וויאזוי קען מען גרעסער מאכן א בילד

[פויער]

איך האב א פיקטשער ווען איך מאך עס גרעסער ווערט עס אומקלאר
איז דא א פראגראם עס זאל בלייבן די זעלבע קלאר אפי' גרעסער
יישר כח למפרע

[פויער]

נו קיינער ווייסט נישט?

[scy4851]

לפי ידיעתי ווייס איך נישט אויב עס אז דא.
עס זענען אבער דא עקספערטען וואס טוהן פיקסען און טאטש-אפ ארבעט אויף בילדער.
זיי קענען אפשר טוהן פאר דיר וואס די ווילסט, אבער מען מיז זיין גרייט גוט צי צאהלען

[פאטאקי08]

מיין עקספיריענס איז דאס בעסטע וועג ווי פאלגענד
עפען די בילד אין "ווינדויאוס פיקטשער ענד פעקס וויוער"
מאך עס גרויס דארט מיטן פלאס סיין פון אונטען
דירק פרינט סקרין אויפן קיבוארד
און פעיסט עס אריין און מייקראסאפט פעינט
אדער מאך א "פי די עף" דערפון און זום עס און קאפי עס און פעיסט עס אריין און מייקראסאפט פעינט

אויב ניצט איר די ערשטע וועג און עס איז גרעסער ווי די סקרין
קענט איר דריקן פרינט סקרין אויף נאר א חלק פיקטשער און דערנאך עס צוזאםשטעלן און מייקראסאפט פעינט

[יגרסהדותא]

פאטאקי! WOW, אידישער קאפ. ס'איז מיר נישט איינגעפאלן אזא המצאה, יש"כ

[פויער]

שכוח פאטאקי

[scy4851]

שעכוח פאטאקי! א געוואלדיגע טריק!
אויב מעהאלט שוין דא, האסט אפשר א וועג וויא צי מאכען א נישט קלארעדיג בילד וואס כאב אזוי געקרוגען לכתחילה,
מער קלארער?

[שוועמל]

איך זעה נישט וואס די גרויסע המצאה איז, מיט פעינט קען מען אויך גרעסער מאכן און אזוי אויך מיט אלע פיק עדיטערס אן צו מאכן קאפי סקרין, אבער עס איז דאך נישט מעגליך צו נעמען 500 פיקסעלס אויסשפרייטן אויף א רעזאלושען פון 2500 און ס'זאל בלייבן גענוג קלאר???

לפי ידיעתי גרעסער מאכן אז ס'זאל בלייבן קלאר איז נישט מעגליך (ווייל די פיקסעלס צושפרייטן זיך ואכמל). די ריכטיגע וועג איז צו מאכן א גרויסע רעזאלושען און עס קלענער מאכן כפי הצורך.

[מיגו דאיתקצאי]

Here is a FREE online service to enlarge an image without losing the image quality

http://reshade.com/add

Sorry for my yiddish

[בונם דער טרעגער]

ווען איך האב א בילד און JPEG אדער PDF אדער און BMP פארמאט
און איך פרוביר עס מאכען גרעסער ווערט עס אזוי אום קלאר און "פאזי" עס פארלירט די שארפקייט

ווער קען מיר אויס לערנען ווי אזוי און וועלכע פראגראם צו מאכען גרעסער און קלענער מיט די זעלבע מאס קלאהרקייט..
ישר כח
בונם

[בןהרחמן]

געווענליך ווען מען פארגרעסערט סתם א בילד (וואס איז נישט קיין וועקטאר) פארלירט עס די שארפקייט, איך האב אבער געזעהן לעצטענס אז עס איז דא א פראגראם (עס איז מסתמא דא עטליכע פארשידענע, איך האב אבער געזעהן לעצטענס רעדן וועגן די איינע) עס הייסט VECTOR MAGIC וואס ער טוט נאך טרעיסן (TRACE) דעם בילד און ער מאכט איהם פאר א וועקטאר אז ווען מען פארגרעסערט עס זאל עס נישט פארלירן די שארפקייט, איך שטעל מיך פאר אז עס איז מסתמא נישט 1000 פראצענט אזוי קלאר ווי אן ארגינאלע וועקטאר פייל אבער בעסער ווי סתם אויסציהען איז עס זיכער, איך האב עס נאכנישט פרובירט ממילא קען איך נישט זאגן קיין רעזולטאטן, אבער קענסט פרובירן.

[mz1268]

דערבארדיגער
ווי קען מען טרעפן דעם פראגרעם?

[פאטאקי08]

מאך א פידי עף דערפון און זום עס און קאפי עס און פעסט עס צוריק און מייקראסאפט פעינט
און סעוו עס אלץ א בייטמעפ נישט דזשעי פעג

[שמערי בערי]

טרעיסן קען מען אין קארלע און אילוסטרעיטאר אויך. די שאלה איז נאר צו עס איז קלאר, קען זיין אז דער ספעציעלער פראגראם מאכט עס קלארער, אבער עס וועט לכאורה קיינמאל נישט זיין אזוי קלאר ווי א דשעי פעג.

[תמים]

איז דא א וועג ווען מען ZOOM ט א פיקטשער אויפן בלעקבערי אז עס זאל בלייבן ווייטער קלאר

[משה בערגשטיין]

עס איז דא זייער אסאך פלאגאינס אויפן וועב צו מאכן גרעסער בילדער, אבער הער אויס וואס פראפעשנעלס זאגן: קיין איינס איז גארנישט ווערד! איינמאל א בילד איז קליין איז עס א מעוות לא יכול להיתקן.

[שמערי בערי]

ריכטיג, משה

[bilke]

נישטא אזא זאך!
מעג עס ווערן א וועקטאר, דעמאלס וועט עס זיין שארף, אבער נאך אלץ נישט קלאר.
די הסבר איז פשוט, כדי סזאל בלייבען קלאר דארפסטו צולייגען אינפארמעישן, וואס עס איז מלחתכילה נישט אפגעכאפט געווארען.
פונקט ווי די קענסט נישא אויסציען א בילד צו קענען זען א מענטש וואס איז געשטאנען אביסעל זייטיג און איז נישט אריינגענימען געווארען אין בילד.

איך קען מער מאריך זיין, אבל המשכיל יבין.
ובזה אצא מכאן.

[בונם דער טרעגער]

מאי הוה עלה ?
און ADOBY קען מען יא?
ווי איך פארשטיי דא פון די מומחים דא - אז א JPEG קאן מען יא איז דאס ריכטיג ? ווי אזוי

און אויב אויף COREL קען מען

ווי אזוי מאכען דאס די גרעפיקסערס -די וואס מאכן עדס פאר די צייטונגען ?

[reb yid]

בונם! וואס האט בילקע געשריבן... איך קען מער מאריך זיין , אבל המשכיל יבין.

זי זענען אפשר א משכיל? חס וטשאלענט!!!

די גראפיקערס הייבן נישט אן מיט א בילד וואס איז אינטער 1מעגא בייט!

נאכאמאהל! א JPG מיט א שוואכע רעזשאלושען, קען מען נישט שטערקער מאכן אפילו מיט'ן צולייגען פיקסעלס.
ובזה אצא מכאן.

[bilke]

אליבא דאמת קען איך מער נישט שרייבען, כמ"ש לעיל שאצא מכאן, מכח גרויס לחץ מאנשים בעלי אינטרסים, ואכמ"ל ודי.
אבער איך וויל נאר אויסדריקען מיין שמחה אז לכה"פ איינער האט יא פארשטאנען, וכידוע אז צוליב נור איין מאן א חכם ונבון איז אויך הכל כדי וכו.
ויותר אין להאריך, והקב"ה שנותיו יאריך

[reb yid]

בילקע! נעמט אייך נישט צום הארצן, ווען איינער פארשטייט נישט, ער איז א יומען ביאינג!

איך האף אז אייער אשת חיל פארשטייט איייך, יא!
ווייל ווען נישט וואלסטו געזאגט "ובזה אצא מכאן." (ח"ו)

[פארצייטישע]

איך ווייס נישט אויב ס'איז סתם עמ'הארצעדיג אדער ס'קען העלפן איינעם, אבער איינער האט מיך אמאל געזאגט אז אויב מ'האט א בילד וואס איז זייער heavy קען מען עס מיט די פעינט פראגרעם קלענער מאכן און ס'נעמט נישט אוועק פון די קלארקייט.

פאר א דוגמא וועל איך שרייבן וואס איך האב יעצט געטוהן, איך האב געעפענט א בילד פון 2.33mb אין פעינט, און איך האב גענומען די pencil tool און געמאכט א קלייינע פינטל אויף א פלאץ וואס איז סיי ווי שווארץ, און נאכדעם save איך עס, און ס'איז געווארן צו 993kb.

ס'איז אפשר נישט אזא גרויסע נפקא מינה, אבער אסאך מאל קומט עס מיך צוניץ, ווייל פעינט עפענט זיך אויף זייער שנעל.
און אויב איך דארף מאכן די פייל נאך קלענער גיי איך דארט אין פעינט צו image און נאכדעם צו stretch/skew און ביי stretch מעק איז אויס 100 פראצענט און איך לייג אריין א קלענער פראצענט [מ'דארף זיין זיכער צו מאכן סיי די הייעך און סיי די לענג די זעלבע פראצענט, אז נישט ווערט עס אויסגעצויגן אדער צאמגעצויגן] אבער דאס נעמט שוין יא אוועק די קלארקייט. [למשל איך האב יעצט גענומען די אויבן דערמאנטע בילד און אריינגעשריבן ביי stretct 70 פראצענט און די פייל איז געווארן קלענער צו 537kb, און ס'איז נאך זייער קלאר]

[פעפער]

איך גלייב אז דאס איז אלעס פיין און וואויל ביזן פרינטען...
האסטו שוין אמאל געפרינט נאכן ציקוועטשן און פעינט? אדער מיט הרב פאטאקי'ס המצעה?
לויט ווי איך פארשטיי איז דא גענוג פיקסעלס אראפציגיין ביז 72 די. פי. איי. אבער פאר פרינט ווערט עס א שוואכע רעזעלאטשען (אויב איז עס פאקטיש אנדערש קלערטס מיך אויף)
אויב ווילסטו איז דא א פלאג-אין פאר פאטשאפ וואס איז געמאכט געווארן אויפציבלאזן עס הייסט טאקע אט אזוי "בלא אפ"
http://www.alienskin.com/blowup/index.aspx
איך האב עס אמאל גענוצט עס איז א סאך בעסער ווי כ'האב געמיינט עס וועט זיין עס איז אבער נישט 100%
איך מיין אז מען קען דאון-לאדען א טרייל אויסציפריווען

[למעלה משבעים]

מעג איך פרעגן אן אמעראצישע קשיא?
איך ווייס נישט אויב איך האב ריכטיג פארשטאנען די שאלה מיט די תשובות דא, אבער דאכט זיך מיר אז דא רעדט מען פון די זעלבע שאלה, דאכט זיך דארט איז מען יא אויפגעקומען מיט אן עצה, ניין?