דער תהילים איד האט געשריבן:לכתחילה, דיין גאנצע ווערסיע איבער די אנהייב פון די יעצטיגע קאנפליקט פאסט פאר חזקיהו המלך! איך בין ערשטוינט ווי קעגן-די-מציאות מ'קען גיין כדי זיך צו האלטן מיט די רעכטע לאגער נאן-סטאפ.
1) אבאס איז בכלל נישט שוואך אין די מערב ברעג, אויסגעזויגן פון פינגער - 2) די שלום פון פאטאח און חאמאס האט קיין ברעקל געהינקעט ביז די מלחמה, הגם ס'איז נאכנישט געענדיגט אויסארבעטן די דעטאלן. אויב עפעס האנקערייען איז געווען א קליינע מחלוקה וועגן געהאלט פון עטליכע חדשים ביז אהער, וואס קאטאר האט דאס מסדר געווען דורכן זיך אנטראגן עס צו באצאלן (און נתניהו האט עס געשטערט דורך א יו.ען. רעזעלוציע, ואכמ"ל). 3) 4) 5) און אזוי ווייטער און ווייטער, כאנישט קיין געדולד.
דיין באהויפטונג אז עמיצער האט דא אנגענומען אז מ'זאגט ליגנט כדי צו מאכן די מדינה אומגערעכט, איז פאלש. נישט פון דעם איז די רעדע. נטרונא עסקן האט געשריבן אז ער לייגט אראפ די "אנדערע קוק ווינקל" וואס האט די זעלבע שאנסן צו זיין אמת ווי די צווייטע זייט, און סאטמארע אידן מעגן הערן דעם צד, כדי צו האבן א קלענערע נסיון.
און 'מיין' הויפט שאלה איז:
פארוואס רעכטע "דעמאגאגיע" ווערט הויעך אפלאדירט מיט גרויס שמחה "ווייל ס'איז גוטע ליצנות פון די לינקע", על אף וואס ס'איז אפט מאל שקר געמישט מיט דמיונות, אבער ווען עס קומט צו "דעמאגאגיע" - (אפילו אויב) - פון די לינקע זייט וואס איז בדרך אגב "גוטע ליצנות פון אונזערע שונאים די רשעי ישראל" ווערט מען אזוי היסטעריש אז ניין ניין ניין, ס'נישט אמת ס'נישט אמת.
ילמדינו רבינו.
איך האב נישט די מינדעסטע השגה וואס נטרונא זאגט אויף זייער פאון ליניע, איך קען ניטאמאל די נומער, אבער איך שטוין פון די פאקטן וואס האסט אראפ געשטעלט, ווען יעדער וואס האלט מיט נייעס ווייסט פארקערט.
איך באצי מיך צום פונקט וועגן אבאס און וועגן די כאמאס פאטאח שלום.
דאס אז אבאס'ס בענקל איז שאקעלדיג איז ווייט נישט אויסגעזויגן פון פינגער, און איך האב נאך קיינעם נישט געזעען שרייבן פארקערט.
יעדער ווייסט אז פאטאח'ס פאפולערסטע פירער זיצט אין מדינת ישראל טורמע און אבאס איז א שוואכלינג וועמענס בענקל הינקעט אינטער נישט פון היינט נאר שוין א לאנגע צייט.
צו זאגן אז שלום צווישן פאטאח און כאמאס שטייט שטארק איז גוט פאר א וויץ. 75 מאל האבן זיי שוין פראבירט צו מאכן שלום, און נישט נאר פראבירט, נאר שוין אינטערגעשריבן אפמאכן, און עס איז יעדע מאל באזונדער דורכגעפאלן.
צו ס'וואלט יעצט אנגעהאלטן איז שווער צו וויסן פון פאראויס, כ'בין נישט קיין נביא, אבער סיז גוט געשטאנען? זיי האבן זיך ווי אלעמאל ארום געאמפערט און ארום געקריגט.
©2012 קארנפעלד על. על. סי.
אלע רעכטן רעזערווירט