה לדעת]

ער איז א שונא ישראל וואס האט שוין אנגעמאכט גאר אסאך שאדן'ס פאר די היימישע אידן!!!

פאר די שרייבסט מיט גרויסע רויטע שרעקעדיגע אותיות, אזוי אז יעדער זאל מיינען אז ביסט גערעכט
ליין דורך וואס איך האב יעצט ארויפגעלייגט, און ענטפער מיר זאכליך (מיר זענען שוין מיעד פון צו ליידן פון די היימישע אייגענגעקרוינטע עסקנים)

[רוצה לדעת]

וועל איך דא מיטלייגן א בריוו, וואס איינער (א חבר מיינער) האט מיר דא געשריבן, איך ווייס אז געוויסע וועלן שרייען קעגן, אבער ביטע פאר מ'שרייבט קאמענט'ס אויף דעם , ביטע ליין דאס דורך בכובד ראש

[גבריאל]

רוצה, פון אזעלכע עסקנים ווי דו הערט מען נאר אנאנום א טאג פאר די וואלן אדער ביסט אויך אן עסקן א גאנץ יאר לטובת אחינו בני ישראל?

[טשאלענט]

רוצה, פון אזעלכע עסקנים ווי דו הערט מען נאר אנאנום א טאג פאר די וואלן אדער ביסט אויך אן עסקן א גאנץ יאר לטובת אחינו בני ישראל?

[רוצה לדעת]

שתי תשובות בדבר
א) איך בין פון די געליטענע פון די עסקנים
ב) יא, צוליב דעם בין איך געווארן פון די עסקנים, און איך האב שוין ב"ה געהאט די זכיה צו העלפן צענדליגע אידן דא אין מאנסי,

יעצט וועל איך אייך קלאר שטעלן, איך בין זייער גוט מיט ר' בנציון ווידער, און איך וויל אים נישט אראפ רייסן בכלל, אבער מ'דארף וויסן א) האבן שכל ווי אזוי מ'לעבט מיט די שכנים, און נישט פארגעסן זיי האבן אויך זייערע רעכטן, און דער פאקט האט באוויזן אז אויב מ'רעכנט זיך מיט זיי, קען מען אסאך מער און בעסער פויעלן ביי זיי


והשנית, ס'שוין צייט איינצוצוימען דאס משוגע'נע בויען הפקרות וואס קומט פאר, ב"ה מאנסי איז גענוג גרויס, און אנשטאט אריין צו קוועטשן 12 משפחות אויף א לאט, אומ'ליגאל, וואס דאס טוט פארשווערן די טרעפיק / סוער / וכו' וכו', איז בעסער מ'זאל בויען ווייניגער, און זיך מער אויסשפרייטן, אזוי וועט אלעס בלייבן אין קאנטראל, ווען נישט פארלירט מען קאנטראל אויף די טעקס און אויף אלעס ארום, ודי בזה להרוצה להבין.

[ר' יום טוב]

פרעזערוו ראמאפאו לצים! העי פארקויף דעם ברוקלין בריק פאר א צווייטן.

איך קען 'וויליאם וועבער' נישט פון יעצט, ער איז א 'ראסיסט' קעגן דעם היימישן ציבור. זיך אין זיינע קאמענטארן.
(איך קען נישט זיין קעגנער)

אינטערעסאנטע ערשיינונג, איר וועט נאכזיכן אין די אייוועלט ארכיוון וועט איר טרעפן פרא-פרעזערוו ראמאפאו באשרייבונגען 2 טעג פאר יעדע וואלן.

קוקט נישט אויס ווי אן אינדעווידיאלער עסקן, ליבערשט א פארגעשריבענער גוט באצאלטער קאמפיין.
נייס טריי.

[מחותן]

@ רוצה לדעת

איך קען נישט די מאנסי פאליטיק, אבער אייוועלט תגובות קען איך יא אביסל..

די ביסט דא אויף אייוועלט פון די קערעסטירער ענד קאמפאני וואס באשטייט פון עטליכע געציילטע ניקים,

און צווישען ענקערע געמיינזאמע תגובות האט עטץ שוין אראפגעריסען 1) די מוסדות ובתי חינוך פאר׳ן זיך נישט צושטעלן צו ענקערע געברויכן, 2) אראפ געריסען די עסקנים פאר נישט צושטעלן ביליגע דירות, 3) שוין באקימען מטרנה אין מאנסי 4) און געקויפט ר׳ ישעלי׳ס קמיע אין בארא פארק.. און עכשיו מיט א נייע מיסיע אראפ צורייסען אלע עסקנים..

איך ווייס נישט צו ביסט יא אדער נישט גערעכט, און צו די דריי פיר ניקים איז איין דאבעל ניק אדער נאר א חבר אדער איך ווייס נישט וואס.. אבער הצד השוה שבהן אמעריקע איז א גרויס לאנד, און אויב מאנסי איז דיר ענג מוף ערגעץ אנדערש, און דו האסט טאקע פרידעם אויף ספיטש און מעגסט האבן א אייגענע מיינוג, אבער די אגענדע דא איז אבוויעז, עפעס האסטו דא מער וואס באדערט דיר..

[רוצה לדעת]

פרעזערוו ראמאפאו לצים! העי פארקויף דעם ברוקלין בריק פאר א צווייטן.

איך קען 'וויליאם וועבער' נישט פון יעצט, ער איז א 'ראסיסט' קעגן דעם היימישן ציבור. זיך אין זיינע קאמענטארן.
(איך קען נישט זיין קעגנער)

אינטערעסאנטע ערשיינונג, איר וועט נאכזיכן אין די אייוועלט ארכיוון וועט איר טרעפן פרא-פרעזערוו ראמאפאו באשרייבונגען 2 טעג פאר יעדע וואלן.

קוקט נישט אויס ווי אן אינדעווידיאלער עסקן, ליבערשט א פארגעשריבענער גוט באצאלטער קאמפיין.
נייס טריי.

אויף דעם איז געזאגט געווארן, דער אמת רעדט איין מאל, דער שקר חזר'ט זיך איבער ביז מ'גלייבט אים שוין, (אבער דער אמת זאגט וואס ער האט צו זאגן, און ווער ס'טראכט מיט א גראדן קאפ, זעהט איין דעם אמת)

און צו דיר מחותן לעבן

איך ווייס נישט אין וועלכע קוגל דו ווילסט מיר אריין לייגן, אבער קוק מיינע תגובות, כמעט שרייב איך גארנישט דא, נאר איך ליין אסאך,

נאר דאס איין זאך טוט מיר וויי, פארוואס אפאר יחידים דמתקריא עסקנים רייטן אויף עמך בני ישראל, און צוליב זיי קומט ארויס אסאך פראבלעמען,
איך האב גארנישט מיט די מוסדות התורה, וכו' וכו' וכו', ס"ה אפגעשריבן וואס באדערט מיר

וואס אלץ מאנסיער איינוואוינער שוין אסאך אסאך יאר'ן, און אלץ איינער וואס טוט פאר אחינו בני ישראל תושבי מאנסי שוין אסאך יארן, האב איך די רעכטן צו זאגן מיין מיינונג, און דאס איז וואס איך טוה

אויב שמעקט דיר נישט מיין מיינונג, איז זאג פארקערט.

און צווישען ענקערע געמיינזאמע תגובות האט עטץ שוין אראפגעריסען 1) די מוסדות ובתי חינוך פאר׳ן זיך נישט צושטעלן צו ענקערע געברויכן, 2) אראפ געריסען די עסקנים פאר נישט צושטעלן ביליגע דירות, 3) שוין באקימען מטרנה אין מאנסי 4) און געקויפט ר׳ ישעלי׳ס קמיע אין בארא פארק.. און עכשיו מיט א נייע מיסיע אראפ צורייסען אלע עסקנים..

למעשה בין איך יעצט נישטא צו אראפרייסן "אלע" עסקנים, וכו' וכו', ס"ה איין טענה, יא מ'קען צושטעלן ביליגערע סערוויסעס, און ביליגערע דירות, דאס וועט מען אבער נאר ערמעגליכן ווען די פאר בילדער'ס וועלן סטאפן צו רייטן אויף די וואלן סיסטעם, און לאזן מאנסי זיך צושפרייטן נאטורליך, וועט מען קענען באקומען נארמאלע הייזער, (און נישט פארשטיקטע לעכעלעך) און מיט עפארדעבל פרייזן בעז"ה.

[לא לנו]

פרעזערוו ראמאפאו לצים! העי פארקויף דעם ברוקלין בריק פאר א צווייטן.

איך קען 'וויליאם וועבער' נישט פון יעצט, ער איז א 'ראסיסט' קעגן דעם היימישן ציבור. זיך אין זיינע קאמענטארן.
(איך קען נישט זיין קעגנער)

אינטערעסאנטע ערשיינונג, איר וועט נאכזיכן אין די אייוועלט ארכיוון וועט איר טרעפן פרא-פרעזערוו ראמאפאו באשרייבונגען 2 טעג פאר יעדע וואלן.

קוקט נישט אויס ווי אן אינדעווידיאלער עסקן, ליבערשט א פארגעשריבענער גוט באצאלטער קאמפיין.
נייס טריי.

אויף דעם איז געזאגט געווארן, דער אמת רעדט איין מאל, דער שקר חזר'ט זיך איבער ביז מ'גלייבט אים שוין, (אבער דער אמת זאגט וואס ער האט צו זאגן, און ווער ס'טראכט מיט א גראדן קאפ, זעהט איין דעם אמת)

און פונקט ווי יעדער זעט שוין איין דעם אמת פון ר' ישעי'לעס קמיע, וועט טאקע יעדער גיין שטימען פאר דעם דורכגעפוילטן פרעזערוו ראמאפא קאנדידאט

[רוצה לדעת]

צאמגעמישט הוידל בוידל

ווען איך דארף א ישועה ווענד איך זיך צו וועמען איך גלייב אז ער קען מיר העלפן, (און יא, צומאל איז מיין ישועה וואס איך דארף, איז אז יענער זאל קענען געהאלפן ווערן), אבער וואס האט דאס דא מיט די וואלן
דו ווילסט ס'זאל אויסקוקן ווי איך וויל דא שטופן א אגענדע, אבער ס"ה ברענג איך ארויס מיין ווייטאג, און די ווייטאג פון נאך אסאך אנדערע תושבי מאנסי וואס האבן מורא צו זאגן זייער מיינונג, ווייל קהלתינו הק' וועט נישט פארשווייגן די וואס טראכטן אנדערש ווי מ'מעג...



למעשה אויב האסטו ריכטיגע טענות קען מען רעדן, סתם פירקלען תגובות גיי איך בעז"ה נישט.

[מחותן]

למעשה בין איך יעצט נישטא צו אראפרייסן "אלע" עסקנים, וכו' וכו', ס"ה איין טענה, יא מ'קען צושטעלן ביליגערע סערוויסעס, און ביליגערע דירות, דאס וועט מען אבער נאר ערמעגליכן ווען די פאר בילדער'ס וועלן סטאפן צו רייטן אויף די וואלן סיסטעם, און לאזן מאנסי זיך צושפרייטן נאטורליך, וועט מען קענען באקומען נארמאלע הייזער, (און נישט פארשטיקטע לעכעלעך) און מיט עפארדעבל פרייזן בעז"ה.

ווי אזוי ארבייט עס אינאיינעם אז מיט אריינברענגן פערזערוו ראמפא ווערן דירות עפערדעבאל??

מעגליך די עסקנים מוזען פליען.. אבער ווי אזוי גייען די צוויי א״ד זאכען אינאיינעם??

[פלטיאל]

און צו דיר מחותן לעבן, איך ווייס נישט אין וועלכע קוגל דו ווילסט מיר אריין לייגן, אבער קוק מיינע תגובות, כמעט שרייב איך גארנישט דא, נאר איך ליין אסאך,

נאר דאס איין זאך טוט מיר וויי, פארוואס אפאר יחידים דמתקריא עסקנים רייטן אויף עמך בני ישראל, און צוליב זיי קומט ארויס אסאך פראבלעמען, איך האב גארנישט מיט די מוסדות התורה, וכו' וכו' וכו', ס"ה אפגעשריבן וואס באדערט מיר

וואס אלץ מאנסיער איינוואוינער שוין אסאך אסאך יאר'ן, און אלץ איינער וואס טוט פאר אחינו בני ישראל תושבי מאנסי שוין אסאך יארן, האב איך די רעכטן צו זאגן מיין מיינונג, און דאס איז וואס איך טוה

אויב שמעקט דיר נישט מיין מיינונג, איז זאג פארקערט.

דו שרייבסט יא, דיינע תגובת זענענן דא, פון דיינע ערשטע תגובות איז אז האסט באקימען מטרנה, און עטליכע וואכען שפעטער האסט געקויפט א קמיע פון זיי אין בארא פארק ביי די מסיבה, און יעצט ביסטו שוין יארען א תושב מאנסי...

די אגענדע צווישען די דריי פיר פינף געמיינזאמע ניקים איז אפן... איינער איז קעגן די מוסדות, דער צווייטער קעגן נישט באקימען ביליגע דירות, און דער דריטער קעגן די עסקנים...

איט׳ס אקעי, ביסט בארעכטיגט צו דיין מיינוג.

איינער וואס באקומט מטרנה און קויפט קמיעות קען נישט זיין קיין תושב מאנסי?

גאר מאדנע...

[רוצה לדעת]

דער פאקט איז היינט, אז די טאון באורד מיטגלידער זענען בלויז לאיאל צו די פאר עסקנים / עשירים וואס באצאלן די ריזיגע וואל קאמפיינען, און מאכן זיכער אז דער ציבור קומט ארויס שטימען פאר זיי. ממילא ווען עס האנדלט זיך אין א זאך וואס די פאר מענטשן האבן אן אייגענע אינטערעסע דערין, אדער וואס זיי פארשטייען אז אויב מען וועט דאס נישט צושטעלן וועט זיין שווער צו שלעפן דעם ציבור צו די שטים בודקעס, דאן וועט זיך די טאון צושטעלן, אבער ביי דעם ענדיגט זיך דאס, די אינטערעסן פון די פשוטע טאון איינוואוינער אזוי ווי איך און דו אינטערעסירט זיי נישט, ווייל זיי ווייסן אז דער ציבור פאלגט ממילא דאס וואס די ריזיגע קאמפיין ליפלעטן הייסן.

יעצט האבן מיר די געלעגנהייט אריין צו וואוטן איינער וואס וויל יא הערן דעם סתם עמך איד'ס פראבלעמען, און דאס אדרעסירן.

איך קען 'וויליאם וועבער' נישט פון יעצט, ער איז א 'ראסיסט' קעגן דעם היימישן ציבור. זיך אין זיינע קאמענטארן.
(איך קען נישט זיין קעגנער)

פון ווי נעמסטו דאס, אדרבה Proove עס, ברענג עפעס א ראי' פון ערגעץ, מען קען נישט סתם אזוי זאגן וואס מ'וויל (אנטשולדיג מ'קען יא זאגן וואס מ'וויל, אבער ס'דאמירן בעלמא), בפרט אז עס איז סתם א ליגנט, און עס האט נישט קיין שום באזיס.

[אומאפיציעל]

יישר כח "רוצה לדעת" פאר'ן נעמען די קוראזש און ארויס ברענגן דאס וואס טויזענטער מאנסי'ער תושבים ווילן זאגן, און עסן זיך אויף דערויף.

איך האב נאר געוואלט מוסיף זיין, אז דער קאנדידאט "ביל וועבער" האט אין די טעג געהאט א "אינטערוויו" אין וועלכן ער ברענגט שיין ארויס זיינע פאליסיס און פלענער, און ענטפערט אפ די שקרים מיט וועלכע מען באשולדיגט אים, מען קען עס הערן אויף 559-726-1534.

נאכן אויסהערן דעם אינטערוויו און נעמען אין באטראכט אז פאקטיש איז נישט פארהאן קיין שום באווייזן אז דער קאנדידאט זאל זיין אן אנטיסעמיט אדער פרובירן עפעס שלעכטס טאן פאר אידן, אדער זיך אייסערען מיט מיאוס'ע אויסדרוקן קעגן דעם אידישן ציבור, און דער גאנצער קאמפיין איז נאר געבויט אויף זיין כלומר'שטע אנגעהערען זיך מיט "פרעזערוו ראמאפא" וואס ער לייקענט גענצליך אפ, זעה איך נישט קיין סיבה מורא צו האבן פון אים, און פארוואס מ'זאל נישט וואוטן פאר אים.

[איבערגאנג]

דער מאניטאר אויף וואס מ׳האט זיך געשלאגן האט געדארפט האבן א וועטא רעכט וואס דאן איז די ערוועלטע באורד גארנישט ווערט. די פשרה מאניטאר האט נישט קיין וועטא.

גוי איז אלץ געווען. זיי האבן געשריגן ער איז אונטער געקויפט.

[פאראינטערסירט]

יעדע שטיק צייט נאכאמאל, יא פאלגן עסקנים אדער נישט פאלגן.

איך אלץ דרויסענדיגער קוק עס אהן אזוי

מאנסי איז די איינציגסטע פלאץ צווישן אלע היימישע געגענטער וואס די איינוואונער קענען זיך נישט צוזאם נעמען באחדות און וואוטן פאר איינעם (כ'מיין צו זאגן אין א בלאק וואוט, לאו דווקא יעדער פאר די זעלבע קאנדידאט,)
מאנסי איז די איינציגסטע פלאץ צווישן וויליאמסבורג, בארא פארק, קרית יואל, לעיקוואד, פלעטבוש, צו אפי' אין די פייוו טאונס, וואס מ'איז אזוי צוריסן און צושפליטערט צווישען זיך,
יעדעס מאל וואס איינער וועט נאר עפעס זאגן בשם עסקנים, צו זאל עס זיין וועגן וואוטן, צו ווען זיי בעטן מ'זאל אונטער שרייבן עני פעטישן, וכדומה, וועט איהר זעהן דא אויף אייוועלט צו אויף אנדערע סייטס ווער ס'זענען די וואס שפרינגען אויף קעגן די עסקנים רוב מאל זענען עס די תושבי עיר התורה ד'מאנסי!!
(אפי' יעצט ביי די פרעזידענטשול עלעקשען'ס וואס אונזער שטימע מאכט זיכער נישט אויס, און די אישי הציבור האבן אינדארסירט קלינטאן, קוקטס ווער ס'זענען דעי וואס מאכן אוועק די עסקנים, ווער ס'זענען די וואס זאגן נישטא קיין עסקנים, מ'דארף נישט צוהערן צו די עסקנים וכדומה.)

מ'זאגט אז אין מאנסי זענען נישט פארהאן אמת'דיגע עסקנים, זיי מיינען נאר זיך, זיי זענען דעוועלעפער'ס און ווילן טוישן די זאונינג, זיי ווילן טוישן די אויסזעה פון מאנסי, ס'גייט זיין מער טרעפיק,

קודם כל דאס איז א שווערע באשולדיגונג אז עס זענען נישט דא קיין עסקנים וואס מיינען לשם שמים,
צווייטענס ווען די וואס שרייען טרעפיק וכדומה, קענען ארויף בויען ביי זיך אין בעקיארד, פארגעסט מען פלוצלונג פון די מאנסי לייף, שכנים, באסעס, טרעפיק,

און נאכאמאל איך געב נישט גערעכט פאר די דעוועלעפער'ס וואס בויען אום-לעגאל, און רעכנען זיך נישט מיט די אלט-געזעצענע שכנים וואס ווילן לעבן אין א שטילע רואיגע נעיבערהוד,
באט די אחדות אין מאנסי צריך תיקון גדול!!!
מ'שיסט זיך אליינס אריין קוילן אין די פוס,

דיסקלעימער: אני הקטן וואוין נישט אין מאנסי, איך האב נאר א שטיק צייט געטראכט פון מאפן אהין, די מענטאליטעט פון מאנסי האט מיר אבער זייער געשטערט.

נ.ב. אויב איינער שפירט זיך געטראפן ביטע מיר מוחל זיין

[יהודי]

איך פלעג אמאל גיין שטימען און מאנסי ביז איך האב געזען אז זיי מאכן סתם די גענאר פונעם ציבור זיי העלפן גארנישט די עסקנים מאכן סך הכל אסאך ערגער די מצב. איינער געדענקט נאך ווי מען קען לאזן מעסעדזשעס ? זיי האבן זיך קיינמאל זיך וויסענדיג געמאכט פונעם המון עם

[ר' יום טוב]

ביי איינע פון די פארגאנגענע וואלן אין מאנסי, דוכט זיך ביים "ווארד" רעפערענדום, איז געווען אזא איבערקערעניש דא אויף "אייוועלט" קעגן די עסקנים אז מזאל וואטן פאר YES, אז ס'האט זיך געקענט דוכטן אז רוב ציבור האלט אזוי.
ארויסגעשטעלט האט זיך אז דאס איז געווען די ארבעט פון איין יחיד. מ'זוכט נאך יעצט די שטימען פון די היימישע דיסטריקטס וועלכע האבן געוואוט פאר YES.

(אז דו ווי ווילסט פאר די רייט פרייס, לאמיר מאכן ביזנעס אינאיינעם...)

[מחותן]

עס איז אמת און שטארק מעגליך אז די דעוועלעפערס שטיפען אריין מער דירות ווי טייל מענטשן ווילען.. אבער די מציאות ווייזט אז קיין איין דירה בלייבט נישט ליידיג, מענטשן זיכען דירות ווי די צען ברעקליך ערב פסח, טא וואס איזמפשט ווייל דו האסט אהין געמופט אדער חתונה געהאט פינף יאר צירוק האבטו נאך א זכות דארט צו וואינען, אבער פון יעצט און ווייטער זאל מען פארהאקען די טויערן?!

מען האט אונז פיינט אין מאנרא, מען האט אונז פיינט אין ברוקלין, מען האט אונז פיינט אין לעיקוואד, מען האט אונז פיינט אין מאנסי, איבעראל ווי עס ווערט א קיבוץ אידן ווערט א שנאת ישראל, און דאס איז מחסד השם אז די אידן זאלן זיך נישט אויסמישען מיט די גוים, מיר קענן די שנאת ישראל נישט אוועק נעמען, און מיר קענן גאר נישט טיען דערצו, אבער מיר טארן זיך נישט שיסען אין די פיס און פארהאקען די געציילטע פלעצער ווי מען קען נאך יא בויען, פארפאלען זיין א חסידישער איד צווישען חסידים האט א פרייז אז מען וואינט מער צושטיפט, וועם עס שמעקט נישט האט די אפציע פון מופן, קיינער כאפט נישט קיינעם אן אינעווענדיג אז ער מוז דארט בלייבען.

עירמאנט מאכט יעצט א מאראטאריאם אז מען זאל מער נישט קענענן בויען, דארט איז נישט אזוי צושטיפט, און מען קען אהין מופן, עס אבער נישט קיין רעכט צו קומען מיט פאלטשע אגענדעס און פארשפרייטען בלבולים און פראבירען יעדעם שאדען צו מאכען צילוב שמאלע ענגע אינטערסן.

[פאראינטערסירט]

גראדע אז איהר רעדט פון עירמאנט'ס מאראטאריאם,

מפי השמועה

איז היינט געווען א מיטינג ביי די עירמאנט ווילעדזש באורד,

עס איז געווען א זעלטענע אחדות דארט אז עס זענען זיך צוזאמגעקומען איבער הונדערט אינגעלייט,
ב''ה מ'האט נישט געמאכט קיין חילול ה' מיט די זינלאזע צווישענרופן און שרייערייען אקעגן די שכנים אזוי ווי עס איז געווען א שטיק צייט צוריק ווען זיי האבן געוואלט אריינשטעלן א נאו פארקינג נייט טיים זאנע במשך'ן גאנצע יאר, און זיי האבן געמאכט א הירינג אין א גרויסע זאל (דאכצוך קראון פלאזא) וואס דארט איז געווען א אפענע רייבערייען און געשרייען צווישן די אידן און די גוים,

צוליב די גרויס געדרענג האבן זיי אפגעשטופט די מאראטאריאם פאר א צוויי וואכן ארום,

[טשאלענט]

ווייסט איינער צי אנ"ש קרית יואל וואוט פאר בנציון וויעדער ?

הער איך יעצט אז די חסידי מהרז"ל אין ק"י גייען וואוטן א קעגן ר' בנציון, קען דאס איינער קאמפערמען?
טאמער איז דאס אמת, פארוועם וואטען זיי?

[סאדאם חוסעין]

ווייסט איינער צי אנ"ש קרית יואל וואוט פאר בנציון וויעדער ?

הער איך יעצט אז די חסידי מהרז"ל אין ק"י גייען וואוטן א קעגן ר' בנציון, קען דאס איינער קאמפערמען?
טאמער איז דאס אמת, פארוועם וואטען זיי?

יא, עס איז דא נאר צוויי טשויסעס, אדער בן ציון אדער זיין קעגנער בראבענאק

[איינס צוויי דריי]

שכח מנהלים פארן עס איבערלייגן אין די ריכטיגע אשכול

[ר' יום טוב]

כ'שטיי ניש וואס מען ווערט אזוי בייז ווען מ'שרייבט מאנסי וואלן נייעס אין מאנסי אשכול.

אפשר קען מען גרינדן א באזונדערן אשכול פאר עקסידענטן אין מאנסי אויך?..