לאו אינקאם דירות אין וויליאמסבורג (אפגעטיילט)

[lebediger berel]

ווי איר ווייסט האב איך א שטארקע געפיל פארן ענין פון דירות סיי אין וויליאמסבורג און סיי אין בארא פארק וכו'.
בין איך געווען די וואך אין וומ"ס און כ'האב געדאווענט מעריב אין פאפא ביהמ"ד, און צו מיין שמחה האב איך געזען א מודעה איבער א טיי אווענט אין "קוק סטריט". און ס'האט נאך אויך געהאט פונקטליך דירעקציעס וויאזוי צו פארן אהין.
כ'האב מיך נישט געפוילט איך בין אהין געפארן, ס'איז היבש קאמפליצירט פון וויליאמסבורג אנצוקומען אהין ווייל אלע גאסן גייען פונקט אויף די פארקערטע דירעקציע. עכ"פ כ'בין אריין אין בנין.
עס איז מיר זייער נישט געפאלן די שטרענגע ווארענונגען פון די מענידזשמענט אז מען טאר "גארנישט" טוישן אין די דירה אפילו נישט קיין לעקטער אויפן דאך, און אויב יא וועט מען געבן א קנס און ארויסווארפן פון די דירה.
מיר ווייסן אז אין די פראדזשעקטס און אין בעדפארד גארדנס מאכט דער עולם גאנץ א שיין לעבן, און דא שוין אזוי ווילד ?
עכ"פ איך בין אריין צום טיי אווענט און געגעבן מיין צוואנציגער, זיך געלאזט אויפשרייבן אלץ "בערל לעווענשטיין" (די נענטסטע צו לעבעדיגער) און זיך אראפ געזעצט ווי א ברייטער מחותן.
וואס מיינט איר דער עולם האט גערעדט פונעם צוועק? א מכה, יעדער האט גערעדט פון וואס איך האב געוואלט הערן פון די דירות.
דער עולם איז געווען היפש דיסאפוינטעד אז פון הונדערט פופציג דירות איז אריין געקומען נאר צוויי און צוואנציג היימישע משפחות, און דאס איז שוין נאכדעם וואס מ'האט געזאגט אז פופציג פראצענט פון די אפליקאנטן האט געדארפט זיין פון די געגנט .
אויך איז ארויס געברענגט געווארן אז אין שעיפער ווי מ'האט געבויעט אויך בערך אזוי פיל "אפארדעבל" דירות (חוץ אפאר הונדערט טייערע דירות) איז אריין געקומען איבער פערציג היימישע משפחות און מ'האט זיך אפגערעדט צו דאס מיינט אז דער היימישער כח אין באקומען דירות איז פוחת והולך.
איך האב גראד אפגעשאצט אז דאס מיינט א שטוינענדע רעדוקציע פון פופציג פראצענט וואס דאס איז זייער אומבא'טעמ'ט.
איך בין אהיים געפארן קיין בארא פארק פון די מסיבה אין א בחינה פון "ויחד" איך האב מיך געפרייט צום עטוואס אויסשפרייטונג פון מיין געבורט שטעטעלע וויליאמסבורג. און ס'האט מיר וויי געטון די שוואכע רעזולטאטן.
מיר האפן צו הערן בעסערע נייעס.
צוריק צו זאזא, ווייסט איינער וואס איז געווארן דארט ?

[משמש]

ר' בערל, אלס איינער וואס איז געווען שטארק אקטיוו אין די קוק סט. דירות אקציע, קען איך אייך איבערגעבן ערשט-האנטיגע פרטים וואס וועט פארענטפערן אייער וואונדער.

פראגע: פארוואס זענען נאר אנגעקומען 22 אידען?

ענטפער: די 150 דירות וואס זענען געווען אין פלאן אויסצוראפלן, איז צוטיילט אין דריי באזונדערע בנינים, צוויי בנינים פון בערך 60 עיטש, נאך א בנין פון לערך 30.
איז אזוי, ווען די אידן האבן באקומען בריוו אז זיי האבן געוואונען דירות, האבן זיי נישט געוואוסט און נישט געקענט וויסן, וויפיל אידן וועלן זיין אין זייער בילדינג, ד.ה., לאמיר זאגן אז 50 אידן וועלן געוואונען, דארפסטו זיי צוטיילן אין דריי בנינים, ד.ה. 17 אידן אין עיטש בילדינג. נא, האט ער נישט געוואלט וואוינען מיט 45 גוים אין 15 אידן, האבן זיי אויפגעגעבן די דירות.

מה עשה הקב"ה?

די מענעדשמענט האט מדעת עצמם צוזאמענגעשטעלט אלע אידן אין איין בנין. דאס האט אבער נישט פאסירט פאר א גרויסער עולם האט אויפגעגעבן. ממילא, פון ווען עס איז געווארן קלאר אז די אידן גייען אינאיינעם, האט כמעט יעדער גענומען די דירה.
ס'איז אן אריכות, נאך שבת אי"ה.

[lebediger berel]

איך וויל שוין אויך צומאכן מיין קאמפיוטער לכבוד שבת קודש,
קודם כל שכח שמש זאלסט ווייטער אויפטון פאר אידישע קינדער און מען טאר נישט אויפגעבן נאר כסדר זוכן וועגן וואס מ'קען העלפן פאר אידן אין דעם שווערן דירות מצב.
וואס ס'געפעלט מיר אבער נישט נאכן ליינען דיינע שורות איז, אז אפילו לויטן גוטן שאצונג האט געדארפט צו זיין ארום פופציג אידישע דירות דאס מיינט איין דריטל, און ביי שעיפער איז אויך אזוי געווען.
דאן וויפיל קען מען שוין האפן פונעם בראדוועי טרייענגעל וואס לויט ווי כ'האב געליינט אין וואסינייעס דארף דארט זיין ארום 900 אפארדעבל דירות, אלזא פון 31 עיקער וועלן ארום דריי הונדערט אידן האבן ביליגע דירות (מאך עס נישט אוועק, ס'איז א געוואלדיגע זאך, יעדע איינצעלנע דירה איז מורא'דיג אבער לויטן פארלאנג, און לויטן גרויס פון די שטח) דאס מיינט דרייסיג אידישע משפחות פער עיקער ? איך פארפעל דא עפעס, ביטע קלערט מיר אויף, סייוויזוי גוט שבת צום ווידערזען זונטאג אדער מאנטאג אי"ה.

[lebediger berel]

סוי למדן זאגסטו אז זאזא איז שוין גאן ?

[lebediger berel]

משמש, איך האף שוין צו הערן פון דיר בקרוב ווייל איך האף אז איך בין מיך עפעס טועה דא, ווייל דער מצב ווי ס'זעט יעצט אויס איז נישט צו פויגל'דיג פארן עתיד פון מיינע וויליאמסבורגע ברודער.

[למדן]

סוי למדן זאגסטו אז זאזא איז שוין גאן ?

פונקט פארקערט, איך שרייב דאך אז פון די תשובות זעט מיר אויס אז ס'איז נישט קיין פראבלעם.

[lebediger berel]

מיט די תשובות בין איך אין ארדענונג, איך רעד מיטן דעוועלאפער, דו שרייבסט אז ער וויל בשום אופן נישט נאכגעבן, פון דעם רעד איך

[lebediger berel]

דא האב איך געזען אז ס'איז אזוי ווי כ'האב געזאגט, ער שרייבט ווי פאלגענד
If all 1,851 units were built, 844 of them would have to be moderately priced
יעצט אויב רעכנט מען אויף א גוטע ענדע (אזוי ווי ביי שעיפער, אדער אזוי ווי מ'האט געוואלט ביי קוק) רעדט מען פון 281 היימישע דירות.
און אויב חלילה וועט זיך עס ענדיגן אזוי ווי ס'האט זיך למעשה אויסגעלאזט אין קוק רעדט מען פון די גאנצע 31 עיקער נאר עטליכע אכציג היימישע דירות פאר ביליג.
אוי רבוש"ע וואס וועט דא זיין.

[משמש]

א גוטן ר' בערל.

קודם כל, להבהרת הענין, די סיבה פארוואס אזויפיל מענטשען האבן אויפגעגעבן די קוק סט.דירות, איז בנוסף צו דעם אז מען האט נישט געוואוסט וויפיל אידן וועלן געוואונען, ווייל עס האט א מורא'דיגע חסרון: עס פארמאגט נישט א וואשער-דרייער, נאר, עס איז דא לאנדערי רום אויף די צווייטע פלאר.

צוריק צום ענין.

דאס וואס די זאגסט אז ווייניג אידן געוואונען דירות, טעות. זייער זייער אסאך אידן האב געוואונען אין קוק, מען האט פשוט נישט געוואלט גיין. פאר די סיבה, אדער אן אנדערע. אוודאי, היינט ווילן זיי שוין גיין, אבער דאן האבן זיי נישט געוואלט, וה"ה שעיפער.


די חילוק פון אלע ביליגע רענטאל לאטעריס ביז די בראדוועי טרייענגעל איז כרחוק מזרח ממערב.

שעיפער, קוק, האבן געדארפט געבן פאר לאו אינקאם צוליב דעם וואס זיי האבן געבויעט טייערע הייזער, אויף וואס די דעוועלאפערס דארפן צאלן גאר הויכע טעקסעס, און אין פארמאט פון א טעקס קרעדיט, גיבן זיי חלק פאר לאו אינקאם. זיי זענען נישט אינטערסירט צו וויסן ווער עס באקומט, וכו', ער טועט עס נאר ווייל ער מוז דאס טוען.

משא"כ די ב"ט, ווערט נישט געבויעט דורך א דעוועלאפער וואס איז מנדב א חלק פאר ביליג, נאר די גאנצע פראיעקט איז געצילט צו בויען לאו אינקאם דירות. ועוד, היימישע עסקנים שטייען אונטער די גאנצע געדאנק, און מאכן זיכער אז ווי מער אידן זאלן באקומען דירות.

[lebediger berel]

ווען מ'האט געבויעט שעיפער בין איך נאך נישט געווען אזוי "אבסעסט" מיטן ענין פון דירות, אבער אויב כ'געדענק גוט איז עס יא געווען א היימישע זאך מרישא לסיפא.
אויך זעט אויס אז דו האסט נישט געליינט דעם לינק וואס כ'האב אנגעפאנגען מיט די נ.י. טיימס, ווייל דו שרייבסט אנדערש ווי זיי, (מעגליך זיי זענען נישט גוט אינפארמירט).
איך האף אז דו ביזט אינוואלווד אין דעם אזוי ווי דו ביזט געווען אינוואלווד אין קוק סט. און דו וועסט ווייטער ארויסהעלפן דעם ציבור. חזק ואמץ.
נ.ב. אלץ דיין עסקנות אפילו האסט נאר איין איד געהאלפן איז עס א געוואלדיגע מצוה שאין לשער. כל המציל נפש אחת מישראל, וכו'. אבער אלץ דעם כלליות'דיגן מצב פון דירות אין ברוקלין (איך זאג דוקא נישט וומס, ווייל איך וויל מיין שטעטעלע אויך כולל זיין) זעט עס אויס זייער א שוואכע ישועה. עכ"פ לויט דעם נ.י. טיימס

[משמש]

ר' בערל, נאכאמאל, איר מישט אויס קוק-שעיפער מיט די ב"ט, אין די צייט וואס עס האט נישט קיין שייכות.

למשל, ווען דעוועלאפערס בויען לאו אינקאם, דארף גיין פאר די לאקאלע געגנט בלויז 50%, אבער די ב"ט, וועט זיין פיל א גרעסערע פראצענט לאקאל.

די שעיפער-לענדינג קאמפלעקס נעמט אריין א הויך שטאקיגע געביידע און איין קלענערע געביידע. אלע אידן, ווי אויך אלע לאו אינקאם טענענטס, וואוינען אין די קליינע. די הויכע געביידע איז א טייערע דעוועלאפמענט, אנשטאט צאלן טעקס, האבן זיי געבויעט א קלענערע לאו אינקאם בילדינג

[lebediger berel]

וואו, כ'האב נישט געוויסט דער ענין איז אזוי קאמפליצירט כ'האב יעצט שוין באקומען אפאר ה"פ בנוגע דעם טרייענגל, ווייסט אפשר איינער ווי מ'קען זען דעם פלאן ארגינעל, קען איך עס ערגעץ דאונלאודן אדער ליינען ?

[lebediger berel]

כ'האב באקומען ה"פ און כ'לייג ארויס דעם לינק
http://legistar.council.nyc.gov/Legisla ... 64EC4A2ED9
דא איז דער יסוד פון סיטי קאונסיל לגבי בראדוועי טרייענגל, און אונטן איז דא אלע דאטומען און יעדע דאטום האט א געוואלד מיט אינפארמאציע

[למדן]

מיט די תשובות בין איך אין ארדענונג, איך רעד מיטן דעוועלאפער, דו שרייבסט אז ער וויל בשום אופן נישט נאכגעבן, פון דעם רעד איך

אוקיי איך זעה שוין: צוויי אנדערע מענטשן האבן זיך דא געטראפן..

דו האסט געוואלט מגיב זיין אויף וואס 'צום זאך' האט געשריבן, ווייל איך האב בכלל נישט גערעדט וועגן דעם דעוועלאפער וואס ער וויל יא אדער נישט נאכגעבן. איך האב גערעדט וועגן דעם 'פראבלעם' פון א צואווארפענעם אויבן.

[ברוך]

אקעי. בעצם גלייך איך זייער ווי שיין עס ווערט דא אויסגעשמועסט צווישן בערל מיט משמש די ענין הדירות.

מיינע צוויי סענט נאר, איך וואלט סך ענדערש געגאנגען וואוינען ביי שעיפער אדער (נישט לכתחילה) קוק סט. טאקע ווייל מען האט עס געבויעט פאר א טייערע דעוועלאפמענט(ארטיסטן פוי) זענען זיי עפ"ר נארמעלערע מענטשן, מענטשן מיט א ציל, צופרי גייען זיי ארבעטען אא"וו
משא"כ ווען עס קומט צו די פראדשעקס אדער עס זאל נישט אויסגערעדט זיין ב"ט דרייען זיך דארט די נידריגסטע עלעמענטן מרישא ועד סיפא און סיי זענען די פראבלעמען.
דיסקלעימער: די דאזיגע פאר שורות איז געשריבן נאכן אויספאסטן און נישט האבענדיג פאר קיינעם צו זאגן מיין מיינונג. עס איז קיינעם נישט מחייב.

[יהיה כן]

אלס א געוועזענער פראדזשעקט איינוואוינער פאר יארן לאנג, אגרי איך מיט ברוך'ן הונדערט פראצענט!!
די זעלבע טענה האבעך גע'טענה'ט ווען מען האט גערודערט איבער די ארטיסטן וכל שום וחניכא דאית להו, און קיין פיפס נישט געהערט געווארן קעגן די עלעמענטן פון די פראדזשעקטס, קלעמענטע, וועלכע זענען לענ"ד פיל פיל ערגער, וביודעי ומכירי קאמינא

[צום זאך]

כ'וויל נישט יעצט אריינגיין בעובי הקורה אין דעם סוגיא, אבער איך דיסעגרי מיט ענק.

אויפן שפיץ גאפל: די מינערעטעט ספאנישע און שווארצע וועלכע זענען באזעצט אין די שטאטישע פארדזשעקט געביידעס - און אזוי אויך אין די עפארדעבל שעיפער געביידע - זענען טאקע נידריגע געמיינע גוים, זיי זענען מער א ריסק "בגשמיות" פאר אונז, אבער מיר לעבן אין א געוויסע דיסטענס פון זיי, זיי זענען פאר'מיאוס'ט ביי אונז, לעומת זה דער "בעסערע" ארטיסט קלאס-גוי, שטעלט מער אין סכנה אונזער רוחניות, זיי זוכן זיך צו באפריינדן מיט אונז, זיי רופן נישט ארויס אזא איבל ביי אונז, וואס ברענגט אוטאמאטיש א שטיקל נאנטשאפט צו זיי. ודי (וקצרתי במקום שאמרו לקצר.)

[יהיה כן]

כ'וויל נישט יעצט אריינגיין בעובי הקורה אין דעם סוגיא, אבער איך דיסעגרי מיט ענק.

אויפן שפיץ גאפל: די מינערעטעט ספאנישע און שווארצע וועלכע זענען באזעצט אין די שטאטישע פארדזשעקט געביידעס - און אזוי אויך אין די עפארדעבל שעיפער געביידע - זענען טאקע נידריגע געמיינע גוים, זיי זענען מער א ריסק "בגשמיות" פאר אונז, אבער מיר לעבן אין א געוויסע דיסטענס פון זיי, זיי זענען פאר'מיאוס'ט ביי אונז, לעומת זה דער "בעסערע" ארטיסט קלאס-גוי, שטעלט מער אין סכנה אונזער רוחניות, זיי זוכן זיך צו באפריינדן מיט אונז, זיי רופן נישט ארויס אזא איבל ביי אונז, וואס ברענגט אוטאמאטיש א שטיקל נאנטשאפט צו זיי. ודי (וקצרתי במקום שאמרו לקצר.)

איך האב נישט גערעדט דוקא בגשמיות, נאר אויך און בעיקר ברוחניות....., זייער התנהגות אויף די סטעפס און אין די האלס ואכמ"ל.......
איך זיך ווער ס'האט זיך באפריינדעט מיט די ארטיסטן............... (ווייסט אפשר איינער וואס איז אפשר אפגעפארן דורך זיי?, פון די אנדערע ווייס איך ליידער אסאך!!)

[צום זאך]

איך ווייס וואס דו מיינסט, אבער מיט די ארטיסטן איז אויך דא שטארקע פראבלעמען ברוחנית מטעם המבואר.

און לגבי דיין שאלה, ס'איז נאכנישט געווען קיין געלעגנהייט ס'זאל איבערצייגט ווערן, מ'וואוינט נאכנישט מיט זיי ממש, אין שעיפער וואוינט מען נישט מיט זיי אין איין בנין.

און נאכמאל, איך גיי נישט אוועקנעמען פון די גרויליקייט צו וואוינען אין פראדזשעקטט נישט ברוחניות און נישט בגשמיות, אזויפיל זאג איך אז ברוחניות איז דאס אויך נישט גוט.

[אלד וויליאמסבורג]

איך האב געפרעגט איינער פון די עסקנים פאר די בראדוועי שלש-קצוות, פארוואס (אויב ס'ליגט יא אין אידישע הענט) זאל מען נישט ארלעדיגן אז די שטאט זאל פארקויפן די דירות, ווייל למעשה די גוים וואס קויפן קען מען אמאל אויסקויפן, מה שאין כן ביים דינגן בלייבט אלעמאל א פראבלעם מיט דיסקרימינאציע.

די תירוץ געדענק איך נישט ווייל ס'האט נישט מספיק געווען די מחסורי

[צייטליך]

איך האב אפגעטיילט דעם אשכול פון "זאזא וויליאמסבורג". מ'קען דא ווייטער שרייבן איבער י לאו אינקאם דירות פון וויליאמסבורג. א שטייגער ווי די "קוק" און "שעיפער" און בראדוועי טרייענגעל.

[lebediger berel]

אפשר קען מען צוריק גיין צו די ערשטע לאו אינקאם דירות אין ווילי וואס האט יא מצליח געווען, די או די עי האט געבויעט אויף לינטש צווישן העריסאן און בראדוועי (דאכט זיך מיר פארקויפטע) דאס זעלבע האט די אגודה געבויעט דא אין בארא פארק ביי די זעכצנטע עוועניו.
אפשר ווייסט איינער פארוואס מען קען מער נישט האבן דעם פראגראם ?

[lebediger berel]

אינצווישן וואס צייטי האט שווער געארבעט דא אפצוטיילן האב איך אביסל געליינט אינפארמאציע וועגן די ב"ט איך האב ארויסגענומען דאס פאלגענדע:
די עקסטרעם שווארץ קוקער זאגן אז ס'וועט נאר זיין הונדערט פופציגע אפארדעבל דירות פונעם גאנצן פראזשעקט (עדות'שאפט פון קאונסיל פרוי דייענע פארנט פון די סיטי קאונסיל לענד יוס קאמיטע, ועוד מנגדים).
די מיטל מעסיגע זאגן אז ס'וועט ווארשיינליך זיין 5 6 הונדערט אפארדעבל דירות (ברוקלין 11211 דאט קאם)
די וואס זענען אין עקסטערעמע שטיצע פארן פראיעקט זאגן אז ס'וועט זיין קרוב צו ניין הונדערט אפארדעבל דירות (נ.י. טיימס המובא לעיל בשם התומכים).
יעצט וועל איך בעטן מיין פריינט המשמש זאל מסביר זיין פאר מיר און פארן עולם וואס דא גייט זיין בעסער ווי שעיפער, אז ס'וועט זיין מער דירות פאר היימישע אידן.
איך וויל נאך א מאל באטאנען אז "איין" איד צו העלפן איז א געוואלדיגע זאך און אז מ'העלפט הונדערטער אידן איז אודאי געוואלדיג.
איך וויל נאר זאגן אז לפום ריהטא איידער מיר הערן דעם משמש אויסרופן, וואלט איך גענומען דעם מיטעלן וועג צוויי מאל ד.מ. איינמאל וואלט איך געזאגט אז ס'וועט דא זיין ארום פינף הונדערט פופציג אפארדעבל דירות. און דערנאך וואלט איך געזאגט אז סוועט זיין אביסל בעסער ווי שעיפער (פשוט ווייל מ'לערנט זיך דאך פון דורכפעלער) און אביסל מער ווי א דריטל דערפון וועט גיין פאר היימישע חסיד'ישע אידן.
דאס מיינט ארום צוויי הונדערט און אפשר אביסל מער.
איך בין אבער צומישט אין מיר אליין צו דאס הייסט א אויפטו אדער נישט, כ'רעד לויט דעם סקאויפ פון דעם שטח און די שווערע ארבעט וואס די עסקנים און אפשר דו משמש אליין האבן דא אריין געלייגט (אז דו ביזט געווען העווי אינוואלווד אין קוק סט. גלייב איך אז מעגליך האסט דא אויך געהאלפן) אדרבה משמש העלף מיר ארויס.

[lebediger berel]

מעלדונג:
איך גיי בל"נ נישט ארויף לייגן פריוואטע הודעות, ווער ס'האט עפעס צו שרייבן בנושא זה זאל עס ביטע אליין ארויף לייגן, איך ווייס נישט וואס ס'איז דא זיך צו שעמען צו קאמענטירן איבער די נושא פון ביליגע דירות, יעדער וואס טוט דערין, אפילו נאר מ'רעדט דערפון דארף זיין שטאלץ.
איין זאך וועל איך יא דערמאנען, מ'האט מיר אריין געשיקט לשבח די "סאוטסייד" אקציע, ווי חסיד'ישע אידן האבן זיך אריין געריקט אין א פארטאריקאנער געספאנסערטע פראגראם, און דאס האט אסאך צוגעברענגט צו די אויסשפרייטונג פון ווילי, ויזכר לטוב הרב ??? ווערטהיימער וואס האט דאס דעמאלט דורכגעפירט מיט די פאראייניגטע הילף פון אלע וויליאמסבורגע עסקנים ומהם ילמדו וכן יעשו

[ברוקלין]

איך האב געפרעגט איינער פון די עסקנים פאר די בראדוועי שלש-קצוות, פארוואס (אויב ס'ליגט יא אין אידישע הענט) זאל מען נישט ארלעדיגן אז די שטאט זאל פארקויפן די דירות, ווייל למעשה די גוים וואס קויפן קען מען אמאל אויסקויפן, מה שאין כן ביים דינגן בלייבט אלעמאל א פראבלעם מיט דיסקרימינאציע.

די תירוץ געדענק איך נישט ווייל ס'האט נישט מספיק געווען די מחסורי

בראדוועי טרייענגעל איז צי פארדינגען? נישט צי פארקויפען?