1) די סיטי פילטערט נישט קיין וואסער משא"כ די ווילידזש אוו קרית יואל יא, 2) די וואסער איז נאך פון א קוואל נאכנישט דערוואל פון די ריזיגע רעזעווארען פון אפסטעיט
בחצרות סאטמאר באריכטעד: הרחבת גבולי הקדושה אין סאטמאר - חודש ניסן תשע"ח: קרית יואל דערלעבט מיט סייעתא דשמיא היסטארישער לאנג-ערווארטעטער מאמענט; 18 יאר שווערע הארעוואניע קומט צו רעאליטעט! מעכטיגער "וואסער-פייפליין" אריין אין קראפט הזורעים בדמעה ברנה יקצורו: בלוט און שווייס פון אכצן יאר הארעוואניע ווערט בס"ד א רעאליטעט, ווען פאזע #1 פון מאסיווער "וואסער-פייפליין" פראיעקט גייט אריין אין קראפט בשעטו"מ | פארבינדונג פון נייע שטורמישע וואסער-קוואלן אין קארנוואל צו קרית יואל'ס וואסער-סיסטעם ענדגילטיג אקטיוויזירט היינטיגן דאנערשטאג ער"ח ניסן; לאנגשטרעקיגע זיבן מייל פייפליין פליסט שוין ב"ה אומאויפהערליך מיט הונדערטער טויזנטער גאלאנען וואסער | פרעצענדטלאזע פאראויס-שטופ אין לינדערן קרית יואל'ס וואסער-געברויך מיט באלדיגע פאזיטיווע רעזולטאטן פאר ווייטערדיגע הרחבת גבולי הקדושה ביתר שאת וביתר עוז | אלס ערשטע שריט: אויפבוי פון פרישע 2,000 דירות באשטעטיגט בעז"ה | דבר בעתו מה טוב: באזונדערע ישועה מיט'ן אנקומען פונקט אין די ריכטיגע צייט צום יערליכן אנגעשטרענגטן ערב פסח וואסער-סעזאן
מזל טוב קרית יואל, ברוך שהחיינו והגיענו, כי עתה הרחיב ה' לנו! "ער"ח ניסן תשע"ח" וועט אריינגיין אין די היסטאריע פון קרית יואל און בלי ספק פארשריבן ווערן אינעם ספר דברי הימים מיט גאלדענע אותיות אלס אן היסטארישער תקופה מיט א ווייטגרייכנדער דערגרייכונג פאר'ן קיום פונעם עיר גדולה לאלקים בהוה ובעתיד בעזה"י, נאכדעם וואס מ'האט בסייעתא דשמיא דערלעבט דעם לאנג-יעריגן וואונטש און ערווארטונג ווען דער היסטארישער "וואסער-פייפליין" האט אנגעהויבן פונקציאנירן און איז אריין אין פולן קראפט בשעה טובה ומוצלחת. דעם היינטיגן דאנארשטאג פ' ויקרא, ער"ח ניסן, ביים שלוס פונעם חודש שמרבין בו בשמחה און ביים שוועל פונעם חודש אשר ישועות בו מקיפות, צייכנט קרית יואל אפ אן היסטארישער ווענדפונקט אין די לאנגיעריגע באמיאונגען צו לינדערן דעם וואקסנדן וואסער-מאנגל אין שטאט, בעת ס'איז ענדגילטיג און פאַקטיש אקטיוויזירט געווארן קרית יואל'ס נייע און גרעסטע וואסער-קוואל אין קארנוואל און די מאכטפולע פאמפ-סטאנציעס האבן אנגעהויבן זיך דרייען און מיט אַן אומגעהויערן קראַפט ארויפצושטיפן פרישע הונדערטער טויזנטער גאלאנען וואסער קיין קרית יואל דורך דעם זיבן-מייליגן וואסער-פייפליין. מער איבער דעם געוואלדיגן דערגרייכונג בחסדי הק' וועט אי"ה נאכפאלגן.
גארנישט אויסמאכן, דער עיקר גייט בענעפיטירן די בית השחיטה, שערי חמלה, מצה בעקעריי שע"י קיט"ל (מהר"א), מצילי אש (ליין: ל"ג בעומר הדלקה), און איך הער אז ביים סדר אויף צאנז קאורט גייען היי יאר זיין מער חתנים א דאנק די נייע פייפליין.
גארנישט אויסמאכן, דער עיקר גייט בענעפיטירן די בית השחיטה, שערי חמלה, מצה בעקעריי שע"י קיט"ל (מהר"א), מצילי אש (ליין: ל"ג בעומר הדלקה), און איך הער אז ביים סדר אויף צאנז קאורט גייען היי יאר זיין מער חתנים א דאנק די נייע פייפליין.